عراب الصحراء
13/01/2011, 05:29 AM
ياقلب خلك لاتكلف بالاوهام*حذراك من قرب النفوس السقيمه
كم ليلةً وانا معك فكر والهام*والفكر غيم وهاجسي غيث غيمه
اسري وتسري في خلا مابه حيام*ولاتفهمك غير العقول الفهيمه
وان كنت تبغا ما ستفدته بالايام*عندي على وقت الشدايد عزيمه
اصبر على مر الليالي ولا انضام*وياعزتي للي بكى لجل ضيمه
اعرف طريق الصح والعز قدام*واليا بغيت الحق نفسي كريمه
امشى مع الطيب على رفقة حشام*ومن رفقتك تعرف لك الناس قيمه
ولاني مخاوي كل نذلً ونمام*هذا الردي خله يذب الخريمه
القلب باللي ماضين بالزمن هام*رحت اتفكر بالوقوت القديمه
السحب تمطر غيث لبيوت وخيام*والارض تنبت خير ماهي عديمه
والرجل في نفسه عن الهينه شام*ولأهل الوفا والطيب قدر وحشيمه
واليوم صارت بين بايع وسوام*وغش النديم بسلعته مع نديمه
كن البشر بنفوسها صابها هيام*والذيب صار اليوم مثل البهيمه
ياقلب هيد ولاتطالع للاوهام*هذي ذنوبي في يدنً رحيمه
عند الله الرحمن عالم بالارحام*متى على الله تسقي القلب ديمه
كم ليلةً وانا معك فكر والهام*والفكر غيم وهاجسي غيث غيمه
اسري وتسري في خلا مابه حيام*ولاتفهمك غير العقول الفهيمه
وان كنت تبغا ما ستفدته بالايام*عندي على وقت الشدايد عزيمه
اصبر على مر الليالي ولا انضام*وياعزتي للي بكى لجل ضيمه
اعرف طريق الصح والعز قدام*واليا بغيت الحق نفسي كريمه
امشى مع الطيب على رفقة حشام*ومن رفقتك تعرف لك الناس قيمه
ولاني مخاوي كل نذلً ونمام*هذا الردي خله يذب الخريمه
القلب باللي ماضين بالزمن هام*رحت اتفكر بالوقوت القديمه
السحب تمطر غيث لبيوت وخيام*والارض تنبت خير ماهي عديمه
والرجل في نفسه عن الهينه شام*ولأهل الوفا والطيب قدر وحشيمه
واليوم صارت بين بايع وسوام*وغش النديم بسلعته مع نديمه
كن البشر بنفوسها صابها هيام*والذيب صار اليوم مثل البهيمه
ياقلب هيد ولاتطالع للاوهام*هذي ذنوبي في يدنً رحيمه
عند الله الرحمن عالم بالارحام*متى على الله تسقي القلب ديمه