جاهز للرد على سؤال متعلق بميكانيكا وكهرباء السيارات وأعطالهما

[أبو أسماء]

جاهز للرد على سؤال متعلق بميكانيكا وكهرباء السيارات وأعطالهما

بالأنتظار

[محب البر]

بسم الله الرحمن الرحيم
السلام عليكم ورحمة الله وبركاته

الغالي أبو أسماء أهلا وسهلا بك في مكشات

ومشكور على هذا أريحية والعرض في حب الخير ومساعدة إخوانك والحب في نشر المعرفة ، جعل الله هذا العمل في ميزان حسناتك إن شاء الله

وجزاك الله خير

أبو مروان

[أبو أسماء]

اجابة على سوال صاحب الرانجلر العطل محصور فى ملف الاشعال الكويل اويكون فى الكام شفنت سنسر

[الخيال]

ابو اسماء الله يجزاك الف خير على مساعدة اخوانك بما اتاك الله من العلم والمعرفه .
شروكي موديل 91 اذا صار شغال لمدة 5دقايق الأمبير حق ظغط الهواء تشوفه ينزل بسرعه الى الرقم صفر ويرجع واذا كنت ماشي بعض الأحيان تجي قطعه وتروح وبعض الأحيان يعطس .
كشفت بالكمبيوتر عند المطويع ولاجاب شي نظفت البخاخات وغيرت البواجي ولاتغير شي والمكينه صافيه وعزمه قوي
وش الحل الله يعطيك العافيه تراني تعبت من الصناعيه قالي الكهربائي جبه بعد العيد أغيرلك الحساس اللي يركب بالحذاف .

[طحنون]

السلام عليكم ورحمه الله وبركاته
اخوي ابو اسماء
كل عام وانت بخير ومن العايدين
أدخل في الموضوع على طول
اولا انا مع سفاري 2005
وودي اركب له كبوس كبيره وعندي فكره مع وواحد يشتغل في الحداده اتفقت معه يسويلي قاعده لها براغي لتركيب
الكبوس وتكون القاعده مقدمه الصدام الامامي اركبها وقت الحاجه وافكها اذابغيت
ولالها تأثير على الالصدام وفكرتها جدا ممتازه ..
سؤالي ؟
ابي طريقه اوحل انه الكبوس ما تأثر على البطاريه ويكون عليها ظغط وكذالك الدينمو مايضعف
مع العلم ان شمعات الكبوس 12 فولت
ابو اسماء ابي اسلم طريقه يتم فيها تركيب الكبوس من الناحيه الفنيه ولا يكون هناك سلبيات
.................
السوال الثاني ؟
ان استخدامي للسياره بطريقه سليمه جدا ولا اجور على الموتر والقير عندي تماتيك
والسياره الان ماشيه 26 ألف كيلو
ومكتوب في كتيب السياره (دليل المالك) يتم تغير فلتر القير كل 15 ألف كيلو مع الزيت
والسياره الى الان ماشيه تمام وتبديل النمر ممتاز
هل اني اغيره او انتظر الى 30 الف وأغيره اومتى علما ان قيادتي ناعمه على السياره ولا امسك خطوط طويله
ابعد مكان من الدمام الى الجبيل فقط
ادري اني بلشه وأسئلتي كثيره
لاكن تحمل شوي :o

[ارتست]

جزيل الشكر لهذا التعاون الطيب.
عزيزي لدي سيارة جيب وبلف الحراره مشيول الخاص بمرور الماء من الأديتر..... وقمت بتوظيبها وفي من سبعة شهور وبعد قدوم الشتاء أرغب الأن بإعادة البلف هل توجد مشكلة على الجيب ....... وسبب الرغبة في إعادته الوقت الطويل في عملية التحمية قصدي تسخين السيارة

شاكر ومقدر جهودك ;)

[ابورشا]

بسم الله الرحم الرحيم
وكل عام ونتم بخير
عندي داتسن 99
وفيه مشكله في السلف كل شوي يخرب علما اني ركبت اصل ووغيرت الحذاف والمشكله خلال اسبوع او اقل يخرب ولك الشكر

[فـــــواز]

ابو اسماء

طالبك لا تردني

ادخل على موضوعي هذا

http://www.mekshat.com/vb/showthread.php?t=37965

طالبك لا تردني يا الذيب...

ومشكور مقدماً

[قناص الليل]

أبو اسماء الله يجزاك خير على هذه المبادرة .

سؤالي يا طويل العمر :
هل تركيب كفرات أكبر من مقاس الوكالة يضر بالسيارة و الدبل ، او انشاء الله لا يوجد ضرر ؟

[السارحي]

الله يجزيك خير يا ابو اسماء ويجعل هذا العمل في موازين حسناتك....

عندي وانيت فورد 91 تماتيك ابغى احوله عادي هل الشغله معقده والا عاديه وكم بيكلفني في نظرك ....

وهل الدبل يتغير والا هو نفسه حق التماتيك يركب على العادي .....

وشكرا

[أبو أسماء]

صاحب الجيب مشكلتك ليست في البخاخات ولا في السنسر اللي على العجلة الطياره الحدافه بل يكون في احد الاسباب الاتيه
1-الشوك سنسر البروميتر في اعلى الثلاجه بجانب صمام الخنق
2-البواجي وتكون في العادة ليست نفس القيمه الحراريه فك احد البواجي وقرنها مع شمعة احتراق بوجي الوكالة من حيث عدد الاسنان والرقم
هاذي المشكلة مرت علي كثير وكانت الاسباب هيا التي ذكرتها واللة اعلم

[أبو أسماء]

أبو اسماء الله يجزاك خير على هذه المبادرة .

سؤالي يا طويل العمر :
هل تركيب كفرات أكبر من مقاس الوكالة يضر بالسيارة و الدبل ، او انشاء الله لا يوجد ضرر ؟
صغر الاطارات يقوم بتحميل ناقل الحركة فوق طاقته ويسبب عطبه والاكبر حجما قد يسبب في عدم اتزان المركبة عند النزول من مرتفعات عاليه او عند الاكواع الحاده وانصح بعدم تركيب اطارات غير الاطارات التي حددها المصنع لان المصنع يقوم باختبار الاطارات في جميع الاحوال والله اعلم

[أبو أسماء]

بسم الله الرحم الرحيم
وكل عام ونتم بخير
عندي داتسن 99
وفيه مشكله في السلف كل شوي يخرب علما اني ركبت اصل ووغيرت الحذاف والمشكله خلال اسبوع او اقل يخرب ولك الشكر
انا لااعرف مذا تقصد من سؤالك هل هو عطل ميكانيكي او كهربائي يعني كسر يحدث فية او احتراق المقلع السلف

[أبو أسماء]

جزيل الشكر لهذا التعاون الطيب.
عزيزي لدي سيارة جيب وبلف الحراره مشيول الخاص بمرور الماء من الأديتر..... وقمت بتوظيبها وفي من سبعة شهور وبعد قدوم الشتاء أرغب الأن بإعادة البلف هل توجد مشكلة على الجيب ....... وسبب الرغبة في إعادته الوقت الطويل في عملية التحمية قصدي تسخين السيارة

شاكر ومقدر جهودك ;)
لاتوجد ايت مشاكل في اعادة الثرموستات الى مكانه وانصحك باعادة نفس الثرموستات الذي قمت بازالته لانه يوجد عليه رقم وهو للدلاله على درجة الحرارة التي يفتح عندها ويختلف من محرك الى اخر وكما انني انصحك بعدم خلعه ابدا لان رفعه من مكانه يتسبب في استهلاكالوقود بنسبة 15 بالمائه تقريبا والله اعلم

[رفيع الشان]

أخوي أبو أسماء ...


أنا عندي ونيت 97 جمس دبل 350

المشكله في طرمبة البنزين غيرتها في ثلاث سنوات تقريبا 7 مرات اخرها أمس تعطل عليه ومدري وش الحيله ...


عموما انا قررت اغير الطرمبه طرمبة لانكرزوز لكن خايف من كمية دفع البنزين تكون اكثر او اقل من الكميه المطلوبه ..

وودي تشور علي وش يكون نوع الطرمبه غير نوع الجمس لاني ماخليت محل ماشريت منه طرمبه حتى الكويت جبت وحده ولا ضبط ...

بانتظار ردك .. ودمت

[أبو أسماء]

أخوي أبو أسماء ...


أنا عندي ونيت 97 جمس دبل 350

المشكله في طرمبة البنزين غيرتها في ثلاث سنوات تقريبا 7 مرات اخرها أمس تعطل عليه ومدري وش الحيله ...


عموما انا قررت اغير الطرمبه طرمبة لانكرزوز لكن خايف من كمية دفع البنزين تكون اكثر او اقل من الكميه المطلوبه ..

وودي تشور علي وش يكون نوع الطرمبه غير نوع الجمس لاني ماخليت محل ماشريت منه طرمبه حتى الكويت جبت وحده ولا ضبط ...

بانتظار ردك .. ودمت

اخوي المشكلة اللي حاصله معاك تكون في خزان الوقود قد يكون وسخ ويسبب عطب لمضخة الوقود
لا تركب طرمبة لاند بل ركب طرمبة كورفيت لانها مجربة على الشفرات والونيتات والسوبرات
اما من ناحية كمية دفع البنزين لاخوف منها لان الذي يتحكم في البنزين هو منظم ضغط الوقود
(فاول برزر رجليتور) ياخذ الوقود الواصل من الطرمبة ويوزعه على البخاخات بالتساوي وارجاع الزايد الى
الخزان ليس هناك خوف من الكميه المدفوعه لاتسمع كلام احد
ومن الكويت لاتشتري الطرمبه الا من مكان واحد(من عند شركة سماره او الغانم ) لان المحلات العادية
تبيع طرمبات تيوانيه ومكسييه حتى ولو كان مكتوب عليها صناعه امريكيه

[الحصاة الرقطا]

أبو أسماء لاهنت

موتري لاند كروزر موديل2000

وماشي190000كم

تجي قطعة عندتقويم السيارة ..مثلا عندما تفتح الإشارة

أوعندالانعطاف وزيادة سرعة السيارة يبدأ التقطيع

أمافي السرعات العالية فلامشاكل

علما أني غيرت أسلاك البواجي قبل فترة فذهبت المشكلة ثم عادت

والبواجي ايضا غيرتها00000وش الحل برأيك عمو :D

[رفيع الشان]

تسلم يبو أسماء


الله يعطيك العافيه كان عندي خوف من سالفة دفع البنزين ..

عموما بأروح الصناعيه والله ييسر الأمر :)

وشكرا

[أبو أسماء]

أبو أسماء لاهنت

موتري لاند كروزر موديل2000

وماشي190000كم

تجي قطعة عندتقويم السيارة ..مثلا عندما تفتح الإشارة

أوعندالانعطاف وزيادة سرعة السيارة يبدأ التقطيع

أمافي السرعات العالية فلامشاكل

علما أني غيرت أسلاك البواجي قبل فترة فذهبت المشكلة ثم عادت

والبواجي ايضا غيرتها00000وش الحل برأيك عمو :D

طويل العمر افحص غطاء موزع الاشعال (غطاء الد يلكو) من حيث الشرخ (الكسر) والفحمه اللي في المتصف
وافحص توقيت الاشعال (عيار الديلكو التقديم اوالتاخير)
او اتساخ عظمة الديلكو او ممكن تكون هناك اسلاك راخيه في نظام الاشعال
ومن الممكن اننا نتهم دائرة الاشعال ويكون السبب في دائرة الوقود افحص دائرة الاشعال اولا ورد علي واعطيك الحل الشافي انشاء الله

[طلحة]

السلام عليكم
لدي سيارة يوكون 2001 طلعت فيه للبر وأكل مطبات واجد ويوم إني وصلت صرت أسمع صوت طقات متتابعة صادرة من خلف الكفر الأمامي وهذه الطقات أسمعها فقط عندما ألف لليسار والدبل شغال
ما هي المشكلة وما سببها

[walhan]

الله يعطيك العافيه اخوي ابو اسماء على جهودك
وانا عندي كابرس موديل 93 ltz ومثبت السرعه ما يشتغل من زمان وكذلك الريموت ودي اعرف الله يسلمك كيف اقدر ابرمج الريموت او وين تكون المشكله وكذلك مثبت السرعه.

[ابو راشد]

استفسار من الاخوة العراف
اخواني الاعزاء يوجد عندي ونك اوجهاز سحب مثبت في مقدمة السيارة بس تصادفني مشكلة فية كثير مايترادف الحبل عند السحب وتنقطع في بعض الاحيان لما يكون اللود ثقيل
وهذه المشكلة تاثر علية بعض الشي اذا كان يوجد حل عند الاخوة ارجو التوضيح ... السيارة نيسان سفاري 91 طرازها

[الكايف2]

السلام عليكم ورحمة الله وبركاته الله يعطيك العافيه اخوي أبوأسما علي شغلك الطيب انا عندي مشكله التنده لها قربعه ان كانك تعرف لنا ورشه طيبه دلنا عليها السياره باث فايندر2002

[أبو أسماء]

استفسار من الاخوة العراف
اخواني الاعزاء يوجد عندي ونك اوجهاز سحب مثبت في مقدمة السيارة بس تصادفني مشكلة فية كثير مايترادف الحبل عند السحب وتنقطع في بعض الاحيان لما يكون اللود ثقيل
وهذه المشكلة تاثر علية بعض الشي اذا كان يوجد حل عند الاخوة ارجو التوضيح ... السيارة نيسان سفاري 91 طرازها
اخوي ابو راشد الونش اللي عندك غير اصلي ولاانك تحمله فوق طاقته (اوفر لود)
يحدث له اعوجاج في عمود محور البكره مما يسبب في دوران البكرات بشكل متارجح وتراكم السيم فوق بعض بشكل غير مرتب
كما انصحك عند تركيب ونش جديد انك تعمله ميزان وهو بصيط جدا ورخيص الميزان المستخدم معا عمال المساح
ميزان (ماء)

[أبو أسماء]

الله يعطيك العافيه اخوي ابو اسماء على جهودك
وانا عندي كابرس موديل 93 ltz ومثبت السرعه ما يشتغل من زمان وكذلك الريموت ودي اعرف الله يسلمك كيف اقدر ابرمج الريموت او وين تكون المشكله وكذلك مثبت السرعه.

حبيب قلبي يا الولهان افتح دبت السياره وشوف ناحية المدقر اليسار تلاقي سلكين فيهم كلبس دخل اي مفتاح فيه اذا اشتغل القفل المركزي تكون المشكله في بطاريات الريموت
واذا ماشتغل يكون الكميوتر حق القفل الرئسي محرق ولازم تبدله
اما الكروز كنترول ( مثبت السرعه )
فيكون معلق او يوجد كسر في مسن (الدشلي) حق مثبت السرعه وهو بلاستك ودائما يعطل

[أبو أسماء]

السلام عليكم
لدي سيارة يوكون 2001 طلعت فيه للبر وأكل مطبات واجد ويوم إني وصلت صرت أسمع صوت طقات متتابعة صادرة من خلف الكفر الأمامي وهذه الطقات أسمعها فقط عندما ألف لليسار والدبل شغال
ما هي المشكلة وما سببها
احتمال يكون حدث عندك دخول تراب في وصلة السرعه الثابته ( الاكس الامامي للدبل ) وعطل الوصله يودي الى صوت طقطقه او صوت متقطع سريع خاصه في الناحيه اليسار لانه الشفت الرئسي واكثر الحمل عليه ويخرب من ضرب المطبات ومناهيل المياه بالشوارع ويكون الصوت حا د حتى يمكن سماع الصوت عند لف السكان حتا لفه بصيطه
وانصحك قبل كل شئ ان تغسل السياره من المقدمه جيدا وفحص مستوى الزيت وتشحم الموتر والله اعلم

[أبو أسماء]

السلام عليكم ورحمة الله وبركاته الله يعطيك العافيه اخوي أبوأسما علي شغلك الطيب انا عندي مشكله التنده لها قربعه ان كانك تعرف لنا ورشه طيبه دلنا عليها السياره باث فايندر2002
اخوي الغالي انت من اي بلد وانا افيدك انشاء الله

[الأعصـــــار]

بارك الله فيك والله يحفظك يابو أسماء تسلم يا أمير على هالجهوووووووووود الجباره الي تبذلها لنا ألف شكر لك أخي الغالي
( الله يسلمك أنا عندي جيب سوزوكي جيمني 1300 سي سي ركبت له تواير أكبر من الي عليه وأحس أن عزمه وسرعته تردت وأبي شي يزيد قوة السياره ومايأثر على الماكينه ناس قالوا لي فصل له هيدرز وناس قالوا لي حط له وايرات صفر ... بس أخاف أسويها ماعرف عواقبها بعدين انت وش تنصحني فيه ...

[الكايف2]

أبواسماء مرحبابك انامن الرياض العاصمه والله يحيك في اي وقت والاخوان والله يعطيك العافيه علي التجاوب مع الجميع :good:

[أبو أسماء]

أبواسماء مرحبابك انامن الرياض العاصمه والله يحيك في اي وقت والاخوان والله يعطيك العافيه علي التجاوب مع الجميع :good:

هلا ومرحبا فيك اخوي الكايف اخوك ابو اسماء من الكويت بالنسبه لموضوعك ودي اخدمك بعيوني بس مو هذا مجالي اللي متخصص فيه
لكن اشور عليك بالوكاله لانهم هم اللي يعرفون هشغله حتى لو كلفت انصحك فيهم
ولكن اذا تبي ادليك ورشه بس بقطر ورشة سليمان المهندي عند واحد ارمني اسمه ارسان وهو معروف
عند اهل الخليج متخصص بسفاري الانفينتي والباثفيندر
واسمحلي يالغالي هذا اللي اقدر افيدك فيه
ومرحبا فيك وبخواني القراء واي سوال متعلق بميكانيك وكهرباء السيارات ديزل وبنزين ومحركات تربو واي اضفات على اي نوع من المحركات واي عطل مهما كان انا بالخدمه وحياك باي وقت

[أبو أسماء]

بارك الله فيك والله يحفظك يابو أسماء تسلم يا أمير على هالجهوووووووووود الجباره الي تبذلها لنا ألف شكر لك أخي الغالي
( الله يسلمك أنا عندي جيب سوزوكي جيمني 1300 سي سي ركبت له تواير أكبر من الي عليه وأحس أن عزمه وسرعته تردت وأبي شي يزيد قوة السياره ومايأثر على الماكينه ناس قالوا لي فصل له هيدرز وناس قالوا لي حط له وايرات صفر ... بس أخاف أسويها ماعرف عواقبها بعدين انت وش تنصحني فيه ...

