وش احسن السحب بالدبل الخفيف او الثقيل

[* ابو باسل *]

خبرتكم ياهل الخبره اذا حصلتو واحد مغرز وانت سياراتك دفع رباعي
وتبي تطلعه من غرازه وتسحبه وش احسن شي على شان تريح موترك تسحب وتعشق الدبل الخفيف والا تعشق الثقيل على طووول وتسحبه وهل احد منكم واجه مشاكل بعد ماسحب سياره مغرزه او متعلقه بدبل سيارته .

[التعـ King ـديل]

على حسب المنطقه ونوع السياره اللي بتسحبها اللي مغرز فيها والاغلب الناس تستخدم الثقيل

[عطيب ومايغيب]

اخوي يختلف السحب من جيب الى اخر ولاكن الافضل والمناسب لكي تأكد ولاتظغط على الموتر با الدبل الخفيف..والجيب يكون باريوس افضل بكثير ولا يظره ان شاء الله

[Alfahad2]

شوف ونا أخوك بنسبة لي أنا اذا حصلت احد مغرز اسحبة بثقيل واطق زر القلص الي بالقير
وبركادة موبقوة تضر القير والدبل
هذ بنسبة لي ما أدري انا صح او غلط لكني جربة الخفيف مايطلع من التغريز هذا في الطعوس طبعاً

موتري يوكن 2007
وتقبل مروري

[volcano]

اي سيارة دفع رباعي في الــــــــــــعـــــــــــــــــــــــــــــالــــ ــــــــــــــــــــــــــــــــــم يجب استخدام الدبل الثقيل اثناء السحب حتى لو كان وزن السيارة المغرزة ريشة واقرا كتيب اي سيارة دفع رباعي وبتتأكد من كلامي .

[فهد 333]

انا دائما اسحب بالثقيل
والحمدلله الى حد الان ماصار معي شي
مع ان موتري تماتيك ابد اذا وقف وقف
مو مثل العادي تدعس لين تحرق الدنياء

[شيخ الرعوجي]

خلك على الثقيل ولا على الموتر الا العافيه بإذن الله بس ((((((((((( لا تسرع على الموتر ))))))))))))

[آخر العنقود]

لا تسحب أحد الا بالثقيل فقط ....

[شمالات نجد]

السحب بالثقيل

وابعد عن النتع

سلام

[لحظةوداع]

المتعارف عليه عند أهل البر والطعس الثقيل

[أطلال نجد]

الثقيل أريح للدبل

[بو خليفه]

الثقيل يعنى على L

[الحزوبر]

الثقيل لانه مخصص للسحب حتى في دليل القياده والثقيل خطير على القير العادي لانه يحترق الكلتش .

[ALMoooBD3]

السحب بالدبل الثقيل فقط .. لان الخفيف يحرق الكلتشات

بالتوفيق,,

[alcobra2000]

المتعارف عليه عند أهل البر والطعوس الثقيل اريح للقير

وبالتوفيق

[ابوصالح77]

إسحب بالثقيل

[أبوسعد111]

بالثقيل طبعاً :good2:

لان الدزق والكلتش يكون ماسك بقوة مع الثقيل بعكس الخفيف
والأهم:
أن السحب يكون على خفيف
وكذلك اسحب حتى إذا قرب الواير ينشد حط رجلك على الكلتش علشان لاتأثر على القير والكلتش

هذا مايحضرني

دمت بحفظ الرحمن

[الماهر1]

خذ الكلام مني وانا اخوك الدبل الثقيل لاتستخدمه الا في حالتين:
الاولى : اذا انت كنت مغرز وتحتاج تطلع
الثانية: اذا في سيارة مغرزة تغريزة جامدة تستخدم الثقيل, اما اذا التغريزه عاديه فاستخدم الخفيف
لان الثقيل مو مصمم للمشي هو صمم عشان تطلع من التغريز وبس بعد كذا تفصله فورا وماتمشي في مسافه

[يريور عيمان]

لا تسحب احد بالدبل الخفيف ابدا ابدا
الكلتش بتفوح ريحته على طول اذا سحبت حد بالخفيف
الثقيل مصمم للسحب و الخروج من التغريز

[* ابو باسل *]

بيض الله وجيهكم جميع وحنا ناخذ العلم من هله وفي انتظار الجديد من الارى والتجارب .

[* ابو باسل *]

000000000000000000

[االعاصوف]

انا اذا سحبت احد مغرز بثقيل والدفلك اريح لموتري وانشط

[ابومشعل111]

لللللللللللللللللا تسحب احد الا بالثقيل ---- وشكراً

[barracuda]

الدبل الثقيل
لانه يريح السياره في السحب

[بررق]

السحب بالثقيل

[ابرق المستوي]

للأهمية / السحب بالدبل الثقيل علشان سلامة السيارة سحب على خفيف لا كن البعض يتل الموتر تل وهذا خطأ

[غاوي رومانس]

انا مااستخدم الا الثقيل في سحب السيارات

حتى لو كانت التغريزة بسيطة

وسلامتك

[Abo gssar]

السحب بالثقيل وهذا امر بديهي عند اهل الجيوب
اما بخصوص استخدام الدبل الثقيل له عدة استخدامات ذكروها الاخوان ومنها اذا كنت نازل مع منحدر شديد جدا ماتقدر تدق فرامل فيه لان السيارة راح تزحلق وماتقدر تتحكم فيها عشق الدبل الثقيل. طبعا غير الطعوس

[* ابو باسل *]

بارك الله فيكم استفاد الجميع من المعلومات القيمه وتجاربكم .

[ليزر 97]

الثقيل أفضل للدبل اوريح للقير ولكن انتبة من الكارثة *النتل* وما ادراك ما *النتل *
أخوي اعدم جرم الدبل بسبه * لنتل * انكسر جرم الدبل * لأنة مصنوع من مادة زي الزهر
ونصيحة ما تسوي فيها المنقذ لان فية ناس واجد سياراتهم صغير وتلقاهم يطعسون بهبال ويغرز
ويبدا يأشر لرايح والجاي طلعوني ويفزعون لة ويطلعونه ويرجع يطعس ياكثر مانلقاهم بالثمامه
ولله أني لقيت مره بالثمامه جمس صالون بدون دبل مليان عايلة واكثرهم حريم الساعة 11 بالليل
ليلة خميس مغرز *مثولث * يعني حلني متي بيطلع وفزعنالة وطلعناه بعد التعب ويوم طلع
راح كمل تطعيسة هذا وش ودك تسويلة بعدها قمت أراجع حساباتي عفوا علي الاطله

[سوبر152]

بالثقيل فقط

[ماجد105]

عليك بالثقيل وبالريوس

[Bader-M]

وعليكم السلام

السحب بالثقيل و القير يكون على النمرة 2 وليس 1 ولا تتجاوز سرعة 40 كم

[عبدالرحمن السالم]

والله شف بالنسبة لي على حسب التغريزه ، اذا هي رباضه لا والله بالثقيل اذا هي خفيفه وشي بسيط لا والله بالخفيف ، طبعاً الافضل بالثقيل بحكم انه يريح السياره ، لكن بالنسبة لى على حسب التغريزه والسياره إلى بسحبها.

[ابوسعد2010]

المتعارف عليه عند أهل البر والطعوس الثقيل اريح للقير