اخواني الاعضاء

[ج برني الوقت]

السلام عليكم
اخواني اعضاء منتيات مكشات يشرفني الانضمام اليكم هذا اول طرح لي في هذا المنتداء الذي شدني برووعة مواضيه واعضائه انا تووي مبتدي في الصقاره وعلومها على ماقالو عليمي وكثر ماعجبني في هذاء المنتداء موضيعه الوافيه في هذا المجال وخبرت اعضائه انا فيه اشياء واجد اجهلها في هذا المجال ولاكن انا على امل اني استفيد من خبراتكم .. في البدايه ابي اوريكم صوورت الطير انا طارحه في هذا الموسم ونا ابغى اعرف عن هذا الطير كل شي وعلى حد علمي وماقرية انها قرناسه بس ابغى اعرف هل هي صياده وبغى اعرف مدى جودتها في القنص وفي السعر ومشكوورين ...


http://www5.0zz0.com/2011/01/16/15/515855145.jpg (http://www5.0zz0.com/2011/01/16/15/515855145.jpg)

[عادل العيباني]

ماشاء الله تبارك الرحمن وحياك الله اخوي بين اخوانك وربعك اسأل اللي تبي الاخوان يعينون ويعاونون وفيهم الخير

[عادل العيباني]

هذي شيهانه جبليه اخوي وسعرها من 1500 الى 2000 على حد علمي والله اعلم

[ج برني الوقت]

الله لايهينك اخووي بس كيف الطير في القنص

[منصور بن محمد]

وعليكم السلام ورحمة الله وبركاته


هلابك اخوي جبري الوقت


ما شاء الله تبارك الله
طير طيب الله يبارك لك فيها وتاكل من صيدها


جبليه قرناسه وانت اعلم بها
والشياهين طرب بالدعو والهدد على الحمام
والهدد على الكروان ، وتمتاز بالسبق



القانص اللي ما معه فرخ شاهـيـن
يحسب على التـفريط في كل حـزه


مامداك عقبه تعطي الواحد أثنين :)
إلا وبكيتك فــوق صيده اتــمـزه



وتاكل من صيدها يالسنافي



أخـوك
أبـو عـقـاب

[مشبر البران]

ما شاء الله طيرة مزيونة ما انصحك تبيعها
خلها طراد وعلمها على الكراوين ولأرانب
وهدها على الزاجل وأن شاء الله تطربك
بس ما قلت لنا كم مقاسها

[ج برني الوقت]

ابو عقاب اسعدني مروورك الرائع وصح لسانك على القصيد

اخوي مشبر والله الطير مقاسه 13 والطير يقوولوون باقي صغير ومثل ماقلتلكم تووي مبداء خبرتي على حد..

[alrshedi]

ماشاءالله تبارك الرحمن شيهانه عزالله انه سم اللحق وتراها تطربك في لحق الزاجل والكراوين
الله يباركلك فيه

[(هزاع)]

ماشاء الله تبارك الرحمن عليكما الاثنين نعم شيهان جبلي عذاب الملوح ونيسات طربات لواحيق شرهات الله يحفضك ويبرك لك بها ااامين
( هزاع )

[ج برني الوقت]

اخووي خالد وخووي فزاع الله لايهينكم منوورين الصفحه بمروركم الله لايحرمني منكم

[ج برني الوقت]

يااخوون هذا الطير يقبل التدريب بسرعه

[ديوان العرب]

ان رغبة تصقرها تاكل من صيدها ايشالله ون رغبة في بيعها انا شراي

[شريك القلم]

يفيدونك الاخوان

[ج برني الوقت]

الله يرزق ياخوي انامبتداء ومالي شف في بيعها ومثل منتو عارفين الموسم خلص وكلن يتمسك بطيره بس كم تسوى ؟؟

[راعي طلاع]

هلا ومرحبا بك شاهين جبلي قرناسه قيمتها اذا هي وحش على

ما ذكرت من قياس من 2000 الى 3000 على حسب الراغب

وان كانها صقرت فقيمتها على حسب فعلها وعلمها يمكن تزود

ويمكن تنقص والله يوفقك وتونسك على الكراوين والحمام القوي........

[ج برني الوقت]

راعي طلاع مشكوور على المروور والله لايهينك

[google-999-]

عطااك العلم راعي طلاع
كانها وحش من 2000 الى 3000
وكانها صقرت على حسب فعلها .
وتسانك بياع تراني شراي
والله يرزقنا وياك

[ج برني الوقت]

اسعدني مروورك اخووي والله لايهينك

[مشهورالحارثي]

الطيره هذي طيرتي وضايعه علي قبل شهر ين

حتى السبب ماغيرته ماشالله عليك

والدليل انك فالطايف وسبوقها ابيض والسبب طوله متر

ممكن تكلمني 0555734061

[ج برني الوقت]

اخ مشهوور تاكد الله يهديك

ولاني من اهل الطايف اركد الله لايهينك

[مشهورالحارثي]

اقول الطيره هذ ي طيرتي اعرفها مثل مااعرف نفسي


ونزل لها صور ثانيه في نفس هالموضوع (منحرها) ..وانا عندي صور بنزلها وافراد مكشات يحكمون

[ج برني الوقت]

نزل الصوور

[مشهورالحارثي]

http://img104.herosh.com/2011/01/17/219096414.jpg (http://www.herosh.com)

[ج برني الوقت]

ابغى صوور اوضح لطير كامل لاهنت

[مشهورالحارثي]

http://img105.herosh.com/2011/01/17/250013997.jpg (http://www.herosh.com)




العلامه الفارقه المنحر

والطيره كبيره في عمرها

انت نزل الصور ممكن؟

[ج برني الوقت]

توي مصوورها الحين


http://www5.0zz0.com/2011/01/17/20/487938676.jpg

[دعاس]

اولا حياك الله بين اخوانك وربعك
وثانيا بعد معاينة الصور
ان شيهانتك وشيهانة الحارثي
كل ماكرهن واحد كلهن جبليات
بس شيانتك بالصوره الاخيره
لون اسبوقها نفس سبوقها بعدالتصوير
ولون اسبوق شيهانة مشهور بيض
وشيهانة مشهور صدرها حمر وماب
نحرها نمش نهائي الا كان تصويره من بعيد
واذا انت شاري قصوها لين تاقف ويبين اذا
مطروحه وهي غاديه والا بيتيه وان شاء الله
مافيه الا الخير

[مشهورالحارثي]

انا اعتذر


والله يباركلك فيها وتاكل من صيدها انشا الله


وانا اشهد انالتسرع مهو طيب


اكرر اسفي

[ج برني الوقت]

معذوور الله يسعدك وبن ادم مو معصووم كلناء نخطي ونستعجل ولو تامر على الطير ولا لك شف فيه ترى الطير يفداك ونا جاد والله يوفقك

[د.أبوعزوز]

السلام عليكم

و الله و النعم بالجميع ..

حبيت انوه لاخوي مشهور ..

لا تحلف على شيً ما يستدعي حلف و انا اخوك

ترا فيها اثمً عظيم و كفاره

نصيحة اخو

تحياتي

[ج برني الوقت]

جزاك الله خير يبو عزووز وسعدني مروورك