تكفون يالربع فزعتكم محتار أبي موتر ومدري وش أشتري شورو عليّ .. [الأرشيف]

مشاهدة النسخة كاملة : تكفون يالربع فزعتكم محتار أبي موتر ومدري وش أشتري شورو عليّ ..

الحلم الغايب

22/01/2011, 06:28 PM

السلام عليكم ورحمة الله وبركاته ..

وش حالكم يا أعضاء منتدى مكشات الغالي ..

بدخل في صلب الموضوع مباشرة بدون لف ودوران :D
من مدة وأنا أدور عن موتر مواصفاته كالتالي :- <<< سؤال في اختبار وحنا ما ندري :)
- مريح في المدينة والسفر وهذا شرط في غاية الأهمية ..
- أقدر أروح به للبر ( يعني فيه دبل :)) مع العلم أن روحاتي للبر مهيب واجد يعني تقدرون تقولون في المواسم بس ولانيب أبعد إلا قليل يعني حدي الزويليات (مدري تعرفونها ولا لا :D) ولا الخراره .. إلخ مدري بعد يمكن إذا صار معي موتر دبل أكثر من الطلعات والكشتات لأني بصراحه أحب البر .. وينشرح صدري فيه لو إني لحالي ;)
- ويكون أيضآ مرتفع نسبيآ عشان ما يحكحك في المطبات وما في حكمها <<< [ مدري وش يبي الأسلوب بي أهم شي أنكم فهمتو :) ]
- ومناسب للمشاوير اليومية ..
- ووش بعد .. ايه .. وحدي 150 ألف
- ويكون الموتر جديد يعني ما أبي مستعمل بتاتا البته :)
وســـلآمتكم ..

وبصراحه فكرت في اليوكون القصير دبل .. وأبي رايكم فيه وإذا فيه موتر مثل مواصفاتي ومزبوط لا مانع من ذكره ..

أدري اني طولت عليكم بس المعذرية يالربع

:D لا تبخلون بالردود الله الله بالردود السنعه ..

كاشت وحداني

22/01/2011, 06:49 PM

والله ياخوي الحلم الغايب
عندي لك شور
150 الف اقسمها
دامك منت راعي بر واجد
مثلا ب 130 اشتر لك موتر صغير يكون خفيف ومريح وال 130 ممكن تاخ به افالون وما شابهها او اوريون وبتكون ارخص من ال 130 اعتقد في بحر ال 110 الف تقريبا
وال 20 الف اشتر بها جييب نيسان او تويوتا ربع وخل عزبتك فيه
ان طقت في الراس تطعيس وبر دق سلف الجيب . لان الموتر الدبل مهما كان ثقيل في الاستخدام اليومي خصوصا في الرياض .

الحلم الغايب

22/01/2011, 06:56 PM

والله ياخوي الحلم الغايب
عندي لك شور
150 الف اقسمها
دامك منت راعي بر واجد
مثلا ب 130 اشتر لك موتر صغير يكون خفيف ومريح وال 130 ممكن تاخذ به افالون وما شابهها او اوريون وبتكون ارخص من ال 130 اعتقد في بحر ال 110 الف تقريبا
وال 20 الف اشتر بها جييب نيسان او تويوتا ربع وخل عزبتك فيه
ان طقت في الراس تطعيس وبر دق سلف الجيب . لان الموتر الدبل مهما كان ثقيل في الاستخدام اليومي خصوصا في الرياض .

رأي حلو والله بس أخاف الموتر اللي بـ 20 ألف يهبل بي بالخربات ويخسرني
والموتر الصغير يبقى موتر طامن(نازل) وأنا أبي موتر ما يحك في المطاب ..
وفي شي ثاني فكرة الموترين ما تصلح لوضعي ..

مشكووور أخوي كاشت وحداني الله يعطيك العافية ..

