فزعة يالنشامى - عطل في الفرامل - لم أجد له حلاً ! !!!

[أبوزيد]

السلام عليكم ورحمة الله وبركاته ..
زملائي الكرام في هذا المنتدى الطيب ..

* السيارة : جيب حوض باترول موديل 95 ( مرهم لديزل )

* المشكلة : ( تحجير في الفرامل ) يعني إذا دعست عليها تكون قاسية على طول ، والفرامل ماتمسك أبدًا

كأنه لايوجد فرامل .

- ذهبت فيه لأكثر من ورشة وفحصوا ( الباكم والعلبة والإصلاح ودينمو الهواء ) كلها سليمة !!

فمن عنده خبره أو مرة عليه المشكلة فلا يبخل بالفزعة .

** وكل عام وأنتم بخير **

[دله وفنجال]

السلام عليكم...
اخوي الغالي ابو زيد الحقيقة مدري وش اقولك لاكن هل شيكت على الباكم يمكن يكون منه او يبيلك توضيب فرامل ...
وهذا على كلام المكانيكي الي قالي ...

[أبوزيد]

أخي الكريم ( دلة وفنجال ) - جعلني الله ووالدي وإياك وجميع المسلمين من عتقائه من النار في هذا اليوم الكريم - أشكرك على التجاوب ..

وبالنسبة للباكم قال لي أكثر من صاحب ورشة أنه سليم

- وياليت توضح لي ماهو ( توضيب الفرامل ) الذي ذكرت

وفقك الله لكل خير

[القطاع عشره]

غير الليات ونسمهن يعني سوى وزن لليات الفرامل كلهن وان حصل تغير اصلاح الفرامل احسن
وافحص الفحمات والقماشات يعني فكهن وركبهن مره ثانيه

تحياتي اخوك القطاع عشرة

[أبوزيد]

أخي * القطاع عشره *

تم التنسيم لليات لكن بدون فائدة

وهذا العطل أصاب الفرامل فجأة , وكل الكفرات مايمسكن ..

[أبوأحمد98]

والله غريبه ..!!

صارت لي نفس المشكلة بجيب باترول 98 وطلعة المشلكة من الباكم ..ولله الحمد انتهت المشكله ..الله يعينك أخوي (أبوزيد)

لكن فيه ورش بالصناعيه القديمه بالرياض ..متخصصين بالهيدروليك والباكم ..رح لمهم ان شاء الله تبي تلقى حل لمشكلك عندهم

[بواسامه]

جرب باكم مثا ماقالك اخوي ابواحمد

وفيه ناس في الصناعيه القديمه شغلتهم بس باكم
وان شاء الله يبي يظبط
ولا تروح للصناعيه الا بعد الفجر عشان الشوراع فاضيه :D :D الله يستر عليك

[أبوزيد]

أخوي الكريمين ..
أبوأحمد98
بواسامه
بيض الله وجهيكما في الدنيا والآخرة

* بالنسبة للباكم فحصه اثنين من المهندسين وقالوا أن الباكم سليم
فما رأيكم هل أقوم بتغييره على سبيل التجربة ؟

[قرناس الشمال]

اخوي اذا نسمت اليات ولا نفع معناته لازم تنسم من الطرمبه
لان على كلامك كل شي سليم :(
اجل اكيد في هوا داخل

خذه مني
اخوك\قرناس الشمال..............اللي عنده اي استفسار حاضرين المهنه مكنيكي سيارات :p :p

[ابو حنين 97]

السلام عليكم ورحمة الله وبركاته. اخوي تحجير الفرامل مايكون بسبب هوا المشكله في عمل الباكم لأن لورجعنا لوضيفة الباكم فهي عبارة عن مضاعفة قوة دعسة الرجل بعشرات المرات. لتذكر السيارات القديمه اللي من غير فرامل هوا كانت صعبة ، فلذلك ابدا من البف اللي طالع من الثلاجه ثم اللي ثم البلف اللي بالباكم، ولو العطل بعد التحويل من بنزين للديزل اوالعكس لازم تبحث عن باكم آخر والسبب أن ضغط مكينة البنزين يختلف عن ضغط الديزل حتى مكينة البخأخ والكبريتر. هذا والله اعلم آسف على اطالتي.

[ابوراكان تبوك]

اثنين لاثالث لهما

1- تنسيم هواء
2- او باكم

[hassan-55]

اذكر زمان كان عندي جيب أيام غلاء البنزين و بعد فتره خبطت المكينه وتوضيبها يكلف لان في مشاكل كثيره في المكينه و الحساسات عطلانه
قلت ابدلها بمكينه ديزل بعدها لاحظت فرق كبير بالفرامل
اول يوم كانت بنزين كانت الفرامل هواء وسلسه ولمسه بسيطه توقف السياره
بعد ماغيرت المكينه الديزل صارت الفرامل ثقيله بالحيل
ومثلك رحت لاصحاب الباكمات و وغيرو لي اكثر من باكم واكثر من علبه عجزو يلقون الحل
وبعد فتره اكتشفت ان الهواء اللي يروح للباكم ضعيف مره وهو سبب المشكله واتفق معي اكثر من مهندس لكن مالقيت لها حل
افحصه وتأكد منه وحاول تلقى له حل انا اذكر خليته وصبرت على الموتر لين بعته
اسأل الله لنا ولكم التوفيق..