المساعد الشخصي الرقمي

مشاهدة النسخة كاملة : لأهل التخليص الجمركي و دخول السيارات المصدومة


دايم الخير
22/01/2011, 12:21 PM
السلام عليكم و رحمة الله و بركاته

اخوني الافاضل قدر الله علي و اشتريت سيارة قطرية مصدومة 2010 و السيارة الان موجودة بقطر و ابي ادخلها المملكة اصلحها .. كيف الطريقة الله يحفظكم؟

و هل اقدر ادخلها مصدومة لو نقلتها بأسمي من هناك ؟ أو اخلي النقل بعد اصلاح الصدمة؟

آمل إرشادي حفظكم الله مع ملاحظة اني لا اريد اصلاحها خارج المملكة

لكم مني خالص التقدير
خليفان
22/01/2011, 01:33 PM
ياخوك ممنوع ادخال اي سيارة مصدومه الا اذا قطعتها نصين
اذا تبي تصلحها اشحنها للامارات ترانزيت وتسويلها اعادة تصدير وتدخلها السعوديه وهذا الي صاير الحين 70% من السيارات المصدومه تصلح بالامارات ويدخلونها السعوديه
دايم الخير
22/01/2011, 04:32 PM
لكن لو اطلب تصليحها في السعودية بلوحتها القطرية

وبعد الاصلاح ارجعها لقطر و اعيد تصديرها .. قالوا انهم يعطونك مهله تصلح السيارة داخل السعودية و تدفع تأمين وتحدد المده .. لو خلصت المدة مارجعت السيارة يروح عليك التأمين الي قيمته 10000لاف تقريبا و طبعا السيارة ماراح تقدر تتصرف فيها الا تشليح وقتها والله اعلم .. هل هذا الكلام صحيح؟!
الله يعطيك الصحة و العافية
والله شغله ارسلها الامارات
غلبان باشا
22/01/2011, 05:28 PM
سمكره في قطر وجبه ولا منشاف ولا مندرى

تحياتي
دايم الخير
22/01/2011, 07:24 PM
الله يعطيك العافيه غلبان

بس ماعندهم ورش سمكره زي العالم و الناس و الموتر ماهو رخيص

كان ودي اسلمه الوكاله هنا أو الوفا او ارتاج و اتابعه بنفسي

لو سمكرته و جبته راح اخسر مرتين ):

الله لا يخسر مسلم
الجيب الريو
23/01/2011, 10:57 AM
مالك الا تصلحة بقطر او تبيعه زي ماهو هناك
والا واسطة بجمرك سلوى
ابوعقل
23/01/2011, 11:00 AM
لكن لو اطلب تصليحها في السعودية بلوحتها القطرية

وبعد الاصلاح ارجعها لقطر و اعيد تصديرها .. قالوا انهم يعطونك مهله تصلح السيارة داخل السعودية و تدفع تأمين وتحدد المده .. لو خلصت المدة مارجعت السيارة يروح عليك التأمين الي قيمته 10000لاف تقريبا و طبعا السيارة ماراح تقدر تتصرف فيها الا تشليح وقتها والله اعلم .. هل هذا الكلام صحيح؟!
الله يعطيك الصحة و العافية
والله شغله ارسلها الامارات

حدد مدة الأصلاح سنه
دايم الخير
23/01/2011, 01:26 PM
الحبيب الريو

يعني الطريقة الي قلت عليها انا ماراح تمشي؟؟ او ماهي صحيحة الله يرضى عليك؟

أبو عقل

والله مادري يسمحون بالسنة أو لا و دي احد يعرف هل فيه مثل هالنظام او لا

الله يعطيكم العافية
سوبر مكشات
23/01/2011, 01:57 PM
اتصل على مديرية الجمارك ويفيدونك

وحاول تأخد استثناء


(عندنا انظمة غبية)<<<< وهذي مشكلة اللي يستورد من أنظمة مصر ثم يعدل عليها
طناف
08/04/2011, 10:38 AM
الله يكون بعونك اخوي
صلح السياره بقطر وريح عمرك
ممنوع دخولها وتصديرها وهي مصدومه
او شف لك واسطه جامده
kfupm1470
20/11/2011, 06:25 PM
سلام عليكم

بمناسبة الموضوع

انا طالب مبتعث في امريكا و ناوي اشتري سيارة مصدومة و اصلحها و بعدين اشحنها للسعودية
هل هذا ممكن؟؟

يعني اللي فهمته ان ممنوع ادخال سيارة مصدومة للسعودية و عشان كذا الناس يشحنون للامارات يصلحون و بعدها يشحنون للسعودية

بس انا ناوي اشحن السيارة من امريكا بعد التصليح ,,, كذا في مشكلة ولا عادي اقدر ادخلها السعودية ؟؟؟

ارجو انكم تفيدوني يا الربع و لكم الشكر