ماهي أفضل طريقة لإخراج هذه السيارات الكبيرة من الغراز ؟

[عاشق الجبل]

السلام عليكم ورحمة الله وبركاته


لاحظ احيانآ بعض السيارات الغير مؤهلة لدخول الرمال تعلق ( يعني تغرز ) :) ومن الصعب جدآ

اخراجها ، فما هي الطريقة الأسهل للمساعدة .

اذا سحب فهذي صعبه واذا تنسيم يبيلها وقت هذا اذا فيه منفاخ يتحمل


أترككم مع الصور وأنتظر الأراء منكم .




http://www.stat.duke.edu/~ervance/Greatphotos/WestafricaI/0714-stuckinflats.jpg



http://www.stat.duke.edu/~ervance/Greatphotos/WestafricaI/0897-stuckonbeach.jpg






المشكلة نفس الباص ومغرز في أكثر من مكان وهذا السواق يدور فزعه :)

http://www.stat.duke.edu/~ervance/Greatphotos/WestafricaI/0756-stuckindune.jpg

[path_poth]

أحلى حل أ،ه يترك الباص ولا يتعود يهايط

وش رايك بالحل العبقري!!!!!

[2500HD]

:confused: والله صعبة
لكن اتوقع الواح خشب حل مناسب
ولا يتعودها ويجي بالباص ثانية
وعلى ماقال اخونا باث ,, لا يتعود المهايط هههههههههههههههههه والله انه صادق
باص وخاش به البران

ويا اخوان انتبهوا // اختاروا السيارة المناسبة للطلوع للبر وشيكوا عليها والله كثير من العوائل شفناهم متعثرين الله يحفظنا وياكم .

وعندي نقطة إضافيه لهذا الموضوع

وش افضل حل اذا غطس الموتر بالطين ؟

وشكرا
2500HD

[مأيـغـرّز]

شوف يالغالي هالنوعيات من فرس النهر مالها علاج 000يمكن يمكن اذا يبتله دبابة يطلعه من الغراز 000او انه يخليه دكان على الطريق يبيع فيه مشروبات او خبز تميس او امعصوبه والسلام

[عاشق الجبل]

الأخ : باث بوث .... عز الله قطعت الحبال في أيدين السواق :)



الأخ : 2500hd ..... مافيه إلا السحب .... وإن حصل ونش أحسن .



الأخ : مأيـغـرّز ..... ضحكتني بتحويل الباص الى بقالة ....... يعني مافيه آمل :)

[غضنفر]

000يمكن يمكن اذا يبتله دبابة يطلعه من الغراز


ما له الا دبابة او تريلة البان الصافي :D

[خالد123]

السلام عليكم ورحمة الله وبركاته
طول الله عمرك مله الا (الشويل)يسحبه أو يدفنه.؟

[حرباش]

والله ياهو منسم راعي الباص

واللي مثل حالته دايم يغرز يبيله خياش كبيره (حقت الرز) وتكون مصفطه في السياره .... واذا غرز ينزلها ويملاها رمل ويرفع الموتر ويحطها تحت الكفر :good: .

اما الباص يبيله دايم يحرص على الركاب انهم يركبون ورى لأنه لو كان محمل مزبووط ماغرز :D




يعطيك العافيه ابو منصور على المشاركه الجميله

تحياتي لك ;)

[غالي]

الصوره الاولى اتوقع مهوب صعب ذيك الدرجه تطليعته الواح خشب مثل ماتفضل اخوي2500 Hd او شجر لان دفرنس الباص قوي
اما ثاني صوره مسوين طاش ما طاش حفروله قبر مهوب تمهيد ذا
اما الثالثه اقولها باعلى صوتي معصصصصصصصصصصصصصصصصي يطلع الا لين جاء سيل شالهم يمكن نلقاهم بعد كيلو
شكرا لك اخوي على هالصور :)

[الكونترولCONTROL]

عادي يطلع !!!! يصبر لين يجي المطر القوي و تزين الارض !!! خلوه يصبر

[خطير]

يبيله بريالين بنزين على حسابي وولع فيه

[الدهماني]

بدال ألواح الخشب يحطون السايق تحت التواير كود يطلع وهذا أقل ما يقال بحق هذا السائق

وأما الحل الثاني فأنا أتفق مع أخي خطير

[عاشق الجبل]

الصراحة الأخوان : الدهماني وخطير حاقدين على الرجال وناوين يذبحونه :(


أشكر لكم حلولكم الغير مكشاتيه وكان عشمي تفزعون مع الرجال بهالشهر الفضيل وتوقعت منكم تطلبون

مني أحداثية موقع الباص لكن ( يستاهل حقه وماجاه ) :D

[خيال الشقرا]

الحل عندي
السلام عليكم
الحل بسيط السيارات الكبيره في الغراز حلها هو تجيب اكياس مثل اكياس الرز او الطحين ثم تملاها بالرمل
وبعدين تبرح امام الكفرات وحط الاكياس تطلع السياره لوهي تريله

