سيارة تندمت انك بعتها والسيارة اللي تمنيت تملكها - شاركني برأيك

[برق الشرقية]

السلام عليكم
الكل منا أقتنى وجرب مختلف السيارات وعاش تجارب منها الحالي ومنها المر بمختلف الأنواع والموديلات ، لكن ماهي أفضل تجربه لك مع سيارة من السيارات العزيزة عليك مع ذكر اسمها ومدى تفوقها في رأيك على سيارة من نوع آخر وندمت بقرار إبعداها وبيعها ، وسيارة أشتريتها وندمت بذلك لأسباب نود ذكرها ، وببدأ بنفسي :


ونيت z71 موديل 99 غمارة ونص ، وربي أم الندم اني بعته شايل ربعي وعفشي لكن اقول الله يعوضنا بموتر احسن منه ولي معه ذكريااات لاتنسى عز الله انه ذيب لكن نصيب
السيارة اللي ندمت اني شريتها وهي تجي بعده على طول اللي هو نيسان موديل 92 خذيته وطلع مهربد وظن صاحبه كان راعي مقانيص وبهذل عيشتي وستنزف جيبي مضبوط ،،،
اما السيارة التي تمنيت املكها فهي جمس 2006 غمارتين وهذي تجاربي الشخصية ونتظر تجربكم

[بطين الرخام]

السيارة التى ندمت انى بعتها........( كريسيدا 94 )الله يهنى صاحبها لايزال يستعملها.
بصراحة ماندمت على سيارة شريتها....لانى مااستعجل بشى حتى لو كان بسيط ...مادام اشاور غيرى.......تحياتى

[تيرنيدو]

السيارة اللي بعتها وندمت عليها اششششششششششد الندم وبقوة واللي الان هي كابريس 91 صابونه على يدي وكاله ومن الدلاخه والغبااااااااااء مدري وش جاني وبعتها
هذي للحين مع اللي شاريها مني زي الحلااااوة وياااا ما اغريته يردها لي ورفض
وشيروكي 93 سعودي ورررررررررررررررررررررده قلت كسبان 2000 ريال حلو ما دريت انه يباع باكثر


اللي تندمت اني شريته هي ماليبو لعنتها ولعنت من صنعها سويت فيها كل شيء وحرارتها ضوو نار جيت ابيع قلت يمكن عين قبل ادخل المعارض وتشب نار
ومن مكانها بعتها حديد ههههه ما ادري الحي باي العماير صارت

[دحوم 911]

كامري الـ 97 و الله يا كان فيها عزم و صبر ماهوب صاحي الله يهنى صاحبها و معوضين

خير إن شاء الله ، و السيارة الي ندمت إني شريتها هي ألتيما 2005 و الله ياهي تعبتني

و كلفتني واجد واجد لو أقولكم أكثر من 30 الف ما أبالغ :mad: !!

اما السيارة الي تمنيت أقتنيها الشاص لبى و الله طلته :)

. .

[naifwww]

السلام عليكم

السياره اللي ندمت اني شريتها هي لومينا 2000 من شريتها ما تكمل شهر الا خربانه

و مسكت فيها خط لازم بعد ما ارجع اصوات وحراره


واللي ندمت على بيعه

سوبر بان 97 وقتها ما كان يستخدم الا نادرا

وبعته والله يوفق اللي شراه

[ابوو تركي]

اتمنى املك جيب VXR 2007

[برق الشرقية]

يعني أفهم من ردودك وردي أولا" ( أحم أحمم ) أن فعلا قديمك نديمك ، ون موديلات مادون 2000م لهلحين أكثر فاعليه وتحمل ؟ قبل نتسرع بالحكم نحتاج أكثر تجارب وردود وشاااااااااركونا .

