اللي عنده خبرة بخيمه الشعر يعطيني اقتراحاته

[هايم بالزمن]

السلام عليكم ورحمة الله وبركاته
حي الله الجميع كلا باسمه
مدري وين اطرح الموضوع بهالمنتدى الراقي
قلت اسدحه هنا :)
انا مسكت معي بركب خمية شعر ( بيت شعر )
باحوش البيت >> اكيد بالحوش اجل بغرفتك هع
المقاس اللي ابيه تقريبا 4في 4
قلت بشوف رائي حبايب قلبي وش عندهم اقتراحات
مثلا نوع القماش
السدو
المدخنة
والوجار
وبرضو التكييف نستفيد منه بالصيف
وغيره مما يلز بيت الشعر
واستفيد منكم
وبعد السعر << اهم شئ الدراهم هع
يعني ما ابي سعر يكون مرتفع
ابي كويس ورخيص هع
ومن يسويه بالقصيم
ولكم تحياتي

[جرير]

الله يحييك
واعتقد مكان موضوعك المواضيع المتنوعه
لكن تبي رايي غير الفكره وترى من تجربه لي والخيار لك..
اذا كان البيت لك يعني ملك ابعد عن بيوت الشعر والخيام تكلفه عاليه دون فائده وبعد فترة تضطر لهدمه والعمل من جديد.
الافضل ان تبني لك ملحق اي غرفه مهما كان مساحتها سعرها معقول وجوده عاليه ولا تتجاوز 10000ريال طبعا حسب رغبتك ولتكييف ايضا افضل
والان توجد ديكورات ممتازه بالبويه والجبس اشكال طيبه

[ابو فهد 2004]

كلام المشرف الغالي ابو احمد ممتاز وكثير بدلو بيوت الشعر بالملاحق او البنا
واللي اعرف في محلات بحفر الباطن يصلحون بيوت الشعر ويون لمك يركبونها
اتمنا اني افدتك لك مني كل الاحترام

[عليم العطش]

اذا صملت على الخيمه والا البناء عليك بالوجار اللي يصنع عند ورشه الشاطي بالدوادمي فهو نوع لايعلى عليه
لادخان ولايسود السقف وعملي جدا يعني لن تحصل افضل منه مهما دورت وبحثت
رقم الشاطي
016422275
0503413556
لاهنت

[النبع الصافي]

بيت الشعر غير عملي وغالي
انصحك بملحق بناء لك وللزمن
موفق

[باني]

عندي في البيت بيت شعر وسقف قرميد 4في 4 ..
بعد التجربة لمدة أربع سنوات تقريباً .. تمنيت لو أني جعلته بناء وليس بيت شعر .
يعني الجدران بلك والسقف لا بأس يكون قرميد ..
ياخي بيت الشعر أحس أن الأمان من الحريق فيه =صفر . بعكس البناء