هلا فيك اخوي ماادري شقولك المحرك الي عندك صغير هذا حده
وبعدين انت راح تكلف نفسك تكاليف اصلاح باهضه
بتركيبك تواير اكبر مقاس لانها راح تاثر على الجير وممكن يضرب
وعلى الديفرانش اما من ناحية الهدرز فعادي ان ركبته مافي مشكله بالعكس راح تنفس المكينه والحراره تقل
اما الويرات الصفر فانها تزيد من قوت الشراره اذا ركبت معها (ترانزسستور) تحكم اما لوحدها لاتسمع كلام احد ماتسوي شي لان لها نظام ثاني تركب مع شغلات كثيره

اذا تبي شغلات لغمات واتغامر نزل المكينه اللي عندك وانا راح اقولك شنو مكينه تركب وشنو المكينه اللي تركب وشنو القطع اللي راح تركبها داخل المكينه والخرطات والمقسات بس مع هاذي المكينه صعبه لانها مصممه على 1300سي سي وهذا حدها مهما سويت لانك تكون حملت المحرك فوق طاقته

[nahham]

رائع انت ابو اسماء

جزاك الله كل خير على المعلومات المفيده

شكرا لك

[أبو أسماء]

رائع انت ابو اسماء

جزاك الله كل خير على المعلومات المفيده

شكرا لك
الله يرحم والدينك ياالنهام وشهاده اعتز فيها ومن غيركم ما كنت تقدمت خطوه وحده
وانا حاظر في اي وقت
للرد اي سؤال تحتاجون له
وما ابالغ ان قلتلك اني اعشق شي اسمه ميكانيكا
حتا في مجال المحركات كلها من خبرتي الطويله قي التعامل مع المحركات واحب اعطي فكره لكل اخواني انا حبيت الميكانيكا من صغري وكانت اول بدايه لي مع محركات الدرجات الناريه ومواطير الكهربا وابدعت
في صيانة محركات الطراريد جميع الاحجام ومنها والحمد لله الي السيارات واول شي حبيت اعرفه وين يروح البنزين اللي نحطه بالمكينه سالت ابوي ورد قالي يحترق في المكينه بس شلون ماادري وحاولت احرق شويت بنزين داخل درام وتسبب في انفجار بس الله ستر ومن هذاك اليوم حاولت اعرف شريت كتاب عن الميكانيكا ويوم عرفت الفكره قعدت اضحك والحمد لله اللي علمني وابدعت بهوايتي

[راع المهيلات]

السلام عليكم ورحمة الله وبركاته l
مشكور ابو أسماء على هاالمعلومات فتحت لنا مركز صيانه مجانيه في منتدانا الغالي
وانا عندي جمس94 فيه مشكله فا البخاخ يدخن دخان اسودكثيف عند التشغيل وقمت بتنضيفه مرتين ولم يتغير
والموتر أشتغاله صافي بس هاالتدخين وهو كلبليتر فيه حلبات اثنين وليس بخاخ كامل
شفلنا حل مع هالمشكله

[طحنون]

الغالي ابو اسماء
تراك نسيت سؤال اخوك طحنون
الله يجزاك بالخير وجعله الله في ميزان حسناتك

[أبو أسماء]

الغالي ابو اسماء
تراك نسيت سؤال اخوك طحنون
الله يجزاك بالخير وجعله الله في ميزان حسناتك

عيوني لك ياطحنون وانا والله كتبت لك بس مدري وين راحت الكتابه
بس اللي ابي اعرفه شنو الكبوس وان شاء الله راح اعطيك الرد واكيد اني اعرفه
وموضوع زيت الجير بدله كل اربع شهور في الصيف الاستعمال القاسي والاستعمال اللي ذكرت فعادي كل ست شهور بس ماتكون جولاتك قصيره داخل المدينه وايقاف المركبه وتحركها كثير (الزحمه)
وحاضر في اي وقت للطيبن واسمحلي على القصور

[أبو أسماء]

السلام عليكم ورحمه الله وبركاته
اخوي ابو اسماء
كل عام وانت بخير ومن العايدين
أدخل في الموضوع على طول
اولا انا مع سفاري 2005
وودي اركب له كبوس كبيره وعندي فكره مع وواحد يشتغل في الحداده اتفقت معه يسويلي قاعده لها براغي لتركيب
الكبوس وتكون القاعده مقدمه الصدام الامامي اركبها وقت الحاجه وافكها اذابغيت
ولالها تأثير على الالصدام وفكرتها جدا ممتازه ..
سؤالي ؟
ابي طريقه اوحل انه الكبوس ما تأثر على البطاريه ويكون عليها ظغط وكذالك الدينمو مايضعف
مع العلم ان شمعات الكبوس 12 فولت
ابو اسماء ابي اسلم طريقه يتم فيها تركيب الكبوس من الناحيه الفنيه ولا يكون هناك سلبيات
.................
السوال الثاني ؟
ان استخدامي للسياره بطريقه سليمه جدا ولا اجور على الموتر والقير عندي تماتيك
والسياره الان ماشيه 26 ألف كيلو
ومكتوب في كتيب السياره (دليل المالك) يتم تغير فلتر القير كل 15 ألف كيلو مع الزيت
والسياره الى الان ماشيه تمام وتبديل النمر ممتاز
هل اني اغيره او انتظر الى 30 الف وأغيره اومتى علما ان قيادتي ناعمه على السياره ولا امسك خطوط طويله
ابعد مكان من الدمام الى الجبيل فقط
ادري اني بلشه وأسئلتي كثيره
لاكن تحمل شوي :o
عيوني لك يااخوي طحنون بس اسمحلي انا دزيتلك الرد بس ما ادري ايش اللي حصل مو مني والله والي ابيك تقولي عليه شنو الكبوس وانا انشاء الله راح اعلمك يمكن اعرفه بس الاسم غريب علي اما موضوع زيت الجير فبدله كل ست شهور مثل اسخدامك اما التوقف المتكرر او الرحلات القصيره داخل المدينه بالزحمه فكل ثلاثة شهور في فصل الصيف ومع الاستخدام القاسي

[أبو أسماء]

السلام عليكم ورحمة الله وبركاته l
مشكور ابو أسماء على هاالمعلومات فتحت لنا مركز صيانه مجانيه في منتدانا الغالي
وانا عندي جمس94 فيه مشكله فا البخاخ يدخن دخان اسودكثيف عند التشغيل وقمت بتنضيفه مرتين ولم يتغير
والموتر أشتغاله صافي بس هاالتدخين وهو كلبليتر فيه حلبات اثنين وليس بخاخ كامل
شفلنا حل مع هالمشكله
مرحبا فيك يا راعي الصهباء
مافي مشكله انشاء الله
الدخان الاسود يدل على غنى المخلوط الداخل للمحرك واسبابه كثيره بس بقولك على الاسباب اللي تحصل في مكربنات (كربوريتر ) اي سي ديلكو الجمس
ومنها زيادة البنزين بغرفة العوامه بسبب عدم الضبط عند فك وعمل التصفيه فيسبب ارتفاع مستوى البنزين في الكربوريتر الي تصريف كميه كبيره دفعه واحده خصوصا عند التشغيل ويكون متجمع في الفوهات
2- صمام الاشوك يكون غير مضبوط 3- ابرة العوامه تكون معلقه بسبب اوساخ وتزيد مستوى البنزين في غرفة العوامه 4- مسامير ضبط سرعة المحرك (مسمار البنزين - مسمار الهواء) واحسن طريقه انصحك تسويها هيا انك تفتح واحد من البواجي اذا كان عليه طبقة كربون جاف مو متماسك دل هذا على خلل في الكربريتور مثل ثقب في العوامه او تهريب من حولين الابره او وسع في الفوهات الرئيسيه او وجود خلل في طرمبة البنزين مثل ارتفاع ضغطها اضبط المكربن عند ميكانكي ماهر له خبره وابلغه بلي قلتلك عليه او بدل المكربن والله يعنك والا راح تعاني من مشاكل الكربون وترسبها في غرفة الاحتراق (السلندرات) وعلى الصبابات والتسبب في الدق للصبابات والحراره وعطل البواجي وقصر عمر المحرك والله اعلم والسلام عليكم 0

[ابو بريك]

اخوي ابو أسماء بعد التحية انا عندي قراند شيركي ودائما لمبة شيك أنجن تشتغل مع العلم ان السيارة وللة الحمد مضبوطة أريد الحل وجزاك اللة كل خير.

[ابو بريك]

أاللآخ ابو أسماء انا عندي قراند شيركي ودائما لمبة الشيك انجن والعة مع العلم ان السيارة وللة الحمد مضبوطة ارجو الآفادة وشكرا

[أبو أسماء]

اخوي ابو أسماء بعد التحية انا عندي قراند شيركي ودائما لمبة شيك أنجن تشتغل مع العلم ان السيارة وللة الحمد مضبوطة أريد الحل وجزاك اللة كل خير.
اهلا وسهلا فيك اخوي ابو بريك
موضوع لمبة الشك انجن ( افحص المحرك ) تدل على عطل او اكثر من عطل موجود بس مو حاس فيه ولا هو مااثر على المحرك وافضل شي اقدر افيدك فيه هو الفحص بالكمبيوتر مو الكمبيوتر الكبير اللي نشوفه عند بعض الورش وهو بصراحه مو شئ ولا يفيدك لانه ما يصيد العطل والكمبيوتر اللي اقولك عليه هو ( الاسكنر ) وهو صغير الحجم يدوي الاستخدام وتركب وصلته تحت السكان يبحث عن المعلومات المخزنة بذاكرة كمبيوتر السيارة وهو موجود تقريبا عند بعض الورش
بس راح اقولك على بعض الاعطال اللي تسبب في تشغيل امبة شك انجن
1- اكسجين سنسور (oxygen sensor) اذا كانت السيارة امريكيه (تجاريه) ويكون راكب على الاكزوز (اربع سنسورات ) ومشاكله كثيره والدلاله على انه عطلان اشتمام رائحه من الاكزوز مو مضبوطه مثل احتراق بلاستك والمشكلة ان سعره غالي ويركب على مواسير الاكزوز 2 امام 2 خلف ووضيفته تحسس اي نواتج احتراق غير مضبوطه من المحرك

2 اي سنسور في المحرك فيه عطب يسبب في تشغيل اللمبه هاذي المشكله اللي نعاني منها مالنا الا الله ثم الاسكنر---03 تقريبا نفس المشكله اللي يعاني منها الشيروكي نفس مشكلة الدوج انتربيد وهيا الماسوره البلاستيكيه الواصله من المحرك الي علبة التبخير للوقود وتكون في العاده تحت البطاريه في مقدمة السيارة يكون مكسور او فيه تهريب ويسبب تشغيل اللمبة وابي اقولك على شي حتى لو صلحت العطل راح تشتغل لازم تسويلها ازاله من كمبيوتر السيارة بوسطة الاسكنر والله اعلم

[بن نويشر]

أبو اسماء .. جعلك في الجنة والقراء أجمعين ..

سيارتي متسوبيشي سيجما موديل 99 محافظ عليها بالمره ، بس فيه صوت أسمعه تحت رجولي لمره واحده فقط عندما أقوم بتشغيل السيارة ووضع القير على D وأمشي يطلع هالصوت (طوط) قريب لها الصوت بس ، عندما أشغل وأحطه بالـ D القير تغيراته جداً ممتازه والمحرك جداً ممتاز وتغير الزيوت والفلاتر بشكل دوري ولا أتأخر عليه ، رحت به للوكالة قالوا ما فيه شيئ يمكن يحتاج تربيط .

أفدنا أفادك الله وعساني وصلت المعلومة بشكل واضح ..

[أبو أسماء]

أبو اسماء .. جعلك في الجنة والقراء أجمعين ..

سيارتي متسوبيشي سيجما موديل 99 محافظ عليها بالمره ، بس فيه صوت أسمعه تحت رجولي لمره واحده فقط عندما أقوم بتشغيل السيارة ووضع القير على D وأمشي يطلع هالصوت (طوط) قريب لها الصوت بس ، عندما أشغل وأحطه بالـ D القير تغيراته جداً ممتازه والمحرك جداً ممتاز وتغير الزيوت والفلاتر بشكل دوري ولا أتأخر عليه ، رحت به للوكالة قالوا ما فيه شيئ يمكن يحتاج تربيط .

أفدنا أفادك الله وعساني وصلت المعلومة بشكل واضح ..

تامر ياسنيدي انشاء الله الجير مافيه شي طالما انك تقول ان التبديلات ممتازه ومحافظ على السيارة جير السيجما تقريبا مقارب لجير المتسوبيشي 3000 gt وجير السجما من اقوى الجيرات ومعروف لونه حساس بعض الشئ اسال مجرب جفته بورشتي اللي بالمنزل جير ميه ميه ونظام تصميمه رياضي وقوي نرجع للموضوع الصوت اللي ذكرته هذا الصوت يدل على صوت ربل ممكن يكون تالف اوقاسي اومفكوك وافضل شي انصحك تسويه ارفع السيارة عند مغسلة سيارات واغسلها من عند الجير واشتر في نفس الوقت w40علبه مزيل الصدا ونشف الجير بالهواء المضغوط هواء المحطه ورش الجير من جميع الجهات والربلات كراسي الجير وشوف اذا مانفع ارسلي مره ثانيه وانا حاضر ما ودي ادخلك بمتهات كثير ومصطلاحات والله اعلم

[راع المهيلات]

الله لايهينك ابو اسماء رايك أغير الكلبليتر ويضبط وهل الموجود في قطع الغيار اصلي ولا لازم الوكاله وكم
سعره تقريباً

[أبو أسماء]

الله لايهينك ابو اسماء رايك أغير الكلبليتر ويضبط وهل الموجود في قطع الغيار اصلي ولا لازم الوكاله وكم
سعره تقريباً

lمرحبا فيك ياراعي الصهباء
اول وقبل كل شي شيك على مسامير الهواء والبنزين
واذا بغيت تصفي السيارة انصحك بالوكاله وحتى لو كلفت احسن من العليميه اللي ميدرون وينهم رايحن وريح راسك ولا بتلازم سيارتك الورش اكثر من الطريق انا اشور عليك 3 خيارات
1 - شيك على المسامير اللي تسبب غنى المخلوط افقره (هواء- بنزين )
2- التصفيه بالوكاله وهذا احسن لان عندهم العدد والخبره الفنيه
3-انك تشتري كربريتر من السكراب بشرط ان يكون نفس الموديل وان يكون ما فك من قبل وان يكون نظيف لاانك اذا شريت طقم اصلاح جديد صدقني مايلتزمون الميكانيكه بتركيب اكثر الفطع فك اغسل بنزين ركب جوان جديد ويقولك السيارة اوكي السياره تطفح بنزن فيها كربون عادي عندهم خذم دراهمهم وخلاص الكربريتر الجديد غالي كثير اسمحلي والله ماادري كم السعر بس اسال عنه جديد ومستعمل ومشكلت طقم الاصلاح ان كل القطع الرئيسيه موجوده بداخل علبه تحتوي على مسطرة قياس لمستوى العوامه وفوهات ومسامير الخ يقولون مولازم صدقني لو اوريك كربوريترات عندي بالبيت تضحك كله شغل اسيام واربط والبراغي مولسة وشي يعور القلب اسمحلي طولت عليك بس ودي اخدمك اكثر بس يسهلك وارجو تقولي اش سويت ومرحبا ومسهلا فيك وحاضرين

[فـــــواز]

أنا من أوائل الناس اللي ردوا

عطنا وجه يا أبو أسماء !

عسى ماشر وشفيك صافطناااااااا !!!

[sharp]

ابو أسماء لا هنت:

عندي شروكي 91 ستة سلندر عادي (أمريكي و ليس خليجي). في كل تعشيقة يكتم كتمة خفيفة و بعدين اذا وصل الضغط 3000 و زيادة انفكت الكتمة و انطلق الموتر كنه حصان. حتى الكتمة ما كلن يحس فيها بس بالنسبة لي واضحة جدا لأني أستخدم الموتر يوميا.

عملت الآتي:
1- نظفت البخاخات عند الوكالة و برا الوكالة.
2- غيرت البواجي.
3- غيرت فلتر الهواء
4- غيرت فلتر البنزين

و المشكلة لا زالت موجودة. عزم الموتر في أي نمرة يظل ضعيف حتى يرتفغ عدد دورات المحرك!

أسعفني بالحل.

[الأعصـــــار]

هلا فيك اخوي ماادري شقولك المحرك الي عندك صغير هذا حده
وبعدين انت راح تكلف نفسك تكاليف اصلاح باهضه
بتركيبك تواير اكبر مقاس لانها راح تاثر على الجير وممكن يضرب
وعلى الديفرانش اما من ناحية الهدرز فعادي ان ركبته مافي مشكله بالعكس راح تنفس المكينه والحراره تقل
اما الويرات الصفر فانها تزيد من قوت الشراره اذا ركبت معها (ترانزسستور) تحكم اما لوحدها لاتسمع كلام احد ماتسوي شي لان لها نظام ثاني تركب مع شغلات كثيره

اذا تبي شغلات لغمات واتغامر نزل المكينه اللي عندك وانا راح اقولك شنو مكينه تركب وشنو المكينه اللي تركب وشنو القطع اللي راح تركبها داخل المكينه والخرطات والمقسات بس مع هاذي المكينه صعبه لانها مصممه على 1300سي سي وهذا حدها مهما سويت لانك تكون حملت المحرك فوق طاقته

الي فهمته من كلامك يابو أسماء أن ماقدامي الا أشد عليه هيدرز وغيره مافي ...
تسلم يالغالي بارك الله فيك وجعلك ذخر ماقصرت وتشرفنا بمعرفتك أخوي أبو اسماء ...

[طحنون]

مامنك اقصور ابو اسماء الله لايهينك اخوي
واقول انك نورت المنتدى وشاكرردك الكريم
وجزاك الله خير
.......نوعيه الكبوس عموما الكبوس سحبيتها للكهرب 12 فولت لاكن الشمعه قويه جدا جدا توصل الى 1800 وات وهي المانيه
الصنع ماركه ....هال المعروفه.....وقوتها تعادل كوبس 800 الف شمعه اليدوي اللي يشبك على البطاريه

[كبريت]

الله يجزاك خير على هل المعلومات

وانا عندي هايلكس وابي اسالك كم سوال

1- انا مركب علية مراوح كهرب هل منها ضرر على المستقبل البعيد؟؟

2- السدة اللي يركبونها على لها ضرر على المدى البعيد؟؟

3- الفلتر الرياضي اللي اسمه سمواتا او شي زي كذا هل منه ضرر على المدى البعيد؟؟

4- الدبة هل لها ضرر على المدى البعيد؟؟

5_ انا مركب كفرات خط يوكوهاما 225 \ 70 مدري هي مضرة على الدفرنس وان كانت مضرة وش الحل ؟؟

6- جنوط المرسدس اللي يركبونها على الهايلكس هل لها ضرر ؟؟


وشكرا ومعليش على كثر الاسئلة

[أبو أسماء]

مامنك اقصور ابو اسماء الله لايهينك اخوي
واقول انك نورت المنتدى وشاكرردك الكريم
وجزاك الله خير
.......نوعيه الكبوس عموما الكبوس سحبيتها للكهرب 12 فولت لاكن الشمعه قويه جدا جدا توصل الى 1800 وات وهي المانيه
الصنع ماركه ....هال المعروفه.....وقوتها تعادل كوبس 800 الف شمعه اليدوي اللي يشبك على البطاريه

حبيبي طحنون الحين عرفت وش تقصد مافي اي مشكله بس في شغلات لازم تسويها وهيا
1- تحتاج لهولدرات المانيه ويستحسن تكون حق مرسيدس عشان تحمل الجهد والحراره لانها مصممه بالمانيا للزينون والشمعات القويه 0
2--الدينمو تحتاج لدينمو 140 امبير واعتقد دينمو السفاري نفس قوة الخرج
3-البطاريه 88 او 70 امبير وعاديه الشغله ولا فيها خطور ولا خوف اذا اتبعت اللي قلتلك عليه
اما مناحية الشمعه فهيا تاخذ 12 فولت وتظخمها الي ا1800 وات ولاتخاف على البطاريه ولا على الدينمو وحاضر وتامر في اي وقت ملاحظه الشغله ماتحتاج كتاوت عاديه ولا لها تاثير

[أبو أسماء]

[quote=أبـو مـحـمـد]الله يجزاك خير على هل المعلومات

وانا عندي هايلكس وابي اسالك كم سوال

1- انا مركب علية مراوح كهرب هل منها ضرر على المستقبل البعيد؟؟

2- السدة اللي يركبونها على لها ضرر على المدى البعيد؟؟

3- الفلتر الرياضي اللي اسمه سمواتا او شي زي كذا هل منه ضرر على المدى البعيد؟؟

4- الدبة هل لها ضرر على المدى البعيد؟؟

5_ انا مركب كفرات خط يوكوهاما 225 \ 70 مدري هي مضرة على الدفرنس وان كانت مضرة وش الحل ؟؟

6- جنوط المرسدس اللي يركبونها على الهايلكس هل لها ضرر ؟؟
بعد عمري ابو حميد مرحبا فيك
1- مراوح الكهرباء مامنها ضرر اذا كنت مو شبكها دايركت مثل بعض الناس في الاس اس والفرد ماركيز
-اذا كنت دايركت راح تاكل فحمات الدينمو وتسبب احتراق نحسات الدينمو فيلزمك ريلي يفصل ويشغل اتوماتكي معا سنسر الحراره
2- السده والله ماانصحك فيها مالها اي لازمه0
3- الفلتر الرياضي الي ذكرته عادي ماله ضرر لا اي فلتر مهما كان وظيفته الترشيح فقط
4-الدبه مافي مشكله بس بنصحك بالدبه الرنانه دامك مركب تحتوي على حجرات متعاكسه ضد الضغط
5- اما الكفرات اقولك لاتخاف ومافي مشاكل الديفرنشيال عدوه الوحيد التفحيط ونقص زيت التزيت والله وياك نسيت جنوط المرسيدس عادي لاتخاف مجربها على ايسوزو اربع سنين والله انك مريح يابو محمد وعسل

[أبو أسماء]

ابو أسماء لا هنت:

عندي شروكي 91 ستة سلندر عادي (أمريكي و ليس خليجي). في كل تعشيقة يكتم كتمة خفيفة و بعدين اذا وصل الضغط 3000 و زيادة انفكت الكتمة و انطلق الموتر كنه حصان. حتى الكتمة ما كلن يحس فيها بس بالنسبة لي واضحة جدا لأني أستخدم الموتر يوميا.