[أبو مزنه]

والله اني بكيت يوم بعته بهبهاني 79
أذكر لين فتحت الكبوت عشان أغير الزيتأول شي أشوفه المكينه الزرقا
ما أقول الا الله يعوضني ويعوض الجميع

[برق الشرقية]

الله يعوضك بخير وقديمك نديمك ،،، وعجبني في ردك الحقيقة لما قلت الله يهني صاحبها فيه شي من حبك لأخيك ماحبيته لنفسك وشاكر مرورك

[برق الشرقية]

الله يعوضك وأشوى انها راحت شتبي الناس يقولون ( تير نيدو وراكب ماليبوا هههههههههههههههههههه )
شاكر مروك اخوي

[برق الشرقية]

دحوم 911 الكامري معروفه الكل يندم عليها خاصة الموديلات هذي لها دايم سوالف مع اصحابها
ويالله ان ترزقه وتوقفه عند بيته ذاك الشاص ويهنى بطلته وتحياتي لك ياعاشق تويوتا ههههههههههه

[برق الشرقية]

naifwww المشكلة الدعايات قاعده تلعب دور يعني يقول لك ان اللومينا مصممة للخليج ويلمع لها بالجرايد والتلفزيون وربعنا من بكره يقول بشتري لومينا لين عشنا ومازلنا عايشين في اكذوبه الإعلام والدعايات
أما الجموس زي اللي انت بعته 97 من افضل الموديلات والله يعوضك بخير

[برق الشرقية]

ابوو تركي الله يتمم لك امنيتك بس ماقلت لنا وش الموتر اللي ندمت انك بعته

[برق الشرقية]

ابو مزنه البهبهاني عاد ماعليه كلام وتلقاه للحين ماشي وبإذن الله مافيه مشاكل مهب مثل سيارات الحين مخاوية الوكالات والورش صار الواحد فينا يقلل من المشواير ويتعذر بزحمة شوارع وغيره وهي الحقيقة خوف من تلف السيارة مع كثرة الاستخدام حتى راحت بال ماعاد فيه ،،، شاكر مرورك .

[هوايتي مكشات]

باترول ربع 93

[عريق الدسم2]

السيارة التي تندمت على بيعها / كرونا سيدان مديل 91 ابيض اللون والتي اتمنا اشتريها لكزس 2011والحمد لله على كل حال

[برق الشرقية]

93 الباترول ماعليه كلام

[برق الشرقية]

عريق الدسم ماشاء الله من راح زمان الكرونا أكيد تحمل معها أجمل الذكريات
بس ماشاء الله عليك بايع كرونا 91 وتبي تشتري لكزس 2011 ههههههههههههههههههههههههههههههههههه الظاهر ناوي تكشخ خلاص ،،، هذي دردشة وجلعلك تبلغ باللكزس ولكل نصيب مجتهد كان في الامر خيره لك فنت بتاصله

[ابو يعقوب15]

السياره اللي للحين ندمان على بيعتها هي سوزوكي فيتارا 97 باب واحد مع انه مبهذلني بقطع الغيار بس يمون وعسل على قلبي
وصدقوني راحت عيوني وطي ونا ادور بالنت زيه ماحصلت
تكسرت رجليني ونا ادور بالمعارض ولا حصلت

والسياره اللي تحسفت اني شريتها شروكي 2001 بس افتكينا منها وبعناها برزقها

مشكورين على الموضوع الجميل

[الفجر الجديد1]

السيارة اللي ندمت عليى بيعتها اشد الندم هايلوكس87 غمارتين مكيف
والله يا هي سيارة صبورة وتتحمل الكرف وما تطلب الا بنزين وزيت
بعتها قبل13 سنة تقريبا وحتى هذا الوقت كلما شفت زيها في الشارع
احس بالندم
تخيلوا يا اخوان اني تحلمت بها كم مرة والله الشاهد
حتى اني انزل حراج السيارات ابيع واشتري وما لقيت شي نضيف من نفس
موديلها حتى اقتنيها

والسيارة التي اتمنى اقتنيها هي جيب تويوتا الربع

[عميد سامودة]

+++++++++++++ وش الفائدة ++++++++++++

[H5N1]

هو صادز
وش الفايده .

