المساعد الشخصي الرقمي

مشاهدة النسخة كاملة : لأهل الخبرة في الباترول ... حاب اغير مساعدات باترول 86


turkiq
24/01/2011, 06:00 PM
السلام عليكم جميعا

عندي باترول قديم موديل 86 ربع
وحاب اغير مساعداته الاربع
من عنده علم اي المساعدات تركب عليه من دون ترهيم
لاني ماحصلت حق وكالته ... حصلت يابانية ولا ودي اجربها الا اذا انحديت عليها

سمعت ان حق الشاص التويوتا تركب ..
هل هذا الكلام صحيح وهو حق اي موديل للشاص ؟
وهل هي تركب قدام ووراء؟
واذا فيه اي نوع ثاني ينصحني فيه المجرب فياليت يعلمني ؟؟


والله يكتب لنا لكم الاجر .


تركي :f
turkiq
24/01/2011, 08:59 PM
وين الناس ؟
التعـ King ـديل
24/01/2011, 09:07 PM
مساعدات شاص
الخالدي..
24/01/2011, 09:08 PM
اخوي قواعد المساعدات حقته مهيب مثل الـ88 الى 97 ؟

اتوقع نفسها
اذا نفسها تركب حقة الشاص ورا موديل 2000 وقدام فيه ناس تركب مرسدس وفيه ناس تركب حقة الربع التايوتا بس مدري كم الموديل
no fear 78
25/01/2011, 08:11 AM
هل اخوي اذا تقدر اتفصل له عند الحداد بس يمكن اكون صلب او ايكون لين على نوع الحديد او اتركب مستعمل او تجي البحرين عندنه سكراب في كم نيسان تقدر اتحصل على قطع غيار طيبه له

انه عندي 1985 و اعاني نفس المشكله

حياك
Abo gssar
25/01/2011, 12:24 PM
انا عندي نيسان ربع موديل 86 ابغير مساعدات مالقيت حق بلده وفيه ناس نصحوني بالمساعدات الاسترالية بس مدري تركب ولا لا وبصراحة انا محتار مثلك اخوي.....فياليت احد من الاخوان يفيدنا في هذا الموضوع....
علما اني سبق وطرحت موضوع بخصوص انشاء رابطة لملاك الباترول القديم مثل بقية السيارات القديمة نظرا لان له عشاقه ومحبينه وهم كثر في منتدانا الغالي مكشات علاوةعلى انه موتر يستحق الثقة.
majeds
26/01/2011, 09:23 AM
ركب ياباني KYB وتوكل على الله هي فيها سست يعني الحمل كله عليها لا تشيل هم وسعر الطقم اذا ماني غلطان 300 مع التركيب الكلام له سنه ونص صناعيه جده ( الصويغ)

تحياتي
turkiq
26/01/2011, 02:16 PM
ابشركم ... اليوم غيرتها .. بس ياباني ما حصلت حق بلدها .

ورغم انها ياباني حق نيسان باترول الا ان الخلفية ما ركبت !! الخلفية طلعت قصيرة
اما الامامية ركبت بدون مشاكل ... ما اعرف السبب !!

الخلفية طلع طولها قصير بالمقارنة مع اللي راكبه اول
ولما شافها صاحب محل قطع الغيار قال اكيد عندك السيارة ملعوب فيها يعني ماهي شد بلد
والحقيقة ماني شايف اي شي يدل على ان فيه توليف.

على العموم اخذت المساعدات الخلفية القديمة ورحت محلات AC Delco الامريكية وحصلت واحد بالطول المطلوب لكنه طلع حلقة وحلقة من الطرفين والمطلوب يكون حلقة من جهة ومن الجهة الاخرى مسمار
وشافها الميكانيكي وقال لي خلاص سهلة .. بنلحم لها مسمار والموضوع سهل واضمن لك اياه.

وفعلا سواها وطلعت تمام بس لحد الان ما جربت السيارة بعد التغيير لاني ناوي اغير مساعد الدركسون
ايضا واليوم الميكانيكي بيغيره.

واخونا اللي من البحرين .. اقوله ترى القطع الميكانيكية للباترول القديم من 80 الي 87 اغلبها متوفر عندنا
لكن انا اكلمك عن جدة واتوقع الرياض بعد لكن الشرقية بجنبكم الله اعلم.

الاكسسوارات هي اللي اصبحت نادرة ونادرة جدا ... والوكالة عندنا بجدة حسب المزاج
ممكن في يوم يطلبون لك اي قطعة تبغاها من اليابان وفي يوم اخر يعتذرون ويقولون
لك ما عاد نطلب !! حسب مزاج الموظف !!
وللاسف هذي من مساوئ الحمراني ما عنده التزام تجاه العميل.

وبخصوص السعر المساعد الواحد
الياباني (امامي) سعره 60 ريال
والامريكي ايه سي ديلكو(الخلفي) الواحد 70 ريال


وفكرة انشاء رابطة للباترول القديم فكرة حلوة وفعلا عددنا هنا ماهو قليل
وياليت يكون عنوان الرابطة واضح .. مثل
"رابطة مالكي الباترول القديم (حتى موديل 87)"
طلال123
29/01/2011, 03:36 PM
خلاص اخوي فكرة ممتازة توكل على الله وافتح لنا رابطة للباترول القديم انا عندي واحد خلنا نتبادل الخبرات
turkiq
29/01/2011, 04:06 PM
تم انشاء الرابطة ... يالله همتكم يا شباب ..

http://www.mekshat.com/vb/showthread.php?p=6131983#post6131983