عملت الآتي:
1- نظفت البخاخات عند الوكالة و برا الوكالة.
2- غيرت البواجي.
3- غيرت فلتر الهواء
4- غيرت فلتر البنزين

و المشكلة لا زالت موجودة. عزم الموتر في أي نمرة يظل ضعيف حتى يرتفغ عدد دورات المحرك!

أسعفني بالحل.
حبيبي شارب حياك الله واحب اقولك مشكلتك في نظام الاشعال افحص موزع الشرارات (الديلكو )
ااثقال التوازن داخله وغطاه الجناح الدوار والاهم عمود الديلكو من حيث اللعب وملف البيك اب
وراجع ملف الاشعال الكويل وسلكه الواصل الي الديكو وعيار الديلكو الافانس والرتور( التايمنج)
واسلاك البواجي ممكن تكون مسببه توصيل ارضي
واذا مانفع في قطعه تسبب نفس المشكله تكون موجوده على مجمع السحب (الثلاجه) عند اخر مشوار للسلك لدعسة البنزين تكون مغطاه بالكربون يجب تبديلها وارجعلي اذا مانفع وحاضر

[اخو مناحي]

الفزعة يابو اسماء الله يجزاء خير
عندي جمس صالون فيه اهتزاز اثناء الممشي احياناً إذا وصلت إلى 140 و احيانا ً عند 160 المشكلة أن ما يظهر دائم يعني بعد ما تزيد السرعة عن 130 احتمال يظهر و احيانا استمر إلى 170 و لا يظهر شئ احيانا يكون الاهتزاز شديد لدرجة اني اخفف السرعة من الخوف احس ان الكفر بيطلع من مكانه من شدة الاهتزاز ( يهتز الدركسون و ينتفض الموتر كله مثل لحظة انفجار احد الكفرات الامامية ) سألت واحد من الشباب قال يمكن من القير فيه مشكلة في المنظم وش رايك طال عمرك .

[أبو أسماء]

جزيل الشكر لهذا التعاون الطيب.
عزيزي لدي سيارة جيب وبلف الحراره مشيول الخاص بمرور الماء من الأديتر..... وقمت بتوظيبها وفي من سبعة شهور وبعد قدوم الشتاء أرغب الأن بإعادة البلف هل توجد مشكلة على الجيب ....... وسبب الرغبة في إعادته الوقت الطويل في عملية التحمية قصدي تسخين السيارة

شاكر ومقدر جهودك ;)
مرحبا فيك ارتست عادي رجعه مكانه مافي ضرر لانك تكون وفرت على نفسك الوقت واستهلاك الوقود
ثبت علميا ان ازالة الترموستات يسبب استهلاك 15 بالمائه من الوقود

[أبو أسماء]

الفزعة يابو اسماء الله يجزاء خير
عندي جمس صالون فيه اهتزاز اثناء الممشي احياناً إذا وصلت إلى 140 و احيانا ً عند 160 المشكلة أن ما يظهر دائم يعني بعد ما تزيد السرعة عن 130 احتمال يظهر و احيانا استمر إلى 170 و لا يظهر شئ احيانا يكون الاهتزاز شديد لدرجة اني اخفف السرعة من الخوف احس ان الكفر بيطلع من مكانه من شدة الاهتزاز ( يهتز الدركسون و ينتفض الموتر كله مثل لحظة انفجار احد الكفرات الامامية ) سألت واحد من الشباب قال يمكن من القير فيه مشكلة في المنظم وش رايك طال عمرك .
مرحبا اخومناحي افحص صلايب الجاردن الاماميه والخلفيه بس قبل كل شي افحص الاطارات من حيث الانتفاخ الداخلي والميزان واذا مانفع ارجعلي ممكن تكون المشكله في نظام التوجيه او نظام التعليق
طريقة فحص الصلايب سهله دوس الي سرعة 130 الي 140 وارفع رجلك عن دعسة البنزين اذا اهتز الموتر الصلايب سلم عليها وملاحظه اذكرك فيها افحص توازن عمود الجاردن وبلغني عيوني لك

[أبوسعد2002]

اخوي ابو أسماء السلام عليكم ورحمة الله وبركاته
اخوي انا عندي جيب باترول 99 بخاخات طفى علي فجأة وبدون مقدمات وانا امشي 60 كم/الساعة واخذتة عند الورشة وطلع الديلكو ماياصله كهرباء ولا ادري وش السبب ارجو ان تفيدني وبسرعه ومشكور مقدماً

[مشغول]

احب اشكرك اخوي ابو اسماء على الجهد المبذول

الله لا يحرمك اجرها

عندي جيب لاند كروزر gxr 2002 مركب له انوار نينون على الواطي وسمعت انه مضر بالسيارة والبطارية

ما رايك انت ؟؟

[أبو أسماء]

احب اشكرك اخوي ابو اسماء على الجهد المبذول

الله لا يحرمك اجرها

عندي جيب لاند كروزر gxr 2002 مركب له انوار نينون على الواطي وسمعت انه مضر بالسيارة والبطارية

ما رايك انت ؟؟

هلا ومرحبا فيك ياالغالي امس رديت على نفس الموضوع لااحد الاخوان
مافي اي مشكله في هذا الموضوع
بس اذا كان توصيلة الكهرباء سليمه وتحتوي على مرحل (كتاوت تنظيم ) موصل معا الخط الحامي وسلك التاريض مضبوط
واذكر دائما شيك على الهولدرات اذا ماكنت نوع البلاستيك (الرايتنج ) المقاوم للحراره فيجب تبديلها بهولدرات المانيه اما من ناحية البطاريه معليها اي ضرر دام دئرة الشحن اوكي لاتخاف وتحياتي لك 0

[m1m]

بعد اذن ابو اسماء ..

بخصوص سؤال صاحب الباثفادر عنده صوت في التندة .. ويبغى ورشة تصلحها في الرياض ..

طبعا السبب هو الصعود على السيارة وخصوصا مطامر البزران :)

يتم تصليها عند محلات التنجيد الموجودة في شارع سلطانة بالسويدي شارع الزينة وسبق وان أصلحت عندهم مثل هالمشكلة واستمرت ثلاث سنوات بدون مشاكل :)

[أبو أسماء]

اخوي ابو أسماء السلام عليكم ورحمة الله وبركاته
اخوي انا عندي جيب باترول 99 بخاخات طفى علي فجأة وبدون مقدمات وانا امشي 60 كم/الساعة واخذتة عند الورشة وطلع الديلكو ماياصله كهرباء ولا ادري وش السبب ارجو ان تفيدني وبسرعه ومشكور مقدماً الاعطال التي تسبب العطب الكامل للاشعال هلا فيك اخوي مشكلتك يمكن تكون في دائرة الاشعال او خارجها ومشكلة موزع الاشعال ميوصل كهرباء للبواجي كثيره وبقولك على العيوب الي تسبب المشكله اول شي افحص الفاصمة( فيوز الاشعال ويكون داخل السيارة اوفي غرفة المحرك ) ثاني شي افحص كمبيوتر السياره ممكن يكون العطل منه وبعدين افحص الاشياء الي بقولك عليها وهي000افحص الملف الكويل 0 البوبين وشوفه يخرج شرر اذا اوكي افحص الشياء الاتيه000
1- وصلات الكهرباء بين الكويل والديلكو مرتخيه او فيها قطع اوصدا
2- دئرة قصر (شورت0 ماس ) في المكثف0
3- انقطاع السلك بين مفتاح التشغيل والقطب الموجب عند الكويل او تلف مفتاح التشغيل نفسه حتى لو دور المحرك 4- خلل في الدائره الكهربيه 0
5- وجود صدا على التوصيلات 0
6- افحص السلك الواصل من البطاريه الى الديلكو 0
7- افحص سلك التاريض (الارضي )0
افحص السلك الواصل مابين الكويل والديلكو شكله نفس شكل سلك البواجي لكن قصير0
8- افحص حساس عمود المرفق (الكرنك ) على جسم المكينه 0
9-افحص كلبس التويصل الداخل في كمبيوتر السياره وافحص سلك الارض ماله
10 - افحص ريلاي الاشعال ( الكتاوت تحت الكبوت في حجرة المحرك )0
افحص المكثف السراميكي الواصل بين الكويل ومفتاح التشغيل ان وجد بجانب الكويل 0

واذا ما وجدت فايده ارسلي وانا بساعدك الي انك تلاقي العطل انشاء الله ومرحبا

[عزوز الليل]

الأخ الغالي ابو اسماء اشكرك على تفاعلك في المنتدى
عندي ددسن98اذا قومته بأول كأن المكينه ترج فحصت الكراسي سليمه مدري وش المشكله
والله يجزاك كل خير

[أبو يوسف]

اخوي ابو أسماء
اشكرك على اريحيتك وحبك لمساعدة اخوانك
السيارة شروكي 99
سؤالي هو
اذا وقفت عند اشارة بضغط قوي على الفرامل ( فرملة سريعة ) اسمع طقة يكبر صوتها ويصغر حسب قوة الفرملة واحيانا مع الفرملة الخفيفة لا يظهر الصوت اطلاقا ثم اذا مشيت سمعت طقة تحت الغمارة
رحت لم ورشة قال الجنزير حق الدبل فيه فضاوة مع العلم اني ما شغلت الدبل
ورحت لم ورشة ثانية ناظر ناظر قال ما فيه شي ظاهر سو للموتر تربيط يمكن مشكلته بالتربيط
الصراحة المشكلة هذي مضيقة صدري وما أدري وش اسوي

السؤال الثاني
هل الفرارات تنفع للموتري ،،، واذا كان الصوت من الجنزير هل سيختفي مع الفرارات ؟؟؟

السؤال الثالث
انا اذا دخلت للرملة لكي لا ترتفع الحرارة افصل حساس مروحة الكهرب علشان تشتغل دائما ،، لكن امس حين شغلت السيارة في البر وانا فاصل المروحة بدأت السيارة تشتغل وتطفأ ،، فصلت الاصبع وشبكت الحساس وانتظرت قليلا ثم شبكت الاصبع واشتغلت السيارة
هل المشكلة أنني فصلت الحساس ؟؟؟ وهل هناك مشكلة من فصل الحساس ؟؟

ادري اني كثرت عليك الاسئلة لكن عشمنا انك تتقبل ذلك

تحيتي

[أبو أسماء]

الأخ الغالي ابو اسماء اشكرك على تفاعلك في المنتدى
عندي ددسن98اذا قومته بأول كأن المكينه ترج فحصت الكراسي سليمه مدري وش المشكله
والله يجزاك كل خير
اهلا وسهلا فيك اخوي عزوز مشكلة السيارة الي عندك اذا كانت دائرة الاشعال والوقود اوكي ومافيها تقطيع وصافيه المكينه
احتمال يكون عندك عطل في كاتم اهتزازات المحرك (crank shaft harmonic vibration)
وانت تقول فحصت كراسي المحرك مفيها شي وسليمه ارد اقولك افحصها بنفسك وتحتاج شخص ثاني يساعدك والطريقه انك تشغل السيارة وتقوم بنقل السرعه الاولى وغطاء المحرك مفتوح بينما يقوم الشخص الثاني بمراقبة الكراسي ارفع رجلك من على الكلاتش تدريجيا ثما ارجع دوس على الكلتش تكون بعض المرات الكراسي شكلها الخارجي اوكي وتكون من الداخل فيها شرخ وافحص قاعدة الكرسي على الشاصي ولحامها
اما بالنسبه لكاتم اهتزاز المحرك فيكون راكب خلف بكرة الكرنك او يكون طبقة واحده
واذا تبين لك ان كل ما ذكر ما فيه شي بلغني اقولك على مشاكل اخرى مو في المحرك تكون في ناقل السرع والكلاتش وحاضر

[أبو أسماء]

اخوي ابو أسماء
اشكرك على اريحيتك وحبك لمساعدة اخوانك
السيارة شروكي 99
سؤالي هو
اذا وقفت عند اشارة بضغط قوي على الفرامل ( فرملة سريعة ) اسمع طقة يكبر صوتها ويصغر حسب قوة الفرملة واحيانا مع الفرملة الخفيفة لا يظهر الصوت اطلاقا ثم اذا مشيت سمعت طقة تحت الغمارة
رحت لم ورشة قال الجنزير حق الدبل فيه فضاوة مع العلم اني ما شغلت الدبل
ورحت لم ورشة ثانية ناظر ناظر قال ما فيه شي ظاهر سو للموتر تربيط يمكن مشكلته بالتربيط
الصراحة المشكلة هذي مضيقة صدري وما أدري وش اسوي

السؤال الثاني
هل الفرارات تنفع للموتري ،،، واذا كان الصوت من الجنزير هل سيختفي مع الفرارات ؟؟؟

السؤال الثالث
انا اذا دخلت للرملة لكي لا ترتفع الحرارة افصل حساس مروحة الكهرب علشان تشتغل دائما ،، لكن امس حين شغلت السيارة في البر وانا فاصل المروحة بدأت السيارة تشتغل وتطفأ ،، فصلت الاصبع وشبكت الحساس وانتظرت قليلا ثم شبكت الاصبع واشتغلت السيارة
هل المشكلة أنني فصلت الحساس ؟؟؟ وهل هناك مشكلة من فصل الحساس ؟؟

ادري اني كثرت عليك الاسئلة لكن عشمنا انك تتقبل ذلك

تحيتي
مرحبا فيك ابو يوسف وتراك بتزعلني منك اسال على كيفك وانا كلي لكم وحاضر باي وقت
اما موضوع الطقه فهذا في الكليبر الي تركب عليه السفايف وافضل شي تسويه انك تشيك على الكليبر ومساميره وربلاته وتخرط الدسك وتغير السفايف (اصلييه) اما صوت الطقه يمشيت ارجو منك تحددلي الصوت وين بالضبط
وهل هو مرتبط بموضوع الفرامل
اما موضوع الفرارت والله ماني عرف شنو الفرارت ( عطني اسمها اذا لها اسم ثاني او وين تركب او وضيفتها)
اما موضوع انك شلعت كلبس المراوح عشان تشتغل ماانصحك فيها لانك بهاذي الحاله تكون قمت بااعطاء كمبيوتر السيارة معلومات غير الي ترسله ايها وحدة الاحساس برتفاع درجة الحراره ( خلي بالك ترى ممكن يحترق الكوميوتر وحصلت كثير في طرق ثانيه اذا بغيت اقولك عليها بس بتكلفك
واسمحلي على القصور ياابو يوسف ( اكثر الحساسات في السيارة تسبب نفس الشي الي يحصل معاك اذا خلعته تقوم المكينه ترعش وكانها تبي تطفي وممكن تطفي بعض الاوفات )0

[2500HD]

اخي ابو اسماء
جزاك الله كل خير على ما قدمت
انا عندي نفس موضوع طحنون لكني ابركب كشافات بي دي اف 12 فولت على جمس 2005 هل لها اعدادت خاصة ؟
وشكرا لك مقدما

[رواح]

اليايات الاستراليه لجيب 97 مقاس 250 وش رايك والياي اطول من المساعدالشد بلد يعني اغير المساعدت الاصليه واركب مساعد استرالي طويل لكي لايطامرالموتر

[أبو أسماء]

اخي ابو اسماء
جزاك الله كل خير على ما قدمت
انا عندي نفس موضوع طحنون لكني ابركب كشافات بي دي اف 12 فولت على جمس 2005 هل لها اعدادت خاصة ؟
وشكرا لك مقدما
السلام عليكم اخوي بالنسبه لتركيب كشافات بي دي اف اذا كنت تبي تشبك الكشفات مع المفتاح الرئيسي اوتاخذ خط الحامي منه انصحك انك تركب ريليه تحويل لتحرير الحمل عن مفتاح الاناره والاحراره الزائده الي تتتسبب احتراق المفتاح الرئيسي
واذا تبي تركبها وتعملها خط خاص ومفتاح تشغيل تتحكم فيه مافي اي مشكله بس انصحك بتركيب ريليه (كتاوت ) نوع (sergoo 10 nr),وهو ايطالي الصنع واذا محصلته ممكن يجي مع المجموعه الي بتشتريها ريلي مصمم لهاذا الشي بس انت تقرق عندك طريقة التركيب عن اخونا طحنون لانه بيركب مجموعه قويه بس الي تحتاجه هو الريليه وفني تكون تثق فيه ومجموعة اسلاك تكون من النوع الجيد المقاوم للحراره والعوامل الجويه اما بالنسبه للهولدرات فعاديه ركب بس افحصها كل 3 شهور من ناحية الذوبان وادهن الهولدرات بفازلين خفيف يساعد على عدم تملح رؤس الهولدرات ويمنعها من الحراره والرطوبه 0 ملاحظه حاول تركب للخط الحامي فيوز خاص فيه يمنع من الشورت الكهربائي ويحمي الضفيره ودور على الشمعات الكوارتز ( تم تصنيعا حديثا بس مو متاكد اذا كانت باالدول الخليجيه والله وياك وحياك الله 0

[حر اليدين]

السلام عليكم ورحمة الله وبركاته

كي لانطيل السيارة/ ددسن دفرنسين
العلـــــــة/صوت فيالعكس الايمن حينمااشغل الدبل خفيفا كان ام ثقيلا
الاعراض / لايوجد تهريب والكفر الايمن مائل قليلا جدا ولا يوجد به سحكية (مسحية)
س2/ هل تنصحني بتركيب مساعدات مورنو الغاز للسيارة او الجبريال الزيت ذات اللون الابيض
س3/ مقاس الكفر 235/75/15 هل هو مناسب للسيارة

الله لايهينك على كل حال

اخوك حر اليدين

[ABU-AL-3eeS]

اخوي ابو اسماء

الموتر جمس صالون 97 مقاس 2500

لايوجد فيه مشكلة ولله الحمد لكن السؤال

القير التماتيك فيه 4 وضعيات للنمرة (d)
D

D1

D2

D3

وش فايدتها على عزم الموتر ؟
وهل اذا كان فيه نزلة قوية على درب ترابي وكانت الوضعية على (d1) تكون السيارة اثقل وماتدحدر مع النزلة بسرعه؟

[أبو أسماء]

اخوي ابو اسماء

الموتر جمس صالون 97 مقاس 2500

لايوجد فيه مشكلة ولله الحمد لكن السؤال

القير التماتيك فيه 4 وضعيات للنمرة (d)
D

D1

D2

D3

وش فايدتها على عزم الموتر ؟
وهل اذا كان فيه نزلة قوية على درب ترابي وكانت الوضعية على (d1) تكون السيارة اثقل وماتدحدر مع النزلة بسرعه؟
مرحبا فيك اخوي موضوع الاحرف الي موجوده على (الدوش بورد) موشر وضع ناقل الحركه
(d) فهو يدل على النقل المباشر لناقل الحركه ( الجير) وهو الي يقوم بنقل السرع اتوماتيكي وتغير نسب السرعات مع المحرك 0
(d1) عشان يدور الكفر على الطريق يجب ان يلتصق بسطح الطريق التصاق جيد ولايسبب انزلاق للكفرات في النزول من المرتفعات حتى لو كانت هذي المرتفعات طرقها ( اسفلت جيد - اسفلت وسط - اسفلت ردي - طريق رملي - رمال رخوه -) فيلزم شي يثبت الكفرات ويقوم الجير بتامين هذ الشئ للكفرات 0
(d2) وهو يقوم بجعل السياره تثقل لتجنب زاوية صعود المرتفعات وتثبيت السياره عند الاكواع في اعلى الجبال0
(d3) مقاومة الهواء والرياح يحتاج المحرك سرعة اعلى للتغلب سرعة الهواء والصعود مع الثبات للسياره ويقوم ناقل الحركه بتامين هذي الاشياء للسياره
وكل شركه لها علاماتها الخاصه فيها بس حتى لو تغيرت الاحرف فكلها تقوم بنفس الشى وتحياتي لك 0