[الملهماوي]

شكرا لك موضوع رائع للتنفيس عن القلب

والله ماندمت في سيارة بعتها مثل الباث حبيب قلبي صحيح وكالته زي قلتها بس عز الله انه موتر

رحت عند ورشة ابو فهد عشان يغير رمان قلب راسي وش ذا الصوت وذا الصوت

لين وظبها وبلش فيها وخذ على التوظيب 850 ريال وسحبت اللي وراي ودنوني

[الملهماوي]

+++++++++++++ وش الفائدة ++++++++++++


لا مهوب صادز

سبحانك ربي


اذا انت ماترى فيه فائده وشوله تدخل انت وياه الموضوع وتضيع وقتك في مالا فائدة فيه


ماتتركون احد يسولف على نفسه ويسترجع ذكرياته الحلوه ويستفيد من المرة

عجبي

[برق الشرقية]

عزيزي ثق تماما" ان فيه فايده وكذا فايده بعد وابرازها
أولا" اظهار التجارب وتعرف المثل اللي يقول التجربة خير برهان لان لاتنسى ميزة الموضوع ان ماحددنا لامومديل ولا صناعة معينة فأكيد فيه فايده إذا مو لك لازم تكون لغيرك وغيري انا برضو
ثانيا هو بمثابة استبيان عن الشركات الرائدة والمنتجة وهذا مايفعلة الاوربيون من واقع تجاربهم فما المانع ان نعمل مثلهم بطريقتنا وبالعكس نحاول حتى ندعم الشركة المنتجة اللي تلبي احتياجاتنا ( الخليجي عامة والسعودي بصفة خاصة ) ونا في صدد افتح موضوع مشابه حتى لقطع الغيار وتجاربها لجميع السيارات ودعواتكم تنجح ، ولكم تحياتي

[شهراني وأفتخر]

السياره اللي ندمت عليها في اكس ار 99 فل كامل خليجي قير عايدي
والسياره اللي اتمناها شاص بريمي فل بدون رفرف

[صاحب حي]

السيارة اللي ندمت على بيعها هايلوكس87 غمارتين مكيف خمس غيار
والتي ندمت على شرئها باترول 98
والتى اتمنى من الله جي اكس ار 2011

[مجرم الددسن]

والله موترين
الي ندمت اني بعتهم
اول شي جراند ماركيز 2001 اسود ورده
وددسن دبل 2000 بخاخ
والموتر الي ناويت عليه سييرا 2006 قير عادي

[azzouni]

اشكرك اولا على الموضوع

ثانيا :

الموتر اللى ندمت فعلا اني بعته هي الماكسيما موديل 2001 اخذتها مستعملة وتعبانة ولكن حطيت فيها تقريبا 3000 الاف ريال
ورجعت مثل الوكالة (( للمعلومية يمكن القليل اللى يعرف ان الماكسيما 2000- 2001 - 2003 أسعار قطع غيارها بالأرض ورخيص جدا )) وغلطة .... بعتها .... وكان وقت بيعتها سعرها بالأرض (( وقت نزول الشكل الجديد لها ))
وراحت ب 8000 الاف ريال وهذا فعلا سعرها بالسوق .. لكن بعد ما تراجع المستهلك عن الجديد نظرا لإرتفاع سعره
رجعت وأرتفعت وما تقل صارت عن 15000 وتلاقيها نص نظيفة
اما السيارة اللى جاب لي الشد العضلي وخلليتني اكره نفسي تمااااااام وإلى الأن انصح بأي واحد ما يقرب منها
فورد اسمها (( سيبل )) موديلب 97 مع انها سيارة مخزنها وماهي ماشي وتقريبا ممشاها 200 وشوي بس
لكن يعلم الله اني حطيت فيها اكثر من 10 الاف وهي ما تسوي 5 الاف حتى غير صرفية البنزين وقطع اغلبيته
(( من امريكا او دبي )) ومالها قطع بالسعودية

السيارة اللى فعلا ارتحت منها وما شاء الله تبارك الله عليها .... تبرد القلب تمام ....
كرايسلر 2002 M300 والحمدلله سيترة بمواصفات جبارة ماشاء الله
والله الموفق واسف ع الإطالة

[2003 بوريان]

ندمت على بيع سياره كامرى 2000م على يدى وكاله استخدام سنه فقط والسياره الى ندمت على شرائها كابرس 2002م وكاله برضو والسياره الى اتمنها جيب لكزس

[البعير المغوار]

السيارة الي تندمت على بيعتها هي الباسات، الالماني شي ثاني مايتقارن بالياباني

صح قطع غيار اغلى بس تسوىو جودة لاتضاهى وسواقتها احلى.

