القيض طرف وانجلى الهم والضيم

[حيمود]

السلام عليكم

اخواني ..بمناسبة قرب ظهور سهيل ..(يا حبني له ) وهبايب الشمال ..والبراد والكشتات

اهديكم هذه القصيدة ..

واتمنى تعجبكم ..



القيض طرف وانجلى الهم والضيم=واسهيل يلعج مثل قلب الذيابه
وهب البراد وغابت الشمس بالتيم=واللي نوى المقناص ولم زهابه
والمزن ركب وارعدت وامطرت ديم=وسالت جميع الاودية والشعابه
سالت من التنهات الى روضة خريم=ثم انحدر يم الحفر واللهابه
وتعاقب النوار في مرتع الريم=ومحاجر الصمان سيل وغابه
يا ما حلا في حاجر فيه خمخيم=نشب ضو مثل نار الحرابه
والكبش جيب وعلق الكبش بالسيم=وثور دخان الجو مثل السحابة
في مجلس ما فيه عوج ولا هيم=نقوة عيال كلبوهم قرابه
ونور القمر يسطع ورى المزن والغيم=واللي قعد بالدار لاواعزابه



تحياتي للجميع

[السرحان]

صح لسانك
لاعدمناك وتسلم ايدك
وتشكر على الهديه الجميله

[حيمود]

وهو الشاعر / ناصر العركي

ومشكور اخوي السرحان ..جعلك سالم وكل من تغليه من كل شر

والحمد لله انها اعجبتك ..

وتستاهل اكثر يا الغالي

مشكور اخوي

[عاشق الصحراء]

رائعة :good:

و شكرا على الاختيار الراقي.

و لك خالص الشكر.

[خوي راعي كيف]

قصيدة ممتازة ورائعه وكاتبها اروع

والقصيدة هذي والله اني اتمنى اعرفها بس كنت ماعرف الا الشطر الاول بس سبقتنا فيها .

وجابك الله يابعد قلبي ياحيمود وعرفتنا فيها.

لكن الله يعطيك العافية واختيار رائع


وابستأذنك اخوي ابخليها توقيع

[السـبار2]

اخوي حيمود

قصيدة راااااااااااااائعة والله انك شوقتنا للبر


يدل على اختيار وذوق رائع ( بس وهقت نفسك الحين بيقولون لك جهز الجيب بنطلع للبر ) :D

انا متابع لمواضيعك الشيقه





أخوك ((( السبار 2 )))))) amt سابقا

[حيمود]

السلام عليكم

عاشق الصحراء

الشكر موصول لك اخوي ..

كلك ذوق ..

تحياتي

=====================

اخوي راعي كيف

كلامك اسعدني ..وانشرح به صدري ..

الحمد لله انها نالت على رضاك

والله يعافي من قالها ..وما انا الا ناقل لها

واخوي غالي انت تامر ما تطلب ..

وهي لها الفخر يوم تكون توقيعك ..

((اللـه يجيــــــــــــبك يالشتاء )) .........بعد قلبي فاااااااااهمني

تحياتي

===================

هلااااااااا وغلاااااااااا

وانا اقول وين راح هالطيب ..منزل ..قصدي اسم مبارك وعساه فال خير عليك:D

والرااااااائع انت ..وطيبة

والبر ..والكشتات جاية باذن الله هذا سهيل ..بان في السماء وهبايب الشمال تصفر في الاذان
:D
الله يجيب ..السيل والربيع ..قل امين
ولا يهمك ..ابشر بالكشته والوناسة ..وسعادة الصدر

بس هاه لا تهون
<======== لزقة ..نوع الاسد

مشكور اخوي ..وجعل هالضحكة دوم ما هي يوم


تحياتي

[حيمود]

:D
كن وده يقول شيء
:j

http://www.mekshat.com/vb/images/frames/10_cur.gifhttp://www.mekshat.com/vb/images/frames/10_cul.gif

القيض طرف وانجلى الهم والضيم=واسهيل يلعج مثل قلب الذيابه

http://www.mekshat.com/vb/images/frames/10_cdr.gifhttp://www.mekshat.com/vb/images/frames/10_cdl.gif

[جرير]

صح لسانك
والله يرزقنا واياك بالغيث
وكل عام وانت بخير

[يوسف الخليفة1]

صح لسانك أخي حيمود وحياك ربي

[مقدور]

الله يعطيك العافيه يارب وصح لسان قايلها وسلمت يمينك على النقل والاختيار الرائع