نيسان(فتك) مصممه قال وش عاد.....مكاين الفكسار ناقف رصدها - جديده

[العزوم]

السلام عليكم ورحمة الله وبركاته
بمناسبة الاجازه يسعدني ان اضع بين يديكم هذه الابيات ,,امل ان تحوز على رضاكم ولايزعلون علينا اهل التويوتا
صوره مع التحيه لكل من(حاتم+عاشق الجبل)



عسى المطر يسقيك يادر الاجواد=دارٍ هل التوحيد رزوا عمدها
على النضى والخيل شجعان الاولاد=أرض وطوها هللت من سعدها
عساه من جده الى الشرق ينقاد=يضفي على الصمان واللي بعدها
تلقى مداعيبه قديمات وجداد=وباقصى شمال طريف يرزم رعدها
حتى الوديعه وارض الاحقاف ثم عاد=تباشروا بالخير سيّل جلدها
ومعنا النشامى والمعاميل والزاد=دارٍنصبحها والاخرى نهجدها
وعذر المشاغل سلسلت عنك بقياد=وماقالو الوافين قل طول يدها
وجيب على طول المسافات معتاد=لويعرف الشاهين يمكن حسدها
نيسان(فتك) مصممه قال وش عاد=مكاين الفكسار ناقف رصدها
وبلّغ فريقه(نوّويك اند) ورقاد=حتى الجميله تستوي في مهدها
وصارت غرام قلوب نطّاقة الضاد=كل عشقها واعتجب في هددها
وقام ايتبختر زوّد الغنج بعناد=يوم اعلنو كل الجوايز حصدها
كنه عقيد القوم في حرب وجهاد=يقبل ويقفي حاجته ماوجدها
والاإدمي لاطمه ريح صياد=رماه بس اخطاه والشمس قدها
مالوم انا حاتم ولوحبه ازداد =آبوك يالنيسان وامرّ وادها

اخوكم/ العزوم 23/9/1426هـ

[عاشق الجبل]

وعليكم السلام ورحمة الله وبركاته


يكفي من القصيدة ذا البيت :

نيسان(فتك) مصممه قال وش عـادمكايـن الفكسـار ناقـف رصدهـا :)


عزالله ماقصرت والشاعر ماقصر وبيض الله وجهك ووجه الشاعر وصح ألسنتكم يالعزوم :)

[العزوم]

حياك يالغالي
وترى القائل محاستيك بلا فخر !!!!!!!!!!!! انتهيض مع بداية الوسم ويجيبها الله هههههههههههههههه
بالمناسبه العام الماضي بنفس الوقت تقريبا كتبت في الشاص؟؟؟؟؟؟؟؟ قلنا السنه هذي للفتك
شكرا لمرورك ابو منصور وتستاهلون اكثر تحياتي

[عاشق الجبل]

صح لسانك 1000000 مليون :)


وتكفى نبي قصيدة الشاص :)

[العزوم]

غالي والطلب رخيص يابو منصور بس تغيرت قناعاتي في البيت السادس ههههههههههه
تفضل من هنا (http://www.mekshat.com/vb/showthread.php?t=28748)

[عاشق الجبل]

كفو كفو كفو

لاهنت وصح لسانك .... والتويوتا يستاهل


لي وقفة على الكلمة اللي بعد ( قابوس ) :)


والقصيدة ناهيه وافيه ياراعي العزوم

[krar]

صح لسانك
مير والله ما فيه مثل التيوتا موتر
والنسيان يمشي الحال بس مثل التيوتا لاوالله

اسف هذا راي اخوك والا القصيدة طيبة

[فتى التويم]

السلام عليكم ورحمة الله وبركاته

كفو والله يالذيب والنيسان يعلو ولا يعلا عليه

[العزوم]

حيا الله الغالين

عاشق الجبل/ سبق السيف العذل ياخوك

krar / صح بدنك....... واختلاف الرأي لايفسد للود قضيه

فتى التويم/ ماعليك زود (لولا اختلاف الاريا بارت السلع)
تحياتي للجميع

[الحضري]

الله الله


بصراحة شاعر ممتاز جدا .. ياخي لازم تحدث بنعمة ربك :) والا انا غلطان

صح لسانك مليون ولايسدون ننتظر جديدك



تحيتي وتقبل الاعجاب

[العزوم]

بسم الله الرحمن الرحيم

الاخ/ الحضري
حياك الله مشرفنا الغالي وابشر باللي يرضيك

[الوافي99]

صح لسانك

ومشكور وبارك الله فيك

[الشاص]

صح لسانك وقصيده جزله

ولاتحرمنا من هالابداع يالغالي

[العزوم]

الاخ/الوافي 99
صح بدنك وياهلا وغلا

الاخ/الشاص
ومن يقول يسلم ومالك الا الرضى

[هاوي الحباري]

صح لسانك

وصح بدنك وصح كل ما فيك يا صاح ....

ولاهنت

[السارب]

صح لسانك واشهد انك شاعر ماهو بسيط ماشاء الله عليك وهذي تستاهل عليها اي سياره من الحمراني قدمها عليهم وتستاهل

[حرباش]

صح لسانك يالذيب

قصيده ماعليها كلام :good:



لا تحرمنا من جديدك



اخوك حرباش ;)

[العزوم]

السلام عليكم ورحمة الله وبركاته
الاخ/ هاوي الحباري
ومن قال يسلم ومشكور على المرور
الاخ/ السارب
صح بدنك وشهادتك تكفيني عن الحمراني الله لايحوجنا الا لوجهه تعالى وهذه هدية العيدلاخواني المكشاتيين
الاخ/حرباش
حياك الله يالغالي وابشر بكل خير
تحياتي للجميع وكل عام وانتم بخير
اخوكم ابومحمد

[نقا هشال]

صح لسانك مليون ياغالي ولاهنت

[ABU-AL-3eeS]

صح ولسانك يالغالي
كنه عقيد القوم في حـرب وجهـاد يقبـل ويقفـي حاجتـه ماوجدهـا :good:

[العزوم]

الاخ الغالي /نقا هشال
حياك الله ياراعي تمير ومن قال ماهان

الاخ/ عاطل
صح ابدنك يالذيب ولاهنت