اتمنى في المستقبل اشتري لي رتج روفر الكبير للبر، الاغلب مستعمل لان الجديد غالي،

واذا ماقدرت على الرنج لغلاء سعره، فالاندروفر ديفيندر الي ناوين ينزلونه بشكل جديد في المستقبل.

[ابوضيف الله]

السيارة اللي تندمت على بيعها بي ام 740 موديل 99الله يهني راعية فيه جاري حاوت اشتريها من كذا مرة ورفض والله ياانا كديته كد ولا اشتكى ولاقال شي
والسيارة اللي اتمناها بي ام جديد
السيارة اللي هبلت بي وطلعت لي قرون دوج كلايسلر والحمد لله بعتها وافتكيت منها

[حاضر بالنواظر]

مرحبا اخواني اشكر صاحب الموضوع لأنه فعلا
مهم لأني شفت بعض الردود
تبين تعلق كل شخص بسيارته الي يذكرها بالخير


السيارة الي تعلقت فيها وتقطع قلبي :( يوم بعته جراند ماركيز 2005 سعودي((كديتها سنتين ومافيه مكان الا ورحتله القريات ومكه والباحة والشرقية واماكن ابعد وبشهر العسل قعدت شهر اتمشى بين المدن ماقالت شيء والله اني اعبي بنزين وامشي وراحة ولا أحلى وصرفية ممتازة ويوم جيت ابيعها والله ماخسرت فيها الا شيء بسيط مايذكر وتجمعوا علي الناس من نظافتها والى الأن محتفظ بصورها :( ))

السيارة الي تندمت اني شريتها ودخلتني المستشفى كامري 2007 قير عادي والله عانيت معها انا ساكن في القصيم وشغلي في القريات وكنت كل شهر اروح لهلي وبالطريق والله ازعاج كأني راكب بحراثة ومرة صدع راسي ودخلت المستشفى بسببها وبعتها

والآن : معي يوكن 2008 قصير دبل سعودي وإن شاء الله ابشتري جراند ماركيز وكالة اذا غيرو شكلة مع اليوكن

[طاش كندي]

السياره اللي ندمت اني شريتها هي الكابرس وسبرمان 84من كل يوم باالورشه خربانه

السياره الي ندمت على بيعهاء الجيب2003بريمي وددسن 2001بخاخ

والله يستر من تعليق ابو ركان

[خنشلية]

كابرس صابونه 91 :( :( امريكي وتكييف فريزر وراحة في الخط ويشيل عائلتين. بس تصدقون؟ وشو له تتحسفون يعني ظنكم لو انه للحين معكم هالمواتر المتحسفين عليها منتم بايعينها؟

[أبو هشأم]

جيب باترل 97

[الرميح الحربي]

السياره الي ندمت على بيعها هيلكس 98 والله يهو ندم الله يرزق راعيها والله يءا تصبر صبر محد يتوقع
والي ودي املكها جيب اي مديل

[الفنطاس]

السيارة التى استعملتها وندمت اني بعتها هي تويوتا رويال كراون موديل 84 كانت من احسن السيارات . اما السيارة التي ندمت اني اشترتها هي سيات ديزل
اما السيارة التي نفسي فيها فهى لكزس 570 والحمدلله الله حقق امنيتي

[الروفر]

بصراحه ندمت انى بعت لاند روفر سبور والله يفيه قوه ماشاء الله الله يستر عليه وعلى الى شره وتمنى انى اشرى رنج روفر ولناس فى مايعشقون مذاهب

[محامي وراط]

مساكم الله بالخير جميعا ،،

اللي عنده معلومات يشاركنا على الرابط

http://www.mekshat.com/vb/showthread.php?t=459430 (http://www.mekshat.com/vb/showthread.php?t=459430)

[عاشق الكنق]

السياره الي ندمت على بيعها مكسيما 2004 كرفتها كرف ولاهمها سبب البيع تجديد الموديل نفارا 2010 ماشاالله الين الحين تمام واخس سياره شريتها كابرس 2001 ماشي140 اول شي حراره وظبت المكينه بعدها القير وبعتها والحمدلله على كل حال

