المساعد الشخصي الرقمي

مشاهدة النسخة كاملة : بليزر 82 أسود، قير عادي، 350، على الفحص..


حمودالخمبقاني
25/01/2011, 03:05 PM
بسم الله الرحمن الرحيم

يوجد بليزر موديل 1982 لونه اسود ملكي نظيف وعلى الفحص

كفرات شاهين تمشي هالسنة

فحص ينتهي شهر 4

استمارة جديد وتأمين جديد..

دبل فرارات

ممشى 200 ألف،

العداد واقف مع راعيه اللي قبلي يقول لي فرط علي قبل (يومين).. << بذمته..

ومعي ما مشى أكثر من ألفين اعتقد..

السيارة كلفت تقريباً بحدود 17 مع المشترى ويوجد فواتير للتصليحات التي تمت لها

أسباب البيع : السيارة ماناسبتني لأني متعود على الياباني والسيارة كبيرة مره علي

من يرغب البدل بهايلكس/دفرنسين/2005 وتحت..

السوم يبدأ بـ (ريال) والبيع بأسعار مثيلاتها ترى مانيب طمّاع :> للصامل

الله يحيّي الشريطيه والشراية والمستخدمين ..

يارب ما أشوف الرد هذا : :)



اخي الكريم

موضوعك بدون صور للسلعه ويعتبر مخالف للشروط

يغلق مع الاعتذار

ومن حقك فتح موضوع جديد مدعم بالصور


وهذا شرح لكل ما تحتاجه

طريقة إدراج الصور في المنتدى - جديد

لكل من سأل عن طريقة تصغير الصور وطريقة تنزيل الصور والملفات بالمنتدى (شرح بالصور)

كيف تتواصل مع المشرفين ( للأعضاء أقل من 50 مشاركة )



<< عز الله انت وموضوعك بسلة المحذوفات

أعتذر من الجميع الصور إن شاء الواحد الأحد بكره العصر بنزلها

لأن عندي اختبار وما فضيت للحين ..!

انطباعي عن السيارة : سيارة قوية جداً جداً بالنفود ما يوقف قدامها شي

وخفافية بالغراز ما تبلشك وواسعة لو بغيت تحط بيتكم فيها قدرت واذا

بغيت تكلم اللي بجنبك لازم تتصل على جواله :)

ولكن ماناسبتني بالذمة يعني والا والله العظيم ما افرط بها ..

للتواصل : (0500641577)

مع خالص التحية للجميع ،،
GMC79
25/01/2011, 09:34 PM
موقعك؟

ونحن بانتظار الصور
ابومحــ م ـــد
25/01/2011, 10:02 PM
الاخ حمود الله يوفقك بالاختبارات وجميع الشباب والشابات ومبروك النجاح مقدمأً انشاء الله
حاول تضع صور من داخل الموتر وجميع الجهات
حمودالخمبقاني
27/01/2011, 02:21 PM
السلام عليكم

أعتذر عن تأخري بالصور يا جماعة لكن تخبرون قلق الإختبارات

وكنت مواصل أمس ونمت بعد ما طلعت من اختباري وما قدرت اصور

السيارة بالليل لأنها ما راح تبين : الصور اسفل وأعذروا اخوكم بالله عليكم


http://www.mekshat.com/pix/upload05/images201/mk188454_001.jpg



http://www.mekshat.com/pix/upload05/images201/mk188454_002.jpg



http://www.mekshat.com/pix/upload05/images201/mk188454_003.jpg



http://www.mekshat.com/pix/upload05/images201/mk188454_004.jpg



http://www.mekshat.com/pix/upload05/images201/mk188454_005.jpg



الأحبة الكرام،

لمن أراد صور أكثر وضوحاً وأدق من الصور أعلاه يتفضل بوضع إيميله وأرسل له الصور

مع إني افضـّـل شوف العين أفضل من الصور والله يوفق الجميع لما فيه الخير يارب العالمين

