لاهل تبوك ومجاورها

[ا ب ط]

السلام عليكم ورحمه الله وباركاته
اخوني سوف نتشرف بزيارتكم يااهل تبوك الحبيب فارجو منكم ان تدلوني على اماكن الجميله والاثار الحلوه وكل شي في تبوك يستاهل فانحن شباب من القصيم واول مره نسافر الى الشمال وانتم اهل الكرم والجود فالاتبخلون علينا بكل شي
وان حصل يكون فيها وصف عن طريق القارمن احدثيات.
بارك الله لكم وجزاكم الله كل خير.

[ا ب ط]

ليش33 زائر ولافيه ولارد
تكفون اريد الرد عاجلا

[الرحموني]

ليش33 زائر ولافيه ولارد
تكفون اريد الرد عاجلا



لسبب بسيط

ما يعرفون عن تبوك الا اسمها

وانا اولهم ولو اعرف شي

كان ما قصرت

[ترهيم]

ليش33 زائر ولافيه ولارد
تكفون اريد الرد عاجلا



للاسف ياخوي انا جيتها يمكن مرتين او ثلاث وكانت كلها مرور كرام ماقدر افيدك وردديت مابيك تشوف العدد 34 زاد واحد بدون رد :D

ان شاء الله بيجونك اهل الديره وبيردون عليك اهل كرم مارايح يقصرون

[الفجرالجديد]

يمدحون الحقل
مدينة ساحلية هادئة وتقدر تطلع رحلة صيد فيهاا
و الجو فيها معتدل
ورحلة موفقة

[أبوخآلد]

عشرون سنه في تبوك يعني عندي شوية علوم عنها اذا انت راعي بر وتبي مناظر جبليه رائعيه تتجه من تبوك الى ضباء بعد المركز حوالي 15كيلويجيك مفرق يمين شرماء تقريبا سبعين كيلو يجيك مفرق كمان يمين لهجره تسمى بجده ويوجد بها هضاب شاهقه جدا ومغارات اومضيق بين الجبال واذا اخذت على طول يعني ماتروح بجده بعد ميه وعشرون كيلو تصل البحر شرما وقيال ومنها الى راس الشيخ حميد والى مقنا ومضيق طيب اسم والبدع والاثا ر اوتسلك طريق حقل وقبل حقل تصل الى جال الزيته وبعدهاجبل اللوز المشهور بالثلوج:fاوتسلك طريق ضباء وقبل ضباءمرعلى الديسه احس اني ادوشتك شوي وبحث في مواضيع الاعضاء وتلقى معلومات اكثر صراحه حبيت افيدك دعوتك

[تبوك44]

بسم الله الرحمن الرحيم
هلا بأهل القصيم انتبهو من ساهر على السيارة الحمراء والرصاصية وأنتبهو من الطريق الى حقل والى ضباء والطيب اسم ويوجد على طريق الطيب أسم عين سيدنا موسى نتمنا وأي استسفار انا جاهر وانا من القصيم اخدمكم باي شي لكم رحلى سعيدة

[غرشوووب]

هلا بك اخوي

وحياك الله بتبوك باي وقت ونتشرف بزيارتك لنا

بالنسبه للاماكن الحلوه زياتها بالمنطقه

تبوك فيها كم منطقه اثريه وقديمه زي سكه حديد الاتراك وقلعه تبوك القديمه الي باخر الجاده وفيه كم منطقه اثريه برضو بس ماهي حاضره بذهني حاليا

ثاني شي فيه قرا ساحليه جميله جدا للسباحه والصيد والجو المعتدل زي حقل 160 او 180 كيلو عن تبوك وطريقها يجي قبل حاله عمار طريق الاردن

وشرما تبعد 160 كيلو ولها خط خاص يتفرع من طريق ضبا بدايه خروجك من تبوك

وضبا وتبعد 180 كيلو ومعروف خطها باسمها

طبعا الطرق بين ضبا وتبوك وشرما تبوك مليانه جبال ومناظر حلوه جدا وراح تشوف انواع الجبال وتكويناتها وراح تشوف جبال ناحتتها الرياح والي راح يجي فبالك تاريخها وعصورها

