معقوله!! غسيل سياره بستم بـ50 ريال-------- استغلال

[مستر جمس]

السلام عليكم

باقول لككم قصتي الي تقهر اليوم



اليوم العصر جيت من الدوام وبدلت ملابسي ورحت على طول للمغسله القريبه من البيت لان عندها بستم ولقيت زحمه خياليه

طبعا المغسله اسمها الاقليميه في حي الفيصليه بالدمام جنب جامع الفرقان

ولما جا العامل قال لي غسيل بستم 50 ريال السياره الكبيره والصغيره 40

قلت له ليش انا دايم اغسل بستم وغسيل مكينه وخارجي وداخلي بـ35 ريال

قال لا

الحين بابا في مطر واجد شغل واجد

كان<<< فعل ماضي تفصيل التسعيره لسياره كبيره كالآتي

داخلي خارجي 22 ريال
داخلي خارجي مع بستم 30
داخلي خارجي مع بستم ومكينه 35 ريال

قلت له ابي بستم خارجي فقط قال بـ50

يعني دخولك بـ50 سواء غسلت ولا ما غسلت

طلعت من عنده على طول وواتصلت على 940 وقال لي الموضف هذا مو من اختصاصنا اتصل على التجاره

دقيت عليهم وقالوا لي برضو هذا مو من اختصاصنا ارجع دق على 940

ورجعت ودقيت وقال خلاص باسجل شكواك

انا عادي اغسل لو بـ500 بس مو بطريقه الاستغلال والنصب عيني عينك

(((( القهر ان الناس زحمه عنده واهو مستغلهم))))

والغسيل بدون تلميع كفرات وبدون تلميع طبلون وبدون تكييس الدواسات




ورحت ادور مغاسل بستم ما لقيت الا وحده فيها سوداني لحاله وقال لي بستم خارجي فقط بـ45 بحجه انه لحاله ولا عنده عمال <<< ياليل ما اطولك


وطلعت من عنده ولا غسلت ولا شي




حبيت اقول لكم سالفتي يمكن نلقى حل




همسه** فيه جهاز عند اكسترا عباره عن مسدس مويه كهربائي تشبك فيه لي المويه ويجيك دفع ماء قوي مثل حقات المغاسل




ودمتم

[جديعان]

الله لا يوفقهم استغلال

انا دورت عندنا بتبوك على هالجهاز ما حصلته والله انه تب
قبل فتره وديت الموتر عند التلميع وحصلته عندهم وسئلته قال تحصله بجده اوالرياااض وسعره حدود الف ريال لو احصله انسى المغااسل كلها حراميه الله المستعااان

[السيف نجدي]

الله لا يوفقهم استغلال

انا دورت عندنا بتبوك على هالجهاز ما حصلته والله انه تب
قبل فتره وديت الموتر عند التلميع وحصلته عندهم وسئلته قال تحصله بجده اوالرياااض وسعره حدود الف ريال لو احصله انسى المغااسل كلها حراميه الله المستعااان


يالغالي ترا اللي تبيه تلقاها في ساكو :good2:

100% بتلقاها

[السيف نجدي]

حسبي الله ونعم الوكيل عليهم

نصب عيني عينك
والله انا في جدة
عقب الامطار
في هالأيام ناوي اغسل سيارتي بستم
لكن والله ماراح يشوف غير 20 ريال
ابحاسبه بعد مايخلص
ونشوف بياخذ ال20 ولا لا
واذا بيجيب الشرطة بتكون في صالحي انا
واتوقع حتى ال20 ماراح يشوفها ههههه :D


مستر جمس
يعطيك العافية عالموضوع
بارك الله فيك

[جديعان]

يالغالي ترا اللي تبيه تلقاها في ساكو :good2:



100% بتلقاها

يعطيك العااافيه يالذيب والله ما مريت ساكو ابي امرهم بكره ان شا الله :good2:

[مستر جمس]

