صوره لمنفاخ الفورد والبيوك

[القزاع]

السلام عليكم
الفزعه يا اهل الفزعه
وين موقع منفاخ الهدروليك في البيوك او الفورد وممكن صوره لاني رحت لراعي تشليح وسأ لته عنه وقال لي ما اعرفه ولا اعرف موقعه في السياره ورجعت بخفي حنين .

[nahham]

هلا اخوي القزاع

اولا وش لك ولوجع الراس ... ما هو عملي ويحتاج ترهيم

خذ لك ماطور ابو جمل افضل منه وارخص ولك وللزمن

ثانبا ... المنفاخ يسمى منفاخ مساعدات البيوك القديم والاولدوز موبيل وتراه راكب تحت قريب من المساعدات لونه اسود

اكرر نصيحتي .. اتركه عنك

بالتوفيق

[القزاع]

شكرا للاخ نهام

وكل عام وانت بخير

والجميع بخير

ومن العايدين

[إلياس المطلق]

هل منفاخ الهدروليك في البيوك او الفورد أحسن من ماطور ابو جمل ,,

[(مواصل)]

منفاخ مساعدات البويك افضل بكثير من منفاخ ابو جمل
السبب
تقدر تركبه بكبوت السياره ومايحتمي ومافيه زيادة تكلف ويتحمل الضغط القوي
انا اعرف انه موجود ببريده محل المحيميد لزينة السيارات
موقع المحل صناعية السليم بشارع الاربعين

[إلياس المطلق]

منفاخ مساعدات البويك افضل بكثير من منفاخ ابو جمل
السبب
تقدر تركبه بكبوت السياره ومايحتمي ومافيه زيادة تكلف ويتحمل الضغط القوي
انا اعرف انه موجود ببريده محل المحيميد لزينة السيارات
موقع المحل صناعية السليم بشارع الاربعين

كم سعره ؟؟
و هل هو توليف ؟؟
و اين أجده في الرياض ؟؟
وشكرا إلـــــــــــــــك ,,

[(مواصل)]

كم سعره ؟؟

و هل هو توليف ؟؟
و اين أجده في الرياض ؟؟

وشكرا إلـــــــــــــــك ,,



السعر تقريبا 200 ريال وفيها يمكن اقل بعد
لا ماهو توليف طال عمرك
هذا اصلا يجي بالسياره البيوك القديكه كان يرفع السيياره مع المساعد اذا حملت ثقيل او اذا نزلت مع جهه وحده عشان تتساوى السياره
اما مكانه بريده الي انا اعرف ولا ادري بالرياض اذا فيه او لا ولا وين يباع لكن يمكن توصي احد والا يرسله لك
حياك الله ياخوي ماسوينا الا اقل من الواجب بكثير
انصحك تاخذ اثنين وتشوف قوة نفخ الكفرات والفرق بينه وبين ابو جمل لانه متصدر بلا منازع
بس اهم شي تشغله وتجرب نفخه وان حاط اصبعك على مجرى الهوا عشان تتاكد انه مايفوت
اي خدمه ثانيه انا حاظر طال عمرك

[إلياس المطلق]

طيب المنفاخ الي يرفع سيارة فورد قراند ماركيز من الخلف - هل يصلح أن استخدمه في نفخ الكفر ,,