جربتوا القميري فطور ؟؟ تعالوا......... شوفوا

[مكشات]

قبل كم سنة ( لاتقولون متى ) زمان زمان :)
قال لي واحد عن تجربة أكل قميري الصبح :confused:
قلت له : قم بس قم :o لا طبعا ماكانت معروفه هالجملة ذيك الأيام !! بس اكيد قلت له جملة مشابهة :p
المهم اني قلت يابن الحلال فيه أحد ياكل لحم الصبح ؟؟:(
قال : جرب واحكم !!
قلت وش اجرب :eek: توكل على الله !!
وبيوم من الأيام صدنا قميري كثار وكانت اول طلعة لنا بذاك الموسم ، وكنا مشتاقين للقميري .
فلما جاء وقت العشاء ، قلت ياشباب : كل واحد يقول لي كم يبيني احط له من قميرية ؟؟
كل واحد منهم طلب عدد يقارب للسبعة وكنا أربعة !!
المهم كبست على 30 قميرية .
أكلنا منها بحدود عشرين وبقي عشر ، يعني توهقنا ، وبذيك اللحظة تذكرت كلام ذاك الرجال ، فقلت فرصة نجرب ..
أخذت اللي بقى من القميري وحطيته وسط القدر ، فوق غمارة الجيب ..
وكانت ليلة باردة مرة مانمنا فيها زين من البرودة !!
يوم صار الصبح ونقوم ونصلي ونصلح الشاهي ونتوكل على الله ..
مالقينا ذاك الصبح قميري بشعيب يسمى شعيب أبو كروش على طريق القصيم حائل ..
فقلنا نروح للدغمانيات ، وكانت المسافة بعيدة نوعا ما ، والأرض رويانة من السيل ، لازلت أتذكر تطاير الماء من تحت الكفرات بذيك الصحراء !!
المهم اثناء مشينا قلت لهم وش رأيكم نفطر على القميري ؟؟ والله اني قلتها وانا نفسي ماتقبلها !!
فقالوا لي كله انت ، حنا مانشتهيه !!
أخذت وحده وبديت بأكلها ، ماصدقت ذيك اللذة ، فعلا تجنن !!
الدهن جامد على جلد القميرية وطالع له مذاق غير معقول !!
أكلتها وطلبت ثانية ( ايه انا كنت السواق ) :)
شافوني اكلت ثانية ، حسو ان المسألة فيها سر ، فأكلوا مثلي !!
ومن زين مذاقها ماراح خمس دقايق الا حنا مخلصين عليها ، ونفتش يمين يسار بالقدر !! نقول يمكن فيه عصقول منا والا منا متخبي !!
ههههههههههههههههههههه
من ذاك اليوم والى الآن وهالطريقة ماغابت عن بالنا !!
أتمنى تجربونها بصيد هالسنة ..
الله يوفق الجميع
تحياتي لكم
أخوكم
mekshat.com

[أيمن]

شكلك تبي تودينا في داهية :p :p

[مكشات]

أنت جرب وماعليك :D وان جازت لك الوصفة ادع لي لاتنسى ;)

[ذيب الصمان]

اخوي مكشات اليوم تقول قميري بعدين تقول دجاج وبعده وش تقوول مفاطيح على الصبح

اقوول يا زين قرص الجمر والحليب وش لحم على الصبح الله يهاديك بس



اقول مكشات تعال شوي تحت ابيك::::::::::










































وش القافه اقول مكشات موانت:D :D
































مكشات طعمها حلوو



















تنصح فيه تراك شهيتني ولله ترى الكلام الي فوق كذا بس ابسوي نفي عند الاعضاء اني احافض على صحتي:D

[مكشات]

هلا باخوي ذيب الصمان
أبد ماعليك انت جرب لو بقميرية وحدة :D
ولاتنسى تقول لنا رأيك ،، تراه يهمنا :)
بعدين ترى عيوني احولّت وانا انتظر نهاية ردك :(
رحت تحت مررررررررررة
تحياتي لك
أخوك
mekshat.com

[مشفر]

لو انت قايل لي دخيخلات مقلقلات بصاموليه مع شطه ,,:) كان قلت لك ,,:) عليك نور هذا الكلام :)

بس قميري ,, لا و من عشاء امس ,, صعبه شوي :)