[أبو أسماء]

السلام عليكم ورحمة الله وبركاته

كي لانطيل السيارة/ ددسن دفرنسين
العلـــــــة/صوت فيالعكس الايمن حينمااشغل الدبل خفيفا كان ام ثقيلا
الاعراض / لايوجد تهريب والكفر الايمن مائل قليلا جدا ولا يوجد به سحكية (مسحية)
س2/ هل تنصحني بتركيب مساعدات مورنو الغاز للسيارة او الجبريال الزيت ذات اللون الابيض
س3/ مقاس الكفر 235/75/15 هل هو مناسب للسيارة

الله لايهينك على كل حال

اخوك حر اليدين
مرحبا اخوي وجعلها ايدين تسلم
الصوت في الاكس عندك يدل على ان الاكس متاكل والاكسات معرضه لاجهادات كبيره خصوصا في الدبل والعارض الرئيسي هو صوت طقطقه او صوت طرق يزيد معا السرعه ويقل معا انخفضها ويمكن يكون الصوت صادر من الكردان واذا كانت المشكله مو في الكردان فتكون المشكله داخل الدبل تكون الحزوز للاكس متاكله ويجب تبديله
باالنسبه لموضوع ميلان الكفر اسبابه كثيره انحراف في الشيال ويحتاج تجليس 2- اعوجاج في الفلانجه 3- اعوجاج في الاكس 4- اعوجاج في قرص الفرامل ويبين في المشي 5- عيب في الكفر اوالرنج0

اما موضوع المعونات ركب الجبريال في اللون الاسود الفحمي وهو مصنوع من الفولاذ القاسي بس مدري متوفر عندكم في المملكه واذا ما حصلت ركب الابيض هو في الدرجه الثانيه0
موضوع الكفرات ركب عادي ماله تاثير وتحياتي

[أبو أسماء]

اليايات الاستراليه لجيب 97 مقاس 250 وش رايك والياي اطول من المساعدالشد بلد يعني اغير المساعدت الاصليه واركب مساعد استرالي طويل لكي لايطامرالموتر
اوهلا وسهلا فيك اخوي
موضوع اليايات (السبرنجات والمعونات ) اذا بغيت تركب معونات استراليه مثل ماتقول انا ما انصح فيها لانها تسبب مع الوقت خشونه في السياره وركوب غير مريح اسال عن مخمدات الستروين الفولاذيه مو الحديديه موجوده عند وكالة الستروين وفيها ميزتين تقدر تخليها قاسيه وتقدر تخليها ناعمه عن طريق مسمار تحكم
اما اليايات اسال عن يايات الاستيل الزهريه كنديه الصنع قويه جدا وتحمل المطامر وماتتلف المساعدين ويطول عمرهن بس اللي ابي اوضحلك اياه انه كل مكان الطي اطول من المساعد يكون احسن عشان يعطي قوة انضغاط كافيه وحياك الله 0 (ملاحظه اذا محصلت هذي الاغراض فركب المساعدات الاستراليه بس خل اليايات الاصليه )0

[المرابط]

ارجو الدخول على هذا الرابط

ابو اسماء والله يجزاك خير لنفعك

اخوانك المسلمين وشاكرلك مره اخرى

http://www.mekshat.com/vb/showthread.php?t=37880

[اخو مناحي]

مرحبا اخومناحي افحص صلايب الجاردن الاماميه والخلفيه بس قبل كل شي افحص الاطارات من حيث الانتفاخ الداخلي والميزان واذا مانفع ارجعلي ممكن تكون المشكله في نظام التوجيه او نظام التعليق
طريقة فحص الصلايب سهله دوس الي سرعة 130 الي 140 وارفع رجلك عن دعسة البنزين اذا اهتز الموتر الصلايب سلم عليها وملاحظه اذكرك فيها افحص توازن عمود الجاردن وبلغني عيوني لك

اخوي ابوأسماء بالنسبة للإطارات غيرتها و عملت لها ترصيص و لا تغير شئ أما الصلايب فقد اجتازت الفحص الدوري للسيارات قبل تجديد الاستمارة و اكتفيت بهذا و لم افحصها بالطريقة اللي تفضلت بها فهل تكفي و إلا ضروري افحص الصلايب وش رايك في كلام الأخ اللي ذكر ان المشكلة ممكن تكون من القير هل ممكن ان القير يسبب اهتزاز مع ان ما فيه مشكلة في التغييرات وايضا فحصت السيارة بالكمبيوتر عند إحدى الورش و كانت النتيجة جيدة و كل اللي طلبوه مني تغيير البواجي و اسلاكها و مازالت المشكلة قائمة .

[أبو أسماء]

اخوي ابوأسماء بالنسبة للإطارات غيرتها و عملت لها ترصيص و لا تغير شئ أما الصلايب فقد اجتازت الفحص الدوري للسيارات قبل تجديد الاستمارة و اكتفيت بهذا و لم افحصها بالطريقة اللي تفضلت بها فهل تكفي و إلا ضروري افحص الصلايب وش رايك في كلام الأخ اللي ذكر ان المشكلة ممكن تكون من القير هل ممكن ان القير يسبب اهتزاز مع ان ما فيه مشكلة في التغييرات وايضا فحصت السيارة بالكمبيوتر عند إحدى الورش و كانت النتيجة جيدة و كل اللي طلبوه مني تغيير البواجي و اسلاكها و مازالت المشكلة قائمة .
السلام عليكم اخوي اخو مناحي بعد التحيه ارجو منك ومن اخواني القرا ء العذر والسموحه لاني كنت مشغول جدا في تجفيت محرك نيسان z350ومعلش لنشغالي عنكم 0
اخوي العزيز موضوع السيارة الي عندك والله فكرت كثير وقلتلك على بعض المشاكل الي تتسبب في ظهور مثل هذه المشكله وقلتلك افحص صلايب الجاردن واتزان عمود الجاردن نفسه عند مخرطه وفي مشاكل تسبب نفس المشكله اذا فحصة الجاردن وطلع اوكي
اخوي معلش الي ابي اعرفه منك الاهتزازت وين مكانها بالضبط في الامام او المنتصف اوالخلف او جميع الاتجاهات وهل تصحبها اصوات او مشاكل تكون محسوس فيها والجير عادي او اوتماتيك
بس عشان ما اكثر عليك ابقولك على اعطال يمكن تكون منها وهي متفرقه وفي اكثر من مجموعه
1- كراسي الجير 2-عمود التوازن الخلفي 3-الديفرانش نفسه يكون فيه اعوجاج او اعوجاج في احد الاكسات 4 - احد الشيلات يكون فيها عيب 5- عيوب في الجلب لمجموعة التعليق اومجموعة التعليق 6- احد الجنوط يكون فيه اعوجاج غير ظاهر 7- جلب الشاصي الي تكون بين الشاصي والبودي 8- كراسي المكينه لانها تكون على امتداد لشاصي وتحدث اهتزازت معا الجير والديفرنشيال 9- مسامير مفكوكه في مكان ما في السياره مثل كراسي المحرك او الجير اوالديفرنشيال او مجموعة التعليق في الامام او الخلف 10- افحص خزان الوقود من الارتخاء
اما موضوع الجير ماله شغل دام انه مضبوط مثل ما تقول ممكن تحدث نفس المشكله مع الجير العادي في صنية الكلاتش (الدبرياج) اما اذا تبيلك الاهتزاز في المقدمه فانسى ما ذكر وتكون المشكله في مجموعة التعليق او التوجيه الاماميه وسهلات انشاء الله والله معاك والسلام عليكم 0

[power]

أخوي أبو أسماء :
السلام عليكم ورحمة الله وبركاته


سيارتي لاندكروزر Gxr موديل 99 اتماتيك القير ...
الحالة :
أضع القير على وضعية L2 عندما أريد طلوع الطعوس المرتفعة نوع ما مع تشغيل الدبل الخفيف ...

المشكلة:
مع الإهتزازات ،، فجأة .... يتحول القير من وضعية L2 إلى وضعة D وأيضاً إلى وضعية N وأنا بنص المسافة !!!!!!!!!!

يعني بالبلدي توهيقة !!!

أرجو الرد بارك الله فيك ....

[ولد الشايب]

أشكرك يا أبو أسماء على هذا الموضوع وصراحة استفدت كثير يوم قريت الردود ولكن عندي سؤالين

1- يطلع صوت طقطقة ( طق طق طق ) من ورا أسمعه مع تشغيل الدبل الثقيل في حالة الريوس فقط مع الرملة الناعمة وجربت أستخدمة في الشارع ولا طلع الصوت وش العلة ؟؟

2- أنا مركب مراوح كهرب وشابك السرعة الأولى مع السلف هل في ضرر على فحمات الدينمو كما تفضلت في أحد الردود . وش أفضل حساس موجود في السوق ؟؟

3- الموتر قيره تماتيك وأربع نمر ألاحظ أنه بعد النمرة الرابعة يريح الموتر بنمرة صغيره وألاحظة في جميع السيارات التماتيك ما السبب في ذلك ؟

علماً بأن الموتر باثفيندر تماتيك 2003

[الدخول]

السلام عليكم يا ابو اسماء انا سيارتي هايلكس 2005 غمارتين اذا مشيت 140 فاكثر صار فيها رجة فما الحل

[exit8a]

السلام عليكم
ومشكور اخوي ابو اسماء على سعة صدرك والجهد الجبار المبذول
معي موتر ديزل ونيت ايسوزو وقالي واحد صب مع الديزل اذا مليت التانكي نصف علبة كل ثلاث مرات ويخف الصوت
وانا اخاف انه يضر على المكينه
وشكران لك

[حر اليدين]

اخوي ابو اسامة يعطيك الف عافية على هالمعلومة المفيدة
مانتحرمش من ردودك ابدا
اخوك حر اليدين

[محب الشمال]

ابو اسماء الله يعطيك العافية على هذا الطرح الطيب وهذي المبادرة والاستشارة المجانية

لو اني منك اخذ فلوس ... امزح

اخوي ابو اسماء عندي سؤال بالنسبة اي اكثر يحتاج صيانه ويدخل الورش باستمرار هل جيوب الاندكروزر ام جيوب الباترول

وعندي سؤال ثاني وهو انه معي جمس 2001 تولع مرات عندي لمبة الفرامل مع الـ Abs من حوالي سنه والبعض قالي لي فحمات والبعض قالي حساسات والله ما ادري وش المشكلة بالظبط مع العلم انه لها سنه بس ما طلع اي صوت ولله الحمد من الفرامل بس تولع مرات ومرات تطفي طبعأً مع بعض تولع وتطفي
الحين اسمع صوت جهه الكفر الايسر عندما الف الدركسون ولا اعرف السبب مع انه خرب معي وكان العطل في الرمان بلي وحاجة ثانية نستها

[أبو أسماء]

السلام عليكم يا ابو اسماء انا سيارتي هايلكس 2005 غمارتين اذا مشيت 140 فاكثر صار فيها رجة فما الحل

ا لسلام عليكم اخوي راعي الهايلكس
اخوي سيارتك جديده ويعطيك خيرها ويكفيك شرها ما اعتقد ان يكون صابها عطل او خلل في احد اجزئها الا اذا كانت السياره تعرضت الي مطامر في البران او ظربة مطبات قوية اثرت على ميزانها او ظربة ارصفه
وانشاء الله تكون متعرضت الي هاذي الاشياء
الي بشور عليك تسويه
1- تراجع الميزان من ناحية الترصيص والسحقيه 0
2- افحص الكفرات من الخارج والداخل (الانتفاخ - ضربات الشمس وتكون فيها شروخ صغيره )
3-افحص ضغط الكفرات ويكون متساوي في كل الجهات 0
3- افحص زاوية الكاستر والكامبر (الانفراج واللم الى الداخل ) 0
4- افحص الجنوط 0
5- افحص المعاونات الاماميه والخلفيه مع اليايات من ناحية الكسر وارجو انك تكون ماغيرت0 شي فيه0
6- الفحص عند الميزان للهيئه الاماميه وارجو منك ان تكون مازوت السياره باي اضافات تاثر على ميزان السياره
واذا مانفع الي قلتلك عليه ارجعلي وانشاء الله خير 0

[السرحال]

انا عندي كابريس موديل الفين يهرب زيت من الجربوكس
وديته للمكنيكي غيرلي صوفة الجربوكس
وبعد يوم عود يهرب زيت ووديته له
وغيرلي صوفة المكينه واشياء ثانيه
وبعد يوم يهرب ووديته للمهندس قالي ابا اغير الكرتير والله انه امتحنننننننننننني بمعنى الكلمه ايش اسوي الله يثيبك

[أبو أسماء]

ابو اسماء الله يعطيك العافية على هذا الطرح الطيب وهذي المبادرة والاستشارة المجانية

لو اني منك اخذ فلوس ... امزح

اخوي ابو اسماء عندي سؤال بالنسبة اي اكثر يحتاج صيانه ويدخل الورش باستمرار هل جيوب الاندكروزر ام جيوب الباترول

وعندي سؤال ثاني وهو انه معي جمس 2001 تولع مرات عندي لمبة الفرامل مع الـ Abs من حوالي سنه والبعض قالي لي فحمات والبعض قالي حساسات والله ما ادري وش المشكلة بالظبط مع العلم انه لها سنه بس ما طلع اي صوت ولله الحمد من الفرامل بس تولع مرات ومرات تطفي طبعأً مع بعض تولع وتطفي
الحين اسمع صوت جهه الكفر الايسر عندما الف الدركسون ولا اعرف السبب مع انه خرب معي وكان العطل في الرمان بلي وحاجة ثانية نستها
السلام عليكم ورحمة الله وبركاته اخوي موضوع اي احسن الاند او الباترول كل شركه ولها تصميمها وسيرتها تختلف عن الشركه الاخرى والسياره على استعمال صحبها يقدر يحافظ عليها ويعملها الصيانه الدوريه او الصيانه الفجائيه ويقدر يسيبها ويخليها تلازم الورش اكثر ما تلازم الطريق اما الافضل عندي الاندكروزر تقولي ليش اقولك
لانه شيك في جيبك وقت ما بغيت تبيع يروح وله ناسه
الشي الثاني اكثر الصيانات والتصليح الي كنت اقوم فيها بنفسي باي قطعه في الاند اشوف كل القطع تكون جيدة الصنع ومحكمه بشكل فوق الجيد ( واكثرها من صناعة شركة دينسو اليابانيه وهي شركه من اكبر الشركات للصناعات في اليابان ولها تعاون مع الالمان والاوربين وقطعها مهندسه اوكي اما نيسان فاكثر اعطالها تكون الكهرباء وتكون جامعه بين شركة هيتاشي وشركات تيوانيه (الهوندا - والتويوتا وبس هذا راي )
اما موضوع لمبة abs افحص السنسرات الاماميه تكون راكبه خلف الدسك وتكون موجه بتجاه مسننات مثل مسننات الجير التروس يمكن يكون الجهاز معلق افصل سلك البطاريه وركبه بعد مدة ربع ساعة واذا اسمرت اللمبة معاك شغاله عليك بفحص الكمبيوتر هو اللي يحدد العطل واذا معلق ومافي عطل يطفيلك ايها بلا رجعه افحص اسلاك السنسرات يمكن تكون فيها
اسلاكها مقطوع او في وحدة جهاز منع الانزلاق ويكون في حجرة المحرك افحصه من ناحية التهريب او يكون المحرك نفسه للجهاز فيه خلل وماثر على الكمبيوتر
اما موضوع الصوت يلفيت الدركسون افحص الذراع الهابط ( ذراع بتمان ذراع الدركسون او في مجموعة التوجيه او التعليق ( يمكن يكون عنك فضاوة في مجمع الدركسون او احد البوشات الاماميه فيها خلل والافضل ترجع الي ميزان سيارات هو يحددلك العيب ) والله وياك ومرحبا فيك 0

[أبو أسماء]

السلام عليكم
ومشكور اخوي ابو اسماء على سعة صدرك والجهد الجبار المبذول
معي موتر ديزل ونيت ايسوزو وقالي واحد صب مع الديزل اذا مليت التانكي نصف علبة كل ثلاث مرات ويخف الصوت
وانا اخاف انه يضر على المكينه
وشكران لك
مرحبا فيك اخوي
محرك الديزل يشبه من حيث التركيب الميكانيكي محركات البنزين بس انها اثقل واقوى واكثر تعقيد
ابي انصحك لوجه الله لاتسوي اي شي ولاتسمع كلام احد دام السياره معاك شغاله اوكي
موضوع الصوت فهاذا شي عادي لانه محرك ديزل(اشعال بالانضغاط ولازم يبسب اصوات طرق مو مثل محرك البنزين يحترق البنزين بواسطة شرارة )
ووقود الديزل يقوم بوظيفه كذالك التزيت لانه يعتبر زيت
اللي انصحك فيه نظف الفتحه الي موجوده في الخزان كل فترة لتجنب الاخفقات اللي تحصل للمحرك (فتحة دخول الهواء اذا وجدة) ولاتستعمل اي اضفات مهما كانت بدل المرشحات بس
لانك راح تعاني من مشاكل في طرمبة الحقن او الرشاشات وذراع التحكم بالطرمبة فضلا عن عطب الجلب والدخان الاسود والاضرار الي ممكن تحدث للمحرك
افحص الطرمبه بشكل دايم مستوى الزيت لاينقص يسبب كسر او التصاقها والله وياك

[الدخول]

ا لسلام عليكم اخوي راعي الهايلكس
اخوي سيارتك جديده ويعطيك خيرها ويكفيك شرها ما اعتقد ان يكون صابها عطل او خلل في احد اجزئها الا اذا كانت السياره تعرضت الي مطامر في البران او ظربة مطبات قوية اثرت على ميزانها او ظربة ارصفه
وانشاء الله تكون متعرضت الي هاذي الاشياء
الي بشور عليك تسويه
1- تراجع الميزان من ناحية الترصيص والسحقيه 0
2- افحص الكفرات من الخارج والداخل (الانتفاخ - ضربات الشمس وتكون فيها شروخ صغيره )
3-افحص ضغط الكفرات ويكون متساوي في كل الجهات 0
3- افحص زاوية الكاستر والكامبر (الانفراج واللم الى الداخل ) 0
4- افحص الجنوط 0
5- افحص المعاونات الاماميه والخلفيه مع اليايات من ناحية الكسر وارجو انك تكون ماغيرت0 شي فيه0
6- الفحص عند الميزان للهيئه الاماميه وارجو منك ان تكون مازوت السياره باي اضافات تاثر على ميزان السياره
واذا مانفع الي قلتلك عليه ارجعلي وانشاء الله خير 0
بس يا ابو اسماء يكون بعلمك ان موتري كد جاه مطاب قوية

[أبو أسماء]

أشكرك يا أبو أسماء على هذا الموضوع وصراحة استفدت كثير يوم قريت الردود ولكن عندي سؤالين

1- يطلع صوت طقطقة ( طق طق طق ) من ورا أسمعه مع تشغيل الدبل الثقيل في حالة الريوس فقط مع الرملة الناعمة وجربت أستخدمة في الشارع ولا طلع الصوت وش العلة ؟؟

2- أنا مركب مراوح كهرب وشابك السرعة الأولى مع السلف هل في ضرر على فحمات الدينمو كما تفضلت في أحد الردود . وش أفضل حساس موجود في السوق ؟؟

3- الموتر قيره تماتيك وأربع نمر ألاحظ أنه بعد النمرة الرابعة يريح الموتر بنمرة صغيره وألاحظة في جميع السيارات التماتيك ما السبب في ذلك ؟

