سؤال عن جيب (( موسو )) من دايو

[((أبو أسامة))]

ما هي أبرز سلبياته وايجابياته يا شباب

يقال الماكينة مرسدس

ولكن هل فيه عيوب أو ايجابيات

[salehhd]

السلام عليكم

السيارة حسب علمي تغير شكلها واسمها بعد بشكل كامل وحتى الوكيل تغير

الموتر محركاته مرسدس 300من مكينة وقير ودفرنشات

اما البدي فصيني من شركة سانج يونج

الموتر الي اعرفة حق جبال مو حق بر

وسمعت ناس يقولون يتفكك بسرعة

اصحك اذا في خيارات غيرة يكون احسن خذلك جيب ياباني وريح بالك
اخوك
صالح

[بو خليفه]

أضيف شئ دايو سئ صيانتها و عدم توفير القطع و الفرق واضح في السوق هات كيا أو هونداي أو دايو المحصلة النهائية أنا دايو يطيح سعرها بسبب قلة فروع الصيانة قلة محلات بيع القطع و على فكرة أنت تشتري دايو و تعمل صيانة بقيمة مرسيدس و ياليب ضمانها مرسيدس

[((أبو أسامة))]

كلامكم على متمه لقيت واحد أعرفه من الأقارب يحذر تحذير شديد من جيب دايو (موسو) شراه وكاله ديزل وخبط عليه مرتين والى الآن في الورشة من التخبيطة الثانية وهو رجال عاقل مهوب خفيف

ويقول بعض القطع يمكن تشحذ عشان تشتريها من غلاها بالآف

الحمد لله إنا عرفناه وعرفنا عليه الربع حتى يحذرو منه

وأزيدكم من الشعر بيت التوماتيك منه لا يمكن أن يقوم من الأرض ولو تحط رجلك على الدعسة كلها بيمشي على هونه ومستحيل يفحط أو يفز

[هابكيدو]

طبعا انا ما جربت الموتر لكن اخوي معه موسو , وعلى كلامه انه دخل فيه النفود بعد مانزل هوا الكفرات ولا وقف ولا ارتخى ممشاه حتى الدبل ما احتاج يعشقه مع العلم ان هالكلام قبل اكثر من شهرين..........اما بالنسبه للأعطال والصيانه والوكيل ما افيدكم بشي عنها

[الأعصـــــار]

الي أعرفه أنه نظام التعليق وصله وحده (سمعتهم يقولون كذا) يعني
ماهو مريح والموتر كأنه قطعه وحده مطابه رايحه فيها ......

[بو خليفه]

للمعلومية موسو دفع رباعي مثل المرسيدس
المحرك و الدفرنش و الجير مرسيدس لكن لا تأخذ ضمان مرسيدس تأخذ ضمان دايو و صيانة و القطع تدفع مرسيدس و بعضها غير موجود و كثير التخبيط يعنى تقنية مرسيدس بكوري تجاري

[عاشق هدوء]

السلام عليكم جميعاً
شركة دايو اعلنت افلاسها وشرتها شركة جنرال موتر حتى وكالتها في السعوديه اغلقت كان وكيلها الزاهد والان ماعاد لها وكيل وجيبها حسب ما اسمع عنه انه غير عملي