حط رايك وين افضل نفوود حول الرياض الواحد يكشت له مع هلمطار

[ابوالوليد 1429]

السلام عليكم جميعاً اخواني اعضاء وخبراء مكشات
اولا احب ابارك للجميع بالامطار جعلها الله امطار خير وبركة
الموضوع باين من عنوانه تخبرون الواحد وده يغير جو مع هلمطر يالله لك الحمد:l والدهناء مافيه مثلها بهلوقت:f بس سمعت من كم واحد يقولون انها محميه الحين ويمشون اللي كاشت فيها ياليت احد يوصف لنا مكان نفوود حولين الرياض او يأكد لنا انه فعالا ممنوع المكاشيت بالدهناء
ملاحظة
الثمامة ما نبيها :)

[شلقة]

الخرارة جنوب الرياض 50 كيلو تقريباً .. به بحيرة كبيرة من أمطار اليوم ..
الطوقي شمال الرياض 90 كيلو .. نفود بكر بس يبي لك موتر ض1

[ابوالوليد 1429]

الله يعطيك العافية على الرد
بس وانا اخوك هذولي مثل الثمامه عالم كل واحد جمب الثاني
شاكر لردك مره ثانية

[oqlak]

الدهنا طريق الدمام السريع بعد سعد يجيك معبر جمال ادخل يمين وادع لي او خذ يمين مع سعد واذا وازنت المنتزه خذ يسار واتجه للنفود :good:

[ماجد الحايلي]

نفود فيضة نساح حلوة لاتفوتك

[ابوالوليد 1429]

الدهنا طريق الدمام السريع بعد سعد يجيك معبر جمال ادخل يمين وادع لي او خذ يمين مع سعد واذا وازنت المنتزه خذ يسار واتجه للنفود :good:
كفو والله هذا الكلام المظبوط ولا يهونون الشقردية اللي رادين من الحين احس ان المكان صح يعطيك العافية ياخلفهم

[ابوالوليد 1429]

نفود فيضة نساح حلوة لاتفوتك
يابعدي والله يالحايلي تسلم يمناك

[هاوي الطيب]

نفود الثمامه ياقلبي من جهت روضه الخفس تتعدا مفرق الصمان والطوقي ووتلقها على يسارك

[ابومطيره]

^^^

قصده الطوقي

[بر الوالدين]

إذا صارت الدهناء محمية و يطردون المكاشيت

أجل وش خلو لنا

الله لا تضيق علينا وسع الدهناء و يطردونا

[شاعر الغلبا]

مثل ماقالوا الاخوان , اما طويق والا الدهنا حول منتزه سعد


رحله ممتعه مقدماً

[أبوراكان57]

مشكور يابو الوليد على الاستفسار الي طلع مواهب الشباب
ولكن ما فيه احد جاوب على استفسارك بخصوص الدهنا هل هي محمية والا لا ؟؟؟
لأني سمعت هالكلام من زميلي من شهر تقريبا ودنا نتأكد هل فيه أحد راح لها قريب ؟؟؟
والا بصراحة الدهنا ما تفوت هاليومين أنا رحت لها في الحر ايام عيد الفطر الماضي بس تمشية على السيارة ولا طلعت من الخط وصلت خريص ورجعت وكان منظر النفود رووعة وأكيد بيكون أروع مع الأمطار حاليا :lr
مع العلم ان فيه ردمية تجيك على اليسار وانت رايح لخريص (شرق) ممكن تساعدك في التعمق للوصول لمواقع رملية أجمل :)

[N-G-D--KSA]

الاخوان يفيدونك

[معشوقي الصمان]

الله يجزاكم خير على التوضيح ..