القير العادي&القير الاتوماتيك | شاركنا...

[قوقس]

بسم الله الرحمن الرحيم





السلام عليكم ورحمة الله وبركاته
اخباركم اعضاء مكشات ... ان شاء الله بصحه وعافيه
هذي اول مشاركه لي بالمنتدى واتمنا ان تتقبلوني كا عضو بينكم
وان شاء الله استفيد منكم وافيدكم
حيبت اجيب موضوع نقاشي قليلا وكثير من الناس يتسائلون حوله
ايهما افضل القير العادي او القير الاتوماتيك
العادي والاتماتيك
لهم سوالب ومميزات ويختلفن عن بعض
في كثير من الامور
السؤال: اي من الاثنين افضل ولماذا


واسف على الاطلاله وان كان فيه موضوع ماشبه له


ارجو من الشرفين تنقله لاارشيف والسموحه
ولا تتدققون في كلامي لاني مره لهجه
عاميه ومره لهجه فصحا:D
في انتضار ردودكم

[احب الكشتة]

حياك الله اخوي بين اخوانك
والله ياخوك التماتيك زين بالديره يريحك اما العايد اذا مسكتك زحمة الوشم ولا طريق الملك فهد ودك تنتحر من القهر اما في البر لاولله العايدي افضل بذات فالنفود لانه اقوى وفي السحب اقوى

ومن ناحية صيانه اكيد العايدي ارخص واوفر واقل خرابات من التماتيك بس مقابله تعب اذا طاح في يد غشيم روح عليك الدزق وكلتش وهاذي سعرها متوسطه وتميل الى الرخص<<<<متعقد هههههه

والتماتيك مريح بس مقابله زيت وفلتر اعتقد كل 35000 كيلو وفي بعض السيارات لايتغير الفلتر الى مع التوضيب ومن مشاكله فضاوه وطقه في التعشيق واذا طاح في يد غشيم روح عليك الكلتشات (توضيب) وقيمتها اعتقد لاتقل عن 5 الاف في اغلب السيارات

والخلاصه اذا سيارة صغيره خذ تماتيك وانت مغمض اما سيارت بر خذ عايدي الا اذا جامع الثنتين في موتر يعني معك جيب للبر والمدينه ارشح التماتيك لان بيكون استخدامك لسياره في المدينه اكثر

واعذرني كطولت عليك خيو

[برايدوي عنيد]

هلابك اخووي ..

لكل من القير العادي ولتماتيك ميزه وعيوب
القير العادي

صيانته ارخص , يتحمل على الجور اكثر , بالنفود والتطعيس ماشاء الله على كيفك
متعب داخل الديره وخاصه وقت الزحمه

القير التماتيك

صيانته غاليه, وجود حساسات وامور غيره , تحتاج تغيير زيته كل فتره مع الفلتر حسب نوع السياره اللي معك ,بالبر حلو بس يبي رجال راكد شوي , اقل تحمل على الجور
مريح جدا بالديره بالزحمه ,

طبعا القير التماتيك لازم تعرف طريقه قيادته بالنفود علشان ماتبلش ولا تحرق كلتشاته



هذا ماأعرف وتقبل مروري ..........

[ابوريناد1979]

بالرياض العايدي مايصلح والكلتش موب مطول معك لانك اغلب وقتك بالزحمه ورجلك عالكلتش لوك مية فنان بيحترق
ويفيدونك الاخوان اكثر ان شالله

[تميم222]

اخوي ...موضوعك حلو...وانا اقول ...ولا زمان ...العايدي..قلي ليش؟؟؟ شف ..من قبل 7 سنوات نقول العايدي افضل تدري ليه ما كان الرياض ..بهزحمات والله انها الان تحوم السبد..ماعاد ينطاق بالقير العايدي .واحب اقول يالربع ترى التماتيك احسن ..في البر لعده اسباب ..1-يعطي النمره كااامله يعني مو مثل العادي يحن وهو في محله
2-الي بيقولون في السحب!! ..اصلن لو تحط القير ..بنمره المثبته اصبح مثل العايدي ..
3-نفس التماتيك اطول من العايدي
ولكن اخوي الغالي اهم شي ..المشوره لاتخذها من شريطي سيارات لانه اذا كان معه عايدي او تماتيك بيصيح عندك لين يقنعك بالسياره الي معه..وخذ المشوره من الناس الي تستخدم فعلاً..تقبل تحياتي

[صالح...]

السلام عليكم ... رأيي اذا السيارة ياباني قير عادي بدون ان احتار ( تويوتا - نيسان ...) . اما الامريكي اتوماتيك .

[قطب 999]

الجيب وسيارات البر العادي
السيادين وما في حكمها الاوتو

[يريور عيمان]

القير العادي و الاوتو كلهم زينين
الاوتو يتميز بالراحة و قلة الاعطال لكن اذا تعطل راح يكلفك كثير
العادي يتميز بالبساطة و اذا تعطل اي ورشة تصلحها لك

و في النفوذ الاثنين ينفعون
النفوذ تعتمد على مهارة السائق سواء كان القير عادي او اوتوماتيك

[زمزم 100]

لك حرية الإختيار

أنت و هواك

[قوقس]

يعطيكم العافيه
وفعلا الياباني افضل قير عادي والامريكي قير اوتماتيك
والبر على حسب خبرت السواق في 1و 2بالتماتيك
ويمكن تعشق بهن بس تبي واحد عارفله والاتماتيك اريح بالزحمات لاكن الاقوا
اتوق القير العادي لانه يشد ولو لاحضتو
اكثر سيارات الترهيم قير عادي

شكرا لمروركم نورتو الصفحه

[بريداوي اصليm]

وعليكم السلام ورحمة الله وبركاته
والله الأخوان ماقصرو كلامهم سليم
أنا بالنسبه لي القير العادي أفضله بالبر وبالديره وبالزحمه
ولا أحد حدك ولا شي تروح تصير قداموه وتدبل كلتش :D
حياك الله بين أخوانك بمكشات
الله الله بالمواضيع الزينه
مالله

[سفاري959]

السيارات الصغيره تماتيك احسن اما الجيوب العايدي واسأل مجرب ومن ناحيه الصيانه والأعطال العايدي افضل شف القير العايدي اذا خرب حده دزق وكلتش وفحمه ولو حبيت تغير القير من التشليح ما يكلفك واجد اما التماتيك واحد من الربع غيره تشليح ب 6000 ريال مع الرجيع وبدون تركيب

[قوقس]

يعطيك العافيه