هاض الحشا ولاحدٍ داري * لو تعتمل نار في صدري

[كاف نواف]

هاض الحشا ولاحدٍ داري=لو تعتمل نار في صدري



واوجس تقل دق مسماري=بالقلب من ماضي ٍيطري

نقّضت جرحي بهالطاري=يا بوعبدالله و لا تدري

ومعذور لو تدري تداري=رهيف قلب وعلى خبري

بلحظه تأملت مشواري=ثم ٍ همل دمعي وحبري

واللي مقدّر علي جاري=بألقاه مكتوب من عمري

نصيب مقسوم وأقدار ِ=والله يمكّن معي صبري

أنا..برجواك يالباري=إنك توسّع لي بقبري

[ذراع الذيب]

السلام عليكم ورحمة الله وبركاته,,
صبحت بالخير ياكاف نواف,,

صح لسانك على هالقصيده ويستاهل شاعرنا ابوعبدالله والله يعطيك العافيه ويبارك فيك,,
تحياتي لك,,

[كاف نواف]

معافى يالذّيب

[قرناس شاهين]

صح الله لسانك ياخوي

[عيسى عبد الله]

صح لسانك ومشكورر على الجزله
ويستاهل ابو عبدالله
تحياتي لك

[نديم المجره]

هجينيه رائعه
الله يسعدك
تحياتي

[جرير]

صح لسانك
والله يحفظك دنيا واخره
ويسدد خطانا وخطاك
مشكور

[اسيرالحزن]

قصيده تقطر ابداعاً
صح لسانك . . .

[كاف نواف]

إخواني


ذراع الذيب _ قرناس شاهين _ عيسى عبدالله _ نديم المجرّه _ جرير _ أسير الحزن


لكم خالص الشكر مني ... وعسى الله يحفظكم

[العاذر]

صح لسانك
والله يحفظك دنيا واخره

[كاف نواف]

صح بدنك يالعاذر وتراك من اللي شعرهم يطربني

[مكرم الضيف]

صح لسانك وبيض الله وجهك تقبل تحيات اخوك

[كاف نواف]

صح بدنك ووجهك أبيض يامكرم الضيف