[HAS5SAN]

السيارة إلي ندمت إني بعتها = هايلكس 1993 غمارتين
والله اني شريت مكانها 2011 لكن ذيك مصنوعه بضمير
الله يرزق مالكها الجديد مازلت معاه على تواصل
http://up.albrari.com/uploads/12829094446.jpg

أتمنى إمتلاك جيب لكزس إل إكس 2012
http://www.pomtco.com/automotive/lexus/lx570/lexus_lx_570_47.jpg

[omar823]

طيب ليش بعتها مدمنك منت واثق

[ديفون]

السيارة اللى ندمت اني شريتها بي ام دبليو 318 جير عادي خرابات مع انها سيارة في الخط لكن الناغي كرهني فيها الله لايوفقه وموظفينه الحرامية . واللى اتمنى اشتريها الروفر الجديد

[أبوباسم455]

السياره اللي شريتها وندمت هي شيروكي الله لايعيده بس فكنا الله منه ولله الحمد !!
http://dc03.arabsh.com/i/00113/5cvbd8pn7ipm.gif (http://arabsh.com)
http://dc03.arabsh.com/i/00099/fz6vdqqe8do9.gif (http://arabsh.com)

[mad_4u]

السلام عليكم
ندمت على سيارة بعتها وللليوم متحسف عليها
هوندا اكورد سبيشل 2006 لولي الله يعطي راعيها خيرها ويكفيه شرها ويبارك له فيها
مدري طنت في راسي وقلت ببيعها مع اني ماني محتاج غيرها بس اسميها لحظة تهور

امتلكت الحين اكسبلورر وللحين الحمد لله بالسليم ان شاء الله تكون مثل الاكورد خدومة
السيارات الي قبلها ماتجاوزت امتلاكي لها سنة واكثرها اكود 93 - 95 - 2000
بس ماشفت مثل الهوندا خدومة

[البعير المغوار]

نصيحة اخوية:

اذا سيارتك من هالونيتات والجيوب القوية وماعندك مشكلة بها، لاتبيعها في سبيل شراء سيارة اجدد،

ترا بتتحسف.

[سعد العامري]

مافيه سيارة بعتها وندمت عليها ولله الحمد أما السيارة التي اتمناها هي ملك الصحراء الباترول الجديد والله يرزقنا واياكم

[محمد 1429]

سيارة ندمت على بيعتها جراند شروكي 97 فل كامل 6 سلندر استعمال امريكي
سياره ما قدرت ابيعها وكل مره افكر ابيعها اهون جراند شروكي 2003 فل كامل على يدي من الوكالة
سياره اتمنها وشريتها وهي الان عندي درانجو 2012 ستدل

[بليزر ابيض82]

السياره الي تندمت اني بعتها fj 2008 سافرت عليه اماكن كثيره وطلعت بر وبحر خدوم ومايطلب شي
بس بعته لأن عندي عيله واحس صار ضيق علينا
والسياره الي اتمنى اغتنيها vxrجديد
وموتري الأن افلانش 2007 ltz حلو وخدوم

[THE KILLER]

الموتر الي ندمت علييه موتر الطيبين سوبربان 89

وماندمت على شراء موتر ثاني

عندنا اول سوبارو 2001 للحين معانا ماشية 305 اللاف كيلو وبعدين شرينا سوبارو اوتباك : 99 ماشية 354 الف كيلووو وللحين معانا , بس الحين موقفة لن القزاز مكسوور الامامي ومغبرره تغبير وعليها ورقة تشليح نرغب الشراء والصدام مكسوور والكفرات ملووحة , كانت مع اخوي الصغير ويركب الورعان حقونه ويفحطون فيها قهررررررررررررر كنت محافظ عليها ختى اغسلها بنفسي واظبطها , الحين مغمي عليه يبيلها للديتر + قزاز امامي ومساعدات والموتر الثالث سوبارو ليجاسي سيدان ماشية 256 الف كيلو وماندمنا على شراءهااااا ,,, الي يسوووق السوباررروووو مايسوووووق موتر غييييرررره اسئل مجررب ولا تسئل حكيم


