فترة الظهيرية في البر .. كيف تقضيها ؟! نسسمع من الجميع !!

[طير المحبه]

السلام عليكم ورحمه الله

كيف حالكم ياخوان ؟

لا شك ان البر بعد صلاة الفجر هو أفضل اوقات البر بلا نزاااع ..

لكن متى مارتفعت الشمس .. بدأ الخمول يتسلل للكشاته ..

و اذا صارت الساعه [ 11 الى 3 ]

تجي فترة خموووول وتعب .. يمكن لحرارة الجو ..

السؤال هنا .. كيف تقضي هذه الساعات ؟ وهل هي الفترة التي تحبطك ؟

بعض الناس يقضيها بأخذ غفوة :good2: !
وبعضهم بالتمشي .. خصوصاً بالفياض :good: !
وبعضهم بالتطعيس :D !
وبعضهم بالمطارح :( !

فكيف تقضونها أنتم ؟!

نسسسسمع من الجميع !!

[نديم الغرباء]

وبعضهم بالتمشي .. خصوصاً بالفياض :good:

[برق الجهمه]

الظهيره افضل فتره للتمشششششيه والصيد من وجهة نظري

[بندرالعتيبي]

الظهيره افضل فتره للتمشششششيه والصيد من وجهة نظري مازيد على كلام اخوي شي هذا هوو احسن شي

[هاوي بر25]

وعليكم السلام ورحمة الله وبركاته
طبعا على حسب الجو اذا صار حر اكيد تبي تخمل وتغفي لك غفوة وبعده تقوم وانت فال والدينه
اما اذا صار مطر وفله تطعيس ولا تمشي

[بريداوي اصليm]

وعليكم السلام ورحمة الله وبركاته
وقت الظهريه لاصرت كاشت مع الشبيبه أغلبهم يجه خموول وكسل
انا عن نفسي أقوم أتمشى وأحطب وأرجع
لأن الجوو هالوقت الظهر لاهو برد ولاهو حر زين يعني للتمشي
طقطق رجيلتك وشم الهوو الطبيعي بعيد عن حنت الديره :D
ماقصرت موضوعك جميل :good2:

[طير المحبه]

الله يحييكم جميعاً ..



الظهيره افضل فتره للتمشششششيه والصيد من وجهة نظري


تمشيه بالسياره ولا رجليه ؟

[حق الفيتو]

الصراحه جني النوم ، وقاعدن اتخيل ذبان فوق راسي ،،

غالبا اخذ قيلوله ع شان اتنشط للسمره ونوزع الجهد :D

[الصاعقة99]

الصراحه جني النوم ، وقاعدن اتخيل ذبان فوق راسي ،،

غالبا اخذ قيلوله ع شان اتنشط للسمره ونوزع الجهد :D


(( نووووووووووم)) عشان التعليلة باالليل ونتربرب علي الربابة

[الذيب ذيب .]

اشكرك على الموضوع الرائع

بالنسبة لي
على حسب الجو
اذا كان فله وبراد تمشيه
واذا كان حر غفوه بسيطة

وبعدهن نبدأ بتقطيع البصل والطماط ونشب على اللحم للغدا



مشكور

[إخت أخوهآ]

بعض الناس يقضيها بأخذ غفوة :good2: !

[سداح الشهراني]

لا والله بهذي الفتره بالنسبه لي انا

انزل العفش كلللللللله من الموتر واروح احطب

[جلوبلستار]

تجهيز الغداء وتغسيل القدور وترتيب الجلسة للفترة المسائية .

[الشقردي 205]

الكشتة ما تحلى الا لا كان الجو بارد . . .


يعني الكشتة بالجو الحار ما تصلح ابد وما تونس . . .


لو كشتت والجو بارد حتى بالنهار تكون ام الفلة ومافيه مجال للخمول والتعب إذا كنت تتمشى وتراكض وتعيش جوك . . .


حلاة البر لا كان الجو بارد ومع ناس شقردية شرواكم . . .

[اتجاه السحاب]

اقضيها بالتمشي بالسياره
لان الوقت هذا أكسل شي بالبر,,
بارك الله فيك

[wafi4sa]

اقضيها بالأستخاء والتمدد حسب الفصل
بالصيف تحت الظل
والشتاء لاصار بارقارس بالشمس مع التغطي بالفروة او ماشابه ذلك
وسلامتك واي استفسار انا حاضر

[abo turki]

على حسب الجو , اذا كان حر ما لك الا تشوف لك ظل وتاخذ لك غفوه على الطاير ,


اما اذا كان غيوم و برد يا لبييه من ويين يجيييك النووووووم .. ما تدري وش تسوي ..
انت تتمشى ولا تطاعس ولا تخليها جلسة وسوالف وضحك..
الوكاد انك ما تبلش اذا كان الجو ممتاز ..

[الرويضة اون لاين]

انسم كفرات الموتر وارجع اعبيهن حتى الاستبنة

[الجمــــــــــــــل]

الجلسة في ظلال الخيمة أو السيارة وشرب الشاي

[الكااااااااشف]

ما شاء الله تبارك الله


الله يبارك لكم في جهودكم

بنسبة لي فاقوم بممارسة لعبتي المفضلة في البر

وهي السباحة .....؟

[شاص2006]

انسم كفرات الموتر وارجع اعبيهن حتى الاستبنة


ههههههههههه الله يقلع بليسك ...........


اما انا احيان انام واحيان اجلس اتمشى في ارض الله الواسعة

[ALDAHNA]

اخذلي غفوه نص ساعة اجدد فيها النشاط

[حرف الـ ع ـين]

عليكم السلام ورحمة الله وبركاته

اهلا بآخي الكريم ..

.. آقضي وقتي على حسب الجـو والمكآن الي به انـٍآ

آذآ كآن فيه امطآر وخير وربيع آتمشى على رجليني ومنها اهضم الغداء الي اكلته

واذا كان الجو ماهو جو تمشيه يعني حر . آروح آطلع السآكتون وآحط لي نيشان واسوي تحدي بيني وبين الشباب

واذا فيني نوم نمت ..

والله يعافيك على الموضوع

[هلي ديزل]

اجهز الغداااااااء

[عزيز 3333]

قراءة جريدة تحت شجره ثم توسد يدك وغط وجهك بالجريدة ونم ربع ساعة

[ابن هادي502]

والله افضا اخذ غفوه لفتره وجيزه واستعد لاعداد الغداء والعصر تمشي

[الفهد7]

على حسب الجو والقومه
ما نمشي على روتين معين مرات ننام ومرات نتمشى
(ومرت نرجع للديره.....مقفله نفسية واحد من الشباب...من زين الكشته)

[أبوحسان2000]

أمسح كفر السيارة ،،،،،،،،
ههههههههه