مقارنه بين هايلوكس دفرنسين و ونيت نيسان دفرنسين

[وسيع البال]

السلام عليكم ورحمة الله وبركاته

وش رايكم ياشباب ؟
وش الأفضل هايلوكس دفرنسين
والا ونيت نيسان دفرنسين
وذلك من كل النواحي بر،ديره،خط؟

اللي قد جرب السيارتين أو وحده منها يعطينى رايه ويعطينى الإيجابيات والسلبيات

ودمتم،،،

[الرياضي1111]

وعليكم السلام ورحمة الله وبركاته ..

والله انا اقول هايلوكس بر وديره وخط ونفود واخف بالبر من الددسن << كلام مجربين

لكن اذا كانت من اهل النيسان فاشتر ددسن لانه مب جايزلك الا هو ..

اما اذا كنت من اهل التايوتا فاشتر هايلوكس ..

وكلن على الي تعود عليه ..

والله يوفقك بالموتر الزين ..

ولاتنسى الاستخاره قبل كل شي ..

[(((.ابوتميم .))))]

مع اني معي ددسن دبل بس اني جربت الهايلكس الدبل
الهايلكس اقوى من الددسن عزم بواجد واوسع
يعني لو يخيروني بشتري هايلكس وانا ما اشوف الدرب

[احمد الشمال]

والله انصحك بالهايلكس الدفرنسين
اقوى وخفيف وافخم من الددسن
ولاتنسى بالبيع بعد افضل
وبالتوفيق.

[NOYEB]

الهايلكس اقوى وارغب من الددسن
موفق ياوسيع البال

[وسيع البال]

اشكركم يا اخواني على مروركم وعلى نصايحكم .
وشكلي اباخذ هايلوكس
ودمتم

[مواسي الطعوس]

بنزين خذ هايلوكس ...........ديزل ددسن .او نافارا ((افضل من الاثنين))

[س د ي 100]

بنزين خذ هايلوكس ...........ديزل ددسن .او نافارا ((افضل من الاثنين))

كلام سليم :good2:

[عاشق السيل]

بنزين خذ هايلوكس ...........ديزل ددسن .او نافارا ((افضل من الاثنين))

طيب النافارا يجي دفع رباعي ؟؟

[مواسي الطعوس]

نعم تجي دفع رباعي .والديزل انشط من البنزين الددسن وكذلك الهايلكس.ومن النافاراالبنزين

[هبــ حريملاااء ـبوب]

وعليكم السلااام ورحمة الله وبركاته

عن تجربة الددسن ولد .. وما جربت الهايلكس

والعزم ممتاز ما يتأثر بالحمل
والخط وصلت فوق 170 ماني راعي سرعه بس اتوقع يوصل الفصله .. والكفرات كبار وموتر مرفوع
والبر ما يحتاج ابيك تذكر لي ددسن دبل مغرز .. واغلب اهل الحلال دداسن
حراره ما فيه ومكيف ثلج اهم شي وقطع غيار متوفر معروف وموتر صبور ما يستهلك موتري فحمات بلاده عليه
بدي متماسك وثقيل راسي بالملفات وعلى سرعات عاليه قرقعه واصوات ما فيه ..

عيوبه :

المرتبه الخلفيه ضيقه شوي ..
ما يجي فل كامل .. الموجود مواصفات GL بس
اكسسوارات ما فيه .. قفل وقزاز كهرب فقط

بالنسبه للبيع .. الموتر يسام من عندي في المنتدى بـ60 وبالسوق 62 >>>> ومشتراي 70

بالعربي ماسك سعره .. وشف غير النيسان ونفس موديل موتري كم مشتراه وكم يسام وبتعرف من يمسك سعره ..

آخر موديل دبل وصل السوق 2009 ونفس السعر ... بس نادر تحصله

واستخر والله يوفقنا واياك ومن يقرااا ..