علماً بأن الموتر باثفيندر تماتيك 2003
اهلا وسهلا فيك اخوي موضوعك صراحه جيد وراح انشاء الله اجاوبك عليه 0
1- بالنسبه لموضوع الطقطقه في الخلف ما اعتقد فيه اي مشاكل تكون حاصله معاك
وهاذي شغله عاديه بل اكدلك ان الحساس الخلفي شغال معاك اوكي ميه ميه بحيث انه يستشعر التغيرات الي تحصل من جراء الدخول في رمال ناعمه مع تشغيل الدبل الثقيل يقوم الحساس الخلفي ويكون داخل اليفرنشيال على قرص مسنن بعملية حساب للاسنان الي موجوده على القرص وترجمتها الي الكمبيوتر لكي يقوم الكمبيوتر باعطاء اومر الي الجير والدبل بالتغيرات الناجه عن الطعوس والاستجابه ودفع السياره مع الرفع الخفيف وتوزيع الحمل
الصوت ينتج عن عملية الفك والقفل للدبل بحيث مايحدث تحميل على الاجزاء الدافعه والضرر بها فشي عادي وتطمن 0
اما موضوع المروحه فارد وقول شبك المراوح يسبب قصر عمر الدينمو ياكل الفحمات ويخرب الكلكتور (النحاسات)
وما انصحك تغير الحساس لان الحسس المركب على سيارتك مبرمج من المصنع على كمبيوتر السياره لانه مصمم على ان يقوم بتوصيل الدائره عند درجة حراره معينه واضن محنا اعرف من المصنع ولا نقدر نضحك عل كمبيوتر السياره ومعطياته

موضوع الجير واللي ذكرته فهو جهاز فوق السرعه ( الاوفر درايف ) وهو يقوم بجعل سرعة الجير اسرع من سرعة المحرك بفضل مجموعة التروس الفلكيه (الصدفه ) ويعمل على تخفيض سرعة المحرك وتريحه في الخطوط الطويله اثناء سير السياره بدرجه كبيره مما يجعل ادارة السيارة اقتصاديه ويخفف من معدل تاكل المحرك وملحقاته بالنسبه للمسافه الي تقطعها السياره وهو الي اذا اردت تجاوز سياره وانت على نمره معينه يقوم بارجاع ونقل السرعه من سرعه الى اخرا0 وحياك الله 0

[أبو أسماء]

انا عندي كابريس موديل الفين يهرب زيت من الجربوكس
وديته للمكنيكي غيرلي صوفة الجربوكس
وبعد يوم عود يهرب زيت ووديته له
وغيرلي صوفة المكينه واشياء ثانيه
وبعد يوم يهرب ووديته للمهندس قالي ابا اغير الكرتير والله انه امتحنننننننننننني بمعنى الكلمه ايش اسوي الله يثيبك
السلام عليكم اخوي الغالي معلش شنو الصوفه عشان افهم الموضوع قلي شنو اللي سويته عند المخربشيه
وانشاء الله راح اعطيك كل الاماكن الي تسبب تهريب الزيت من الجير وحاضر 0وارجو السموحه

[أبو أسماء]

أخوي أبو أسماء :
السلام عليكم ورحمة الله وبركاته


سيارتي لاندكروزر Gxr موديل 99 اتماتيك القير ...
الحالة :
أضع القير على وضعية L2 عندما أريد طلوع الطعوس المرتفعة نوع ما مع تشغيل الدبل الخفيف ...

المشكلة:
مع الإهتزازات ،، فجأة .... يتحول القير من وضعية L2 إلى وضعة D وأيضاً إلى وضعية N وأنا بنص المسافة !!!!!!!!!!

يعني بالبلدي توهيقة !!!

أرجو الرد بارك الله فيك ....
السلام عليكم اخوي
موضوعك حله بصيط وضع ل2 للنزول من المرتفعات الي تكون فيها الالتفافات كثيره بحيث يصعب على ناقل الحركه التبديل من سرعه عاليه الي سرعه كثيرا ويحتاج المحرك بنفس الوقت الي سرعتين قويتين تساعده على ضروف تخفيض السرعه وزيادتها وتكون هاذي السرعتين كفيات للقيام بهذه العمليه
معاك انت تكون مشغل الدبل ومعطي الجير سرعتين فاجباري راح يقوم سنسر تنظيم الخريطه بااعادة فتح صمام السرعه المباشره (d ) لكي يقدر تحمل الضغط الواقع على الجير فيرجع الي الوضع (n) عشان لا يتسبب في عملية فرط المسننات وحدوث متاعب لناقل الحركه والعمليه مو محتاجه الي هاذي السرعة الدبل يحكم ويثبت السرع بالارتباط مع الجير والاوامر الصادره من الكمبيوتر وهاذي السرعه ماانصحك تعملها لانك راح تتعب الجير مع الوقت وحياك اخوي ومرحبا 0

[ولد الشايب]

الله يعطيك العافية أبو أسماء على التجاوب والرد السريع

عندي استفسار ثاني ( معليش تراي أمون )

من الموديلات 2003 الباثفيندر جاء البوجي بلاتينيوم فما الفرق بينها وبين البواجي العادية ؟ رغم تكلفة سعر البلاتينيوم ( 30 ريال للبوجي الواحد مقارنها ب 6 ريال بالبوجي الواحد العادي ) وهل هي مثل البواجي العادية كل 50000 كلم تتغير

[أبو أسماء]

الله يعطيك العافية أبو أسماء على التجاوب والرد السريع

عندي استفسار ثاني ( معليش تراي أمون )

من الموديلات 2003 الباثفيندر جاء البوجي بلاتينيوم فما الفرق بينها وبين البواجي العادية ؟ رغم تكلفة سعر البلاتينيوم ( 30 ريال للبوجي الواحد مقارنها ب 6 ريال بالبوجي الواحد العادي ) وهل هي مثل البواجي العادية كل 50000 كلم تتغير
السلام عليكم ياولد الشايب حبيب قلبي تمون على الرقبه افاعليك كلي لك اسال باي شي تبي وعلى كيفك اكتب وحاضر 0
اول شي يعتبر البلاتينيوم من المعادن الصلبه والخفيفه والقويه بنفس الوقت 0
البواجي المصنوعه من البلاتينيوم طويلة العمر وتعطي شراره قويه ولان اكثر مجموعات الاشعال في السياره حديثا
تكون فيها مجموعة الاشعال الكترونيه فيكون قطبي البوجي البلاتينيوم عنصر جيدموصل للشراره وفيه مميزات اخرى منها التشغيل السريع للمحرك في الضروف القاسيه الجو البارد جدا فيحتاج المحرك شراره قويه تشعل الوقود وثبت علميا ان البواجي البلاتينوم ما تسبب ظاهرة الطرق بعض الاحيان مع البلاكات العاديه ولا تتاثر بالحراره الشديده داخل السلندر ومقاومه للكسر ويكون القطب الداخلي نحيف جدا وصعب يتشكل عليه الكربون وتبدل كل 40 الف كيلو وانا ابدلها كل 50 الف وتكون جيده ولان معدن البلاتينوم من المعادن النادره يكون غالي ولاحظه حتى في سعات اليد تكون غاليه والاشياء الاخرى
واسال حبيبي على كيفك وحياك الله 0

[الاستراتيجي]

السلام عليكم
معى g x r 2001 غيرت دزق وكلتش من اسبوعين تقريبآ المشكلة (ان القير اذ حركة السيارة فى البدايه من الاول الى الثاني *الثانى مايقبل التعشيق بسهوله واذا كان في الاول تحس انه عاض وبعد ذالك تكون العمليه سهله وسلسه ولا تتكرر الافي البدايه اذا كانت السياره باردة) علمآ بآني وضعت زيت للقير من نوع زيت (المرسدس الالماني) واسباب تغيير الدزق والكلتش ان السيارة كانت في بعض الاحيان لاتقبل التعشيق في الاول والثاني الابعدما اقوم الموتربالخامس بعد ذالك تقبل التعشيق في الاول بصعوبه
السؤل ماهي المشكله قبل تغيير الدزق والكلتش
وماهى المشكله بعد التغيير

[أبو أسماء]

السلام عليكم
معى g x r 2001 غيرت دزق وكلتش من اسبوعين تقريبآ المشكلة (ان القير اذ حركة السيارة فى البدايه من الاول الى الثاني *الثانى مايقبل التعشيق بسهوله واذا كان في الاول تحس انه عاض وبعد ذالك تكون العمليه سهله وسلسه ولا تتكرر الافي البدايه اذا كانت السياره باردة) علمآ بآني وضعت زيت للقير من نوع زيت (المرسدس الالماني) واسباب تغيير الدزق والكلتش ان السيارة كانت في بعض الاحيان لاتقبل التعشيق في الاول والثاني الابعدما اقوم الموتربالخامس بعد ذالك تقبل التعشيق في الاول بصعوبه
السؤل ماهي المشكله قبل تغيير الدزق والكلتش
وماهى المشكله بعد التغيير
مرحبا فيك اخوي
موضوع السياره ماتتحرك في البدايه اذا كانت بارده انت جاوبت عليه وهو انك حطيت زيت ثقيل القوام فيكون بارد ولزوجته عاليه فاذا تحركت السياره يكتسب الزيت الحراره من الاحتكاك ويصبح اخف وهاذا ياثر على الرومان بلي للجير اذا كان الزيت ثقيل غير الزيت بزيت المصنع الاصلي 0
ظاهر تزحيط القابض (انزلاق صنية الكلاتش وعدم التمكن من نقل التروس وحدوث اصوات بالمسننات )
احتراق الصنيه اوالدسك وتاكل سطوح الاحتكاك يسبب انعدام الحركه الحره بين الدسك والصنيه
والاعطال الي تسبب هاذي المشكله كثيره 0
1-تهريب الزيت من الجير او المكينه ووصوله الي بطانة الاحتكاك (وجه الصنيه ويسبب احتراقها )
2- تشوه في الصنيه وعدم استدارتها بالشكل الصحيح 0
3- التصاق الصنيه بعامود الخرج وعدم مقدرتها على التحرك على الحزوز 0
4-روافع الرد غير مضبوطه مما تسبب بعدم فصل الصنيه ومكنه يكون على الدسك 0
5- فحمة الكلاتش مكسور او فيها عيب 0
قبل التغير كانت مجموعة نقل الحركه مافي توافق بينها وبين الكلاتش حتى تكون عملية نقل السرعات سلسه وناعمه من غير ما يحدث اصتدام للتروس ومشكلة عض وعدم فك التروس اما بعد التغير يحدث الفصل بشكل صحيح وتعمل المجموعه بشكل مضبوط

[الاستراتيجي]

الاخ العزيز ابو اسماء
المشكله بدأت بعد ان قطعت السبارة 40الف كم ذهبت الي الوكاله للفحص الشامل وبعد ان انتها الفحص استلامت السيارة واردة ان احركها وجدت اختلاف في حركة وسهولات القير فرجعت الي الوكاله فأخبروني انهم قامو بتغيير جميع السوئل ومن ضمنها زيت القير فطلبة بتغيير الزيت الموجود بزيت اصلي فوافقو على ذالك واستلامت السيارة بعد ذالك وكانت بحالة ممتازة ولاكن بعد فترة لاحضت وجود تهريب زيوت وتنديه وقمت بفحص مستوى الزيت وجدته مرتفع جدآ حيث تسرب مع فتحة الفحص(في القير والدبل والدفرنس)فخففة مستو الزيت فيها والاكن التنديه مستمره فقمت بتغيير الزيت الى زيت مرسدس بنز(العلبه تقريبآب40ريال للتر الواحدوهومخصص لسيارات الصغيرة)فتوقفت جميع التهريبات ولاكن المشكله مستمرة واخاف ان غيرت الزيت في هذا الوقت ترجع التهريبات
فماهو الحل الجذري لهذه المشكله برئيك واين اجد الزيت الاصلي المضمون والوكاله هذا شغلهمواعتذر على الاطاله واشكرك على مجهوداتك في هذا المنتدى

[أبو أسماء]

الاخ العزيز ابو اسماء
المشكله بدأت بعد ان قطعت السبارة 40الف كم ذهبت الي الوكاله للفحص الشامل وبعد ان انتها الفحص استلامت السيارة واردة ان احركها وجدت اختلاف في حركة وسهولات القير فرجعت الي الوكاله فأخبروني انهم قامو بتغيير جميع السوئل ومن ضمنها زيت القير فطلبة بتغيير الزيت الموجود بزيت اصلي فوافقو على ذالك واستلامت السيارة بعد ذالك وكانت بحالة ممتازة ولاكن بعد فترة لاحضت وجود تهريب زيوت وتنديه وقمت بفحص مستوى الزيت وجدته مرتفع جدآ حيث تسرب مع فتحة الفحص(في القير والدبل والدفرنس)فخففة مستو الزيت فيها والاكن التنديه مستمره فقمت بتغيير الزيت الى زيت مرسدس بنز(العلبه تقريبآب40ريال للتر الواحدوهومخصص لسيارات الصغيرة)فتوقفت جميع التهريبات ولاكن المشكله مستمرة واخاف ان غيرت الزيت في هذا الوقت ترجع التهريبات
فماهو الحل الجذري لهذه المشكله برئيك واين اجد الزيت الاصلي المضمون والوكاله هذا شغلهمواعتذر على الاطاله واشكرك على مجهوداتك في هذا المنتدى
السلاام عليكم اخوي ومرحبا فيك ولاتزعلني منك اي سؤال تحب تساله في اي وقت انا تحت الامر وحاضر اول شي احب اهنيك عليه انك ماشاء الله عليك فاهم بس المشكله الي حطوك فيها الوكاله وكلهم نصابين ومحتالين المشكله
انك غيرت زيت الجير والزيوت الاخرى وهي في الحقيقه ماتتبدل بل تزاد في حالة النقص الي ابي اشور عليك تسويه اول شي ارجع الي دليل المركبه (كتيب الصيانات ) وشوف رقم زيت الجير ونوعه ودرجة لزوجته والديفرنشيال كذالك الديفرنش والدبل نفس الزيت واذا ماني مخطي راح يكون ياتوتال او كوفران
اما موضوع الترشيح (التنديه ) قبل كل شي بدل الزيت والله يعينك وانا اعتقد ان التهريب الي حصل معاك بسبب زيادة مستوى الزيت فوق المدل وهذا بدوره ياثر تاثير موكد على الجبنات (موانع التسرب الاماميه والخلفيه ) 0
ارفع السياره عند محطة غسيل ولاحظ مكان ارتباط الجير مع المكينه اذا لقيت تسرب اعرف ان الجبنه مظروبه
وممكن لما غيرولك الكلاتش تسببو باذا لها واذا مافي شي فممكن يكون التهريب من فتحة التنسم ( فتحة الضغط ) اعلى الجير موجوده وعلى الديفرنش ايضا واكيد الزيت الي حطوه لك غير مطابق للموصفات وهذا مع الوقت راح ياثر على تروس الجير واحب اذكرك افحص اسنان فتحة التزويد والسده والجبنه الخلفيه اول مكان يكو طالع منه عمود الكردان والفحص العام اعمل كالاتي 0
بدل الزيت واغسل الجير بالماء المضغوط جيدا واستخدم السيارة لمدة يومين وبعدها ارجع الى المحطه وارفع السياره ولاحظ اي تسرب اما الترشيح البسيط فمافي اي خوف منه واحب اذكرك بشي افحص الجير جيدا ولاحظ
1- وجود اي شروخ في سكبة الجير الاماميه والخلفيه والكسكيتات الي تكون بين فواصل الجير تكون تضررت عند تنزيل الجير لان شغلهم احذف واهبد حلال عمك وانشاء الله سهلات ويكون مافي من الي ذكرته وهي مسالة زيت غير مطابق للموصفات والوكاله ملزومه لانهم هم الي بدلو الزيت وهو مايتبدل بس مدري انت طلبت او هم الي بدلوه
سو نفس ماقلتلك وانشاء الله خير ارجع الي الكتيب واذا مالقيت شي قولي وانا اشوفلك اي زيت يستخدمونه الشباب
مع اني اقول الوكاله ملزومه بتوفير زيت المصنع الاصلي وادري الزيوت الي داخل ورشهم غير الي تجي بعلب من المصنع زيتهم ابو طقه تعباه سريعه مايتعبهم بس الي بالعلبه يبي وقت وهم يبون الدراهم اسمحلي وجعت راسك بس
قلبي معاك وطول بالك وحاضرين 0

[الاستراتيجي]

الاخ ابو اسماء
لك الشكر والتقدير على هذا المجهود الرئع وعلى سعة ورحابة صدرك
وجميع توجيهاتك محل عنايتى ولاكن احتاج الى وقت لوجودى في الوقت الحاضر في مدينه لايوجد فيها خدمات(صغيرة جدآ)

[ابوقاسم]

الاخ ابو اسماء تحية طيبة وبعد..........
السيارة نيسان باثفايندر
الموديل 2000
المحرك 6سلندر
الخلل..........
اسمع صوت مثل صوت الخرخشة كأنه صوت ديلكو مو موزون وا صوت شرارة او سلك بواجي مفصول ..
وش الحل يخوك ..........

[أبو أسماء]

الاخ ابو اسماء تحية طيبة وبعد..........
السيارة نيسان باثفايندر
الموديل 2000
المحرك 6سلندر
الخلل..........
اسمع صوت مثل صوت الخرخشة كأنه صوت ديلكو مو موزون وا صوت شرارة او سلك بواجي مفصول ..
وش الحل يخوك ..........
السلام عليكم ورحمة الله وبركاته 0
اخوي ودي اسالك الصوت اللي تسمعه وين بالضبط في المكينه من فوق او تحت او مع الجنب والصوت هل هو خرخشه او ازيز وهل في المكينه ترتره او تقطيع او لسعات كهرباء في اي مكان في البودي او نقص في عزم السياره او في صوت في الاكزوز يرمي
ابي اقولك على طريقه تسويها اخذ خرطوم ماء طوله متر وافتح غطاء المحرك وهو شغال وضع الخرطوم في اماكن متفرقه من المحرك والناحيه الاخرى في الاذن وحاذر الاشياء الي تدور واسمع اقرب مكان يكون الصوت صادر منه
افحص مكان الكويلات راكبه على البواجي وشوفها ممكن تكون مرتخيه اوجود قطع فيها او ذوبان من الحراره يسبب تهريب الى جسم المحرك ويسبب اخفاق في عمل المحرك بس ابيك تاكدلي مكان الصوت بالضبط وانا
حاضر بقولك على الحل انشاء الله 0 ملاحظه افحص بالنظر في مكان مظلم عن وجود شراره زرقاء في حجرت المحرك

[ابوقاسم]

الصوت طال عمرك من المكينة وقت التبديل من الاول الى الثاني والثالث والرابع وعند الدعس ....والانطلاق الاحظ الصوت وهو صوت خرخشة والموتر ملاحظ عليه قل عزم وانا اسمعه الصوت صادر من جهة المكينة وعند تجاوز الدوران 2500 دورة يختفي الصوت ويظهر عزم السيارة بوضوح..........
اتمنى اني وصل المعلومة بشكل جيد...........
وما قصرت اخوي ابو اسماء ...........

