محتار بين سيارتين

[nader_hi]

السلام عليكم


انا ابي اشتري سيارة دفع رباعي
واستخدامي للبر والطعوس قليل

لكن انا احترت بين سيارتين



فورد اكسبلورر X نيسان باثفيندر

هناك فرق كبير في القيمة

بس ابي رايكم في هاذي السيارتين
من القوة والعزم واستهلاك الوقود والدبل خدمات الوكيل
بالاضافة للالوان

يعطيكم العافية

[سفاري959]

والله ما ادري وش اقولك الباثفندر قطعه غاليه بس للبر احسن من اكسبلور وعند البيع الباثفندر افضل الراحه اكسبلور اريح وتبي نصيحتي لو تغير عن هالأثنين افضل بقيمتهن تقدر تاخذ جيب معروف مثل باترول او لاند لو مستخدم اصبر واوسع وارخص قطع وافضل عند البيع هذا مجرد رأي وانصحك ما تشري الا سياره انت مقتنع فيها قبل غيرك وفقك الله للخير تقبل مروري

[NOYEB]

الفورد اكسبلورر سيارة عائلية جميلة وفيها مميزات ربما اكثر من الباث فاندر وسعرها معقول ...لكن يعيبها انها حساسة شوي ..اما من ناحية الراحه فهي مريحه جدا في المدينة والخط ...الباث فاندر الحقيقه لم اجربه .وشاور واللي يناسبك توكل على الله وخذه .
موفق

[شلهوب طيري]

كان تبي الشور عليك باليوكن 135 الف سعره ديره وبر ونت تقول دخولك للبر قليل خذلك يوكن ولاتشااور وذا علي الجيوب والله اسعارها صارت خياليه وماهنا خدماات تشتري جيب 200 الف تبيعه بعد سنه 170 طايح 30000 منه بس تشتري يوكن 135 الف تبيعه بعد سنه 110 الف شف الفرق واليوكن الجديد موصفاته خياليه والله يرزقك الموتر الي بالك ويعطيك خيره ويكفيك شره انشالله تقبل مروري.

[عاشق السيل]

الباث أفضل من نواحي كثيرة إلا سالفة خدمات الوكيل سييييييئ للغاية !! الفورد أفضل خدمات ....

[فتى الرفيعه]

السلام عليكم
الاستخاره قبل كل شي والله يدلك
اخوي الاكسبلور حساس (رفاهيه ممتازه ومركب مريح)والباثفيندر الجديد لااعلم عنه شي نيسان يتفكك بشكل عام
ولاكن الي نصحك باليوكن انا معه اليوكن سياره جميله بلد بر وقويه وقليل العكاس ويمسك سعره عند البيع
اخوي معي فوتشنر 6سلندرتوماتيك ممتازه جداً جداً وسعرها معقول الجديد108000 عائليه/قويه في البر متماسكه لايوجد بها عكاس يكفيك انها تيوتا وش يصبر على صيف المملكه الاتيوتا (تكيف ممتاز صبور)نظره مستقبليه وليس وهو جديد فقط مثل باقي السيارت اسعار قطع الغيار جداً مناسبه ومتوفره .
اخوي ان ماخذيت تيوتا عليك باليوكن .
الله يوفقك والقرار بيدك

[.أبوعبدالرحمن]

كل السيارتين أمريكية والتعليق تقريبا واحد والرفع تقريبا واحد وكذلك المركب

فلذلك استخر وشف وش ترتاح له

واذا ما كتب لك الله الخيرة فشف الرخيص وتوكل على الله

[سفاري959]

استغرب من ناس تمدح اليوكون في المنتدى وعندنا واحد بهذلنا بالخرابات من قير الا دبل يكفي ان دبله كهرب وهذا الي خلاه يخرب معنا يشبك احياناً وانت في خط ما تدري عنه ويجي منهو يفضله على الياباني انا ما ادري هالكلام من تجربه والا كلام مجالس حبيبي اليوكون حساس واتحدى من يقول غير كذا وانا اعرف زملاء معهم 2008 و 2009 أقسم بالله يوم سألتهم عنه قالوا انحش نصيحه لاتاخذه علماً بان استخدامهم زين وسواقتهم راكده ولايجي من يقول منتشر اجل الاكسبلور منتشر بعد هذا ماهو دليل واحد من الي ساعد على انتشار اليوكون سعره وعروض الوكيل اضف الى ذالك ارتفاع سعر الياباني مثل الباترول واللاند والي يبي نصيحه مجرب انحش عن الأمريكي ويرزقك الله

[nader_hi]

الله لا يهينكم جميعكم

صراحة آراءكم راح آخذ بها

اما بالنسبة لليوكن فناس كثير نصحوني عنه ومستخدمينة
والفورتشنر زيه زي الهايلكس ينطط وماهو مريح


الله يعطيكم العافية
يا اخوان

[أبا مجاهد]

اخوي كانك تقدر على الاف جي<<خذه وانت مغمض

والله يوفقك

[جي اكس ار2000]

اتجه لتويوتا افضل

[m3ax]

اذا انت بالشرقية فسيارتي الاكسبلورر تحت رجولك جربها وأنت الحكم ..

ماشي فيه إلى الآن 40 ألف في 6 شهور تقريباً والموتر استخدام امريكي V8 موديل 2006 وأتحدى أي سيارة من كل النواحي لا من راحة ولا من قوة ولا من بر ولا من ناحية صرف بنزين ...

الشي الوحيد اللي يبيلك في الاكسبلورر انك تهتم فيه وصدقني ما راح تندم على انك خذيته ..

[التعـ King ـديل]

اذا تتكلم عن باثفيندر جديد فااقولك لا

اما اذا من 2005 وتحت انا معك موتر طرب بر وديره كان عندي 2005 قير عادي

واذا تبي موتر مجربه انا بنفسي وشفه عند الباب الحين طق لك الفتاك 4800 يطربك في كل محل

[فهد كدسة]

الفورد وانت مغمض .. بالتوفيق

[ابوصالح77]

أولاً : إستخر الله سبحانه
ثانياً : الإخوان كلن يتكلم عن قناعته وإحتياجاته
من وجهة نظري الشخصية لو كنت مقدم على شراء سيارة لن أختار هذه السيارتين
والبديل : لاند + برادو + إف جي + فتك
الله يرزقك الخيرة

[نجم000الشمال]

اخوي :
حسب اختيارك للفئة الي ذكرت فاتوقع عدد العائلة قليل والميزانية متوسطة، فانا اشير عليك بالتاهوا .......... ولاتنسى الاستخارة .
والله يدلك لكل خير .

[خبز بر]

انا الصراحة اقول أبعد عن الاكسبلولر خثلك اما باث أو فورنتشر فل كامل قير عادي بطل:good2:

[أنا الذي...]

حاب أسأل:
ليش سيارات jeep مالها طاري عندكم في السعودية؟
مع أنها منتشرة معنا في عمان بشكل كبير

لو عنك بخلي في خياراتي جيب جراند شروكي يكفيك أنه 5700 سي سي