المسفهل
26/08/2002, 01:51 PM
جمعتني يوم الجمعة 14 / 6 / 1423 هـ مناسبة بالشاعر الكبير غازي بن عون، وكانت ليلة من أجمل
الليالي، استمتعنا بسماع شعر الشاعر يتحدر من فمه عذبا سلسالا، وينساب حلوا رقراقا.. ، وكان مما أعجبني
قصيدته في وصف الصقر وكان هذا الصقر يسمى ( ملتاع ) ، أختار لكم منها الأبيات التالية :
لو بغيت آصفه .. الموصف يحير=منوة اللي بقلبه للصقارة غرام
لا صغير ولا بالوصف عبج كبير=كنه مفصلٍ بالزين تفصيل خام
أفدعٍ محدبٍ.. متسندٍ مستدير=وافي الطول واف العَرض جبر العظام
وارد الوجه وكراعه جلالٍ قصير=واخذاتٍ كفوفه من كفوف الغلام
والسراويل كاسياتٍ اسبوق الحرير=افجحٍ كنه اللقاي وزن المقام
في قحوفه سنا عينه سنا نار كير=فاصلاتٍ بياض الراس مثل الوشام
ولاش ظني مثل بوزه ولا بوز طير=والمناكب تزايمها الثنادي زيام
مكتسٍ من دقاق الريش شين يسير=خُف ريش القطا.. بالوصف والا الحمام
والظهر يطرد به مثل موج الغدير=والنحر بترةٍ مطليةٍ .. بالرخام
وغير والوصاف إلاه فعلٍ يشوق النظير=لا ادرع فالذهيب اللي عليه الكلام
لا قنص به طلوع الشمس والا العصير=وشاف بيض الدواغر في بطون المحام
لا خذوا عنه ثم حقق وشن المغير=ثم تنكس عليهن في مذار الثمام
صب مره على عود يقب الهدير=لا اعترض في حياله جندله بالحسام
يضربه ضربة القرم النشيط الشطير=ضربةٍ عقبها ما يستطيع المقام
وكان خصمه ليا شافه تلقى الفرير=يوم شاف الصمايل طق طقة ادهام
جاه يوم عبوس قمطرير=جاه من فوقه كنه من صواريخ سام
ولا حصل عن أسباب المنايا منير=لين تروى المخاليب الظمايا الحيام
طاح من فعلهن طيحة مدقٍ ببير=ميّت قاضٍ.. فالجو ماضٍ قوام
وشاعرٍ ما فعل ( ملتاع ) له ما يثير=عقب حافه وشافه يغتشيه الملام
واكتفيت بقليلٍ موجزٍ من كثير=والعذر.. والسموحة ..والسلام اختام
الليالي، استمتعنا بسماع شعر الشاعر يتحدر من فمه عذبا سلسالا، وينساب حلوا رقراقا.. ، وكان مما أعجبني
قصيدته في وصف الصقر وكان هذا الصقر يسمى ( ملتاع ) ، أختار لكم منها الأبيات التالية :
لو بغيت آصفه .. الموصف يحير=منوة اللي بقلبه للصقارة غرام
لا صغير ولا بالوصف عبج كبير=كنه مفصلٍ بالزين تفصيل خام
أفدعٍ محدبٍ.. متسندٍ مستدير=وافي الطول واف العَرض جبر العظام
وارد الوجه وكراعه جلالٍ قصير=واخذاتٍ كفوفه من كفوف الغلام
والسراويل كاسياتٍ اسبوق الحرير=افجحٍ كنه اللقاي وزن المقام
في قحوفه سنا عينه سنا نار كير=فاصلاتٍ بياض الراس مثل الوشام
ولاش ظني مثل بوزه ولا بوز طير=والمناكب تزايمها الثنادي زيام
مكتسٍ من دقاق الريش شين يسير=خُف ريش القطا.. بالوصف والا الحمام
والظهر يطرد به مثل موج الغدير=والنحر بترةٍ مطليةٍ .. بالرخام
وغير والوصاف إلاه فعلٍ يشوق النظير=لا ادرع فالذهيب اللي عليه الكلام
لا قنص به طلوع الشمس والا العصير=وشاف بيض الدواغر في بطون المحام
لا خذوا عنه ثم حقق وشن المغير=ثم تنكس عليهن في مذار الثمام
صب مره على عود يقب الهدير=لا اعترض في حياله جندله بالحسام
يضربه ضربة القرم النشيط الشطير=ضربةٍ عقبها ما يستطيع المقام
وكان خصمه ليا شافه تلقى الفرير=يوم شاف الصمايل طق طقة ادهام
جاه يوم عبوس قمطرير=جاه من فوقه كنه من صواريخ سام
ولا حصل عن أسباب المنايا منير=لين تروى المخاليب الظمايا الحيام
طاح من فعلهن طيحة مدقٍ ببير=ميّت قاضٍ.. فالجو ماضٍ قوام
وشاعرٍ ما فعل ( ملتاع ) له ما يثير=عقب حافه وشافه يغتشيه الملام
واكتفيت بقليلٍ موجزٍ من كثير=والعذر.. والسموحة ..والسلام اختام