Abo gssar

22/01/2011, 07:41 PM

من كلامك عندك يوكن قصير او اكس بلولر او برادو ومافي حكمها

ابومحمد122

22/01/2011, 07:46 PM

ان طعت شوري لاتعدى البرادو ال10 والله موتر شخصيه مريح وقوي كلها مجتمعه ويكفيك انه من تيوتا

العبدي1

22/01/2011, 07:47 PM

تبي الراي يالخو ـــ اكسبلورر 2010
كل اللي قلت متوفر فيــــــــــــــــــــــــه

سدير سديرك

22/01/2011, 08:22 PM

مرحبا اخوي تبي راي لاتطلع من تايوتا خذلك برادو ولا الثاني اللي زي البرادو نسية اسمه ولا خذ جي اكس

اول شي قطع غيار رخيسه وتايوتا يتحمل وشيك بمخباتك انا انصح بتايوتا بشكل عام

تقبل مروري

الطرقي 1

22/01/2011, 08:34 PM

ماقصرو الشباب البرادو السكويا من تايوتا حلوين
من نيسان الباترول الشكل القديم يجي 2011 حلو
من جي ام وشفر اليوكن والتاهو حلوين
شف اللي يعجبك شكله وتوكل على الله

عبد الله 99

22/01/2011, 08:37 PM

انا انصحك و بقوه باليوكن الدبل
عندنا واحد بالبيت ما شاء الله 2008 ماشي حول 180 الف ما قال اح و مراقى اسبوعياً تقريبا و كشتنا به الى ان قلنا امين ولا ضره شي ما شاء الله بس ممكن عيبه الوحيد الدبل اذا شغلته و شديت عليه شوي يعلق اذا طفيت الدبل لازم تطفي الموتر و تفصل البطاريه 5 دقايق و كنشاط و مريح خذ يوكن لاكن من كلامك انك منتب راعي طلعات مقانيص فأنصحك به و كانك بتاخذ خذ من وكالة العيسى او بالبيد ما انصحك بالجميح
اتمنى اني قدمت شئ

أبوالمثنى

22/01/2011, 08:54 PM

عندك مواتر واجد بميزانيتك

مثل
1-باجيرو فل كامل
2-باثفندر فل كامل
3- برادو v6
4-إكسبلورر
5-يوكن أوتاهو
6-كيا موهافي
7-إيدج (خيالي) 2011 سبورت
8-لاند كورزر (ما أنصح فيه لانه بيكون مواصفاته سياحيه بفلوسك)
والله يكتب لك الخير

جي اكس ار2000

22/01/2011, 09:38 PM

النصيحه دور على 2007 جي اكس ار نظيف وريح بالك وابعد عن الأمريكي نعم ابعد اليوم بسعر 150000 والعام القادم ب90000 غير التهريب وقلة الشرايه

واخيرا خلك حول تويوتا وأنا اخوك الله الله الله يرزقك بمايسرك وكل مسلم

كاشت وحداني

22/01/2011, 09:58 PM

موفق خير اخوي
اجل خذ لك برادو بس 6 سلندر
لاتاخذ ال 4 ابد
والله يدلك لما فيه خير لك

الطروديات

22/01/2011, 10:18 PM

كلام اخوي عبدالله 99صحيح توكل على الله وقيمته فيه لوطرالك بيع

الحلم الغايب

22/01/2011, 11:57 PM

كل اللي ردو مشكورين ما قصرتوا وبيض الله ويجيهكم ..

طيب وش رايكم في اليوكون القصير الدبل للي مجربه ينصح فيه ولا لا ..

عاشق القطا.

23/01/2011, 12:19 AM

يَ مرحبـآ بـك يَ آلغـآلي ..

آنـآ آقول آليوكن جديد وكآلـه قصـير دبل بـحدود آلـ130 وحولها
ليس من واقع تجربه وانما من اقوال الناس ..

مريـح،قوة،حق خطوط،وسيع،
لكن عيبه آن كآنك حق مراقى وطعوس ماينفع ينكسر خشمه طامن لكن اذا انت شخص عادي يعني روح وجيه بر مافيه اشكال اعرف واحد معه يوكن طويل يروح به للربع الخالي ((مقناص))ومعه مواتر واجد يقول قوي ماشاء الله عليه بس فك صدامه وامش

لـكن لاتأخذ برأيي إلى آن يأتي آصحاب التجربه

فالتجربه خير برهان !
وسلام عليكم

mamsdt

23/01/2011, 12:40 AM

نصيحتي لا تروح عن اليوكون او التاهو او الاكسبديشن القصار

الحلم الغايب

23/01/2011, 04:20 PM

الحلم الغايب

23/01/2011, 04:23 PM

نصيحتي لا تروح عن اليوكون او التاهو او الاكسبديشن القصار

يعطيك العافية على الرد .. ما قصرت

وشكلي مانيب مبعد عن اليوكون القصير دبل ..
وأبي رايكم عنه ..

