استفسار قبل السفر

[مايكبررني لقب]

السلام عليكم ورحمة الله وبركاته

كيف الحال .!؟

إخواني أنا مسافر يوم الاثنين ان شاء الله لمكة المكرمة عن طريق البرر
لقضاء العمرة ، ثم الى المدينة المنورة
ثم الى القصيم ،علماا بأني من سكان الرياض ،

وكان عندي كم استفسار :
الاول عن طريق مكة المدينة كم كيلو ومن وين أطلعله لأن لم يسبق ان ذهبت الى المدينة ؟؟
الثاني عن طريق المدينة القصيم كم كيلو وهل الطريق اامن ؟؟


وشكراااا ...

[طلحة]

الله يسهل عليك ويردك بالسلامة
بس يمكن الشباب يفيدوك

[ذئب المراقيب]

الله يسهل امرك ويقبل عمرتك
ولاتنسى تدعوى لنا وفقك الله
الطريق من مكة للمدينة حوالي400كيلو
وتخرج لها مع طريق الهجرة
اما من المدينة للقصيم يفيدوك الاخوان إن شاء الله

[كاشت...]

من المدينة للقصيم 518كم تقريباً
واما من ناحية الأمن كل ديارنا ولله الحمد آمنه
الله يديم علينا نعمة الأمن والأمان
..
.

[ترهيم]

من المدينة للقصيم 518كم تقريباً

واما من ناحية الأمن كل ديارنا ولله الحمد آمنه
الله يديم علينا نعمة الأمن والأمان
..
.


كنت اتمنى ان ماتقوله صحيح ...

[مايكبررني لقب]

الف يكرر للي ردوآ

طيب نقاط التفتيش الثابته وين موقعهااا ؟؟؟

[ترهيم]

والله يخوي النقاط ماعندي خلفيها عنها ...

اما المسافات تقدر تشوفها بقوقل ايرث شوف الطريق الي يريحك ..

اما انا هنا لنصحك خذ احتياطك ولا تسافر إلا بنهار وخاصه طريق الرياض الطائف انتبه ولاتهتم من كلام الديره أمن وأمان الامآآآآآآن بيد الله سبحانه وتعالى ..
اعلم ان كلامي قد يغضب البعض ولكن من واقع معايشه لحالات نسئل الله ان يحمينا ويحمكم من كل مكروه ...

طريق الطائف الرياض احد الزملاء في العمل قبل 4 شهور تقريباً او اقل بقليل بعد ان أدى مناسك العمره وفي طريق الطائف الرياض اعترض طريقه مركبه وأرغموه على الوقوف الإجباري وبعد أن سلب مالديه قامو بقتله حسبنا الله ونعم الوكيل تغمده الله برحمته وحتي الان لم يتم القبض عليهم ..
حادثه اخرى لاحد ابناء عمومتي يوم الثلاثاء الماضي طريق الاحساء خريص اعترضت طريقه مركبتين ولكنه لم يقف وقام بإبلاغ الشرطه بأن هناك اشخاص يحاولون ايقافه عنوه ولم يقف قامو بملاحقته وصدمه حتي اختل توازن السياره واصتدم بتريلا تغمده الله برحمته وتم القبض على الجناه ..
وانا اقول هالكلام لتنبيه ياخوان الحذر الحذر من الطرق السريعه فقد عدنا للوراء اكثر من خمسين سنه ..

[abujod]

درب السلامه وان شاءالله عمره مقبوله ودعواتك لنا
اذا خلصت من مكه تبي المدينه ومضيع اسأل عن مسجد العمره ولوصلته خله على يمينك وبتل الى المدينه
الخط سريع والمحطات واجد وحطة ساسكو في نصف الطريق والمسافه حول 400 كيلو
الله يسر امرك

[مايكبررني لقب]

الله يجزاك خبير جميعاااا

أنا ان شاء الله ما شي بعد صلاة الفجرر ،،

[أبوجهاد التبوكي]

لكن نصيحة لك إذا تبي تأخذ راحتك بالعمرة وتقبل الحجر الأسود أنت واهلك على راحتكم إدخل الحرم من بعد الساعة 7:30 لأن الناس كلهم لاهين بأنفسهم الصباح
وهذه أنا مجربها وكانت مريحة لي وللوالدة الله يحفظها ..