ولكم التحية
حمودالخمبقاني
27/01/2011, 02:26 PM
الأخ : GMC79

تم إضافة الصور وموقعي/ مدينة الرياض

مع التحية لك.
حمودالخمبقاني
27/01/2011, 02:28 PM
عمنا الغالي : ابومحــ م ـــد

جزاك الله الجنة على دعواتك الطيبة

آمين الله يقبل منك ويصلح ويحفظ عيالك

تم اضافة الصور، مع التحية لك
سجى الشووق
27/01/2011, 06:10 PM
ما شاءالله تبارك الله

كم وصل السوم يالطيب
حمودالخمبقاني
27/01/2011, 06:17 PM
سجى الشوق

جزاك الله خير على مرورك، لكن لم يسام قبل، هذي اول مره اعرض فيها السيارة

ياليت لو سمعتنا أو فتحت الباب :>

مع التحية
hwi
27/01/2011, 08:56 PM
الله يرزقك البيعه الطيبه
وهل القير عادي وأوتو؟
هل البدي سليم من الحوادث؟
وشاكر لك
مكشات القصر
28/01/2011, 01:29 PM
السلام عليكم

اسوم 6000 واعتبرها فتح باب
حمودالخمبقاني
28/01/2011, 05:09 PM
الله يرزقك البيعه الطيبه
وهل القير عادي وأوتو؟
هل البدي سليم من الحوادث؟
وشاكر لك

الأخ : hwi

جزاك الله خير على دعوتك الطيبة ورزقنا وإياك ومن يقرأ

القير عادي وانا اخوك والصدوم معي ما جاه شي ولله الحمد

<< نظام شايب ..!

مع التحية لك
حمودالخمبقاني
28/01/2011, 05:11 PM
السلام عليكم

اسوم 6000 واعتبرها فتح باب

وعليكم السلام اخوي مكشات القصر

بارك الله لك وفيك وفي مالك وحلالك وعيالك << يشتغل شاعر بعض المرات :>

وسومة طيبة من وجه أطيب

مع خالص التحية لك ،،
القناص-sniper
29/01/2011, 11:06 AM
اخوي لك نظر بالبدل مع اكسنت موديل 2001 ؟؟؟
حمودالخمبقاني
30/01/2011, 10:03 PM
اخوي لك نظر بالبدل مع اكسنت موديل 2001 ؟؟؟

مرحبا حبيبنا القناص :

والله ياغالي مالي بالسيارات الصغيرة، إلا بالبدل بهايلكس دفرنسين 2005 ودون

إذا عندك نشوف وتشوف

مع التحية لك، مع الإعتذار عن التأخير.
دايم الكيف
31/01/2011, 02:22 AM
السلام عليكم ..

9000 بعد الفحص ..
ب د ن
31/01/2011, 02:07 PM
اخوي الله يرزقك ان شاء الله ويوفقك ف البيعه


اذا لك بالبدل بجيب سزوكي مديل 92

محول جيب ربع 2003

ومرهم مكينه 6 سرندل
omar454
01/02/2011, 04:05 AM
الله يرزقك بالبيعة الطيبة
حمودالخمبقاني
02/02/2011, 04:08 PM
السلام عليكم ..

9000 بعد الفحص ..

وعليكم السلام ورحمة الله وبركاته :

هلا بعمنا دايم الكيف..!

سومة طيبه يابعدي ونرجي من الله الزود

الله يرزقنا والمسلمين واياك من واسع فضله.
حمودالخمبقاني
02/02/2011, 04:10 PM
اخوي الله يرزقك ان شاء الله ويوفقك ف البيعه


اذا لك بالبدل بجيب سزوكي مديل 92

محول جيب ربع 2003

ومرهم مكينه 6 سرندل

حبيبنا ب د ن جزاك الله خير على الدعوة الطيبة وانا اخوك..

والله عرضك طيب، بس سألت عن السوزوكي وماناسبني الحقيقة لأن تخبر قطع غياره غالية شوي

وانا على قد حالي

الله يرزقنا وياك والمسلمين من واسع فضله..

تشكر على مرورك