moooj

23/01/2011, 08:40 PM

الجمــــــــــــــل

23/01/2011, 11:19 PM

اكسبلورر 2010 سعرة على ما أظن 95.000 ريال
مناسب لك وسعرة معقول وينطبق علية كل ما ذكرت من مواصفات

http://images.automobilemag.com/auto_shows/2006_los_angeles/0611_x+2007_ford_explorer_fuel_cell+driving.jpg

الخالدي..

23/01/2011, 11:35 PM

اخوي مثل ما قال احد الشباب يا خذلك باترول من الاشكال القديمة <هذا مجرب وعز الله موتر

او خذ لك فورشنر اشوفة مع احد شياب الجماعة طايربة ويمدحة والله

ياليت الي عندهم خبرة عن الفورشنر يقولون لك عنه

تمنياتي لك بالتوفيق

ليوان

23/01/2011, 11:43 PM

اليوكن القصير دبل وارفع يدك
قوة و راحه و سعة و تحمل و تحميل
بس مثل ما قال اخونا عاشق القطا شف لك حل في الصدام الامامي
هذا اذا كنت راعي طعوس( يعني هاوي )
اذا ممكن تولف لك صدام مرتفع شوي عن الارض احسن عشان ما يدق في الطعوس
واذا مانت من هواة رقي الطعوس فلا تفكر في الصدام وانساه
ترى 2003 و 2004 وحولها في حدود الـ 45000 على ما اعتقد
وبعدين صيانته سهلة وقطعه متوفرة
ولا تنسى انه جمس والجمس معروف تاريخ وعراقه و امبراطورية قديمه حتى ان الشعراء تغنو به مثل ما تغنو بالبنادق و الخيول الاصيلة والصقور

من واقع تجربه انصحك باليوكن
توكل على الله
بس عليك بالنظيف

الحلم الغايب

24/01/2011, 12:51 AM

مر-الوكالات-وانا-اخوك-واطلب-قيادة-تجريبية
سوق-الموتر-واطلع-عليه-خط
او-تستأجر-وتخليه-معك-يوم-كامل
والي-ترتاح-له-رح-طق-لك-جديد-وانت-مغمض
وكل-واحد-له-راي-يناسب-احتياجاته-واستخداماته
ولا-تنسى-الاستخارة-والله-يوفقك

الله يجزاك خير ما قصرت ..

اكسبلورر 2010 سعرة على ما أظن 95.000 ريال
مناسب لك وسعرة معقول وينطبق علية كل ما ذكرت من مواصفات

http://images.automobilemag.com/auto_shows/2006_los_angeles/0611_x+2007_ford_explorer_fuel_cell+driving.jpg

يعطيك العافية أخوي
بس مشكلة الأكسبلورر شكله بيتغير

اخوي مثل ما قال احد الشباب يا خذلك باترول من الاشكال القديمة <هذا مجرب وعز الله موتر

او خذ لك فورشنر اشوفة مع احد شياب الجماعة طايربة ويمدحة والله

ياليت الي عندهم خبرة عن الفورشنر يقولون لك عنه

تمنياتي لك بالتوفيق

الله يجزاك خير ما قصرت

اليوكن القصير دبل وارفع يدك
قوة و راحه و سعة و تحمل و تحميل
بس مثل ما قال اخونا عاشق القطا شف لك حل في الصدام الامامي
هذا اذا كنت راعي طعوس( يعني هاوي )
اذا ممكن تولف لك صدام مرتفع شوي عن الارض احسن عشان ما يدق في الطعوس
واذا مانت من هواة رقي الطعوس فلا تفكر في الصدام وانساه
ترى 2003 و 2004 وحولها في حدود الـ 45000 على ما اعتقد
وبعدين صيانته سهلة وقطعه متوفرة
ولا تنسى انه جمس والجمس معروف تاريخ وعراقه و امبراطورية قديمه حتى ان الشعراء تغنو به مثل ما تغنو بالبنادق و الخيول الاصيلة والصقور

