جنط 17 كيف

[Waleed1]

السلام عليكم

ودى أسأل عن الفرق بين جنط 16 وجنط 17 وش الفرق فى التطعيس أذا جدلاً أستخدمنا للحجمين من الجنوط نوع واحد من الكفرات، وسمعت أن 17 أحسن على الاسفلت اللى عندة معرفة لا يبخل علينا وشكراً

[Waleed1]

السلام عليكم

أفا واللة ماهى بهى، ولا أحد عطانا وجة مع العلم أنة موضوع مهم

[غضنفر]

17 ما يصلح للتطعيس لأنه ما يخلي الكفر يفرش على الجنط بعكس 16
والدليل شف اهل الاند والربع الي غاوين تطعيس وش يركبون جنط لكسز مقاس 16

[ابومناحي]

كل ماصغر الجنط والكفر كل ماكان احسن للتطعيس حتي الكفرات الصغيره والعريضه بالطرق الطويله ممتازه

[نقا خريم]

[B]اضم كلامي الى رأي الاخ blak bath

[sony2000]

جنط 17 احسن للخطوط
لان ارتفاع الكفر يكون قليل
ومع السرعه لو حصل بنشر باذن الله ما يكون فيه خطر

بعكس الجنط الصغير يكون ارتفاع الكبر كبير
ومع البنشر يهبد الموتر ويعرضه لخطر الانقلاب


اما الرمل مافيه شك 17 ما ينفع ولا بقرش

[حرباش]

والله يا اخوان انكم حيرتوني

اذكر مره كنت معزوم في مخيم احد الشباب والمنطقه اللي المخيم فيها لك عليها ، وغلطت بالطريق وجيت من ورى المخيم واستخفو اللي فيه ((( لاني جايهم بمكسيما ))) :D وممشاي كان جدا عادي وعلى اقل من مهلي .

المهم سوولي سالفه انت يالجني كيف جيت وكم منسم قلت لا نسمت ولا شي بس ان جنط السياره عريض ومقاسه 17 :p وكنت ملاحظ ان الجنط ماشالله مايحفر على الرغم ان ثقل السياره كله قدام ودفعها امامي ولا تنسون انها سياره صغيره ونازله .


بس انتبهو احد يطبق الحركه :no2: وشكلها جت معي سهلات ذيك المره :cool:



تحياتي لكم
حرباش ;)

[مرقاب الشرق]

المقاسات هي برتفاع الكفر ولا بعرض الكفر ؟؟

[هوى]

معلومه :
كل ماصارت المسافه اللي بين الجنط والأرضيه (الزفلت) بعيده كل ماكان استخدامه في البر أفضل وهكذا ***
كل ماصارت المسافه اللي بين الجنط والأرضيه (الزفلت) قريبه كل ماكان استخدامه في المدن والطرقات أفضل وهكذا ***

[Waleed1]

السلام عليكم

كل عام وأنتم بخير وعساكم من عوادة، أشكر جميع الاخوان على المشاركة وجزاكم اللة خير وشكراً

[الـمـطـيـري]

ارتفاع الجنط والكفر افضل للتغاريز

[مرقاب الشرق]

المقاسات هي برتفاع الكفر ولا بعرض الكفر ؟؟
المقاسات هي برتفاع الكفر ولا بعرض الكفر ؟؟
المقاسات هي برتفاع الكفر ولا بعرض الكفر ؟؟
المقاسات هي برتفاع الكفر ولا بعرض الكفر ؟؟
المقاسات هي برتفاع الكفر ولا بعرض الكفر ؟؟

[Waleed1]

السلام عليكم

شكراً أخوانى شكراً اخوى فراس نعم كلام صحيح، عموماً شركة أرامكوا السعودية تمتلك أسطول جبار من السيارات الثقيلة التى ولازالت تبحر فى بحر صحارى الربع الخالى، من نوع كنورث عاد القديم منها أفضل من الجديد، الشاهد فى الامر أذا نظرت الى جنط سيارات الكنورث تجد الكفر كبير جداً والجنط صغير جداً وهذا يدل على أهمية ارتفاع جدار الكفر.

شكراً للجميع

[كليجا]

اللي يبي يعرف يعرف مقاس الكفر الزين للتطعيس يناظر للقراند شروكي !!!
مقاس الجندط 17

[أبو أسامة]

جنط 17 احسن للخطوط
لان ارتفاع الكفر يكون قليل
ومع السرعه لو حصل بنشر باذن الله ما يكون فيه خطر

بعكس الجنط الصغير يكون ارتفاع الكبر كبير
ومع البنشر يهبد الموتر ويعرضه لخطر الانقلاب

اما الرمل مافيه شك 17 ما ينفع ولا بقرش

متفق مع أخوي سوني 2000 على كل الكلام اللي قاله إلا اللي تحت يكفيك قوة الباثفيندر في التطعيس وهو جنطه 17 .....
وأنا من رأيي خذ 17 بس الكفر خله عريض شوي راح يكون ممتاز بالخط وجيد جداً بالرمل بس كلما عرضت الكفر تصير السياره أثقل وتزيد صرفية البنزين لأن مساحة أحتكاك السيارة بالأرض صارة أكبر والموتر صار أثقل يعني الوقفه عند محطات البنزين صارت أكثر ... والأمر راجعلك

[al-nashmi]

جنط 17 احسن للخطوط
لان ارتفاع الكفر يكون قليل
ومع السرعه لو حصل بنشر باذن الله ما يكون فيه خطر

بعكس الجنط الصغير يكون ارتفاع الكبر كبير
ومع البنشر يهبد الموتر ويعرضه لخطر الانقلاب

اما الرمل مافيه شك 17 ما ينفع ولا بقرش

متفق مع أخوي سوني 2000 على كل الكلام اللي قاله إلا اللي تحت يكفيك قوة الباثفيندر في التطعيس وهو جنطه 17 .....
وأنا من رأيي خذ 17 بس الكفر خله عريض شوي راح يكون ممتاز بالخط وجيد جداً بالرمل بس كلما عرضت الكفر تصير السياره أثقل وتزيد صرفية البنزين لأن مساحة أحتكاك السيارة بالأرض صارة أكبر والموتر صار أثقل يعني الوقفه عند محطات البنزين صارت أكثر ... والأمر راجعلك
_____________________________________________
كلام سليم جدا...

وانا اوافق رأي الاخوان تماما....