كفرات ميشلن

[جى اكس]

السلام عليكم ورحمة الله وبركاته

مسكيم الله بالخير

وشرايكم بكفرات ميشلن النوع فرنسى من ناحيه البر والخط وهل هى افضل من كفرات دنلوب فى

البر




وعافكم الله

[هاوي قصيده]

ما ادري عزيزي

بس الدنلووب اخذ بين الناس انه الافضل..

وناس يقولون البالون

[ماجد الشمري]

اخوي جي اكس ...
الميشلان هذا بكفه والكفرات الثانيه بكفه ...
الميشلان مافي مثله يا بعد حيي .. عيبه الوحيد انه قاسي شوي لكن بما انك بتركبه على جيب والدعسه عاليه فماراح تحس بالقساوة ..
بس لك مني كفر ثباته عالي جدا جدا وعمره طويله ( رقم الـ treadwear عالي جدا ) .. استحماله للحرارة الافضل ... السعر الاغلى للاسف ..





اخوكم ماجد الشمري

[رحال الخبر]

السلام على الجميع
شفت الموضوع عن ميشلان وتوني ماخذه قلت اشارك.

توني اليوم شريت كفر ميشلان صنع فرنسي وهو بـ460 ريال للكفر
ورقم الرمز لتحمل الحرارة (A) ودنلوب (B)
ورقم رمز تحمل السرعات العالية (H) مما يعني يتحمل الى سرعة 210 كيلو بالساعة
وليونته عالية للرمل والحجر
وليس فيه اي ازعاج فالنقشة متقاربة
قولو ماشاء الله لاني ناوي رحلة بهالعيد وبحطها بخيمة الرحلات البرية والاثار .
نشوفك عما قريب وعيدكم مبارك مقدما قبل الزحمة
والسلام عليكم ورحمة الله وبركاته

[شبوب]

هلابك والله 00

الميشـــــلان هو شيـــــخ الكفرات 00 لكن يعيبه " القساوه " 000 اما " الدنلوب " الله يقلعه :no2: أقشر واقسي 00 وشوله مروح وبس 00

انا ركبت قبل شهرين " برجستون " وبشور راعي المحل " سعودي " 00 بصراحه الله يوفقه على نصيحته 00الكفر فيه " طراااوه " ;) غير طبيعيه 000 بصراحه " ليُــــــن " بشكل غير معقول ابدا 00!! والله أني متحسف على العمر اللي راح مع الدنلوووووووووب المدبدب

[وين يبون بنا]

السلام عليكم ورحمة الله .. احد منكم يا جماعه جرب اليوكوهاما الجديد .. طبعاً يختلف عن الأول من ناحية الصوت .. انا اشوفة بموتر اخوي .. هادي .. ناعم .. شكله انيق .. مريح .. وسعره اعتقد في حدود 380 - 400

وكل عام والجميع بخير وبألف صحة وسلامه ..

[طحنون]

هلابك اخوي شبوب
ياسبحان الله
صحيح الناس فيما يعشقون مذاهب
والناس اذاواق
اخوي انا معي سفاري 2005
والكفرات اللي عليه شدبلدوهي بريجستون والله اني ماتهنيت بسيرارتي الى الحين بسبب الكفرات
قاسيه الى ابعد الحدود لدرجه اني انسم الكفرالى 20 ويالله يمشي حاله في الطعوس الناعمه
واذانفخته الى 40 اوخمسه 30
والله لوفيه وحده حامل غيرتطرح جنينها
سلملي على التويو.. والدنلوب وبس من واقع تجربه
:no2:
لاكن مااغيره الين استهلك الكفر 6شهور اضافيه احلل سعره :D

[جى اكس]

الله يعطكيم العافيه ومقصرتم على الردود الطيبه




بس ياجماعه شريت كفرات ميشلن سعره 460 والله فرق بينه وبين الدنلوب خصوصا البر الدنلوب ادخلبه البر وهومعيار الكفرات 35 ممشاه زى الحلاوه اما الميشلن معيار الكفر على 20 ويالله يمشى




وكل وانتم بخير

[مدلّه الرعيان]

السلام عليكم ورحمة الله وبركاته
انا اضم صوتي للاخوان - ميشلان بكفة وباقي الكفرات في كفة - وخاصة بالصيف ماترتفع درجة حرارته على الطريق إطلاقا" وبصراحة لي اكثر من عشرين سنة وكل الكفرات اللي استعملتها ( كفرات ميشلان ) .

