أسئلة عن شاص نيسان؟؟؟

[طخيمان]

ما تلاحظون يا جماعة انكم دائما تتكلمون عن الشاص التويوتا وتنسون الشاص النيسان وودي ان من عنده معرفة عنه و عن مواصفاته انه يعطينا علم عنه :
القوة .؟
الصرفية.؟
المكينة :(4500-4800) (بخاخات - كلبليتر)(8سلندر-6سلندر)؟
تانكي أو تانكيين؟
مريح ولالا ؟
سعره مستعمل و جديد؟
وأي شيء يتعلق عنه وآسف اذا كنت طولت عليكم ولكم مني جزيل الشكر .

[طخيمان]

ما تلاحظون يا جماعة انكم دائما تتكلمون عن الشاص التويوتا وتنسون الشاص النيسان وودي ان من عنده معرفة عنه و عن مواصفاته انه يعطينا علم عنه :
القوة .؟
الصرفية.؟
المكينة :(4500-4800) (بخاخات - كلبليتر)(8سلندر-6سلندر)؟
تانكي أو تانكيين؟
مريح ولالا ؟
سعره مستعمل و جديد؟
وأي شيء يتعلق عنه وآسف اذا كنت طولت عليكم ولكم مني جزيل الشكر .
معقولة محد يعرف شاص نيسان.

[((أبو أسامة))]

أنا جربت القديم منه ما فيه كلام أفضل من التيوتا بكثير بس السوق ضدك

السوق يدعم تيوتا

أما أنه موتر ولا فيه كلام فهو نعم موتر ما فيه كلام أبد

ولعلمك الشاص تويوتا لاحظت فيه صوت عامود الكردان مزعج

[طحنون]

اخوي ابو الطواري
اعرف شخص يعمل بحرس الحدود في منطقه شيبه في الربع الخالي
مايمدحه ..ألا هو ويقول في بعض الاماكن مايدخلها ألاالنيسان بسبب خفته وقوه الدبل فيه
...بس تعرف الناس ماتمدح ألا التايوتا لان سعره يمسك عندالبيع
ومين يقرر هاذا كله الشريطيه وما ادراك ما الشريطيه
طيب فيه سيارات افضل من التيوتا والنيسان لاكن مافيه وكيل زي الناس مثل شركه لاندروفر
هاذي سيارات اسطوريه لاكن محد يعرف لها ولا يقدرها ألا ماندر
....أسف خرجت عن الموضوع
اخوي انا اذكر موديل 2003 سايمه في الوكاله 76 الف نوع ستاندر بدون اي مواصفات وكان كل السيارات رايحه
الى حرس الحدود وجزء الى شركه بتروليه تعمل مسح في الربع الخالي
هاذا ماعندي وأسف على الاطاله

[طخيمان]

لكن بالنسبة للصرفية وهل هو تانكي ولا تانكيين و بخاخات ولالا و4800 ولالا وسعر المستعمل كم . وشكرا.

[عشق الخلا]

السلام عليكم ورحمة الله وبركاته
الباترول النيسان محركاتة اقوى من التايوتا الراح افضل ولافيه مقارنه خصوصا الموديلات الجديده
يجي تانكي وتانكين المكينة ماتغيرت نفس الموديلات الاوله
عموما انا جربت النوعين ولمده طويلة الحوض للي يريد المنضر والباترول للي مايهمه الشكل
التايوتا فيه عيب الكوارين والقير .

[salehhd]

السلام عليكم

شفت واحد قبل كم يوم موديل جديد مكتوب علية 4500 واعتقد نفس مكينة الربع

[طخيمان]

لكن بالنسبة للصرفية :
والله شكله يصرف صرف غير طبيعي
وبالنسبة للممشى مع التحميل وشلون عزمة.

[أبو أسامة]

السلام عليكم ورحمة وبركاته
عيدكم مبارك
الأخوة الكرام أنا لدي بعض المعلومات عن النيسان شاص
إذا عن القوة هو أقوى من الشاص تايوتا
وإذا عن الشكل التايوتا أحلى شكل والناس أذواق
وإذا عن المواصفات فالتايوتا أحسن لأن شاص النيسان يجي ستاندر يعني سياحي بالعربي قزازه يدوي .
وإذا عن الصرفية فهو مثل شاص التايوتا لأني سألت واحد من أهل المعارض قالي أنه نفس الصرفية تقريباً قلت له قد سقت التايوتا شاص قال أنا كان معي قبل شاص النيسان2005 شاص تايوتا 2004 يعني ما أقولك قالوا لي أنا مجربها كلها طبعاً تلقفت وقلته ليش بعت التايوتا وشريت النيسان قالي أبي فرق القيمة والنيسان أريح ......سألته شاص النيسان بكم أخذه قالي أخذه مستعمل بـ65 ألف ريال والجديد طبعً بـ80 ألف ريال .مع العلم بأنه راعي معرض ولا لقيت بمعرضه إلا شاصات التايوتا .
ملاحظه شاص النيسان قبل 2002 أو2003 كلبليتر ماهو بخاخ يعني كان يصرف بس الحين بخاخ ......
أرجو أني قد أفدتكم .
والسلام عليكم ورحمة الله وبركاته

[abu fahad]

صدقونى ياجماعة اول ماعرفت سيارات البر اشتريت نيسان مستعمل وبعده اشتريت جيب تايوتا ولكن طلعت للبر اكثر من مرة وتصادفنى امطار وسيول الجيب تايوتا يبرك بمكانة والنيسان ماهو دارى عن هالسوالف هو فية مطر او شعبان ادخل داخل الغدران واسحب السيارات الثانية بالنيسان ومنها ليومنا هذا طلعت البر وقت الامطار ما استخدم الى النيسان ولعلمكم انطردت بالنيسان من قبل دوريات المحمية اولا على دور الامارة سيارات جمس وعلى دور الحماية الان والله مايوكدون حتى نوع السيارة وش نوعها واللى اهم من هذا النيسان اريح من التايوتة ولكن عيبة الوحيد قرقعت بيبانة

[path_poth]

السلام عليكم ورحمة الله وبركاته



انتظر [عـــاشـق الـجـــبــل]