المساعد الشخصي الرقمي

مشاهدة النسخة كاملة : مشورة عاجلة بخصوص تركيب ريموت السيارة...


أشهب الغارب
21/01/2011, 11:32 PM
السلام عليكم ورحمة الله
يا شباب أنا أستشيركم في أفضل ريموت للقراند ماركيز
النوع: ستاندر (يعني يجي وكالة بدون ريموت)
وأبغا أركب له ريموت
ما هو أفضل نوع؟
وكم سعره التقريبي؟
وهل له آثار جانبية أو التماسات إذا ركبته؟
شاكرا مقدرا لكم
Abo gssar
22/01/2011, 12:34 AM
انا نصيحتي ركبه عند معلم فاهم لان القراند مركيز حساس في شغل الكهرب جدا ويخصوص الاسعار انا مركب واحد على قراند مركيز قبل اكثر من سنه بــ350ريال نوعه امريكي والان بحثت عن نفس النوع ولم اجده وجدت اشكال كثير ماتدري وش الصالح منها اغلبها صيني.. وان شاء الله الشباب يفيدونك
أشهب الغارب
22/01/2011, 08:12 AM
شكرا لك
وما زلت يا شباب بحاجة الى المزيد من المعلومات والاراء قبل أن أتندم
علما أنني أعرف كهربائي شاطر وحليو بالكهرب، ولكن أشيروا علي أجزم أم لا؟ وما هو النوع الزين؟
ابوعمر1397
22/01/2011, 08:47 AM
انصحك تركبه عند العليان فرع الغرابي او خريص عمالتهم فلبينية وشغل مضمون
ناصر العدواني
22/01/2011, 08:59 AM
الأجهزه كثير وأنا أخوك وشغلها كله صيني
وين تلاقي الأصلي
وأهم شئ يكون شغل الكهربائي كويس
حتى لو خرب الجهاز بعد كم سنه تغير فقط الجهاز الأسود والريموت ونفس الأسلاك موجوده من القديم
فيه اجهزه تشغل السياره وتفتح وتقفل
وفيه اجهزه تقفل وتفتح بس ماتشغل السياره
ولكن شوف لك جهاز يكون مداه بعيد شوي
لأن ابليس خليك الين تبعد عن السياره
قال وينك ياولد ترى ماقفلت السياره
تحياتي لك
لن أمل من العطاء
22/01/2011, 01:35 PM
حياك الله اخوي
كم ديل سيارتك
لان بعض الموديلات حتى وهي ستاندر تجي بريموت

ثاني شيء السوق ما به الا صيني اوتايوان

ركب النوع حق الفتح والقفل فقط

لا تأخذ اللي يشغل السيارة ايضا لانه صيني يعني غير موثوق به ممكن يعلق السلف عليك ويروح السلف ويمكن تروح السيارة

وايضا لا تركب اللي به انذار امان لان ما منه فايده لان غالب السيارات يكون فيها فيصر عنكانذارين امان تخرب بعضها

بس تأكد اولا ان السيارة ما فيها اصلا ريموت

يمكن انها استخدام امريكي
ويكون متوفر بها كل اجزاء الريموت ما عدا الريموت نفسه
هذي بيطه تاخذ ريموت من التشليح او الوكالة وتبرمجه وصلى الله على سيدنا محمد
أشهب الغارب
22/01/2011, 02:36 PM
الله يجزاكم خير
أخوي اللي يسأل عن الموديل
2004
ساهر1911
22/01/2011, 03:37 PM
السلام عليكم ،،انا اشوف الاصلي حق الوكاله اضمن والتشليح تلاقي فيه لليل
شاص&نص
22/01/2011, 10:29 PM
بسم الله الرحمن الرحيم

مر التشليح و أنا أخوك و خذه كامل ( الجهاز بالريموتات اللي معه) و لو كان غالي شوي
و ترى السيارة راح تكون مجهزة بس عليك تشبك الجهاز و لو ما عرفت محله مر الوكالة أو محل قطع غيار متخصص و خله يوريك محله ( بواسطة الكميوتر )

أخوك أبوعبدالكريم
أشهب الغارب
23/01/2011, 06:43 AM
الله يجزاكم خير
بس يا خوفي يكون اللي في التشليح مفكوك من سيارة واحد هو اللي مركبه ثم تروح علينا
علموني كيف أعرف الفرق بين الأصلي والتجاري الله يعافيكم