سؤال عن الجلنط لأهل الأمريكي

[عاشق vip]

السلام عليكم ورحمه الله وبركاته

أهلاً وسهلاً بالمكشاتيه

والله يجعل مطرنا ومطركم خير علينا وعليكم .. وسقيا للأرض والأوديه ..

ويعم ببركته على جميع البلاد

اللهم آميــــــــــــــن

عندي سؤال لا هنتم :

* كيف يتم شد الجلنط من مكانه الي داخل السياره .. ومن تحت السياره ..

أتمنى التوضيح الدقيق لأني ناوي إن شاء الله أشتغلها بيدي

والله يوفقكم ويوفقنا لما يحبه ويرضاه

[ريان2002]

وعليكم السلام ورحمة الله وبركاته
كنت أتمنى تذكر نوع سيارتك وموديلها لكن حصل خير
أنا كان عندي زمان كابرس موديل 87 وإذا أرتخى البريك أشده من تحت السيارة
فيه واير ( سلك ) متجه من تحت السواق والراكب اللي وراه للكفرات الخلفية وفيه مسمار بطول 20 سم تقريباً والمسمار فيه صامولة وكنت أشد الصامولة فتشد الواير وبالتالي ينشد البريك
أما بالنسبة للدعسة من داخل السيارة فليس لها طريقة للشد ( الكلام كله في الواير )
ولكن تأكد بأن إرتخاء الدعسة سببه الواير ( السلك ) وليس إنتهاء أقمشة البريك
أن شاء الله أكون أفدتك ولو بالقليل والله يسهل أمرك

[عاشق vip]

وعليكم السلام ورحمة الله وبركاته

كنت أتمنى تذكر نوع سيارتك وموديلها لكن حصل خير
أنا كان عندي زمان كابرس موديل 87 وإذا أرتخى البريك أشده من تحت السيارة
فيه واير ( سلك ) متجه من تحت السواق والراكب اللي وراه للكفرات الخلفية وفيه مسمار بطول 20 سم تقريباً والمسمار فيه صامولة وكنت أشد الصامولة فتشد الواير وبالتالي ينشد البريك
أما بالنسبة للدعسة من داخل السيارة فليس لها طريقة للشد ( الكلام كله في الواير )
ولكن تأكد بأن إرتخاء الدعسة سببه الواير ( السلك ) وليس إنتهاء أقمشة البريك
أن شاء الله أكون أفدتك ولو بالقليل والله يسهل أمرك


هلا فيك أخوي

وحياك الله يا الغالي

والسياره مثل سيارتك بس موديل 90 .. وأعتقد كل الأمريكي نفس طريقه الشد الي ذكرتها.. بس يا الغالي أعذرني ما فهمت عليك :

يعني إنت تقصد الواير ممتد من تحت السياره ! .. لأنك قلت من تحت السواق والركب ؟

ويا الغالي أنا دايم أشوف العامل ينزل من تحت السياره ويشده .. بس ما أعرف وين مكان المسمار الي إنت تقول عليه !!!! .. ياليت يا الغالي توضح لي أكثر موقعه .. يعني مثلاً .. يكون قريب من الكفر الخلفي الأيمن ولا الأيسر .. ودام معك كابرس مثلي أكيد تعرف مكانه بالضبط .. يعني وين يجي وراء الصليب الخلفي وتحت الكرونه .. ولا وينه بالضبط ..

وهل فيه سلك متصل عشان أقدر أتتبع السلك وأشوفه وأتأكد إنه سلك البريك .


ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــ

بخصوص الجلنط الي جوه السياره .. فعندي الجلنط لما أسحبه برجله ( الله يعزك ويعز الحاضرين ) يرووح للآخر مسافه .. ومره وديته لمحل .. وخلاه لي مشدود .. بحيث أول ما أسحبه يوصل لربع وينشد مضبووووووووووط ... والحين رجع مثل ما كان ...

إن شاء الله فهمت قصدي .

والله يعطيك الف عافيه على المساعده .. والله يجزاك بالجنه يارب ..

