وش اقوى لاندكروزر اونيسان فتك

[جى اكس]

السلام عليكم ورحمة الله وبركاته

كل عام وانتم بخبر


نبى نعرف يجماعه الخير ايهما اقوى لاندكروزر جى اكس عليه هدرز او نيسان فتك 4800 من ناحيه القومه والخط



وعافكم الله

[كبريت]

اذا كان مو مركب هدرز ضني الفتك اقوى في القومة بس في الخط مدري

لكن بالهدرز والله مدري

[عنتر بن شداد]

القومة والخط نيسان

[السارب]

نيسان نيسان نيسان تماتيك تماتيك تماتيك بس ايوه جينا للجد لازم لازم لازم تشيك وكاله وتربيط كل سنه وما راح تندم

[أبو عكفة]

مفيه كلام النيسان وبس

[**فتى نجد**]

شف وانا خووك
اذا انت هاوي تطعييس فالنيسان ازين واخف من اللاند
اما اذا انت راعي مقتاص وبر وكشخه وقومه ومسكة خطوووووط فاللاند ازين زما فيه كلاااام

انا سبق وجربت النيسان وما فيها كلام اللاند افضل ويتحمل


اللاند جاهز وللمقناص توااااااق000000تواق وقت القنص متى ويسوقونه

[مخـاوي الـذيب]

السلام عليكم
حبيت انصحك أبشي التايوتا وبس



ودمتم سالمين

[ماجد الشمري]

مايبيلها تفكير يا بعد حيي ..
هذا الباترول مجنون بر وصحرا ويكفيك انه مصمم لك .. ( في دعايات شيفروليه لومينا وكابريس يدعون انها صممت للخليج ) مع العلم ان الباترول فقط ينزل في الخليج واستراليا وبريطانيا واليابان ... وتمت تجربة الباترول بالامارات ...
بعدين عمرك شفت تويوتا اقوي من نيسان ؟؟






اخوكم ماجد الشمري

[حرباش]

هلا بخوي ماجد
من طول الغيبات جاب الغنايم

وين الناس يالطيب قطعتنا مره وحده


اما بالنسبه لكم ياشباب معليش والله الكلام ذا طال وكل يوم نزيد ونعيد فيه :mad:

وكلامي ذا مو عشاني امتلك باتروول ، بالعكس انا انسان اتكلم بشكل صريح ومن واقع تجربه :D

ياشباب ياشباب الاند ميزته في انه مايتفكك تقول تنكه ، وذا اللي مخليه غير مريح في الخطوط السريعه ولا يبلع المطناج والضحيه الظهر .
والميزه الثانيه في قيمته وصدق من سماه الشيك.

اما الباترول اخف واقوى وانشط واكشخ واشفط للبنزين من الاند ((ومن بغى الدح ماقال اح ))

وبالنسبه لسؤال اخي الكريم عن الهدرز ، الجي يبيله هدرز وفلاتر عشان يصف مع الباتروول :p



عموما اختلاف الآراء لا يفسد للود قضيه وكل عا وانتم بخير
اخوك حرباش ;)

[فتى التويم]

نيسان فيتك مصممه قال وش عاد

مكاين الفكسار ناقف رصدها

[محب الشمال]

هي بالعقل يا اخوان نمسك السيارة قطعة قطعة

ماكينه الباترول اقوى من الاند
شاصية الباترول اقوى من الاند
دبل الباترول اقوى من الاند
قير الباترول اقوى من الاند
دفرنس الباترول اقوى من الاند

ما شاء الله تبارك الله
وش تبون بعد كل قطعة في الباترول افضل من الاند
وبالنسبة للرجه الباترول هذي اشاعة والدليل انه كان عندي باترول موديل 98 وكرفته كرف غير طبيعي ومع ذلك ولا مره سويت له تربيط

[صوعان]

مع احترامي لتايوتا بس مهما كام مايجي مثل الباترول
انا راعي بر وقنص با الطيور وكل انواع القنص اغلب وقتي في البر ولا الساحل مقناص ضيف وشتا
وربعي الي اعرفهم عن طريق الهوايه هذي الاغلبيه منهم كانو يستخدمون تايوتا والان في الوقت الحاظر مافيه منهم ولا واحد كلهم باترول من موديل 92 الى 2006

[ع.ف.الدرويش]

صبحكم الله بالخير يا جماعه

اعرف واحد (( لا تعلمون أحد تراه أخوي )) معاه شيروكي باب ملعوب فيه ( مراوح + هيدر + بواجي واسلاك + فلتر )
فيتك 2004 بهيدر بس نتفه نتفه أليمه قومة وخط..!