انا شكلي منب مسويه ,, :)

مشكوووووووووووووور ,, و يا شباب اللي سواه ياليت يقول لنا لأن رايين يشجعون ,,:) و لا تفهمني غلط يالغالي :)

سلامي لك ,:)

[السمح]

;)

ترى اللي يقوله المشرف صحيح واللي ما يصدق يجرب والحقيقة إني طايح بها الطريقة منذ سنوات. كل مرة نطبخ القميري نزود على الأقل عشر حبات والفرق بيني وبين أبو ياسر إني ألفهن بقصدير وحطهن بالثلاجة وإذا جا الضحى نطلعهن من الثلاجة قبل إصلاح الشاهي من دون تصخين ومع بيالة شاهي يادافع البلا والله يالهن طعم بالدماغ !! قايلن لكم إن أحسن صيد هو القميري من حيث سهولة البحث عنه ما تتعب السيارة ولا خطر ورميه سهل ولا هوب حذر ونتفه أسهل وطبخه حليل وأكله ألذ وكل شي فيه حلو الله يقبله :D

بالمناسبة جميع الطيور لذيذة وهي باردة حاول تسرق ثنداة أو فخذ دجاجة من ثلاجتكم ورح للملحق وكل وقل ما قاله السمح .. :p

عموما لحم الطيور هي أفضل وألذ اللحوم وهذه حقيقة لا يطلع علي واحد ويقول وين أنت عن لحم الهرفي أو الحاشي أو .... أو ...
يقول الله سبحانة وتعالى في محكم تنزيله عندما وصف أهل الجنة وما هم فيه من نعيم: (( ولحم طير مما يشتهون ))

تقبل تحياتــــــــي ...

[أيمن]

على كذا .. أغير رايي ..
وأجرب .. :rolleyes: :rolleyes: عاد وين أبلقى هالحين قميريات .. أظن مالي إلا سوق الحمام !!

:D :D :D

[’’هــــتــــان‘‘]

ان شاء الله نجربها وندعيلك

[مدور ربيع]

انا قد مرة افطرت على كبسة قطاء (نغاق)



والسالفه كنا نقنص صحراء الاردن , وكانت برود ودرجة الحرارة 3 فوق الصفر

والربع اللي معي يفطرون على باقي كبسة العشاء , وانا مشمز من الوضع ولاهو داخل مزاجي

لاكن كنت اضحك على الربع اللي معي بالصباح ,

ويضحكون علي بالظهر من الجوع اللي ضاربني !!


ويوم شفتهم يوميا على ذا السالفه !!

انا اجوع بالمقناص , والربع مايعرفون الجوع

قلت مابدهاش مفطر كبسة مفطر , الله لايعوق :mad:

وصراحة اول شيء ماهضمتها , لكن بعد يومين صرت اسابقهم على العشاء , قصدي الفطور :D:p



والصراحة هو افضل علاج لجوع البر ..

لان المطبات والرجرجه , تهضم الحصى , لذا نصيحة لايفوتكم :D:p

وشكراا مشرفنا للتنبيه :)

[خالد940]

انتم تعشيتو وخليتو باقي عشاكم حنا مايهنالنا لين نزرط العشي كلة .

[كياف]

هههههههه

غــــــــــــــــــــــريــــــــــــــــــــــــب ـــــــــــــــــــــــة

[الصل الأسود]

يووووووووء

الموضوع له ست سنوات بالضبط

لكن ما أدري هل تصلح هالطريقة الحين والا لا :d

[كن كن]

مشكوووووووووور اخوي وكفيت ووفيت

[عبادل العاصمي]

بس ياولد ماجاكم أسهال أقصد بطونكم مابدت تلعب عليكم

[ابرق العزاف]

هلا ومرحبا القميري

لذيذ ان اكلته الصباح او المغرب المهم قميري

حبه ريوق /حبه غداء/ حبه عقب العشا

مشكور

[عرق دقله]

أن شاء الله نجربها في المستقبل
الله يعطيك العافيه

[رحال]

مساك الله بالخير مشرفنا العزيز بو ياسر .. مشكور وماقصرت على الطريقه وإن شاء الله نجرب ونرد لك خبر ;) تمنياتي لك بالتوفيق ..
اخوك بوخليفه