[أبو أسماء]

الصوت طال عمرك من المكينة وقت التبديل من الاول الى الثاني والثالث والرابع وعند الدعس ....والانطلاق الاحظ الصوت وهو صوت خرخشة والموتر ملاحظ عليه قل عزم وانا اسمعه الصوت صادر من جهة المكينة وعند تجاوز الدوران 2500 دورة يختفي الصوت ويظهر عزم السيارة بوضوح..........
اتمنى اني وصل المعلومة بشكل جيد...........
وما قصرت اخوي ابو اسماء ...........
حبيب قلبي الموتر عادي ولا اتوماتيك

[ابوقاسم]

الموتر عادي ...........
اسف تعبتك طال عمرك............بس مالنه الا الحبايب.............
وعساك على القوة

[المميـز]

مشاء الله عليك يا أبو أسماء
والله يعينك علينا

عاد هذا اول سؤال لي اذا ماعليك امر

انا موتري فورد رينجر 2001 دفرنسين 4 سيلندر

مشكلتي : اول ما احرك بالاول او بالثاني يطلع صوت بعامود الدوران مع الكارونا الفاصل اللي بينهم وشحمته عند اكثر من بنشري لكن للاسف ماراح الصوت ولا احد عرف وش المشكله وبعض الاحيان يواصل الصوت الى الثالث
والمشكله هذي لها مايقارب سنه ونص وانا امشي على السياراه لكن عندي احسااس انه يوم يبي يطيح علي العامود او يبي يصلب

اذا تقدر تفيدني الله لايهينك

وارجو اني قدرت اشرح لك المشكله وانت فهمتها

[الاستراتيجي]

الاخ العزيز ابو اسماء
هذا سؤل من احد الزملاء
نوع السيارة(جمس صالون2001الحجم1500)
صوت في الكفرات الاماميه ويسمع بشكل واضح عند اللفات يمين ويسار (على شكل طقطقة حديد) ويكون واضح فى الدركسون نفسه ويسمع عند المطبات
تم الكشف على جلد المقصات العلويه والسفليه والركب فوق وتحت كلها سليمه والكفرات ميشلان جديده
ويكون الصوت واضح ومزعج عند اللفات(تحسه وتسمعه عن طريق الدركسون )

[الاستراتيجي]

الاخ العزيز ابو اسماء
هذا سؤل من احد الزملاء
نوع السيارة(جمس صالون2001الحجم1500)
صوت في الكفرات الاماميه ويسمع بشكل واضح عند اللفات يمين ويسار (على شكل طقطقة حديد) ويكون واضح فى الدركسون نفسه ويسمع عند المطبات
تم الكشف على جلد المقصات العلويه والسفليه والركب فوق وتحت كلها سليمه والكفرات ميشلان جديده
ويكون الصوت واضح ومزعج عند اللفات(تحسه وتسمعه عن طريق الدركسون )

[الاستراتيجي]

الاخ العزيز ابو اسماء
هذا سؤل من احد الزملاء
نوع السيارة(جمس صالون2001الحجم1500)
صوت في الكفرات الاماميه ويسمع بشكل واضح عند اللفات يمين ويسار (على شكل طقطقة حديد) ويكون واضح فى الدركسون نفسه ويسمع عند المطبات
تم الكشف على جلد المقصات العلويه والسفليه والركب فوق وتحت كلها سليمه والكفرات ميشلان جديده
ويكون الصوت واضح ومزعج عند اللفات(تحسه وتسمعه عن طريق الدركسون )

[مزاااجي300]

السلام عليكم

مساء الورد للجميع


عندي مشكله بالكرونه يطلع صوت ( حنه ) عند المشي بها ولكن يزيد ما بين سرعة 115/130 كلم

ولكن الصوت ليس بالصوت الوااااضح على ما يبدوا بداية خراب الكرونه !!

ومع هذا يحدث صوت ( طقه ) عندما احول السياره من وضع الوقوف P الى الريوس R يطلع من الكرونه

سألت الفني قال يوجد فضاوه في العمود ولكن صوت الطقه لا يظهر دائماً ولكن احياناً


السؤال

هل الصوت او الطقه راح تزداد بعد فتره ؟؟

هل الفضاوه راح تأثر على القير مستقبلاً لو تركتها فتره لاتقل عن 6 اشهر ؟؟؟؟


واخيراً اريد النصيحه

للمعلوميه الموتر / قراند ماركيز 98 امريكي

ولكم مني كل التقدير

[أبو أسماء]

السلام عليكم

مساء الورد للجميع


عندي مشكله بالكرونه يطلع صوت ( حنه ) عند المشي بها ولكن يزيد ما بين سرعة 115/130 كلم

ولكن الصوت ليس بالصوت الوااااضح على ما يبدوا بداية خراب الكرونه !!

ومع هذا يحدث صوت ( طقه ) عندما احول السياره من وضع الوقوف P الى الريوس R يطلع من الكرونه

سألت الفني قال يوجد فضاوه في العمود ولكن صوت الطقه لا يظهر دائماً ولكن احياناً


السؤال

هل الصوت او الطقه راح تزداد بعد فتره ؟؟

هل الفضاوه راح تأثر على القير مستقبلاً لو تركتها فتره لاتقل عن 6 اشهر ؟؟؟؟


واخيراً اريد النصيحه

للمعلوميه الموتر / قراند ماركيز 98 امريكي

ولكم مني كل التقدير
السلام وعليكم اخوي
انا عندي جراند مركيز نفس الموديل وامريكي عداد الكتروني ماشي 190 الف وفيه نفس الصوت على نفس السرعه الي ذكرتها والصوت الي في العمود موجود كذالك اقسملك بالله الاصوات موجوده بسيارتي صارلها اربع سنوات
والله ماتغير شي ولازاد الصوت وتبي نصيحتي لاتسوي شي لان يوم دققت في الموضوع لقيت ان الفوردات الامريكيه الغير مصممه للخليج جيرتها تكون دبل جير واقوى في التحمل وفكيت جير فورد امريكي وجير مصمم للخليج لقيت فرق شاسع بينهم
واول ما اشتريت السياره ودققت بالصوت عرفت انه من الكرونه قلت بس راح الديفرنشيال ويوم فكيته وفحصت المسننات ( ترس التاج الكرونه - وترس البنيون - وتروس الدفع الجانبيه ) لقيتها ميه ميه بس شي واحد كان شوي تعبان هو الرمان بلي وغير الاثنين وخف الصوت شي بسيط
اما اذا كان الصوت صوت ونه وطنين يزيد مع زيادة الدعس ويخف اذا شلت رجلك عن دواس البنزين ( فهاذا يدل على تاكل الكرونه والبنيون ومع الوقت يتحول الصوت منونه الي صوت خشن ملحوظ )
اما موضوع الطقه فهي في نفس موتري وانا مهندس ميكانيكا والشي هذا مامر علي بدلت العمود الكردان وركبت صلايب جديده بنفسي عشان لا اقول ابوهناد مضبطها ومزال الصوت موجود في احدى رحلاتي سالت مهندس امريكي عن هذا الصوت الطقه وشرحلي الموضوع وعرفت ان الصوت كانه في الكرونه او العمود ولكن تبيلي
انه من الجير وهي حاله عاديه مامنها ضرر لان الجير الي عندك دبل شفت نفس الي على الدوريات الامريكيه
ومرتبط مع التركشن كنترول وطريقه بقولك عليها ارفع السياره في منتصف الكرونه الكفرات الخلفيه الاثنين عن الارض وشغل السياره وحطها على d ودس بنزين راح تشوف السياره كنها تنفظ اعرف انها دبل جير والموتر الي معاك نفس الموتر الي معاي ولاتسمع كلام احد افحص الزيت كل فتره وهاذي نصيحتي ملاحظه الجير ماعليه اي تاثير لاتخاف ومع السلامه 0

[أبو أسماء]

الاخ العزيز ابو اسماء
هذا سؤل من احد الزملاء
نوع السيارة(جمس صالون2001الحجم1500)
صوت في الكفرات الاماميه ويسمع بشكل واضح عند اللفات يمين ويسار (على شكل طقطقة حديد) ويكون واضح فى الدركسون نفسه ويسمع عند المطبات
تم الكشف على جلد المقصات العلويه والسفليه والركب فوق وتحت كلها سليمه والكفرات ميشلان جديده
ويكون الصوت واضح ومزعج عند اللفات(تحسه وتسمعه عن طريق الدركسون )
حياك الله الاستراتجي ومرحبا فيك 0
صوت الطقطقه يدل على مشكله في مجموعة التوجيه
والمشكله اللي عندك تكون في احد الاشياء الثلاثه 0
1- ذراع بتمان ( ذراع مجمع الدركسون ويسمى الذراع الهابط ) 0
2- اذرع الدفع اليمين واليسار 0
3- مجمع الدركسون الرك والبنيون فيه فضاوه 0
واسلم طريقه انك تطبق الفحص بنفسك ارفع السياره من المقدمه وادخل تحتها بينما يقوم شخص اخر بلف الدركسون وتسمع لمكان الصوت لان مجموعة التوجيه سهلة الفحص وبالامر امسك الكفر بيدك الثنتين وهزه وشوف في اي لعب اوفضاوه وفي شغله تسبب نفس الشي بس بشكل ثاني وهي وجود كسر او عطل في احد المعونات وربلات المطب يكون على المقصات السفلى والعليا وفحص انك تلف الدركسون الي اليمين او اليسار الي اخر شى ولاحظ مقدمة السياره اذا حسيت السياره تهبط من الامام اعرف ان في عطل بهشين 0
واذا ما لقيت العطل قولي راح اقولك عن اسباب كثيره لمجموعة التوجيه 0

[أبو أسماء]

الاخ ابو اسماء تحية طيبة وبعد..........
السيارة نيسان باثفايندر
الموديل 2000
المحرك 6سلندر
الخلل..........
اسمع صوت مثل صوت الخرخشة كأنه صوت ديلكو مو موزون وا صوت شرارة او سلك بواجي مفصول ..
وش الحل يخوك ..........
السلام وعليكم اخوي المشكله الي حاصله عندك هي ظاهر الطرق ( طرق الصبابات )
واسبابها كثيره التهريب سحب الهواء عن طريق غير طريق الثلاجه وتهريب الهواء من الاكزوز لوجود شعر او كسر في مجمع الاكزوز مجمع العادم 0
1 - البنزين يكون رقم الاوكتان وطئ 2- ارتفاع حرارة المكينه 3- الجو الحار 4- وجود عطل في مجموعة الاشعال سلك بوجيه معطل او فيه احتراق يسبب تهريب الشراره لجسم المحرك الارضي 5- وجود كربون في راس المحرك اوعلى الصبابات يسبب اشعال نقطة كربون تودي الي اشعال ذاتي مو عن طريق شراره البوجي 6- عطل في بوجي او اكثر 7- عطل في صمام اي جي ار بلف الاكزوز 8- تلف سنسر التحسس للطرق0
وخرخشة الصبابات تسبب مشاكل للمحرك وتصيبه باعطال جسيمه ومنها 1- احتراق الصبابات 2- تحطم الصبابات 3- التواء اذرع التوصيل ( اذرع البساتن ) 4- اكسار البساتن 5- استهلاك وقود زايد 6- وتردي عزم السياره 0

[أبو أسماء]

مشاء الله عليك يا أبو أسماء
والله يعينك علينا

عاد هذا اول سؤال لي اذا ماعليك امر

انا موتري فورد رينجر 2001 دفرنسين 4 سيلندر

مشكلتي : اول ما احرك بالاول او بالثاني يطلع صوت بعامود الدوران مع الكارونا الفاصل اللي بينهم وشحمته عند اكثر من بنشري لكن للاسف ماراح الصوت ولا احد عرف وش المشكله وبعض الاحيان يواصل الصوت الى الثالث
والمشكله هذي لها مايقارب سنه ونص وانا امشي على السياراه لكن عندي احسااس انه يوم يبي يطيح علي العامود او يبي يصلب

اذا تقدر تفيدني الله لايهينك

وارجو اني قدرت اشرح لك المشكله وانت فهمتها
السلام عليكم اخوي معلش تاخرت عليك بالرد والله كنت مشغول
ابي اسالك شنو نوع الصوت والتشحيم هل هو للصلايب والصوت ناحية الصليب الخلفي وحاضر راح اجاوبك وسمحنا على القصور 0

[abo fasil]

السلام عليكم ورحمة الله وبركاته
ابو اسماء الله لا يهينك ويجزاك الف خير

موتري امريكي غيرت طربة المويه وبعدها صدر صوت غريب من السياره طقطقه وكانها مكينه ديزل .

ان شاء الله وضحة الفكره لك !!

وسلامتك

[أبو أسماء]

السلام عليكم ورحمة الله وبركاته
ابو اسماء الله لا يهينك ويجزاك الف خير

موتري امريكي غيرت طربة المويه وبعدها صدر صوت غريب من السياره طقطقه وكانها مكينه ديزل .

ان شاء الله وضحة الفكره لك !!

وسلامتك
السلام عليكم ابو فيصل
ياطويل العمر ترى مافهمت عليك بالشكل الصحيح بس تقول غيرة طرمبة الماء هل الصوت صادر من الطرمبه او من مكان ثاني والطرمبه الي ركبتها اصلية ونوع السياره شفر او نوع ثاني
اذا كانت السياره شفر من موديل 93 وفوق فيكون عمود الاداره الداخلي مكان تسقيط الطرمبه يكون الرمان بلي او العمود فيه التواء او تكون ما زيت بيرنج الطرمبه او الطرمبه نفسها تكون مو اصليه او مجدده وبيرنجاتها مو اصليه وافحص الغايش اذا كان قديم وبكراته وزيت الطرمبه في ثقب يكون في اعلى الطرمبه نقط شوية زيت فيه وانشاء الله راح يروح الصوت واظن الصوت مثل صوت مضخات الماء الكبيره الي تصدر صوت كصوت طخ طخ طخ بشكل ترددي يجي ويروح ورد بلغني وانشاء الله خير 0

[المميـز]

هلا بك ابو اسماء عااادي ولا في تأخير ولا شيء والله يعينك علينا

وبالنسبه للرينجر اللي كلمتك عنه ...... انت تسالني الصوت وين ؟؟ الصوت ياطويل العمر جاي من الخلف تقدر تقول جهت الصليب ولكن الاقرب له جهت الدفرنس مع العامود فهمت ؟؟

ووديته كذا محل على شان التشحيم وفي ناس يقولون لي مايتشحم وناس يقولون ان مكان المشحم صغير ولازم مكينه خاصه

والله اعلم

[أبو أسماء]

هلا بك ابو اسماء عااادي ولا في تأخير ولا شيء والله يعينك علينا

وبالنسبه للرينجر اللي كلمتك عنه ...... انت تسالني الصوت وين ؟؟ الصوت ياطويل العمر جاي من الخلف تقدر تقول جهت الصليب ولكن الاقرب له جهت الدفرنس مع العامود فهمت ؟؟

ووديته كذا محل على شان التشحيم وفي ناس يقولون لي مايتشحم وناس يقولون ان مكان المشحم صغير ولازم مكينه خاصه

والله اعلم
حياك الله يالمميز ومرحبا فيك الحين فهمت عليك شتقصد الموضوع بسيط انشاء الله اذا كان في الصليب تقدر تفحص الصليب وهو في محله وتحدد اذا كان فيه عيب مثل الفضاوه او التاكل او ان تكون الابر الداخليه (المدحرجات طايحه من مكانها ) ارفع السياره واخذ درنفيس قوي او عتله قويه وحطها داخل الصليب وحرك جهة اليمين واليسار وتحت وفوق ولاحظ اذا كان في اي تلاعب فيه غيره بجديد وبالمره غير الاثنين لانهن يعتبرن من القطع الاستهلاكيه ولها وقت تتغير فيه اما موضوع التشحيم فصليب الوكاله يكون استندر ولا فيه منافث تشحيم اما في حالة اذا ركبة صليب جديد راح تلاقي فيه منافث تشحيم واحسن شي تفك العمود وتاخذه للمخرطه ولايس الميكانيكي لانها شغلتهم لااني انا بنفسي ما ابدله اخذه لمخرطه مع اني ضامن شغلي ميه ميه ليش علشان عندهم مكابس اخراج وتركيب وفي نفس المره يشيكلك على التوازن للعمود وتشتري صلايب جديده وتركبها عندهم وشيك على اليوكات مكان مايركب الصليب (اليو) وخلهم يشوفون اذا كان متاكل واذا كان متاكل فيعبونه بالحام ويعيدون خرطه ويضبط واذا كانت الصلايب بعد الفحص اوكي تكون المشكله عندك في رومان بلي الديفرنش (بيرنج البنيون ) وسهل التبديل من غير ما تفك الديفرنس تفك الكردان وتشيل الجبنه الخلفيه للديفرنش وله بريصه خاصه تخرجه وشغلته بسيطه
اما موضوع انه يطيح عليك الكردان فمحتمل في حالة الكسر للبيم التابع له او سقوط كل المدحرجات الابر والمشكله الثانيه اذا جيم مسك ممكن انه يكسر الجير او يفتل الديفرنشيال خاصه عند المطبات وممكن يقلب السياره اذا فلت العمود اذا ماكنت مركب سلسلة حمايه له وبسيطه وسهلات انشاء والله يحفضك من كل مكروه واخونا المسلمين امين 0

[بو خليفه]

لا حظت في السيارات الكورية أن الولاعة 12 فولت و تشغل 120 وات و اللاسلكي 75 وات
هل إذا وضعت الأيكوم على الهاي ممكن أن تتحمل الولاعة أم لا

[الوشاح]

السلام عليكم ورحمة الله وبركاته

الاخ الغالي / :heart: ابو أسماء :heart:
كل الشكر والتقدير على ماتقدمه من مساعده لأخوانك الاعضاء ..

سيارتي شروكي 2000 قير عادي وعندي مشكلتين ..
الاولى : إذا كنت واقف وعشقت بـ2 مباشره ومشيت يفلت القير (يصير بالفاضي) لاكن إذا امشي وعشقت من1إلى 2 يعشق تمام .

الثانيه : بين التعشيقات يكون فيه رجفه وتاضعح عند السرعه المنخفضه ... والصراحه انه ضايقتني ..
الشروكي لعبتكم ياهل الكويت :)

[العشة]

السلام عليكم ورحمة الله وبركاته

الاخ الغالي / ابو أسماء
شكرا لك ولماتساعد به اخوانك في هذا المنتدى الرائع ,,

والله يعطيك العافيه ,

اما انا فعندي هالعشة اللي انت تشوف كهربه موهب طبيعي ..

المشكله فيه انه اذا شبكت كهرب الاشارات والمساحات تبدا ادخن اسلاكهن وموقعهن تحت الدركسون

وكذلك ودي توصف لي ورشة كهرب يضبط كهرب السيارة من جديد .

[مزاااجي300]

السلام وعليكم اخوي
انا عندي جراند مركيز نفس الموديل وامريكي عداد الكتروني ماشي 190 الف وفيه نفس الصوت على نفس السرعه الي ذكرتها والصوت الي في العمود موجود كذالك اقسملك بالله الاصوات موجوده بسيارتي صارلها اربع سنوات
والله ماتغير شي ولازاد الصوت وتبي نصيحتي لاتسوي شي لان يوم دققت في الموضوع لقيت ان الفوردات الامريكيه الغير مصممه للخليج جيرتها تكون دبل جير واقوى في التحمل وفكيت جير فورد امريكي وجير مصمم للخليج لقيت فرق شاسع بينهم
واول ما اشتريت السياره ودققت بالصوت عرفت انه من الكرونه قلت بس راح الديفرنشيال ويوم فكيته وفحصت المسننات ( ترس التاج الكرونه - وترس البنيون - وتروس الدفع الجانبيه ) لقيتها ميه ميه بس شي واحد كان شوي تعبان هو الرمان بلي وغير الاثنين وخف الصوت شي بسيط
اما اذا كان الصوت صوت ونه وطنين يزيد مع زيادة الدعس ويخف اذا شلت رجلك عن دواس البنزين ( فهاذا يدل على تاكل الكرونه والبنيون ومع الوقت يتحول الصوت منونه الي صوت خشن ملحوظ )
اما موضوع الطقه فهي في نفس موتري وانا مهندس ميكانيكا والشي هذا مامر علي بدلت العمود الكردان وركبت صلايب جديده بنفسي عشان لا اقول ابوهناد مضبطها ومزال الصوت موجود في احدى رحلاتي سالت مهندس امريكي عن هذا الصوت الطقه وشرحلي الموضوع وعرفت ان الصوت كانه في الكرونه او العمود ولكن تبيلي
انه من الجير وهي حاله عاديه مامنها ضرر لان الجير الي عندك دبل شفت نفس الي على الدوريات الامريكيه
ومرتبط مع التركشن كنترول وطريقه بقولك عليها ارفع السياره في منتصف الكرونه الكفرات الخلفيه الاثنين عن الارض وشغل السياره وحطها على d ودس بنزين راح تشوف السياره كنها تنفظ اعرف انها دبل جير والموتر الي معاك نفس الموتر الي معاي ولاتسمع كلام احد افحص الزيت كل فتره وهاذي نصيحتي ملاحظه الجير ماعليه اي تاثير لاتخاف ومع السلامه 0


الغالي والغالي جداً ابو اسماء :)

موتري قراند ماركيز فل الفل اكتروني الطبلون يوجد به هودروليك اكتروني ( بالون ) 98ماتشي173

تم رفع الموتر من الخلف حطيته D رفض يتحرك كل ما زت على دواسة البانزين صار ينتفض الموتر !!! :confused:
لاحظت شي غريب عند رفع الكفر من جهة واحده وقمت بتدويرها بيدي لاحظت صوت خشن !! من خلف الهوب ؟؟

هل هذا صوت الرمان ام لالا ؟؟

اخوي الغالي

الصوت ليس مزعج لأن عندما اكون ماشي 120/130 وارفع رجلي عن البانزين لا يخف الصوت ولا يزيد كان الوضع عادي فقط اثناء التحرك على سرعة 80/90 فقط تقول مثل صوت الدوران في الخلف !! من العمود او من الكرونه

الاشكاليه فقط في الطقه !!!
بس شي غريب بعض الاحيان تظهر الطقه وفي بعض الاوقات لا تظهر وخاصه عندما اسحب من D الى Rدون الوقوف بـN لايظهر شي ابداًً
ما تفسير ذالك ؟؟؟؟؟؟؟

واسف يالغالي على الاطاله :)

[أبو أسماء]

السلام عليكم ورحمة الله وبركاته

الاخ الغالي / :heart: ابو أسماء :heart:
كل الشكر والتقدير على ماتقدمه من مساعده لأخوانك الاعضاء ..