لذلك النيسان وبس.. والباقي ماني قايل شئ..!

[حـاتـم]

اخوي الغالي

هالمواضيع الي تكون مقارنه كثرت مره

لكن اذا انت مرتاح في موتر فالحمدلله

زي انا مرتاح فالباترول ولله الحمد

مع انه قديم بس والله اصف جمب الفكسارات الجدد واطوفها فالطعس

اما خط انا ما اقدر على الفكسار

بس يقدر ال4800 الفتك يقدر ونص يطوفه وينساه بعد

الاند كروزر الي مخليني ما اطيقه ان سعره مب فيه

يعني فكسار قيمته حول ال200الف حرام والله

والمشكله تروح به الطعس ويجيك كسره نيسان مايجيب فالمعارض ولا 30 الف ويطوفك

يعني قهر والله

ونهايه الموتر اذا مرتاح فيه الحمدلله خله معك

يعني عمي معه فكسار والله من مره سحبناه فالدهناء والله من مره ينشب \

ومع ذلك يموت فالتايوتا والمشكله مايطلعه الا نيسان

واخرتها النيسان الاول في نظري

وهاذي صوره الباترول حقي
http://www.n0f.net/uploads/11-20-05~__0000_125_.jpg

صحيح انه مايجيب ولا ربع قيمه الفكسار الجديد بس الله من مره سحبه وطافه

وشكرا اخوك / حاتم

[القناص]

سجل واحد جرب الجيوب بانواعها

باترول سوبر سفاري مع مرتبة الشرف

[anas]

باقي سؤال لم يجب عليه ؟؟
وهو بالتحديد
في السفر على سرعة 140 الى 160
ايهما الأفضل :
من ناحية الراحة في المراتب ؟
وصوت الهواء وصوت الماكينة ( يعني الهدوء في المقصورة ايهما اكثر ) ؟
والرساوة ؟
هذه الأسئلة حيرتني كثير ولم اجد لها اجابة

[4ء4]

التايوتا صحيح جامد وصلب بس ثقيل
اما الباترول خفيف الوزن والنفس
ومن ناحية صرف البنزين
( مراوح كهرب و فرارات )
وانتهت المشكلة
ويصير كما الريشة

[عاشق الجبل]

الأخ : حاتم


وش رايك تجرب موترك مع هذا : :)

مركب هيدرز وفلتر وماشي مع ( في أكس آر ) ومافيه آمل يقرب



http://myweb.saudi.net.sa/files/4.jpg

http://myweb.saudi.net.sa/files/7.jpg

[(الثريا)]

الفي كس آر

لاتدور غيره ابد اسمع نصيحة اخوك

[anas]

ولللللللللللللللللل يا عاشق الجبل ما شاء الله تبارك الله
وشكل الصورة 3 من تورا بورا ;)

[Abu-Nawaf]

القومة والخط نيسان

[LAND CRUSER]

LAND CRUISER

[العريق]

[b]السلاااااااااااااااام
انا الصراحه مولود ف نيسان
و اشرب حليب نيسان
انزل و اركب نيسان
و اسوق نيسان
النيسان للتمشي

للبلاد

للبر


للمقناص


للستعراض


للسباق



و
و
و
و
وو


لاكن التيوتا
مع احترامي
للعائلات فقط[/b

[بو خليفه]

طبعاً النيسان
بسبب قوة العزم

[محبوب 1]

طبعاً النيسان القومة والخط
وتحياتي

[غيّام]

كيف الحال ياشباب عساكم استويتو على جلد

[عجمي]

السلام عليكم ورحمة الله وبركاته


أحذر من النيسان يملاك بغبار **** لولا غبارة كان مابة عذاريب


الله من العذاريب ......عد وغلط ,,,,,,,,,,,


تعجبك بالبر والفيافي والاقطار ***** وارد تايوتا ينطح أجبال سنجار


تايوتا وبسسسسسسسسسسسسسسسس

[ابوقاسم]

نيسان ولا منازع ..................
والغبار يخوك للي ورا النيسان ...............
وتحياتي للجميع.............

[واافى]

ياالغالى نيسااااااااااااااااااااااااااااااااااان باتروووول فتك وبس ولله ولله ولله انه لا االكروزر ولا اليوكن ولا خباريهم اسأل مجرب ولا تسأل حكيم الــــــــــــــــروح نيـــــــــــــسانى......والــــــــــــــــــــــ ــــدم ســــفـــارى