والموتر الي اتمنى اني امتلكه : الوحش : دودج رام حجم 2500 هيفي ديوتي دبل قير ارضي + قير عادي + مكينة 5.7 + موديل 2012 ,

[عليان11]

السيارة التي ندمت على اني بعتها باثفيندار 2000 مطلعه وكالة ... وبعته علشان الاسهم الله لايعيدها من ايام
الحمد لله على كل حال وندمت على شراء اسكودا اكتافيا ٢٠٠١ قطع غيارها نارررر مثل اسعار BMW
ولا فيه مطب الا وشق الكرتير وبدت تخرخر زيت ،، ولا فيه عجاج الا ويخرب حساس التيربو وسعر الحساس بـ ٩٨٠ ريال ولا تمر سنه او سنتيين الا واغيره مره او اكثر

اتمنى جيب في اكس ار او جيب اللكزس الصغير

[محمد 2002]

الموضوع قديم ولكن جابها عالجرح
الباثفندر بعته في لحظة دلاخه مدري بلاهه الله يرزق راعيه ويهنيه فيه
استخدمت بعده سياره صغيره طيبه ولكن الحب للحبيب الأولي .... رجعت للي شراه مني وكسبته ورفض البيع الله يعطيه خيره ويكفيه شره والآن البحث مستمر الين الاقي أخو الباث العنابي الغالي

[سلطان الذوق]

السيارة التي ندمت على اني بعتها اكورد 2003 كانت على يدي من الوكاله
لكن الحمد لله على كل حال والله يبارك لراعيها الجديد
سبب البيع الماده فقط لاغير

[قيوط الصحراء]

كان عندي جمس سيرا2008 وبعته ياجماعة الخير ب45 الف وش رايكم بالدلاخه؟؟؟؟؟؟ورده الموتر شاص طويل لونه فضي باكياس الوكا ااااااله للحين ندمان عليه كل ماشوف صورته ودي ابكي المهم اللي اشتراه الله يباركله سيم منه ب71000 ولا بااااع اللهم لاحسد

[بعثرني]

والله السياره اللي ندمت علي بيعتها
كامري 2002 Gli
صراحه سياره ممتازه ولا تطلب اي قطع غير الاستهلاكي وعلي فترات متباعده
واندفع لي فيها اكثر 45 الف عام علي نهايه 2007
وبعت
واخذت مقفص وبعته
وبعدها اكورد 2008 والحمد لله تمام وجوده ممتازه واسعار قطع من الموزعين جيده قريب من اسعار قطع غيار الكامري الشكل الجديدولكن اغلي بفرق بسيط

[mohaon]

الموتر اللي ندمت اني شريته شديييييييد كرسيدا 92 , من تسع سنوات شاريه ومعي للان وصارف عليه زود عن قيمته انا غشيم والظاهر انه كان ليموزين وانخميت فيه
والموتر اللي بندم شدييييييييييد لو اني ما بعته هو الكرسيدا 92 زاته
والموتر اللي اتمنى شدييييييييييد اني ابيعه هو زاته الكرسيدا 92

الموتر اللي ندمت شديييييييد اني بعته مافيه لاني لم املك الا كرسيدا 92 زاته
الموتر اللي اتمنى اني املكه شدييييييييييييد برادو من 2009 الى 2005

[عشقتك يامكشات]

السياره اللي ندمت على فرقاها هي كابريس ١٩٨٨ والسبب حادث كانت مع أخوي ، والله لو أحصل مثله نظيف اشتريه ، سيارة كرف وخطوط وحتى في البر مايقول لا ، اشتريتها شبه وكاله مخزنه من دكتور باكستاني وكرفتها ٦ سنوات .

[stewrd]

بالنسبه لي اللي اتمنى اني املكه ولو وصل سعره 150000 الف هو السوبر سفاري ربع بخاخ قير تماتيك اقسم بالله ما بعده سياره (((( في نظري انا )))

[H Y T H A M]

سيارات ثلاث ندمت على بيعها وعسى الله يعوضنا
1- هايلكس 77
3- كرسيدا 80
4- كرسيدا 90