وش الأفضــل شراء السيارة الجديدة من المعرض أم من الوكالة

[الحلم الغايب]

السلام عليكم ورحمة الله وبركاته ..

أنا أبي أشتري يوكون دبل رحت لمعارض النسيم ولقيته عندهم جديد بـ 144 ألف
ورحت للجميح وقالوا لي بـ 156 ألف
ثم رحت للعيسى ولقيته عندهم بـ 151 ألف وخمسمية
وقالوا لي اللي في الوكالة ان سيارات المعارض ما يشمل الضمان كفراتها وضمان السيارة مدته 60 ألف كم
لكن الوكالة يضمنون الكفرات حتى 10 آلاف كم وضمان السيارة حتى 100 ألف كم

وحترت بصراحه وأبي رايكم ..

[الحلم الغايب]

27 مشــاهدة وولا واحد رد :(

[ذيب زلفاوي]

انا افضل المعارض اول شي واهم شي السعر والثاني المعرض تشوف الموتر قداامك اما الوكاله ماتدري يمكن يكون معروض ولا شي والثالث المعرض ينقل الموتر باسمك وتستلمه على طووول اما الوكاله يماطلون فيك ويمكن تتعدا الشهر وموترك ماوصلك

[درباس فرناس]

الوكالة تشكل لبعض الناس راحة نفسية لأنه يثق عدم العبث بالسيارة من قبل معارض النسيم أو الشفا أو غيرهم
وخاصة أن بعضهم يقوم بشراء السيارات المصدومة لدى الوكالة بسبب النقل ونزولها من البواخر الى الميناء ويقوم بسمكرتها وبيعها على أنها جديدة
وقد حصل لي موقف أثناء شرائي سيارة جديدة من وكالة تويوتا حيث طلبت سيارة ولم تكن موجودة لديهم وطلبت لي من جدة وتأخرت السيارة لسبب غير واضح ولكن مندوب المبيعات أتصل علي وقال أنه يوجد لديهم سيارة في المستودع ثم أعاد الاتصال وذكر أن السيارة الموجودة في المستودع بها صدمة بسيطة بسبب النقل وأنهم سيقومون بخصم مبلغ من سعرها مقابل ذلك
فرفضت عرضهم وأعجبني صراحتهم معي بأن السيارة مصدومة ولا أستبعد أن بعض شريطية المعارض يقوم بشراء مثل هذه السيارات ويقوم ببيعها على الغلابا بسعر الوكالة ...
ولكن يوجد بعض المعارض المحترمة بسوق النسيم وتوجد لديهم سيارات مثل الوكالة أهم شئ أنك تأخذ رقم الشاص قبل الشراء وتطلب برنت من الوكالة عن حال السيارة لأن عيوب السيارة مسجلة لديهم ..
ومسألة الكفرات ما أظن ماذكره لك مندوب الوكالة صحيح لأن ضمان الكفرات على وكيل الكفرات نفسه وليس على الوكالة وسبق لي أن شريت سيارة من الجميح وكان بها عيوب ورجة وأتضح أن السبب الكفرات فقاموا بإرسالي الى وكيل الكفرات وكانت نوعيتها قودير ...ولكن تأكد من وكيل الكفرات أحسن لك ....

[الحلم الغايب]

انا افضل المعارض اول شي واهم شي السعر والثاني المعرض تشوف الموتر قداامك اما الوكاله ماتدري يمكن يكون معروض ولا شي والثالث المعرض ينقل الموتر باسمك وتستلمه على طووول اما الوكاله يماطلون فيك ويمكن تتعدا الشهر وموترك ماوصلك

ما قصــــرت بيض الله وجهك ..




الوكالة تشكل لبعض الناس راحة نفسية لأنه يثق عدم العبث بالسيارة من قبل معارض النسيم أو الشفا أو غيرهم


وخاصة أن بعضهم يقوم بشراء السيارات المصدومة لدى الوكالة بسبب النقل ونزولها من البواخر الى الميناء ويقوم بسمكرتها وبيعها على أنها جديدة
وقد حصل لي موقف أثناء شرائي سيارة جديدة من وكالة تويوتا حيث طلبت سيارة ولم تكن موجودة لديهم وطلبت لي من جدة وتأخرت السيارة لسبب غير واضح ولكن مندوب المبيعات أتصل علي وقال أنه يوجد لديهم سيارة في المستودع ثم أعاد الاتصال وذكر أن السيارة الموجودة في المستودع بها صدمة بسيطة بسبب النقل وأنهم سيقومون بخصم مبلغ من سعرها مقابل ذلك
فرفضت عرضهم وأعجبني صراحتهم معي بأن السيارة مصدومة ولا أستبعد أن بعض شريطية المعارض يقوم بشراء مثل هذه السيارات ويقوم ببيعها على الغلابا بسعر الوكالة ...
ولكن يوجد بعض المعارض المحترمة بسوق النسيم وتوجد لديهم سيارات مثل الوكالة أهم شئ أنك تأخذ رقم الشاص قبل الشراء وتطلب برنت من الوكالة عن حال السيارة لأن عيوب السيارة مسجلة لديهم ..

ومسألة الكفرات ما أظن ماذكره لك مندوب الوكالة صحيح لأن ضمان الكفرات على وكيل الكفرات نفسه وليس على الوكالة وسبق لي أن شريت سيارة من الجميح وكان بها عيوب ورجة وأتضح أن السبب الكفرات فقاموا بإرسالي الى وكيل الكفرات وكانت نوعيتها قودير ...ولكن تأكد من وكيل الكفرات أحسن لك ....


ما قصرت وبيض الله وجهك ..
بأحاول آخذ رقم الشاص بس عسى المعرض يوافقون إنهم يعطوني الرقم