اخيك / مدلّه الرعيان

[سعود الراشد]

السلام عليكم ورحمة الله وبركاته
بالنسبه للكفرات احسن كفرات على الاطلاق للصحراء فهي كفرات البالون ولكنه لايصلح للزفلت ابدا
اما المشلان فهو بالدرجه الثانيه وهو جيد للبر والزفلت وعيبه الصوت خصوصا الي زرعه غير ناعم
اما البرجستون فهو لين ومناسب للبر والزفلت اوعيبه انه لين يبي هواء
اما الدنلوب فهو من احسن الكفرات للصحراء والزفلت ولكن عمره قصير
ونصيحتي للي يبي كفرات ان يشتري برجستون فانه جيد بالمناطق الرمليه والجبليه ومناسب داخل البلد
اما اهل الباديه الي دايم في الصحراء انصحهم بالمشلان والبالون حيث انها مقاومه لجميع الضروف
طبعا هذي خبرتي المتواضعه عن الكفرات التي عايشتها لمدة 25 عم
وللجميع تحياتي

[قناص الليل]

يا جماعة و الله من تجربة ..

السياره نفس السيارة و عيار الهواء داخل الكفرات نفسه لاكن الأداء يختلف .

1_ البريجستون >>>>> زين للخطوط وا لحصى و اشهد له بذلك ، لاكنه معي ما ينفع للرمل ابداَ ، بهذلني في الطعوس .

2_ الدنلوب >>>>>>> راضي عنه كل الرضاء و ذلك بعد تجربتي له (( الهواء من 18 _ 20 )) و يرقى الطعوس و هو مرتاح ماشاء الله ..

هذا و العلم عند الله .

[بواسامه]

عيب الميشلان انه جنبه ضعيف ويحتاج للهواء والخطوط ابشر بكفر

اما البر فلا تتعدى دنلوب ولا تويو ولا يضره التنسيم

[سعود الراشد]

بسم الله الرحمن الرحيم
السلام عليكم ورحمة الله وبركاته
اذا ياشباب بعد التداول وطرح المعلومات وكلن ادلى بدلوه
النتيجه حسب الاراء
البرجستون بالدرجه الاولى
وانا اضم صوتي لكم البررررررررررررررررررررررررررررجستون

[طحنون]

البرجستون في الدرجه الاولى في الخط والحصى فقط اما في الطعوس الاول من الاخير

[شبوب]

إالك بس يا طحــــنون 00

تصدق حتى انا والله أني مستغرب 00!! من خفه بالنفود 00! مره كنا طالعين " بليل " لنفود ولكن بعز القيظ ، ونا تعاجزت أنسم ، تصدق أن اللي مخاويني يسألني عن نوع الكفرات ، يوم أني قلتله انهن " برجستون " استغرب ، عموما تراهن حقات " الكزس " العماني شد بلد ، على قول راعي المحل 00!!
اذا اللي عندك نفس النوع 00؟ أعتقد النقشه تختلف 00؟؟
تحيااتي ،،،

برجستون للنفود زيوه ما فيش :D

[al-nashmi]

السلام عليكم ورحمة الله وبركاته

بالنسبة للكفرات ما مثل المشيلان 4%4 اللي مكتوب عليه سنكرون مقاس 275/70/16

انا اخذته من الوكيل الجفالي ب 480 ريال كفر ما يعلى علية بس عيبه سعرة غالي .. ويدلك على الخيل اثمانها

وياتي بعده كفر البرجستون اللي يجي راكب عالى الفكسار 2005 البريمي ومثل ماقالو بعض الاخوان يجي بعد على جيب الكسز ..هذا الكفر اكثر من رايع....

وهذا الكلام عن تجربة مجربينه على الكسز وعلى الفكسار2001 و2005على مع ان هذا النوع من الجيوب ثقيل
بس لا نهض عمرة نهضت السعد..

وسلامتكم..


وكل عام واتنم واحبابكم بخير...

[الكونترولCONTROL]

بصراحة غير دنلوب لا تدور - مناسب لجميع الظروف و التضاريس

[شايب الصمان]

السلام عليكم ورحمه الله وبركاته

المشلان الفرنسي للخطوط فقط ممتاز ولايعلى عليه كفر - ليونه وخفه وتحمل .

المشلان الامريكي للخطوط والبران ولكن ليس بجودة البرجستون والدنلوب والتويو

حسب تجربه