مشكورين على التفاعل



الله لا يوفقهم استغلال

انا دورت عندنا بتبوك على هالجهاز ما حصلته والله انه تب
قبل فتره وديت الموتر عند التلميع وحصلته عندهم وسئلته قال تحصله بجده اوالرياااض وسعره حدود الف ريال لو احصله انسى المغااسل كلها حراميه الله المستعااان


ويا اخوي جديعان الجهاز منه نوعين مقاس صغير ومقاس كبير

الكبير اهو الي بحدود الالف

والصغير بحدود 400 وماني متأكد

على العموم انا ناوي اشتريه هاليومين لانه ينفع لغسيل الحوش بدال اللي والمكنسه

[هوايتي مكشات]

يمكن يحسبون سيارتك وايت
منعميه عيونهم

[رشيد4]

اخواني لي من المغسله يمكن حول 3او4شهور فيه هنود يغسلون السياره 50ريال بشهريوم وترك من داخل ومن برا وكل 3او4شهور مره اغسل بطن السيارة وشحمها10ريال وعلي طول السنة سيارتك نظيفه

[HAS5SAN]

كلها أيام ويتم إيقاف
غسيل البستم
أنتظر فقط
الآن البلديات
والامانات شغاله
اصبح ممنوع
بسبب هدر الماء
وتلوث الهواء

[ليوان]

والله يا اخي هذه مصيبة
50 رياااااااااااااال حسبنا الله عليهم
بس بصراحه ما ينلامون لقيوا ناس تدفع وش تبيهم يسوون
تبيهم يستحون ويقولون لا نبي نبقى على الـ 20 ريال !!!!!

الشرهة مو عليهم الشرهة على الشباب الدلوخ الي رايحين جايين على هذه المغاسل وكل يومين ثلاثة وهم يغسلون ويلمعون
رزق الحرامية على الهبل

[راكب الشفر]

اخبر فيه مغسلة بستم بالخضرية على طريق الجبيل
بعد ماتعدي مجمع ترايستار للقيور بكم كيلو
طبعا تكون داخله شوي

[BEN SADEQ]

عطونا صورة المسدس اللي تتكلمون عنه عشان نروح نشريه ونفتك من الحراميه النصابين

[توفيق البلوي]

باي باااي بستم خلاص صدر قرار ايقاف غيل البستم
وبعدين خمسين << والله لو يعطيني البنقالي هديه


الله يعين بس

[أطلال نجد]

عندنا وعندكم خير

بس والله يا أخوي الشرهه ماهي على البنقالي أو الهندي ولا على 940 ولا على وزارة التجارة

الشرهه والملامه أكثرها علينا حنا لأننا بسكوتنا وبسذاجتنا سمحنا لهالأشكال أنها تتمادى في استغلالنا

أجل وش تفسر بالله الزحمة والسراء وكبتهم عند المغاسل في هالوقت بالتحديد وكأن ما عاد فيه غسيل إلا في هاليوم

دام هذا حالنا راح نشوف الكل يتفنن في استغلالنا

راعي المغسلة وراعي المشحمة وراعي الورشة .... ألخ خصوصاً في ظل إنعدام الرقابة

ومن أمن العقوبة أساء الأدب والله المستعان

[سيف خنذف]

العماله ماكلتنا ...

من تالي لوتجيب عامل تقول له ركب لمبه قال لك ب 200

تدري ليش !

لقى مبزره وناسن تدفع ماعندها .. ناس لو ترفع رجل ظهر امهات خمس !

شعبك فسقان ...تلقاه وهو بيشيري ببسي يوقف عند البقاله يضرب بوري !؟

فسق وعجز ...بجي لهم شي ايت يوم بيعرفون ان الله حق :)

[جداوي صميم]

الي اعرف يالغالي
ان صدر قرار منع تغسيل البستم
كثيررررر من المغاسل بجدة شالو البستم
ليش مدري
لاكن الي عندهم بستم معدووده على الاصاابع
سعرها بجدة
امس مغسل السيارة صغيرة
35 ريال
بحي العزيزة
ماادري عاد اذا فية مغااسل رافعين سعرها

[اتجاه السحاب]

ببريده ممنوع البستم وفيه مغسله وحده تغسل بستم ب 50 ريال
قبل يومين مغسل عندهم جيب قالي ب50 واخر شي 45
لاني مضطر تحتي الموتر انواع الطين.

