المساعد الشخصي الرقمي

مشاهدة النسخة كاملة : OoOoO اتمنى من اصحاب الماونتنير الدخول عندي كم سؤال ؟OoOoO


OsAmAh123
24/01/2011, 03:16 PM
السلام عليكم

الوالد مصمَم يشتري ماونتنير قلت له اصبر ابسأل الشباب في مكشات ما يقصرون

وش رايكم في صيانته ؟ يعني اي واحد بالصناعيه يصلحه ؟

تغير زيت الماكينة هل فيه صره او شفط ؟

تغير زيت القير كيف ؟

سمعت بأن الدبل مستمر صحيح ؟

وش رايكم فيه بالطعوس ؟

جزاكم الله خير
OsAmAh123
24/01/2011, 05:33 PM
للرفع .....
OsAmAh123
24/01/2011, 08:05 PM
للرفع .....
OsAmAh123
25/01/2011, 09:34 PM
للرفع................
سفاري959
26/01/2011, 07:16 AM
والله يالغالي الموتر مع اخوي 2008 اسود فل كامل فاكه جديد بالنسبه للدبل فعلاً مستمر ما اذكر انه تعطل معه ولله الحمد وزيت القير يغيره عند الوكاله بس طلع عنده صوت طقه بالقير حتى الوكاله ما حصلوا لها حل قالوا منظم بالقير وغيروه ما نفع وبالأخير طلع تخبيط بالقير الوكاله اطلبوا 8000 قيمه توضيب القير وضبه اخوي عند ترايستار كلفه 5000 الموتر قوي في الخط بس في الرمل ضعيف ولا ادري وش السبب راحه مريح جداً ولا يصرف بنزين عند البيع يخلف الله نص قيمته تطيح وعلى فكره موتر اخوي عارضه للبيع اذا لك نظر راسلني اتمنى اكون افدتك تقبل مروري
رجم البرد
26/01/2011, 07:47 AM
السلام عليك أخوي
سمعت من أخبار موثوقة بأن جميع ماركة الميركوري سوف تتوقف صناعته، وإذا كان الوالد( رزقك الله بره) مصمم عليه، فأشتر له إكسبلورر أفضل وأقل مشاكل.
وإذا كان الوالد راعي مكاشيت كثيرة، فليبعد عن الأمريكي لأنه ما يتحمل البر، وأنصحك بالبرادو موديل 2009 وما قبله.
وسلامتك
.أبوعبدالرحمن
26/01/2011, 10:52 AM
كذلك سمعت من مصادر شبه موثوقة إن ماركة ميركوري راح تتوقف

فلذلك ومن رأيي الاكسبلورر ولا يغيب عن بالك الباثفندر وأبعد عن الماونتنير


والله يوفقك ويطول عمر أبوك على الخير والطاعة
ابوعمر1397
26/01/2011, 11:35 AM
السلام عليكم

الوالد مصمَم يشتري ماونتنير قلت له اصبر ابسأل الشباب في مكشات ما يقصرون

وش رايكم في صيانته ؟ يعني اي واحد بالصناعيه يصلحه ؟

تغير زيت الماكينة هل فيه صره او شفط ؟

تغير زيت القير كيف ؟

سمعت بأن الدبل مستمر صحيح ؟

وش رايكم فيه بالطعوس ؟

جزاكم الله خير


الصيانة عند الوكيل او اي مركز متخصص في الفورد

زيت المكينة والقير لها صرة

زيت القير يتعبى من تحت

الدبل تبع الماونتنير مستمر
يمشيك في الطعوس ولكن نسم الكفرات

وكيله الحاج علي رضا سيء

انصحك بالاكسبلورر فيه دبل خفيف وثقيل ووكيله ممتاز ومرغوب عند البيع
jllmood
01/03/2011, 04:40 PM
بالنسبة للقطع نصيحتي اشتر من التوكيلات ارخصلك نفس القطع الميكانية حقت الاكسبلورر انا دايم اشتري من التوكيلات ارخص بفرق بسيط ومتوفرة ما يقولولك مافي الحمدلله سيارتي امريكية 8 سلندر ماونتينير اخذ القطع من عندهم اما الحاج ماعنده شي كل مارحت قال ماهي موجودة اما التوكيلات على طول ما شالله حتى القطع للمكينة 8 سلندر موجودة مع انو مستورد