واذا تبي تشوف ثلوج

فيه منطقه اسمها جبل اللوز بس ما ادري اذا فيها للحين ثلوج ولا لا لكن اتوقع ان فيها للان وطريقها يكون على نص طريق حقل راح تجيك لوحه مكتبو عليها الديسه وجبل اللوز

تبوك تعتبر منظمه نسبيا لكن السفلته صفر على شمال ماعدا كم شارع رئيسي

الجو بارد الان يعني تقدر تقول الصغرى من 4الى 6 والكبرى 19 او 20 من هنا للاسبوع الجاي ان شالله

فيه سوق حديث وهو يعتبر مول بالنسبه للمنطقه لكن ماهو كبير مره اسمه تبوك سنتر ومعاه برضو ملاهي الحكير

وفيه سوق قديم يعتبر من اقدم الاسواق بتاريخ المنطقه والي كانت يوم من الايام تبوك ماتتعدا حدودها وهي سوق الجاده فيه جميع المستلزمات الي تحتاجها سواء للبيت او لاغراضك الشخصيه او للسياره او اي شي تحتاجه راح تحصله هناك ان شالله

وفيه سوق ثاني بعد اسمه السنابل برضو ماهو كبير لكنه حديث ويلبي رغبات اهالي المنطقه

وعلى فكره الجزء الجنوبي لمدينه تبوك تعتبر مناطق عسكريه والي فيها تقريبا نص الجيش السعودي فيه وعلى فكره 70 بالميه من اهالي تبوك عسكريين مافيه عائله الا وفيها واحد عسكري

وفيه المدينه العسكريه والمستشفى العسكري وفيها اسكان قوا الامن وفيها قاعده الدفاع الجوي

واذا تبي احسن المستشفيات فيه مستشفى الملك خالد - عام

ومستشفى الامير فهد بن سلطان - خاص

واخيرا منطقه تبوكتتيز بمزارعها الكبيره وانتاجها الكبير لكثي من انوع الفواكه والخضره والزهور تصدرها لبعض الدول الاوربيه

هذا ماحضرني وان شالله اذا جا فبالي شي راح استزيدك فيه

[غرشوووب]

وزي ماقال الاخ تبوك 44

انتبه من ساهر بالنسبه لطريق الحزام وطريق ضبا وطريق الصناعيه وطريق المدينه
وتقيد بالسرعات المحدده الي حاطينها بالشوارع هذي الان فيه تقريبا 3 سيارات فان حقت ساهر ويمكن يكونو اكثر بالايام الجايه

[حبـران]

حياك ربي بتبوك

المناظر واجد وزينه وطيبة

اذا تبي المعظم والاثار او منطقة الديسة والعيون اللي فيها او كهوف بجده العجيبة وهذي قليل اللي وصل لها حتى من اهل الديرة او ساحل شرما والمناظر الطبيعية البحرية البكر او القطّار بالزيته وكيف النعناع والحبق تحت العين او وادي طيب اسم وطعس الحنان في مقنا او رأس الشيخ حميد والطيارة اللي سقطت هناك قبل 50 سنه
او تبي الحره وطريق ابو مطراقة او نقيب البكره او طريق حجالة او جبل ضربة المناطق كثيرة وانا ما عرف احداثياتها لاني ماسجلتها لكن ادلها زين بالحيل
اذا تبي وصف صح اذا طبيت بتبوك ابشر باللي يخدمك والله واهم شيء متى وصولك لانني طالع كم يوم
من الاحد لين الخميس الجاي
راسلني بالخاص وابشر بعزك

[أبو الورد]

حياك الله في تبوك الورد وحالياً البرد ..

ما قصروا الأخوان ما خلوا شي ..

بس اللي اعرفه ان القصمان يجوا تبوك عشان القمري

صح أخوي أو ما تدور جاي تتمشى .؟

[ا ب ط]

بارك الله فيكم