[ابو سمسم]

انا صار ليه 7 شهور ماعمر ي غسلة بسته ياقل من 40 وكل المغاسل 50 والبعض تروح عندة يقول بخار 60 سيارة كبير

تساله ليه غالي وش السبب يقولك هذا كلام مدير

اتكلم عن جدة

[عضى]

كان معي سيارة جلست معي تقريباً تسع سنوات أو عشر

شاريها وكالة ما قد غسلتها من يوم شريتها لين بعتها

إلا تقريباً مع المبالغة ثمان مرات أو عشر مرات

كنت دئماً أقول المغاسل يضييعون الوقت مثل الحلاقين

والعمال الي تغسل برى مايعرفون يغسلون يمسحون السيارة بفيري ويقول خلاص سيارة نظيف والحين معي سيارة من يوم

شريتها ماغسلتها إلا مرة واحدة وبقيت الغسلات وعددها ثلاث

كانت من فاعل خير وناوي أقولة حسبك يارجل،

من ذكرياتي في سيارتي كنت دائماً ألآقي عظام دجاج تحت المراتب وحبات رز

وخبز يابس وأنواع القراطيس والمناديل والغبار أما الطبلون

فكان عبارة عن نفود الثمامة غبار مخطط من أثار الأيادي علية

كنت أمني نفس بمغسلة عندها أمانة وضمير حتى لو دفعت أكثر

ويكون فيا مكان أجلس فية مو اجلس عند مضخت البانزين أو واقف

أو على كرسي يوصخ ثيابي حيث أن ثيابي نظيفه دائماً

ولله الحمد والمنة مع تحيات ابو سيارة وصخة

:l:l:l:l:l

[ابوصالح77]

من أمن العقوبة أساء الإدب

[الجني العبد]

هي وقفت على ذي
هالحين عيال اللذين منول أعطيهم خمس تريل يلمعون الكفرات وينفخون السيارة من داخل ويحشمك
اللحين مافيه الا تغسيل كفر ومع التلميع بعشرة ،، اخس واقطع ياحرامي
ولكن خلينا التغسيل لكم ياعيال اللذين !

[عضى]

رأيكم بتنظيم حملة مقاطعة مغاسل السيارة مهما كانت

وأنا أول المؤيدين بحكم الخبرة بحب المغاسل

تاريخ بديتها من 25/2/1432هـ او بعد الإختبارت

مباشرة وينشر ذلك في المنتديات ورسائل الجوال

وبين الأصحاب


:good2::good2::good2::good2::good2::good2::good2:: good2::good2::good2::good2:

[مستر جمس]

مشكورين على التفاعل يا الربع

بس لو كل واحد مننا شاف ناس زي كذا واتصل على التجاره او الامانه(940) كان لقيت التجار ماشين صح


وبالنسبه لقرار المنع اهي ممنوعه الحين الا لبعض المغاسل الي هم مستغلين الوضع لصالحهم

وعلى حد علمي انهم موقفين البستم الي داخل المدن لانه يلوث البيئه وله اضرار

وبيخلونها مثل المقاهي خارج المدن وهذا شي طيب

لدرجه جنب البيت مغسله بستم وموقفين البستم ومخلين اليدوي بس

اما الجهاز انا اليوم يمكن اشتريه من اكسترا او ساكو على حسب الميزانيه

ويا اخ عضى بتصير الحمله اسبوع وبعدين توقف مثل حمله السيارات وخلافها من حملات

ولا وش بيضر الواحد اذا غسل سيارته في البيت

انا اعرف واحد ما يغسل سيارته الا الخدامه داخل البيت



ودمتم.............