محاورة (حياكم الله-3)

[مكرم الضيف]

سلام الله على اللي يقطف الورده من البستان*** وللاحباب والاصحاب في مكشات يهديها
ماعمر الحرب كسبانه ودايم مرتع الخسران***بنينا اقواسنا للنصر وحنا نفتخر فيها

[كشّات شتوي]

هلا يا مرحبا بالخير نمسي مكرم الضيفان ***شجاع ٍ كل ما عالت على الطيب يقديها
نرحب بالعلوم اللي تنومس منتدى الشجعان***وفي مكشات ياالرفقه نسطرها ونغنيها

[مكرم الضيف]

لنا قدوة من اللي فارقوا من غابر الازمان***وطيبة مثلك وشرواك نبغى اليوم نشريها
نشد الشعرة ونرخي على حكمة ابوسفيان ***ونترك كادر القيعان ونشرب من صوافيها

[مكرم الضيف]

فقدنا العاذر الطيب وبرق وراعي الصمان*** ودقينا هوند الكيف لاقصاها ودانيها
رجال طيبهم غطى علينا بكل وقت كان *** ولاناصل مواصلهم بأولها وتاليها

[العاذر]

تعوذنا من الشيطان وجينا ننظم القيفان = وترى من شب نيران الحرايب مايطفيها:f


هلا يامرحبا بشعارنا اللي تنطح الميدان = وعلى درب المحبه والوفاء جينا نجاريها:heart:

[برق الجهمه]

هلابك يالمسّلم والنجايب فوقها الفرسان= على اهل الطيب والنخوه قوافينا نغنيها
تشرفتوا وجمعتكم اتطير نومة السهران = رجالً تشهد الايام حاضرها وماضيها

[العاذر]

جمعنا منتدى مكشات بالشعار والخلان = علوم كلها اتنومس متابعها وقاريها



عسى ربي يجنبنا الدروب العوج ياكحيلان = وترى من يحفر الحفره لمسلم يندفن فيها

[الرياضي1111]

الله الله ..

صحت السنتكم جميعا ..

[رحال الصمان]

الا يـامـرحبـا بشـعارنا الى تخـزي الشيـطان ... تراحيب المطـر لاحبابنا الشـعار نهـديها
بعدحرب ضروس وكر ومرابط على النيران ... نبي ننفض غبار الحرب قاصيها ودانيها

[مكرم الضيف]

على الحروى ترا جيتوا وانا احمس قهوة الشيبان***على الوزنه كما يبغون لااحرقها ولاانييها
على جــال الجــمر حـــطــيــت دله موزنــه باتقــان***تقول الله على الفنجال وتسـلم يد راعيـــها

[مكرم الضيف]

اشوف الوضع متأزم وانا ما آمن الجيران*** لان الحرب غداره يجي طاري ونحييها
ترى يابرق للخدعة حسبت حساب للازمان***خيوط السالفه تبرم واذا شبت ابنهيها

[فتى رامه]

صحت الالسن والله يعطيكم العافيه .

[كشّات شتوي]

انا شاعر جديد ودي ألعب لي معك قيفان *** وبقطف من ثمر شعرك لحون نقتدي فيها
وإذا جتني الاجازة منك بلعب لك على النيشان***تنومسني فعول الطيب لو تبعد هقاويها

[كشّات شتوي]

هلا يا مرحبا بشعار جادوا بأجمل الالحان** رجال تتقن اللعبة وتبحث في خوافيها
وأنا لصرت ضيف آزن الهرجه وأحفظ لسان** وأشجع باقي الشعار والميدان يرويها

[مكرم الضيف]

ترانا كلنا بمكشات ياراع اللحن ضيفان***نسلي خاطر الزعلان والاكدار ننفيها
واذا معنا تبي تلعب ترا مفتوح لك ميدان***وترى حدود الخطوط الحمر ابدا مانعديها

[جرير]

الا يامكرم الضيفان توى ادخل الميدان *** لقيت البيت بك عامر وجينا في حراويها
الا ياجونا الطيب لقيت الطير بك طربان***يغني في لحون الطيب ويسبر معانيها

[العاذر]

هلا بالمشرف الغالي عدد وبلٍ على ساقان = تحية من صميم القلب نرسلها ونهديها

تذكّرنا جرير الشاعر المشهور والبطران = دواوينه نقدرها و نقراها ونغليها

[مكرم الضيف]

بحمد الله سمعنا الصوت ولك يابو احمد العرفان*** حشا بالطيب نلحق لك جزا وانتم مباديها
رجـل مـعــروف مــاتـنـكر وبك للمرجـلـه عنوان***ترضي ذا وترضي ذاك قبل نفسك مترضيها

[مكرم الضيف]

مشينا الظهر صلينا وطلبنا من الله الغفران ***ويالله تغفر الزلات حاضرها وماضيها
وتهدي عبدك المسلم لفعل الخير والاحسان*** وخلقك ياعظيم الشان تحقق امانيها

[برق الجهمه]

