نداء نداء لأصحاب الباجيرو الربع (السلة-التانكي الخلفي)

[سال السيل]

الأخوة الفضلاء أعضاء المنتدى وزواره..
صبحكم الله بالخير ..
أنا معي ربع باجيرو زي ماتشوفون بالتوقيع..

ودي اركب له سلة زي السلات اللي تشوفونه على الاندكروزر والباترول والباثفندر والبرادو والفورتشنر وغيرهن..

بس مريت المميز وواحد يقاله الخضير قالوا لا زم نخرق لك التندة..
وهذا شيء صعب جدا جدا..

وكذلك بالنسبة للتانكي اللي يحط بمكان الصندوق اللي ورى المميز قالي ب 900 او 1000(مع الصنبور-الببزبوز) السل لستيل وأما الالمنيوم ب750 !!
والخضير (0555262662) قالي السل ستيل ب550..
بس المميز سبق سوى التانكي لغيري من الباجيرو الربع فيكون متعلم على غيري..
والخضير ما سبق سواه فخايف شوي الصراحة..

وايضا فإن المميز يحطه لك 60-65لتر..
بينما الخضير حسبه لي وصار 50 لتر فقط!!

فما هو شوركم يا جماعة الخير ؟؟..

اللي عنده علم عن المحلات اللي تشتغل هالشغلات مثل سوافي والمميز..

وياليت اللي بالقصيم وغيره من البلدان يفودننا عناللي عندهم ..

وياليت اللي يذكر لنا أحد يشتغل هالشغلات وخصوصا السلة العلوية لأني فعلا محتاجة حاجة مااااسة جدا جدا جدا..
يحط لنا عناوين أو أرقام عشان نقدر ناصل للمحلات..

وخصوصا اللي يعرف شغل الضويان أوعلاج العلاج الحربي وكلهم في الرس..

ياليت اللي يفيدنا يزودنا بأرقامهم..

تحياتي وتقديرري للجميع..

وأرجو منكم التفاعل الله يبيض وجيهكم ..

[سال السيل]

طبعا السلة اللي اقصدها هي السلة العلوية ..
زي ما هو موجود في الصورة هذي..

http://a.imagehost.org/0547/mk23101_hh7net_12848194624.jpg (http://a.imagehost.org/view/0547/mk23101_hh7net_12848194624)

[سال السيل]

أبشركم أمس العصر مريت المواهب ..
وطلع معي المعلم الكبير عندهم المدعو (سلامات) :D:D (0540236104)
وشاف التندة وشاف الزيكين اللي فوق ..
وقعد يقلب عيونه ..
وشاف القاعدة الصغيرة الي موجودة في الزيك..
وقال: الصالون ركبت له بس الصالون ازياكه تنتهي قبل نهاية التندة وانت تكمل حتى الزجاجة الامامية..
قلت: يعني؟
قال: نركب لك بس ممكن يهر بالماء عليك داخل التندة :o:o:o:o :confused::confused::confused::confused:
قلت: وين عايش يالحبيب؟:p
المهم قلت شف لنا حل مؤكد ولا تخرب علي الأزياق عشان لو بغيت ابيع الموتر ارجعهن..
قال: الازياق بسيطة واحتمال كبير تخرب قواعده بس هذي بسيطة كلبسات وتنتهي بس المشكلة بالتهريب..
قلت: أنا ما جيت للمواهب عشان تقول لي عالهرج دبرنا..

يوم قعد يقلب ويناظر قال والفرج يلوح من محياه البنقالي: خلاص ميه ميه..
أنا يعيطيك ضمان مدى الحياة ما فيه أي مشاكل لا تهريب ولا تخريم ولا تخريب..
وشلون قال: ما عليك..
جب موترك أول النهار ونشتغل عليه..
وإذا تبي مظلة تكلفك قواعده 150
طيب وسلتنا يالمدير قال: 750 !!..
يمين يسار قال مره..
طبعا أن راح أكون كبش الفداء لأنه ما جرب قبل على ربع :D:D..
قلت خير إن شاء الله..

طيب والتانكي اللي ورى..
قال: ورن..
قلت : اصبر!
انت سبق وسويت تانكي بالحفرة لربع ؟
قال: لا.
قلت: ترى يبي قص وشغل!
قال: أنت لا وغيرك ممكن!!:o
قلت ليه: قال أنت حريص ولا ودي ابلش بك (تحسونه بنقالي قصيمي:D) طبعا لسان الحال والمقال.
بس خلني أركب لواحد اثنين قبلك وابشر..

عاد مريت سوافي(012418838-0505234818) بعد العشا على أساس يركبون لي تانكي واشوف شغلهم..
صار راعي الورشة يحسب معي صالون وبيحط لي بالحفرة الكبيرة حقتهم..
فلكن صار الحداد مارح يحي إلا عقب شهرين وهو عنده الشغل الحامي اللي فيه قص وتضبيط..
وحتى السلات نفس الفكرة...
بس لقيت المعلم فيروز وشرح لي شغل الترهيم اللي عندهم للبطارية ولعلي أفيدكم كانكم حرصتوا بموضوع مستقل..

وسألت من الكشاتة الشيبان عن التوانك قال لا تعدى الالمنيوم وخل المواهب والمميز..
عندك المالكي والشايقي متخصصين بالتوانك فقط، أما ذولا فهم بالدعاميات والسلات ما مثلهم بالرياض ..

وسألته عن حقين الرس قال: لو حصل ما تعداهم بالسلات فهم ممتازين..

فجاري البحث عن الشايقي والمالكي للتوانك..
ومتى ما يسر الله الروحة لراعين الرس لموضوع السلات ..
وعسى الله ييسر ويبارك بالوقت والجهد..

تحياتي وتقديري للجميع..

وبانتظار تفاعلكم..


اللي يقدر يفديني برقم توانك الشايقي والمالكي اللي بالرياض..
أو الضويان وعلاج العلاج(الحربي) اللي بالرس أكون له من الشاكرين