سيارتي شروكي 2000 قير عادي وعندي مشكلتين ..
الاولى : إذا كنت واقف وعشقت بـ2 مباشره ومشيت يفلت القير (يصير بالفاضي) لاكن إذا امشي وعشقت من1إلى 2 يعشق تمام .

الثانيه : بين التعشيقات يكون فيه رجفه وتاضعح عند السرعه المنخفضه ... والصراحه انه ضايقتني ..
الشروكي لعبتكم ياهل الكويت :)
السلام وعليكم اخوي ومرحبا فيك
موضوع افلات المسننات من التعشيق وهو بالثاني يفلت هذا دليل واضح واكيد تاكل جلبة المسنن الثاني في الجير بوكس ذو التعشيق المتزامن ويايات الجير للخانه الثانيه تكون ضعيفه او اعوجاج في شوكة الغويشه (الهلاله ) للسرعه الثانيه مما يتسبب بتعشيق غير صحيح او تاكل نحاسة الثاني والرجفه تكون بسبب تاكل العمود الرئسي للسرع ويتسبب في عدم استقامة وتثبية صنية الكلاتش بمكانها فيهتز العمود ويهز الصنيه وتكون واضحه
جفت الجير ( بدل البيرنجات للجير وافحص العمود وغير مجموعة الهلاله وشوكتها ونحستها والغويشه واليايات بس ما ادري توجد فرط جديد او اخذا من السكراب وما هي غاليه وشغلة جير الشروكي بسيطه ومو معقده يوم او اقل والله وياك وحياك

[أبو أسماء]

السلام عليكم ورحمة الله وبركاته

الاخ الغالي / ابو أسماء
شكرا لك ولماتساعد به اخوانك في هذا المنتدى الرائع ,,

والله يعطيك العافيه ,

اما انا فعندي هالعشة اللي انت تشوف كهربه موهب طبيعي ..

المشكله فيه انه اذا شبكت كهرب الاشارات والمساحات تبدا ادخن اسلاكهن وموقعهن تحت الدركسون

وكذلك ودي توصف لي ورشة كهرب يضبط كهرب السيارة من جديد .

السلام وعليكم حبيب قلبي والله ماتدري شنو هالعشه امزح معاك محركه من اقوى المحركات وسبق لي اني جفت مكينته وهو سهل الصيانه وعملي ويعتبر تحفه فنيه مايفرط فيه تبيعه امزح معاك
مشكلة الكهرباء الي تسبب الدخان في اسلاك او مفتاح المجموعه ويكون السبب التماس في الاسلاك او انها قديمه وفيها قطع يسبب ماس مع الارضي او تحميل المفتاح الرئيسئ فوق طاقته او تركيب كشفات او اضافات قويه

افحص ضفيرة الاسلاك التابعه للوحده التكميليه وافحص محرك المسحات يمكن يكون فيه شورت ودائرة الاضاءة (اللمبات ) واعتقد يمكن يكون خط الاشارات مؤرض مع البودي
اما موضوع الورشه فسامحني ماني من المملكه بس اعرف واحد كان يشتغل بالتشليح بالكويت بنقاله ابو بكر سوداني وصادفته مره بالملز وقالي انا عند ورشه هنا بس وين والله ما ادري اسال عنه تراه فنان بالتويوتا وما في مشكله توقف قدامه وديربالك على فرخ الشاصي تراه قطعه فنيه والله معاك وحياك

[صيهد]

أبو أسماء بارك الله فيك
عندي كيا سورينتو 2003 4سلندر المشكلة ان الحرارة ترتفع في الشتاء (اذا كانت درجة الحرارة 16درجة و اقل) يستمر الارتفاع لمدة ثم ترجع الحرارة تحت النصف وغلبا تحدث مرة وحدة في المشوار والوكالة يقلون ان البلف اكتروني ولا ادري هل المشكلة في تماتيك المروحة والا في تماتيك البلف ارجوا المساعدة

[الاستراتيجي]

حياك الله الاستراتجي ومرحبا فيك 0
صوت الطقطقه يدل على مشكله في مجموعة التوجيه
والمشكله اللي عندك تكون في احد الاشياء الثلاثه 0
1- ذراع بتمان ( ذراع مجمع الدركسون ويسمى الذراع الهابط ) 0
2- اذرع الدفع اليمين واليسار 0
3- مجمع الدركسون الرك والبنيون فيه فضاوه 0
واسلم طريقه انك تطبق الفحص بنفسك ارفع السياره من المقدمه وادخل تحتها بينما يقوم شخص اخر بلف الدركسون وتسمع لمكان الصوت لان مجموعة التوجيه سهلة الفحص وبالامر امسك الكفر بيدك الثنتين وهزه وشوف في اي لعب اوفضاوه وفي شغله تسبب نفس الشي بس بشكل ثاني وهي وجود كسر او عطل في احد المعونات وربلات المطب يكون على المقصات السفلى والعليا وفحص انك تلف الدركسون الي اليمين او اليسار الي اخر شى ولاحظ مقدمة السياره اذا حسيت السياره تهبط من الامام اعرف ان في عطل بهشين 0
واذا ما لقيت العطل قولي راح اقولك عن اسباب كثيره لمجموعة التوجيه 0

الخ ابو اسماء
لايظهر اي شى والسيارة واقفه ابدآ فقط اثنا سيرالسياره وفي حالة الانعطاف يمين اوشمالا(تم عمل الفحص المطلوب ولم يظهر اى صوت)وفي حالة الانعطاف مع وجود مطب ولوكان بسيط يظهر الصوت

[أبو أسماء]

[QUOTE=بو خليفه]لا حظت في السيارات الكورية أن الولاعة 12 فولت و تشغل 120 وات و اللاسلكي 75 وات

هل إذا وضعت الأيكوم على الهاي ممكن أن تتحمل الولاعة أم لا[/QU
السلام وعليكم اخوي ابو خليفه واسمحلي تاخرت عليك بالرد
اخوي الجهاز الي عندك تقول انك اذا حطيت الايكوم على الهاي ممكن ياثر على مقبس الولاعه من ناحيه الحريق او عطب الويرات لا سمح الله انا اقولك مافي مشكله انشاء الله بس شوف الجهاز مكتوب عليه من الخلف القوة القصوى للخرج اذا كان اكثر من 120 راح يسبب حراره عاليه في احد المقبسين للولاعه او لمقبس الجهاز بس احسن شي تعمله انك تاكد من ان الجهاز يحتوي على فيوز حمايه واذا مكان فيه تقدر تركبله وشغلته بسيطه انت بنفسك تعمله دور على السلك الحامي يكون يا احمر او ابيض واقطعه من النص واشتر فيوز 15 امبير او عند الي يصلحون مسجلات السيارات يكون عندهم فيوز كامل مع اسلاكه اخذ منهم واحد ووصله من الطرفين لسلك الحامي وهذا بدوره يكون حارس امان للجهاز وللولاعه بنفس الوقت وتقدر تبدله بسهوله اذا حملت الجهاز ولذع بس في شغله كويسه واحد من الشباب في الصمان كان مركبها على سفاري مع نفس الجهاز وهو منظم تيار متغير يتحكم فيه بنفسه وكان يشغل ثلاث اجهزه على خط الولاعه من دون تاثير على الولاعه او الاجهزه الاخرى
وكن يشغل كشاف يدوي ليلي وبوصله تعمل باليزر والله عجيبه ماشفتها عند احد من الشباب شريها من رومنيا والاسلكي وكانت طريقة تمديد الاسلاك طريقه فنيه وسالته عن المنظم منين شاريه قال خذته من جهاز الي في التكاسي اللموزين وركبه عند كهربائي متخصص في اجهزة منع السرقه واصلاح الشغلات الالكترونيه وانشاء الله مافي ضرر جرب ولاتخاف لان الولاعه لها بعد فيوز حمايه خاص فيها اذا ارتفع الامبير عن الحد ينهر الفيوز ولا يسبب اتلاف لا للجهاز ولا للولاعه وسهلات انشاء الله ومع السلامه 0

[أبو يوسف]

اخوي ابو أسماء

الصوت يطلع عندما أتوقف بشكل مفاجئ ثم عندما اتحرك وهي طقة تصغر وتكبر أحيانا
جربت وفضيت القير ( جعلته على الان ) ما طلع الصوت
السيارة شيروكي كلاسيك
وعندما الف وادعس على البانزين يطلع الصوت كذلك

سؤال :
هل ييضر القير اذا جعلته على الان قبل التوقف للاشارة
سؤال اخر
ايهما افضل اجعل القير على n عند التوقف عن الاشارة أم اتركه على الدي مع الضغط على دواسة الفرامل ؟؟؟

واشكرك على اريحيتك وحبك للخير

تحيتي

[أبو أسماء]

الخ ابو اسماء
لايظهر اي شى والسيارة واقفه ابدآ فقط اثنا سيرالسياره وفي حالة الانعطاف يمين اوشمالا(تم عمل الفحص المطلوب ولم يظهر اى صوت)وفي حالة الانعطاف مع وجود مطب ولوكان بسيط يظهر الصوت
مرحبا فيك يالاستراتيجي
والله ما ادري شقولك يعني كل المشاكل الي بمجموعة التوجيه قلتها لك وفحصتها ومع ذالك مزال الصوت موجود المشكله الصوت ما ادري مكانه وين بالضبط انت تقول يبين في الدركسون وهذا شي طبيعي ان اي عطل يصيب المجموعه يمتد صوته الي الدركسون بس اعتقد ان المشكله محصور بين هاذي الاشياء
ربل المطب او اعوجاج ذراع مجمع الدركسون او اعوجاج الجسر وشيك على ربلات مجمع الدركسون وسلامة احكام ربطه مع الشاصي ويبن بالمس باليد اثناء تحريك الدركسون وشيك على اليايات تشيك جيد لانها تكون بحاله جيده بس تكون قاسيه وسو هاذي الطريقه وهي الي انشاء الله راح تزيل الصوت اذا كانت شغلت تشحيمات او اشياء مصديه رش السياره بزيت محروق من الي عند الحطات وبعدين اغسلها ودور على كل القطع بعلبة d40 وانشاء الله خير وبلغني ومرحبا ومسهلا فيك 0

[ابوحازم]

أبو أسماء
بارك الله فيك على المجهود المقدم لاعضاء مكشات

سؤالي: الدبل الثقيل ما يشتغل (ما يلقم) علما بان السيارة شاص

[أبو أسماء]

اخوي ابو أسماء

الصوت يطلع عندما أتوقف بشكل مفاجئ ثم عندما اتحرك وهي طقة تصغر وتكبر أحيانا
جربت وفضيت القير ( جعلته على الان ) ما طلع الصوت
السيارة شيروكي كلاسيك
وعندما الف وادعس على البانزين يطلع الصوت كذلك

سؤال :
هل ييضر القير اذا جعلته على الان قبل التوقف للاشارة
سؤال اخر
ايهما افضل اجعل القير على n عند التوقف عن الاشارة أم اتركه على الدي مع الضغط على دواسة الفرامل ؟؟؟

واشكرك على اريحيتك وحبك للخير

تحيتي
السلام وعليكم اخوي ابو يوسف ومرحبا فيك اظن هذي ثاني مره تكتبلي عزيز وغالي وعلى راسي وتامر امر
صوت الطقه الي عندك تسمعه ناحية الجير اذا كان في هذا المكان يكون صوت محول العزم ( بطيخة الجير )
لانك اذا اوقفت السياره بشكل مفاجئ يقوم الجير بعمل تخميدات للسرع والبطيخه تتحكم بالعزم من المحرك للجير
ولما تدعس بنزين تلقم البطيخه مع عمود الدخول للجير واغلب السيارات فيها نفس المشكله فضاوه قي الريش الدخليه لمحول العزم وهي عاديه ولاتخاف
موضوع نقل الجير بسرع مختلفه مثل ما اشوف من بعض الناس اذا كان مريوس او طالع من مصفط او يبي يتحرك
تسمع الجير طخ طخ طخ بسرعه ميخلي الكلاتشات تلقم في الدرام الداخلي للجير وهذا يسبب فضاوه للسرعات مع الوقت ويسبب حالات تفليت للسرع فلازم انك تدعس دعس جيد على البريك مع نقل السرعه المطلوبه لان البريك يعتبر كلاتش بنفس الوقت توقف بعدين بشكل جيد بعدين انقل الي اي سرعه تحب لا نه يضر بخريطة الجير البلف بودي
موضوع التوقف عند الاشاره على n او d فهو عادي بس بشرط ما يطول الانتظار اكثر من 5 دقائق لانك تكون حملت الاحزمه الفرمليه للجير وهذا ياثر عليها وبعدين الشغله الثانيه هو لسمح الله لو انضربت السياره من الخلف حادث والسياره d ممكن ينكسر الجير وحدث كثير مع شباب اعرفهم
ملاحظه 0 مره واحد من الشباب سالني نفس موضوع السياره اذاكانت ماشيه وجيت ابي اوقف عند اشاره وقطيت الجير n قالي شنو الفرق بينه وبين الجير العادي قلتله الجير العادي تقدر تحكم فيه بنفسك حتى لو على سرعات لعاليه اما الجير الاوتوماتيكي فهو الي ينقل السرع بنفسه ويتجاوب مع معطيات وسرعات المحرك وحياك الله يا ابو يوسف ومرحبا 0

[أبو أسماء]

أبو أسماء بارك الله فيك
عندي كيا سورينتو 2003 4سلندر المشكلة ان الحرارة ترتفع في الشتاء (اذا كانت درجة الحرارة 16درجة و اقل) يستمر الارتفاع لمدة ثم ترجع الحرارة تحت النصف وغلبا تحدث مرة وحدة في المشوار والوكالة يقلون ان البلف اكتروني ولا ادري هل المشكلة في تماتيك المروحة والا في تماتيك البلف ارجوا المساعدة
مرحبا فيك اخوي مشكلة السياره الي عندك صحيح ما قالوه الوكاله نظامها نفس السيارات الاوربيه وعندي خلفيه عن هذا الموضوع من قبل لان في فصل الصيف يكون التكيف شغال والمراوح شغاله بستمرار فماتفصل اما في فصل الشتاء فيتطلب الامر ان البلف يسكر لفتره حتى ترتفع الحراره ويرجع يفتح وتشتغل المراوح ويبرد المحرك ونظام التبريد للمحركات النظام الاوربي معقد ومشاكله كثيره بس تقدر تغير البلف ببلف عادي وتغير الحساس للمراوح بعد عمل ترهيمات خاصه بس جرب حساس الهيونداي مال المراوح تقريبا يركب والبلف شوف ميكانيكي جيد واساله وشوف كوع البلف عليه اسلاك من الخارج او لا وبلغني وانا انصحك خلها على ماهي عليه دام الحراره ترتفع وتنزل وما في ضرر ما اثر 0

[عليمي]

السلام عليكم
أخواني عندي مشكلة في جيب فتارا سزوكي كان البدي شراع وغيرته الي بدي مصندق يعني شريت من التشليح بودي كامل ونقلت الشاص والمكينه والدفرنسات وجميع الأكسسوارات ولاكن عندما أنتهينا جينا نشغل قام يطرطع يعني تسمع قنابل المهم فحصنا اسلاك البواجي أوكي وديته لأكثر من مهندس لاكن لللأسف محد قدر يعرف المشكله
المكينه بخاخ واحد كهربائي سوزوكي فيتارا مديل 94 باب واحد تكفون الفزعه :o

[بو خليفه]

الله يعطيك العافية يا أبو أسامه

و لك تحياتي و تقديري على تجاوبك

[الديوان]

اخوي رفيع الشان انا اعرف واحد من الربع عنده نفس مشكلتك
ركب للجمس طرمبة مرسيدس وانهت مشكلتة تماما تحياتي لك

[أبو ظافر]

السلام عليكم
أخواني عندي مشكلة ممكن تكفون تعلموني الحل عندي جيب vxrمديل 98 مشكلته في ال ABS تولع لمبته ويطلع صوت صفير واذا ضغطت الفرامل ماتمسك أرجو الحل

[أبو أسماء]

الله يعطيك العافية يا أبو أسامه

و لك تحياتي و تقديري على تجاوبك

السلام وعليكم اخوي بو خليفه ومرحبا فيك وشكرا لك على اسلوبك الراقي في الرد والتخاطب فلك مني كل الاحترام والحب والتقدير وحاضر في اي وقت للرد على اي سوال تحب تساله
ولك خالص الشكر وتحياتي لك ومع السلامه 0

[أبو أسماء]

السلام عليكم
أخواني عندي مشكلة في جيب فتارا سزوكي كان البدي شراع وغيرته الي بدي مصندق يعني شريت من التشليح بودي كامل ونقلت الشاص والمكينه والدفرنسات وجميع الأكسسوارات ولاكن عندما أنتهينا جينا نشغل قام يطرطع يعني تسمع قنابل المهم فحصنا اسلاك البواجي أوكي وديته لأكثر من مهندس لاكن لللأسف محد قدر يعرف المشكله
المكينه بخاخ واحد كهربائي سوزوكي فيتارا مديل 94 باب واحد تكفون الفزعه :o

السلام وعليكم العليمي اول شي افحص السلك الارضي الواصل من البطاريه الي الشاصي او من الشاصي الي المحرك واذا ما وجدته استخدم سلك عادي من القطب السالب الي الشاصي مباشره وشوف 0

[أبو أسماء]

أبو أسماء
بارك الله فيك على المجهود المقدم لاعضاء مكشات

سؤالي: الدبل الثقيل ما يشتغل (ما يلقم) علما بان السيارة شاص
مرحبا ابو حازم الموتر هو ابو شنب تويوتا والدبل يطلع صوت طقطقه اذا شغلته 0

[أبو أسماء]

السلام عليكم
أخواني عندي مشكلة ممكن تكفون تعلموني الحل عندي جيب vxrمديل 98 مشكلته في ال ABS تولع لمبته ويطلع صوت صفير واذا ضغطت الفرامل ماتمسك أرجو الحل

مرحبا ابو ظافر الصوت في السفايف ولا في جهاز البي اس وحالة السفايف هل هي جيده وهل توجد تهريب زيت فرامل والدعسه هل هي لينه او تحجر 0

[ابوحازم]

الله يعطيك العافية يا أبوأسماء على سرعة الرد
والموتر مثل ما تفضلت تويوتا
لكن المشكلة ان الدبل الثقيل ما يشبك اما الدبل الخفيف يشبك ولا فيه مشكلة
ولا يوجد صوت طقطقه
وشكرا لك

