المساعد الشخصي الرقمي

مشاهدة النسخة كاملة : اللي يعرف يبرمج الريموت يدخل هنا ؟


SOMAN
31/10/2005, 02:34 AM
السلام عليكم ورحمة الله وبركاتة

أولا احب اعايدكم وأقول كل عام وأنت بخير . وعـــــســــــــاكــــــم من عــــــــــــــــــوادة

رحت أمس الى وكالة نيسان على شان آخذ ريموت كنترول للباترول .... توقعون بكم قالو !!!

قالوا بـــــ 350 قبل التخفيض وبعد التخفيض 260 ريال قلت أكيد مع المفتاح قال الموظف لا الريوت فقط

قلت طيب كيف طريقة البرمجة .. قال ابرمجة لك بــ 150 ريال

يعني 410 ريال علشان ريموت ( والله حرام ) رحت وخليتة

المفروض البرمجة بلاش والا وين راحت خدمة العملاء .. والبرمجه ماهي مخسرتهم شي حتى الوقت ما تاخذ
من وقت الفني ولا عشر دقايق ....

المهم اللي يعرف يبرمج الريموت يقولي كيف الطريقة ... وأكون شاكر له
الواهج
31/10/2005, 02:45 AM
انا الي اعرفه الشفرات الموديل القديم من 91 - 96 البرمجه من الدبه خلف السبير فيه جهاز تحط الريموت وتضغط فتح الابواب والدبة يتبرمج اتوماتيكي .
اما السيارات الجديده ياخوي معقدة . وفيه ريموت نوع تايوان مطابق ونفس ريموت شركة نيسان مركبه واحد من الشباب بس والله مادري عن السعر وهل هو متوفر بالمملكة
SOMAN
02/11/2005, 09:07 PM
شكراً لردك على الموضوع أخوي الواهج

الجيب باترول سوبر سفاري مديل 98 خليجي أماراتي
وانا أقصد بالوكاله اللي هي وكالة نيسان بالسعودية ( الحمراني )
SOMAN
18/11/2005, 12:44 AM
وين اصحاب الباترول ,,,,,,,,,,,,,,,, وين أهل الخبرة
ماجد الشمري
18/11/2005, 04:06 AM
اخوي سومان ...
لا تشيل هم بسيطة ان شاء الله ...
اركب السيارة وقفل البيبان من الداخل بالقفل المركزي ومن ثم دخل المفتاح داخل السويتش وطلعه 6 مرات (احيانا تصل الى 15 مرة ) ومن ثم اذا اشتغل الفلشر حق السيارة دخل المفتاح ولفه يمين وخله على وضع الاستعداد ( قبل التشغيل ) واضغط اجد ازرار الريموت وراح يتبرمج ان شاء الله ..
اذا ما ضبط عدها ودخل المفتاح الى وضع ما قبل التشغيل ثم طلع المفتاح واضغط اي زر بالريموت ..










اخوكم ماجد الشمري
SOMAN
20/11/2005, 10:34 AM
يعطيك العافيه اخوي ماجد الشمري ..... بس هل الطريقه هذي تصلح لجميع الموديلات وإلا 98 وطالع
ماجد الشمري
20/11/2005, 02:07 PM
على ما اعتقد 98 وطالع ...






اخوكم ماجد الشمري