فتحة السقف في الفكسار والأمطار!!

[ياوجودي999]

السلام عليكم ورحمة الله وبركاته

أخواني عندي موتر فكسار 98 فيه فتحة سقف وسلة علويه اللي تجي من الوكاله السوداء الصغيره.

المهم اذا جات امطار واستمرت الامطار الاقي سقف السياره من الداخل مبلل كله

السؤال هل تتوقعون من الفتحه؟ ام من السله العلويه ومسامير تثبيتها مخرمه السقف تتوقعون؟

[عاشق vip]

هلا وغلا

والله وأنا أخوك أنا أقول 70/100 .. من الفتحه .. لأن أخوي مثل مشكلتك .. فتحه السقف ما تتسكر زين .. وكان يسمع صوت هواء منها .. ويوم جاء المطر إنعدمت .. وفيه واحد من الربع .. كان عنده جلد فتحه السقف متشققه .. وإنعدمت عليه السيارره ..


إنت شيك عليها .. وشوف كيف الجلد !! .. وهل فيها صوت هواء أثناء المشي !! ..

إن شاء الله أفدتك يا الغلا

بالتوفيق

[بنز560]

100في 100 السله العلويه واسال مجرب

[باب هداج]

السلام عليكم اخوي الكريم
انا صارت لي شخصيا نفس الموضوع ياطويل العمر انا اجي وقت الامطار ولاقي حمل الاكواب الي عند الجلنط مليان مويه وبعدين اكتشفت انها من الفتحة وتم اصلاحها وابشرك الحمدلله الحين تمااام التمااام

[m-a-z-d]

اذا من كلام الشباب اللي جربو..

شيك على السله والفتحه..

موفق..

[فارس سدير 1]

السلام عليكم اخوي الكريم
انا صارت لي شخصيا نفس الموضوع ياطويل العمر انا اجي وقت الامطار ولاقي حمل الاكواب الي عند الجلنط مليان مويه وبعدين اكتشفت انها من الفتحة وتم اصلاحها وابشرك الحمدلله الحين تمااام التمااام


أخوي وين صلحت فتحة السقف فيه ؟

[أبوعبدالله202]

اخوي يوجد مجاري لتصريف الماء فوق على جوانب الفتحة من قدام نظفها بسيم معلق وتضبط

[قناص خلاوي]

واحد من الشباب مركب سلة فيكسار (السوداء) على جكس من الغرابي
وكل ماغسل السيارة تدخل الموية بالغمارة ؟؟
بالاخير اكتشف ان اللي مركبها قالب السالة القدام وراء والواء قدام ؟؟
ويوم عدلها ماعاد يدخل ماء للسيارة
قبل تلمس الفتحة اخوي شيك على السلة

[أطلال نجد]

هذا الكلام
شيك على السلة وإذا ثبت أن المشكلة ليست منها تفقد فتحة السقف ولا تستعجل على فكها إلا إذا تأكدت تماماً أن المشكلة منها .

بالنسبة للإصلاح
أنصحك ما تفك الفتحة إلا بالوكالة حتى لو زاد عليك السعر شوي لأن ما يعرف لها غيرهم .

[رقبة حاشي]

اسمع وانا اخوك حط لك شطرطون عريض اصلي دار مادار على الفتحه واضبط تلزيقه 100% ان وقف تهريب الماء فهو منه وان ما وقف فهو من السله 100 بالـ 100 ............ وبالتوفيق

[صيادالجبيل]

اسمع وانا اخوك حط لك شطرطون عريض اصلي دار مادار على الفتحه واضبط تلزيقه 100% ان وقف تهريب الماء فهو منه وان ما وقف فهو من السله 100 بالـ 100 ............ وبالتوفيق
وانا اقول 99%من الفتحة

[hsm]

100% 100 السله العلويه

[عااشق مكشات]

انا اقول بيع السياره وخذ لكـ موتر بدون فتحة وبدون سله


:D

[a2005bdullah]

اذا المويه بطرف التنده يعني تحت السله ف 100% من السله لأن الماء ينقع في مجرى السله و ينزل من المسامير على الداخل
و الحل اتوقع لو تفكها و تحط سليكون شفاف على مكان قواعد السله و بعدها تركبها ان شاء الله بتضبط

[متميز2010]

اخوي هذه المشكله من مسامير السله حط عليها سليكون........

[((ابوملاك))]

كل واحد يقول كلام

وكل واحد جرب والاسباب تختلف

لكن من رأيي قبل ماتقرب الفتحه شيك على السله

[تسعه وتسعين]

الله يعينك وان اقول مثل الخوان اللي يقولون شيك على السله لان ماودك تلعب بالفتحة ووزنيتها وتدخل تنسيم وتفتح لك مشاريع وحسب كلامك انك تلاقي الغماره مبلله مو الماء يخر على المراتب والقير يعني اعتقد ميه يالميه من قواعد السله وبعدين السله شغلته بسيطه جداً سيلكون شفاف وان لقحت او ماضرها الجمل واتمنى لك التوفيق

[سيف الظفير]

معي فكسار 2009 واذا جاء المطر تطلع اصوات ويالله تنفتح وتتسكر

يبي لها شحم بعد كل مطرة الظاهر

[do7my]

ناضر الفتحه وهي مسكره اذا فيه رطوبه عند الجلبه حقت الفتحه معناه من الفتحه

واذا كان اثر الرطوبه من الجوانب عند مسامير السله فهو من السله

[العاذر]

والله انا انصح بعدم شراء السياره اللي لها فتحة


باب يجي معه ريح سده وستريح


وجهة نظر

[أطلال نجد]

فتحة السقف زينة شينة ( تعطي السيارة فخامة أكثر )

لكن بصراحة بعد تجربتي للفتحة 4 سنوات استطيع القول أنها لا تناسب أجوائنا أبداً

ولو سألتني متى آخر مرة استعملتها قد لا أتذكر !

أرى أن الاستغناء عنها أفضل .

عذراً لخروجي عن مسار الموضوع

تحياتي

[gxواردقطر]

حل اخونا حلو اللي يقول وين مكان التهريب اذا على جوانب الفتحه من داخل خصوصا فوق السواق فهي من الفتحه مثل ماعندي

واذا تهريب المويه في قماش السقف الداخلي تحت احد مسامير السله فهو من السله

لكن انا اتوقع انها من الفتحه والله اعلم