[ريان2002]

حياك الله وبصراحة يعجبني جداً اللي يحب يشتغل في سيارته بنفسه أمثالك بارك الله فيك
أتمنى تركز معي شوي
الواير سلمك الله ممتد من تحت السيارة وماشي بموازاة الشاص ومكان المسمار والصامولة كالتالي ( أدخل الله لا يهينك تحت السيارة من الجهة اليسار جهة السواق وبتلقاه تحت مقعدة الراكب اللي ورى السواق )
وعلشان تتأكد إنه هو تابعه وهو رايح بإتجاه الكفرات اللي ورى بتلقاه بعد ماكان سلك واحد صار شعبتين كل سلك أو شعبه رايحه لكفره من الكفرات الخلفية
والأمر الثاني للتأكد إذا لقيت الواير حط حجر عند أي كفره علشان ماتدحدر السيارة وفك الجلنط بس خل القير في ال p وأرجع أدخل تحت السيارة وبتلقى الواير مرتخي
بعدها شف مقاس المسمار والصامولة وأمسك المسمار بمفك وإذا ماعندك مفك أمسكه بزرادية وشد الصامولة بالمفك وضروري ضروري ضروري يكون الجلنط مفكوك علشان تقدر تشد الواير وبعد ماتشد الصامولة لمسافة معينه أركب السيارة وأسحب الجلنط إذا باقي مرتخي ففكه وأرجع كرر نفس العملية ( شد الصامولة ) وهكذا لحد ماتوصل إلى الشد اللي يناسبك
الأمر الأخير / لو شديت الصامولة إلى آخر السنون الموجوده في المسمار ولازال الجلنط مرتخي فترى أقمشة الجلنط مخلصة ويبغالك تغيرها وهذا شيء أنا متأكد منه وأي إستفسار أنا تحت أمرك

[عاشق vip]

حياك الله وبصراحة يعجبني جداً اللي يحب يشتغل في سيارته بنفسه أمثالك بارك الله فيك


أتمنى تركز معي شوي
الواير سلمك الله ممتد من تحت السيارة وماشي بموازاة الشاص ومكان المسمار والصامولة كالتالي ( أدخل الله لا يهينك تحت السيارة من الجهة اليسار جهة السواق وبتلقاه تحت مقعدة الراكب اللي ورى السواق )
وعلشان تتأكد إنه هو تابعه وهو رايح بإتجاه الكفرات اللي ورى بتلقاه بعد ماكان سلك واحد صار شعبتين كل سلك أو شعبه رايحه لكفره من الكفرات الخلفية
والأمر الثاني للتأكد إذا لقيت الواير حط حجر عند أي كفره علشان ماتدحدر السيارة وفك الجلنط بس خل القير في ال p وأرجع أدخل تحت السيارة وبتلقى الواير مرتخي
بعدها شف مقاس المسمار والصامولة وأمسك المسمار بمفك وإذا ماعندك مفك أمسكه بزرادية وشد الصامولة بالمفك وضروري ضروري ضروري يكون الجلنط مفكوك علشان تقدر تشد الواير وبعد ماتشد الصامولة لمسافة معينه أركب السيارة وأسحب الجلنط إذا باقي مرتخي ففكه وأرجع كرر نفس العملية ( شد الصامولة ) وهكذا لحد ماتوصل إلى الشد اللي يناسبك
الأمر الأخير / لو شديت الصامولة إلى آخر السنون الموجوده في المسمار ولازال الجلنط مرتخي فترى أقمشة الجلنط مخلصة ويبغالك تغيرها وهذا شيء أنا متأكد منه وأي إستفسار أنا تحت أمرك



هلا حياك الله

وبيض الله وجهك .. وأحرمه من النار ..

والله يجعل الجنه مثواك .. وحورٌ من العين يلقاك ..

وجارررري تمشيط المنطقه .. لمسح الخلل ومعالجته << متأثر بسبيستون هههههههه

والله يعطيك الف الف الف عافيه

ويطرح فيك البرك .. وفي مالك وعيالك يارب ..

تقبل ردي المتواضع والبسيط في شخصيتك العظيمه
:D

[عاشق vip]

السلام عليكم ورحمه الله وبركاته


أتمنى من لديه علم .. بشد الجلنط من داخل السياره .. يفيدنا فيه ..

وبيض الله وجه أخونا أبو ريان .. كفى ووفى ..

بالجزئيه الأولى .. باقي الثانيه ..

وهذا سؤال إجباري عليه 20 درجه << متأثر بإختبارات الطلاب
:D