مارأيكم بتمديد ضمان لسيارة يوكون لدى الجميح..!!

[شملول]

وسعر ذلك 1700 ريال...

وبقي على انتهاء الضمان 1500 كيلو..

مانستغني عن مشورتكم وآرائكم....

[mamsdt]

كم التمديد؟

[شملول]

التمديد الى 50 ألف أو مضي (الظاهر) ثلاث سنوات...

[ابوصالح11]

عزيزي ما هو المكسب من ورى الضمان بالذات الجميح ما عرفت الضمان الا في تويوتا والباقي كلام ياخذون فلوسك في كل زياره واذا تعطل عندك شي طلعولك بند من اوثيقة الضمان يقولك انه سوء استخدام وخلافه وذا جيتهم في وزن اذرعه ابو عشرين ريال خذوا عليك الف وخمس مائه من وجهة نظري لا تمدد
وذا واجهك اي عطل عندك محلات فحص الكمبيوتر في الصناعيه عشرين مركز متقدم على مستوى بمائة ريال الفحص وتصلح عندهم ولا غيرهم بالسعر المناسب والله يغنينا واياك عنهم جميعا

[((ابوملاك))]

يارجال الجميح صيانتهم فاضله قسم بالله

نصيحه الـ1700 خلها عندك لو خرب من عيب صناعي يصلحونه غصب عليهم وببلاش

بس اذا خرب منك بيقولون ويقولون

نصيحه الـ1700 حطه بمخباك ولو لا سمح الله خرب صلحه بهالقروش

[شملول]

أخواني : مجهول666 & ابوصالح11

الله يعطيكم العافية على ابداء مشورتكم والله لايحرمكم الأجر..

[ذيب زلفاوي]

مانصحك
وفر دراهمك افضل

[ابوسعد931]

تمديد الضمان ليس من شركه جنرال موترز الام من شركات تامين نصابه يعني مو مثل ضمانك كل كلام فاضي وفر فلوسك واللي الله كاتبه بيصير وخلك من نصبهم

[ابوديما]

ذبحونا علشان هذا الضمان كل 5000كم أروح لهم علشان يغيرون الزيت وتشييك على 15 نقطه ويأخذون مني من 300 - 1200 ريال في كل مراجعه وتبي تمدد الضمان وبــ 1700 ريال أنا أحاول أقطع مراجعه الوكاله ولم أستفد من هذا الضمان الا تغيير بطاريه فقط قيمتها 330 ريال وأخذوا مني حوالي 10.000 ريال حتى الآن لمدة سنه ونصف صدقوني انها عمليه نصب و لعب على الزبون ، علماً بأن الوكالات تشترط المراجعه الدوريه لديهم مدة الضمان والا فإنه يكون لاغياً :f