رجال يبي سياره عائليه سعرها معقول وحقت جلد

[محب الشبه]

سلام عليكم ورحمه الله
رجال يبي سياره عائليه سعرها معقول وحقت جلد وش :good:تنصحونه

[أبوالمثنى]

أنصح والله بـ أنوفا

فان تويوتا صغير تكرفه كرف مايقول لا ماشاء الله

[محب الشبه]

شكرا لك ونتظر المزيد من المشورات

[النبع الصافي]

وعندك البريفيا وتراها غويلية شوي بس بها حقها

[التاكسي]

أنصح والله بـ أنوفا

فان تويوتا صغير تكرفه كرف مايقول لا ماشاء الله

جربت الموتر

عندي انوفا ونصيحه ابعد عنها

الا اذا كنت بتستخدمها سنه الي سنه ونصف بس قبل لا تتفكك عليك

[ثورة الشك]

يووووووووكن وريح بالك خصوصا2006او2005دبل شاشه وفتحه سقف جنط17 اللون فضي اواي لون ترغبه

لكن ان لقيت شي نظيف قولي تراءتعبت من الدواره على النظيف

[زمزم 100]

سوزوكي جراند فيتارا من 2002 إلى 2005 الحجم الطويل XL7

مكدة و تحمل

نصيحة مجرب

[ليزر 97]

الأمريكي صديق العائلة منذ القدم رحة وخدمة
يوكن دبل 2005 ونازل كد ومد وقطع غيار متوفرة وصيانة سهلة
ولاتنسا النظيف احرص علية
بالتوفيق

[.أبوعبدالرحمن]

الله المستعان حاليا سيارة سعرها معقول وعائلية وحقت جلد هذا أول الان ما عاد فيها

ابعطيك سيارات أسعارها معقولة وعائلية من الدرجة الاولى وحقت جلد ولكن عطها تعطيك ولا بد من المحافظة عليها

الاكسبدشن فورد والتاهو شفر واليوكن جي ام سي

ورتبتها حسب رأيي

[ريثان القصيم]

سلام عليكم ورحمه الله
سياره عائليه سعرها معقول وحقت جلد وش :good:تنصحونه

لاندكروزر V6 قير عادي طبعا مكيفين وثلاجه موديلها على قد دراهمه



ريثان القصيم

[أبوالمثنى]

جربت الموتر

عندي انوفا ونصيحه ابعد عنها

الا اذا كنت بتستخدمها سنه الي سنه ونصف بس قبل لا تتفكك عليك


أكيد وأنا أخوك ما أنصح الرجال الا أنا مجرب وموجود عندي أنوفا مع السواق واستخدامه صراحه سيئ فيها ولا طلبت ماشاء الله

[على رمشي تمشي]

فيه الهونداي الباص الصغير وفيه كرنفان كيا والا باجيرو

[ابو عبووودي]

فورتشنر 6سلندر وراح تدعيلي

[محب الشبه]

بارك الله فيكم

[DurangoX]

السلام عليكم

أخي الكريم من تجربه لليوكن والتاهو استمرار السياره معاك توافيق خصوصا بعد موديلات 99 الا يكون فيها شي يعيب طرمبة البنزين او الكرونات او الكومبيوتر او كمبروسر المكيف..

جربت الدودج دورانجو ولله الحمد كد ومد ( ومع احترامي لاي رأي اخر انها تكلفتها التشغيليه عاليه ) بمعني ان قطعها غاليه او غير متوفره .. القطع الاستهلاكيه متوفره في الوكاله وكل صيانه كل 10000كم ب 500 ريال والصيانات الكبري كل 20000كم ب 800 ..لكن وش الان رخيص...ان لقيت لك موديل 2009 توكل علي الله وخذ 5.7هيمي واسعارها في متناول اليد ... وان بغيت الجديد فشوف موديل 2011 نقله نوعيه في التصميم لهذا النوع من السيارات ولا تنسي ان الدودج الوحيد الذي لازال يصنع بالكامل في امريكا ويجمع فيها واسعاره مقابل مواصفاته فرصه لا تعوض ان حصلت لك موتر هيبه وقوه ومواصفات الاهم من هذا كله رغبتك الشخصيه...واقترح عليك تتفضل بزيارة رابطة ملاك الدودج دورانجو

دمتم بود

[عاشق السيل]

طيب أخوي باقي شي مهم جدا : الرجال يبي جديد وإلا مستعمل ؟؟ فلوسه كم توصل ؟؟ سيارة دفع رباعي وإلا عادية ؟؟ عائلية كبيرة مرة مثل الجمس وإلا متوسطة مثل الباثفاندر ؟؟؟؟؟

جاوب على هالأسئلة وإن شاء الله تلقى الفائدة المرجوة .....

[مواسي الطعوس]

كلام سليم ياعاشق السيل .انا ما احب اللي يجاوب بدون معرفه جميع الاسئله اللي ذكرت .

[al7beeeb]

جرب ياخي التاهو من موديل 2006 ونازل وكذلك الجمس لان مناسب من ناحية القوة والتحمل وكذلك الكرف وسعره مناسب جدا لكل ميزانية وقطعه متوفره بكافة انواعها واعطي الموتور قليل من الاهتمام يعطيك كثيراً من الزمن بس عليك بالنظيف والمواصفات الكاملة مثل الدبل وذلك حسب احتياجك للدبل من عدمه

[محب الشبه]

ابي جديد دفع رباعي افضل متوسطه الحجم

[كاشت وحداني]

تحكمها ميزانيته اللي حاطها للموتر
لو توضح ميزانيته ممكن يفيدوك الشباب

[محب الشبه]

مايتعدى 120الف

[زمزم 100]

إذا موتر جديد

تويوتا فور تشنر

[MjNo0oN]

على حسب يبيها جديده او مستعمله لاكن بعد تجربة لي و لاحد الزملاء انا انصحه بالفورنتشر اذا كان راعي بر ياخذ v6 واذا كان يبيه في الديره ياخذ v4 بدون دبل وبيكد معه على اقل تقدير 5 سنوات قدام بدون اي مشاكل وسعرها معقول جداً يبدى من ال75 الف وينتهي في ال115 الف

[هلي ديزل]

فورتشنررر أو باثفندرر

[صبي غلباء]

فورتشنر سته سرندل وكبر الوساده بأذن الله

[محب الشبه]

الشكر للجميع

[عاشق السيل]

باث فايندر حجمه جدا ممتاز وسيارة مريحة وواسعة وعملية ومعروفة ومناسبة لدراهم خويك !!

الله يوفق الجميع لكل خير ....

[السلمان2010]

تاهو يوكن والله يكتبلك اخير