[عاشق الجبل]

عز الله جبتها ياخيال الشقرا :)


بيض الله وجهك ..... لكن من وين الأكياس ؟ :(

[كتاب]

قولوا له ينتظرني شوي ، بس أروح أشتري هذا السنافي ، ويبشر بالخير :

http://legion.wplus.net/guide/army/tr/ural532320-2.jpg


وش تقولون يا جماعة ، يطلع الباص أو ما يطلعه ؟؟؟ :D

أربعة دفرنسات ، وكفرات كل واحد يبي يشيخ على الثاني

لا ، ويشيل أكبر عزبة عند السنيدي بعد ، و لا بيقول آه :D

وينكم يا أهل الباص المغرز ؟؟؟

[عاشق الجبل]

كفو والله .... لكن اذا شافوك بهالموتر يبون ينحاشون يحسبون فيه غزو :)

[ابو ايمن]

وعليكم السلام ورحمة الله وبركاته

أولا هذا الباص وش جابه هنا ؟؟؟ أكيد أنه مهرب ولا هذا ماهوب طريق باصات

ثم أن الربع يحفرون تحت الكفرات وكل ماله والباص يغطس أكثر مادروا إن الدفن يمكن أفضل

ومثل ماقالوا الربع وشو له المهايط يخلي البر والغراز لاهله

والأخوان اللي قالوا خشب أو أكياس :good: رأيهم صحيح

وشكرا

[مرقاب الشرق]

انا اشوف انك تجيب حبل وتربطه برقبة السواق وتخليه يسحبه علشان مايتعودها .
او يسأل طاش ماطاش بحكم خبرتهم !!!!!!!!!

[شبوب]

وجع00 وين هوبه ذاء 000؟؟

الديره شكلها ديرتنا 00 والباص انكري ;) بعدين وش يحفرون وش يخلون 00!!



تحيااااتي ،،

[عاشق الجبل]

تسلم يبوأيمن

اللي يبي يهرب طال عمرك مايهرب على باص يهرب على شاص .... لكن مثل ماتفضلتوا هذا نتيجة المهايط :)



يبوفارس ...... هذا بدال ماتفزع للرجال :)




الأخ : شبوب ......... كلهم ماعندك أحد

[البوصله]

الحل يترك الباص ويمشي [b]لاالــــــــــــــــــــــــــــه الااللــــــــــــــــــــــــــــــــــــــــــــ ــــــــــــــــــــــــــــــــــــــــه

[بواسامه]

متخاف عمره هالخبيل

اجل يطلع من غراز لغراز

يستاهل ماجاه الأرفل

شكرا اخوي عاشق صور رايقه
والحقيقه يبيله موتر اثقل منه يسحبه

[nahham]

الحل عندي ومضمون

مالهم الا راعي الباترول الكحلي ابو اليايات الاسترالي

لكن لا تعلم منهو ................. تكفي بابو منصور احفظ السر

وسلامتك

[قناص الحبارى]

السلام عليكم ورحمة الله وبركاته ,,

أخوي عاشق الجبل..

أقترح عليك تتصل بوكالة ناسا الأمريكيه يمكن يطلعونه بمكوك فضائي.. :j


وعلمني وش صاااااااااااار معك...

أخوك / قناص الحبارى

[قاضي]

المشكله في الوزن كبير ومافيه دبل يطلعه

طبعاً لابد من تنسيم الكفرات ويهز الموتر وراء وقدام واذا فيه الواح خشب زين

والشباب الى معه يدفون مو يحفرون

[ريع الرمي]

http://www.stat.duke.edu/~ervance/Greatphotos/WestafricaI/0897-stuckonbeach.jpg


لعــنبو بــطــنــه هاالمــكان تــغـبص به الطيارات
http://www.mowjeldoha.com/mix-pic/animated-gif/animat-18/baustelle031.gif


راعـــي هاالباص ودك تــعــطــيه مخــمس بقس تعــدل ملامـح وجهه منشان مايــعوده مرة ثانيه
http://www.mowjeldoha.com/mix-pic/animated-gif/animat-24/boxen008.gif



والا هالي يــحفــر تحــت الــباص والله أنــــه طــلـي يحفر بمكانــه ..

http://www.mowjeldoha.com/mix-pic/animated-gif/animat-103/ziege016.gif

[عاشق الجبل]

الأخوة : البوصله ..... بوأسامه الله لايهينكم :)


( الأخ نهام ) الرجال ما أعرفه :)


أخوي قناص الحباري ( الظاهر مافيه إلا هالحل ) :)



أخوي ( قاضي ) أنا معك بكل اللي قلت لكن يهزون الموتر قويه شوي :)



ههههههههههههههههههه :):) ذبحتني ياريع الرمي :):)