من واقع تجربه انصحك باليوكن
توكل على الله
بس عليك بالنظيف

:) ناوي على جديد إن شاء الله ..
الله يسهل ويكتب اللي فيه خير
يعطيك العافية ما قصرت

mamsdt

24/01/2011, 01:27 AM

اليوكن القصير معنا ماشي الحين 118000 كيلو موديله 2008
راح لبران القصيم وحايل والتنهاة
والحمدلله ما يشكي من شي (ماشاء الله) الا مره شدينا على الدبل وعلق رحت شغلت السويتش وطفيت الدبل وطفى
والزيت اغيره عند مركز الخدمه السريعه اللي جنب الجميح كل 15000 كيلو
وانصحك فيه بقوه
وان طعتني اصبر شوي لين ينزل سعره فالوكاله
او دور فالمعارض 2010 جديد
والله يختارلك الصالح

مبارك الشمري

24/01/2011, 01:43 AM

اخوي اهم شي تستخير واللة يكتب الخيرة واذا تبي راحة بالخط خذ يوكن
واذا استخدام يومي وكرف يعني ماتسافر دايم خذ تايوتا وبس

راعي طفات

24/01/2011, 02:02 AM

gx كانه حول هالقيمة

ولا برادو 6 سلندر <<< واسأل المجربين عن استخدامه وكان فيه عيوب

رياح الشرق1

24/01/2011, 02:16 AM

للاند كروزر غيره لا تدور ولو تزود وتزنق حالك لك 20 الف لو سلفه تجيبلك جي اكس ار 8 سرندل ومواصفات حلوه رزه هيبه فخامه شيك مخباتك والله ..اي يوكن اي خربيط وحتى لو مستعمل وين المشكله 150 تجيبلك 2009 جي اكس ار وهذا راي ..............تحياتي

عاشق الvx

24/01/2011, 02:46 AM

مشاء الله الشباب ماقصرو معك وانا اضم صوتي مع صوت الي صوتو لليوكون دبل
فخامة وراحة ومواصفات ممتازة ووجاهة بين الناس وسعره معقول وعلى قد فلوسك وبتاخذه جديد,,,,
اما بالنسبة للجيب انا ما انصحك فيه لعدة اسباب/
اول شي الي اتضح من كلامك ان طلعاتك محدوده للبر ليش تاخذ جيب,,,
ثاني شي السعر الي محددة ماراح يجيبلك جيب من تويوتا او نيسان مواصفاته حلوة,,
ثالث شي عمر الجيب ماراح يجي براحة اليوكون داخل المدينة,,,
الله يكتبلك الي فيه الخير ولاتنسى الاستخارة ,,,

الحلم الغايب

25/01/2011, 10:13 PM

الحلم الغايب

25/01/2011, 10:16 PM

ما قصرتوا يا أعضاء مكشات كفيتوا ووفيتوا بيض الله وجيهكم ..
الله يجزاكم خير ..

بعد ما شفت ردودكم قررت إني أشتري يوكون قصير دبل
الله يوفقني ويعطيني خيره ويكفيني شره :)

ابونبيل

25/01/2011, 11:56 PM

اذا انت ملزم تبي الراحه
خذ تاهو او يوكن

مكشاتي خطير1

26/01/2011, 12:20 AM

توكل ع الله الي ببالك اشتره

وهوه زين

أبوووشنب 505

26/01/2011, 05:02 AM

السلام عليكم ورحمة الله وبركاته

كيف الحال أخوي الغالي /الحلم الغايب
وش لونك عساك طيب وبخير
من رأي ومن ممارسة وتجربة
أخذ لك
شــــــــاص 2011
أو
كبسولة ربع 2011 تايوتا
أو VXR 2007 فل كامل
أو GXR 2007 فل كامل
لأن كل المواصفات فيها
خفيفة وفيها دبل
وموديلها جديد
وكشخة