يالربع كذا مايصير
نبي محاوره منظمه مثلاً رباعيه
انا ومكرم الضيف واحد يستلم رحال والثاني يستلم العاذر
وتمشي المحاوره
كذا ماندري مين الشاعر اللي نرد عليه ؟!!
وشرايكم

[مكرم الضيف]

ابشر بسعدك لكن حدد الوقت اللي يكونون الشعار كلهم متواجدين وبيض الله وجهك

[برق الجهمه]

سسسسسسلمت ويالله نبغاها رباااااااااعيه

سلامي على اهل الدار والربع الاخيار == هبوب السحاب اللي تحوش العجاجي
تحزم يامّكرْم عندك الضلع سنجار == وانا بامسك العاذر واجرب علاجي

[مكرم الضيف]

سلام الله تحية صغتها لك ياعزيز الجار***نبيها اليوم رديه وقاف وفلة حجاجي
ترى مليت يالرحال من ماتبثه الاخبار***ورميت الرادو المقرود طول ايدي بالادراجي

[العاذر]

كلآمك ملغّم لاتغطي على الاسرار = آعرف الشعر مانيب مثل الدجاجي


آبسحن دواكم قبل لاتقبس النار = وخلّيكم الليله على نور السرآجي:l

[برق الجهمه]

الله الله صحت السنتكم بس الرحال وينه

[رحال الصمان]

انا بعتذر منكم وعفو(ن) من الاكــدار ...وصلني خبر وفات سبب لي ازعاجي
وابغيب عنكم مدت(ن) تصفي الافكار ... عسى قبره المضلم يجي نور وهاجي

[مكرم الضيف]

عظم الله اجرك يارحال الصمان

[برق الجهمه]

لاحول ولاقوة الا بالله
عظم الله اجرك اخوي رحال
وماتشوف شر

[العاذر]

عظم الله اجرك اخوي رحال

وغفر الله لميتكم

اللهم اغفر له وتجاوز عنه برحمتك ياارحم الرحمين

[مكرم الضيف]

سوف نبدأ حياكم الله-4 (وصف الطير) روحنا

[رحال الصمان]

بارك الله فيكم ورحم الله زميلي وصديقي

[العاذر]

سلام الله على اللي يقطف الورده من البستان*** وللاحباب والاصحاب في مكشات يهديها





ماعمر الحرب كسبانه ودايم مرتع الخسران***بنينا اقواسنا للنصر وحنا نفتخر فيها




تراي امبيّت النيّه وناوي لي على عربان = ونبي نعبي الذخيره ثم تشحن في لواريها


وبزحف لي بجيشٍ مثل جيش الصين والالمان = مجهز بالسلاح وبالعتاد المن يعاديها

[مكرم الضيف]

ترى عندي ملوك الجن وعندي خاتم سليمان=واذا ماتخزي الشيطان جيشك رايحن فيها
يهيج البحر بالطوفان وارضك تشتعل بركان=ولوتاقف جيوش الارض معك اليوم ابفنيها

[ابو راكانm]

:director: خلوها

[ابو راكانm]

الله الله ..

[العاذر]

ترى عندي ملوك الجن وعندي خاتم سليمان=واذا ماتخزي الشيطان جيشك رايحن فيها


يهيج البحر بالطوفان وارضك تشتعل بركان=ولوتاقف جيوش الارض معك اليوم ابفنيها


عقب هذا الكلام اقول انا بسم الله الرحمن = وبقراء آية الكرسي وجنّك لاتسرّيها

تخلاّ عنك برق وصرت بلحالك ونا الربحان = لاكن سلّم جنودك وترك البندق لراعيها

[العاذر]

.................................................. .......................

[مكرم الضيف]

عقب هذا الكلام اقول انا بسم الله الرحمن = وبقراء آية الكرسي وجنّك لاتسرّيها

تخلاّ عنك برق وصرت بلحالك ونا الربحان = لاكن سلّم جنودك وترك البندق لراعيها


ههههههههههههههه والله ياضحكت ضحك:D يالعاذر. راجع لك بس مشغول شوي .

[برق الجهمه]

لك الله ماتخلى عن يمين الجيش والشجعان == مبادر يوم قامت حرب واظهرنا مباديها
ياعاذر جعل تاسعك الفياض الخضر والخليان == ونصيحه رد ذودك قبل توكل في مفاليها

[مكرم الضيف]

عقب هذا الكلام اقول انا بسم الله الرحمن = وبقراء آية الكرسي وجنّك لاتسرّيها




تخلاّ عنك برق وصرت بلحالك ونا الربحان = لاكن سلّم جنودك وترك البندق لراعيها



رفعت الرايه الخضرا على جيشك مع الاذان= وجيشك صار مع جيشي وصرت اليوم واليها
وصرت مسلسل برجليك وسلمتك الى السجان=وعشر سنين مردوفه بسجني غير تقضيها

[العاذر]

تعالو نجتمع في خيمة ٍ وشوف وضعي الآن:D = لجل رحال جواله مقفل من ضحاويها:(



ونا مصمم على خوض الحرايب والعلوم اتبان = وعسى الله يكتب اللي فيه خير ٍ يامدويها


المشكله رحال مطفي الجوال:D