والله أني تركت الكي بورد وقعدت أضحك بلحالي تقل مهبول من هالصور :)

الله لايهينك يالغالي :)

[بن سنجاره]

تجيب الشجره هذيك وتحط قدام كل كفر اشوي


وقل ما قال بن سنجاره

[بو خليفه]

يأخوان الطين يوجد طين و تحت خشن أو صلب فهذا سهل فقط السيارة تنزلق
الصعب الطين و التي تسمى سبخه أو صبخه و هذه موجود في الشرقية خاصة في الأماكن صيد الطيور و نحن يوجد شبكات مثل سكة الحديد و جاك ترفع إلى 120 متر و طبعاً يفضل مثل هذه الأماكن استخدام لاندروفر بسبب التقنية و عدم التلويس و الانزلاق

[عاشق الجبل]

بيني وبينكم ياجماعة الخير صعبه جدآ يطلع هالباص بدون تنزيل الهواء والركاب وصب مويه تحت وقدام الكفرات .

[القماري]

الظاهر أن سواق الباص يهرب العمالة الوافده!!!!
والإ وش خلاه يسير في درب مثل هالدرب؟!!!
أحسن شيء يترك الباص حتى يكون معلم أثري للمستقبل
ماله حل غير الشيول أو دبابة تدوسه

[الـمـطـيـري]

اشهد انه غادي هذا هاهاهاها
اسهل شي لوح خشب مع تنسيم التواير شوي ودزه يطلع

[خيال الشقرا]

صنع الاكياس سهل احضر اي قماش واربطه من جهه واحده ويصير كيس

[عاشق الجبل]

أخوي القماري : الظاهر مثل ماتفضلت الرجال يهرب مجهولين :)




الأخ : المطيري كلامك 100% لكن وين الواح الخشب ؟



وعساه يطلع ياخيال الشقرا :)

[ابوغريب]

اول حل السواق يدخل راسة فى الرمل
ثانيا السيارات هذى مثل ما قالوالشباب الدفرنس قوى نسم الكفرالخلفى لين يتلمس فتصير الدعسة عريضة ونسم الامامى ورايح يطلع انشا اللة


اخوكم ابوغريب

[عروان]

ههههههههههه


هذا يا طويل العمر والسلامة

يبيله يدق على مناحي راع الباص في الرياض. يجي و يطلعة و يشغل له شريطة يالا لالي يالا لالي.

ههههههههههه

[بو خليفه]

يوجد حل آخر و هو الماء يصب تحت الكفرات ماء كي يكون الرمل ماسك و بارد ليتقلص و يحفر ليجهز الطريق و الركاب جعيهم يدفون

[طير الحر]

يصلح سكن لنوم والمعيشه
ههههههههههههههههههههههههههههههههه

[**( تلمي )**]

أحسن حل أن يروحون ويخلونه ..... لأنه وش يبي يدف هالطبله .....................

[الأعصـــــار]

شوف يالغالي هالنوعيات من فرس النهر مالها علاج 000يمكن يمكن اذا يبتله دبابة يطلعه من الغراز 000او انه يخليه دكان على الطريق يبيع فيه مشروبات او خبز تميس او امعصوبه والسلام

ههههههههههه تسلم يامايغرز على هالتعليق الحلو
والسواق الظاهر أن أمبير المهايط واصل عنده ألف

ألف شكر لكاتب الموضوع
وتسلم على هالمواضيع الحلوه

[بو خليفه]

يا ليت يبع فيه بليله و فيشار و ذره و بيبسي و آيسكريم و لا يحتاج يدفع ضرايب فهو معفي

[عاشق الجبل]

الله يونسكم بالعافية :)

[كتاب]

يا جماعة ، سمعنا أن الرجال ترك الباص مكانه وشرى واحد ثاني أحسن منه للمكشات :D
وهاذي صورته :j


http://www.w6w.net/album/10/w6w2005040910264034a66c94e.jpg

[كتاب]

وعلى فكرة ، يعني من جد
هل أحد منكم أو تعرفون أحد فكر في السيارات الكبار للمكشات ؟
اقصد هل أحد فكر في سيارة مستعملة كبيرة من سيارات الشركات وغيرها . يضبطها بالألمنيوم أو الحديد ويبطنها من داخل بالفرش وتصير مريحة ؟ مجرد فكرة جات في بالي

[ابو بريك]

ينسم الكفرات مع التبريح للباص ويحط زوالي سجاد تحت الباص+دفة الركاب وان شالة يطلع وما عاد يتعودها

[الـراشـد]

هذا الباص اذا غرزقابلنى.

وعلى فكرة اخوي كتاب على يدك نبداء انا وانت ونصلح السيارة اللي تقول وش رايك؟

[ابو سعدون]

مايبيله الا الكابتن مناحي بن مطلق جي ويطلعه
والشي الثاني هاذي اشكال من علمها المهايط وخلاها تدخل الباص