وأنا ياخوك معي ربع تايوتا 2011
وشاص2011
وأداوم من الرياض حي الدار البيضاء
يوميا إلى الخرج
وأبشرك من حيث الراحة مريح بس ركب له
جنوط 17 وكفرات عريضة
ومن ناحية البر
شبة يومي وأنا بالبر
وخاصة الطعوس
الزويليات والطوقي والخرارة وطعوس الأخوين بالخرج
ويوم الخميس والجمعة بالطعوس اللي برى الرياض
والله لا يحك وجه ولا يعلق الدبل
زي اليوكن ولا ينزل سعره
واستخدمة لمدة سنتين وبعه بنفس سعره
وأما اليوكن تستخدمه 6شهور وتروح
أتنزله المعارض عينته طايح من قيمته
10-15 ألف
وحتى لو أنت منت بايع
الواحد مايدري عن ظروف الدنيا
يمكن تحتاج فلوس ولا ظرف طارئ
التايوتا شيــــــــــــــــك في مخبـــــــــــــــــاك
متى مابغيت تبيع له ناس وزبائن
وأما الأمريكي من طويلة
بجميع أنواعة
زبونه واحد في المية

وعذرنا على الإطالة بس حبيت أبدي رأي
لأنه حرام واحد بيدفع ماوراه ودونه في موتر مايستاهل
القيمة اللي بيدفعها
إليكــــــــــــم فائــــــــق الإحتـــــــــرام والتقديـــــــــــــر

الحلم الغايب

26/01/2011, 08:40 PM

اذا انت ملزم تبي الراحه
خذ تاهو او يوكن

يعطيك العافية ..

توكل ع الله الي ببالك اشتره

وهوه زين

إن شاء الله ..
الله يكتب اللي فيه خير

السلام عليكم ورحمة الله وبركاته

كيف الحال أخوي الغالي /الحلم الغايب
وش لونك عساك طيب وبخير
من رأي ومن ممارسة وتجربة
أخذ لك
شــــــــاص 2011
أو
كبسولة ربع 2011 تايوتا
أو VXR 2007 فل كامل
أو GXR 2007 فل كامل
لأن كل المواصفات فيها
خفيفة وفيها دبل
وموديلها جديد
وكشخة

وأنا ياخوك معي ربع تايوتا 2011
وشاص2011
وأداوم من الرياض حي الدار البيضاء
يوميا إلى الخرج
وأبشرك من حيث الراحة مريح بس ركب له
جنوط 17 وكفرات عريضة
ومن ناحية البر
شبة يومي وأنا بالبر
وخاصة الطعوس
الزويليات والطوقي والخرارة وطعوس الأخوين بالخرج
ويوم الخميس والجمعة بالطعوس اللي برى الرياض
والله لا يحك وجه ولا يعلق الدبل
زي اليوكن ولا ينزل سعره
واستخدمة لمدة سنتين وبعه بنفس سعره
وأما اليوكن تستخدمه 6شهور وتروح
أتنزله المعارض عينته طايح من قيمته
10-15 ألف
وحتى لو أنت منت بايع
الواحد مايدري عن ظروف الدنيا
يمكن تحتاج فلوس ولا ظرف طارئ
التايوتا شيــــــــــــــــك في مخبـــــــــــــــــاك
متى مابغيت تبيع له ناس وزبائن
وأما الأمريكي من طويلة
بجميع أنواعة
زبونه واحد في المية

وعذرنا على الإطالة بس حبيت أبدي رأي
لأنه حرام واحد بيدفع ماوراه ودونه في موتر مايستاهل
القيمة اللي بيدفعها
إليكــــــــــــم فائــــــــق الإحتـــــــــرام والتقديـــــــــــــر

يعطيك العافية ..
وما قصرت
وكلامك على عيني وراسي :)

ام صتمه 87

26/01/2011, 09:17 PM

والله انا عندي يوكون 2010 قصير بدون دبل في البر ممتاز وقوي لاكن المشكلة الوحيدة وجهه لازم تشوف له حل قبل ماتدخل وتندم طبعا هذا اذا صرت راعي طيران ومخابط ..

شله وارتاح وانساه

ملك العرب

27/01/2011, 05:01 PM

خذلك الباجيرو قوه - نشاط - كشخه - سعر مناسب والله يكتب اللي فيه خير

ابراهيم المري

31/01/2011, 01:20 PM

السلام عليكم ورحمه الله وبركاته

الصراحه انا اشور عليك بالكسبلور الصراحه موتر بنهايه القمه والجمااااال ويكفيك انه فووورد

مثل تايوتا باياباني والله يوفقنى وياك