[صيهد]

شكرا لك اخي أبو أسماء
وجزاك خير
انا مااعرف موقع كوع البلف لكن ابسئل واحد فاهم وارد عليك هل عليه اسلاك من الخارج والا لا
وشكرا مرة اخرى

[أبو أسماء]

الله يعطيك العافية يا أبوأسماء على سرعة الرد
والموتر مثل ما تفضلت تويوتا
لكن المشكلة ان الدبل الثقيل ما يشبك اما الدبل الخفيف يشبك ولا فيه مشكلة
ولا يوجد صوت طقطقه
وشكرا لك
ابو حازم السلام وعليكم واسمحلي على التاخير
بالنسبه لموضوع الدبل ما يشبك على الثقيل انشاء الله مافي عيوب داخل الدفرنشيال (الدبل ) وباسالك سوال هل كنت مشغل الدبل الثقيل ل 4 وانت مسرع وطامرت فيه ونسيته بس مافي مشكله انشاء الله وتكون شغلة عيار اوكهرب
افحص هاذي الاشياء وانشاء الله خير0
1- كيبل التحريك لعمود التوقيت للدبل وتكون راكبه عليه قطعه تشغيل (الشبك ) وشكله عمود شفت خارجي داخل في هاذي الفتحه وعلى القطعه في ثلاثة اسهم خطوط 1-ل4 2- نترال يعني طبيعي بالنجليزي 3- h4 لحظ اذا كان الدبل مو شغال لازم يكون في وضع نترال في الوسط واذا كان غير كذا اعرف العيار انه مختل ويشبك على h4 افتح البراغي وارفع القطعه عن الشفت وحط اصبعك في الفتحه ولف الدائره بحيث يكون السهم في الوسط وركب القطعه وشد البراغي 0
2- واذا كان ما ذكر غير صحيح افحص ( cable- hook ) الكابل الريسي للدبل والهوكات (الخطاطيف او المشابك ) تحت الموتر وداخل الموتر القطع او الارتخاء وفي اسلاك عند الدبل افحصها وفي بعض الموديلات الخليجيه يجي فيها ملف كهربائي (سيلانود) يتاثر من الاتربه والماء وكثير ما يحترق وتبدله سهل
وانشاء الله سهلات ومرحبا فيك 0

[ابوحازم]

الغالي أبوأسماء
بارك الله فيك ومشكور ووما قصرت على هذه المعلومات الوافية
وان شاء الله سوف اقوم بفحص الاشياء التي ذكرتها
اما عن سؤالك اذا كنت استخدمت الدبل الثقيل وانا مسرع فلم يحصل معي
ولكن الموتر شاريه مستعمل ولا ادري عن المستخدم الاول له
وشكرا

[أبو أسماء]

الغالي أبوأسماء
بارك الله فيك ومشكور ووما قصرت على هذه المعلومات الوافية
وان شاء الله سوف اقوم بفحص الاشياء التي ذكرتها
اما عن سؤالك اذا كنت استخدمت الدبل الثقيل وانا مسرع فلم يحصل معي
ولكن الموتر شاريه مستعمل ولا ادري عن المستخدم الاول له
وشكرا

السلام وعليكم ابو حازم دام انك تقول الموتر شاريه مستعمل حاول تعرف هل الدبل جايه تصلح من قبل او يكون مبدل صنيه الكلاتش او الجير مفكوك لعمل صيانه فيه 0

[الامسك]

السلام عليكم

يا ابو اسماء ولا يهونون الشباب قدر الله على اخوكم و حصلت لي عشه موديل 1979 الموتر نظيف حيل ومحركاته من قير ودفرنسات
عال العال ومكينته جيده ..
استفساري الله لا يهينكم

1- هل هناك مكينه ممكن ارهمها للموتر بدون ما اسوي شي للقير ابدا ومن دون ما المسه وتكون المكينه جيده ...

2- وان لم يكن ماهي نوعية المكينه اللي ممكن ارهمها مع بعض التعديلات
البسيطه جدا ...لأني سمعت انك لازم تغير ضفيره ومرات يمكن دفرنسات
وكلن قام يعطي الزود من عنده .


3- مكينة فور ماركيز موديل قديم او جديد هل ممكن اركبها على العشه وهل تحتاج كثير تعديلات عشان تركب من قير وغيره


4- اسمع ان اي ترهيم يسبب تهريبات زيوت هل و صحيح

5- كم ممكن تكون تكاليف الترهيم البسيط حق الوناسه بس تقريبا

6- انا من اهل الرياض وين تنصحوني فيه ارهم المكينه

7- هل تفرق الجيوب القديمه بالترهيم اذا كان قيرها ثلاث او اربع تغيرات

8- وش هي افضل جنوط ممكن تركب على الجيب العشه

واذا انت بالرياض يا ابو اسماء يشرفني اني التقى فيك وتشوف الموتر لو كان فيه اي شي تقدر تسويه لي وللجيب

والا نكون كسبنا معرفة هالوجه الطيب


ملااااااااحظه هامه :

لست ابحث عن تحدي طعوس ومقاومات شباب ابي موتر اذا سنيته من حايل الين الربع الخالي ما يشتكي ابدا يعني ان بغيته خط خط وان بغيته طعس طعس

واكون لكم من الشااااكرين

[أبو أسماء]

السلام عليكم

يا ابو اسماء ولا يهونون الشباب قدر الله على اخوكم و حصلت لي عشه موديل 1979 الموتر نظيف حيل ومحركاته من قير ودفرنسات
عال العال ومكينته جيده ..
استفساري الله لا يهينكم

1- هل هناك مكينه ممكن ارهمها للموتر بدون ما اسوي شي للقير ابدا ومن دون ما المسه وتكون المكينه جيده ...

2- وان لم يكن ماهي نوعية المكينه اللي ممكن ارهمها مع بعض التعديلات
البسيطه جدا ...لأني سمعت انك لازم تغير ضفيره ومرات يمكن دفرنسات
وكلن قام يعطي الزود من عنده .


3- مكينة فور ماركيز موديل قديم او جديد هل ممكن اركبها على العشه وهل تحتاج كثير تعديلات عشان تركب من قير وغيره


4- اسمع ان اي ترهيم يسبب تهريبات زيوت هل و صحيح

5- كم ممكن تكون تكاليف الترهيم البسيط حق الوناسه بس تقريبا

6- انا من اهل الرياض وين تنصحوني فيه ارهم المكينه

7- هل تفرق الجيوب القديمه بالترهيم اذا كان قيرها ثلاث او اربع تغيرات

8- وش هي افضل جنوط ممكن تركب على الجيب العشه

واذا انت بالرياض يا ابو اسماء يشرفني اني التقى فيك وتشوف الموتر لو كان فيه اي شي تقدر تسويه لي وللجيب

والا نكون كسبنا معرفة هالوجه الطيب


ملااااااااحظه هامه :

لست ابحث عن تحدي طعوس ومقاومات شباب ابي موتر اذا سنيته من حايل الين الربع الخالي ما يشتكي ابدا يعني ان بغيته خط خط وان بغيته طعس طعس

واكون لكم من الشااااكرين
الامسك السلام وعليكم معلش لاني مشغول كثيرا عندي سيارتين اشتغل فيهن اسمحلي بعض الوقت وحاضر راح اجاوبك على كل اسالتك وانا من الكويت بس اتردد على الرياض ولي ربع بالملز ويحصلي الشرف بالتعرف عليك

[غالي]

اخوي ابو اسماء
ودي اسأل عندي لاندكروزر جي اكس ار 2003
وكما تعرف انه يشرب بانزين
هل من طريقه عندك تخفف من استهلاكه للبنزين من غير تأثير سلبي على اي شيء فيه ؟
كان عندك حل مجرب ومضمون رد لاهنت اخوي
وشاكر ومقدر لجهودك على الرد للجميع

[أبو أسماء]

اخوي ابو اسماء
ودي اسأل عندي لاندكروزر جي اكس ار 2003
وكما تعرف انه يشرب بانزين
هل من طريقه عندك تخفف من استهلاكه للبنزين من غير تأثير سلبي على اي شيء فيه ؟
كان عندك حل مجرب ومضمون رد لاهنت اخوي
وشاكر ومقدر لجهودك على الرد للجميع
السلام وعليكم اخوي غالي 0
موضوع اسهلاك الوقود في الاند والسفاري او البترول موضوع الكل يشكي منه وهاذا شي طبيعي لانه يرجع الي تصميم الشركه للمحرك مع العلم ان السيارات اليابانيه اسهلاكها للبنزين اقل بالمقارنه مع السيارات الامريكيه لكن المحرك سعته كبيره والمصيبه اذا كان الاند او اللكزس الجيب 8 سلندر تكون كمية صرف الوقود اعلى وتم مؤخرا طرح سيارات تحتوي محركتها على النظام الذكي لتوقيت الصبابات المتغير vvti للحصول على احسن توقيت لصبابات السحب وتوفير اداء قوي للمحرك مع الاقتصاد في استهلاك الوقود ويعمل هذا النظام على ايقاف بعض السلندرات في المحرك عن طريق ملفات كهربائيه على الصبابات توقف عملها دون التاثير على عزم المحرك وتوفر البنزين وخاصه في الطرق السريعه او المشي البطئ والرحلات داخل المدينه القصيره واذا اردت اجتياز سياره اخرى او زيادة السرعه الي سرعات عاليه الكومبيوتر يعطي امر للملفات باالانغلاق وترك الصبابات تعمل وترجع تشتغل السلندرات الموقفه
نرجع الي موضوع تبي شي يخفف من استهلاك الوقود في شي واحد انا مجربه على سبارو اس في اكس هو جهاز (full ecnomey pwoer) شكله وحجمه تقريبا مثل فلتر البنزين وله اربع اسلاك كهرب اثين يوصلن مع كومبيوتر السياره واثنين واحد للارضي وواحد يوصل مع السلك الحامي للبطاريه اما مكان تركيبه فيكون على خط التزويد للوقود الداخل ( الرايل للبخاخات ) ومعاه كذا وصله تركب على اكثر السيارات اليابانيه والامريكيه
ويخفض من استهلاك البنزين الي 60 بالمئه تقريبا بس له مشاكل حسيت فيها لما ركبته 0
1- يعمل على ارتفاع كمية الهواء في خزان الوقود اذا نزل تحت النصف وتغلبت على هذي المشكله معا ان الخزان فيه فتحت تهويه والهواء اذا زاد في الخزان كان يسبب للمحرك ارتجاف بعض المرات ركبت بجنبه قطعه تسمى شيك وول تاتي معا الرنج روفر في الخزان وراحت المشكله المشكله الثانيه هي اذا تعدا الموتر سرعة 145 كيلو يطفي المحرك من دون سابق انذار بس للاسف ماقدرت اعملها شي لانها شغله بالجهاز نفسه بالبرمجه 0
اما من وين حصلت عليه فخذته من واحد من الربع كان هديه مع سوبر شارجر شاريهم من سنغافوره بس صناعته تيواني وسمعت انه موجود في الامارات 0
اما موضوع انك تغير شي في السياره للتقليل من اسهلاك الوقود فهاذا شي مستحيل 0

[أبو أسماء]

[quote=
السلام وعليكم ورحمة الله
اخوي سامحني تاخرت عليك بالرد لاني مشغول شويه وتسالني عن العشه اقولك مثل ماقلت لاحد الاخوان قبل كم يوم والله ان الجيب هذا تحفه مايتفرط فيها ودامك تقول ان محركه وجيراته اوكي ليش تبي تبدلهن دام السياره تمام والجيب هذا فيه مكينه اقسملك بالله من اقوى المكاين في التحمل وصيانته سهله وبسيطه وانت براحتك ممكن تبي تضيف بعض التعديلات عليه او تبي تحسن شوي من قوته بحث انه يمشي معاك من غير اعطال والجيب هذا اضبط فيه ثلاث اشياء ورح على كيفك 1- عيار الصبابات 2- الكربريتور 3- الديلكو 0 وكهربته عامه كل 60 الف كيلو 0
نرجع الي موضوعنا والاساله الي سالتني عنها 0
1- نعم توجد كذا مكينه تركب عليه من دون اي ترهيمات بس شين راح تعملهن وهن 1- تبديل كراسي الكينه 2 الجير لازم تبدله بحيث يكون يركب على سكبة المكينه 1- مكينه ونيت ايسوزو 2- مكاين ونيتات تويوتا الي موديل 84 وتويوتا كراون 4 سلندر وبعض مكاين نيسان مثل الجلوريا والزدات والجياتي مع ازاحة كراسي المكينه وعمل اللحام المطلوب وتركيب جير نفس موديل المحرك 0
2- مكينة فورد ماركيز من سابع المستحيلات تركب لان لها كنترول انجين ( كمبيوتر المحرك ) ولها نظام سيفتي لمنع السرقات وثقيله بالنسبه لحجم الجيب ولها توصيلات كهرباء وشغله مالها اول ولا تالي وانسى هذا الموضوع0
3- تسمع عن الترهيمات والتهريب يعتمد نوع الترهيم ونوع الشغل الي ممكن تسويه بس اكثر الترهيمات هي عمليات لحام وخراطه وقطع ومقسات الخ 00
4- تكليف الترهيم او التركيب تختلف على حسب نوع الشغل والميكانيكي واجور القطع اللازمه والمخرطه اذا احتاج الامر 0
4- فرق الجيوب القديمه عن الحديثه تفرق فرق شاسع في كل شي الجيوب القديمه اذا فتحت غطاء المكينه كل شي يكون واضح امامك وما يحتوي على اجهزة الكترونيه مثل الجير والينمو والديلكو والبخاخات والاسلاك الكهربائيه الخ اما الجيبات القديمه سهله ولا فيها تعقيدات كثيره واسلاكها قليله 0
موضوع الجنوط والله ما ادري شنو الجنط اللي في بالك تبي تركب بس شفت مره عشه عليه جنوط نفس الجنوط الي الونييتات 400 وعليه شنابر وشكلهن اوكي بس مدري هل ترهيم او قاص الشنابر ومركبهن
واسمحلي على القصور واذا بغيت تسال اي سؤال انا حاضر وحياك الله ومع السلامه 0

[عليمي]

السلام وعليكم العليمي اول شي افحص السلك الارضي الواصل من البطاريه الي الشاصي او من الشاصي الي المحرك واذا ما وجدته استخدم سلك عادي من القطب السالب الي الشاصي مباشره وشوف 0
الله يحفظك أبو أسما لقيت السلك موصل من البطارية الي المحرك ومن البطارية الي البدي أيضا وقمت بتوصيل سلك آخر من البطارية الي الشاسية ولاكن المشكلة لازالة قائمة .
وعلي فكره صوت المحرك مره زايد واذا دست له بنزين ما يزيد صوته أنما كأنك تكتمة
والحساسات أذا فصلت منها شي بعد دقيقة يقل زيادة سرعة المحرك
ويكثر الحساسات اللي في البخاخ واللي مجري العادم والله المستعان.

[أبو أسماء]

الله يحفظك أبو أسما لقيت السلك موصل من البطارية الي المحرك ومن البطارية الي البدي أيضا وقمت بتوصيل سلك آخر من البطارية الي الشاسية ولاكن المشكلة لازالة قائمة .
وعلي فكره صوت المحرك مره زايد واذا دست له بنزين ما يزيد صوته أنما كأنك تكتمة
والحساسات أذا فصلت منها شي بعد دقيقة يقل زيادة سرعة المحرك
ويكثر الحساسات اللي في البخاخ واللي مجري العادم والله المستعان.
العليمي السلام وعليكم بما انك تقول كل شي سويته والعطل مازال موجود معلش تحمل شوي وخلنا نفحص شي شي الين نطيح على العطل الخبيث وانشاء الله بنلقيه وانا انشاء الله بقولك على كل الاعطال ورجعها بنفسك والسلك الي قلتلك سوه كثير سيارات سوت نفس العله ومنها الكاديلاك والدوج الانتربيد والاند كروز واللومينا والشفرات ا
لجديده 0 معلش ابي اعرف شنو سوية بالسياره وشنو فحصت فيها والبضط والمحرك هل اضفت عليه اي شي او بدلت فيه شي ونظام الاشعال ديلكو ولا كويلات

[ابو فالح]

الله يجزاك كل خير يا أبو أسماء على مساعدة أخوانك.

وعندي سؤال عن سيارتي الباترول 96 وماشية فوق (300الف) وحقيقة أني اراعيها كثير والسياره ما عليها وخرابها ماهو واجد بس من تالي صار كل فتره يحصل تهريب في أحد خراطيش الماء(الليات) وخاصة اذا كنت ماسك خط طويل مع أن الحرارة ما توصل الربع عادتاً ومركبله مراوح كهرب.
سؤال هل هذا نتيجة القدم وتيبس الخراطيش أو هناك سبب أخر يمكن معالجته.

شاكر ومقدر حسن تجاوبك...............

[**الصقر**]

مشكوووور يابو اسماء على هالجهد

المهم أنا عندي تريل بليزر 2002
فيه مشكلة إشارة إن الباب الخلفي مفتوح وهو غير مفتوح


الله يجزاك الف خير وعلى القائمين بالمنتدى



أخوكم الصقر

[صيهد]

مرحبا فيك اخوي مشكلة السياره الي عندك صحيح ما قالوه الوكاله نظامها نفس السيارات الاوربيه وعندي خلفيه عن هذا الموضوع من قبل لان في فصل الصيف يكون التكيف شغال والمراوح شغاله بستمرار فماتفصل اما في فصل الشتاء فيتطلب الامر ان البلف يسكر لفتره حتى ترتفع الحراره ويرجع يفتح وتشتغل المراوح ويبرد المحرك ونظام التبريد للمحركات النظام الاوربي معقد ومشاكله كثيره بس تقدر تغير البلف ببلف عادي وتغير الحساس للمراوح بعد عمل ترهيمات خاصه بس جرب حساس الهيونداي مال المراوح تقريبا يركب والبلف شوف ميكانيكي جيد واساله وشوف كوع البلف عليه اسلاك من الخارج او لا وبلغني وانا انصحك خلها على ماهي عليه دام الحراره ترتفع وتنزل وما في ضرر ما اثر 0
أخي ابو أسماء
فعلا الكوع عليه اسلاك من الخارج.
وحصلت لي مشكلة جديدة يوم الجمعة حيث انطفئ المحرك وانا اسير في البر على سرعة 40 تقريبا فحصا جميع الفيوزات وكانت سليمة وهذا اقصى مانعرفه للأسف ورزقنا الله بشباب جزاهم الله خير سحبوها الى رماح بعدين اخذنا سطحا الى الرياض و السيارة في الوكالة مابعد ردو علي

[الفيافي]

اخوي عندما اشبك الدبل بالرمل اشم ريحة مثل ريحة صحن الكلتش وخاصة عندما اسحب احد مغرز تكون الريحة قوية فما السبب وهل يعتبر خراب علما أني مركب صحن ودسك وفحمة وكالة لها حوالي سنة واستحدامي للجيب قليل والسيارة نوعها جيب ربع 89
انتظر الرد

ردد سبحان الله وبحمده سبحان ا لله العظيم

[جذع رمث]

السلام عليكم ورحمة الله وبركاته
انا عندي جمس 96 وفيه مشكلتين :
1) اذا كان واقف له يوم او اكثر يشتغل باول نقرة واذا طفيته وشغلته على طول يشتغل باول نقرة ولكن اذا تركته لمدة حوالي نصف ساعة واكثر الى 6 ساعات مثلا ما يشتغل على طول يالله يشتغل بعد ثلاث محاولات
2) اذ اشتغل يدخن شوي ويطلع ريحة بنزين كثيره و مزعجة
ياليت تعطيني رايك وهل المشكلتين لهم علاقة ببعض علما باني مغير طربمة البنزين مرتين والموتر ما مشا واجد يعني اقل من 150 الف

[المميـز]

حياك الله يالمميز ومرحبا فيك الحين فهمت عليك شتقصد الموضوع بسيط انشاء الله اذا كان في الصليب تقدر تفحص الصليب وهو في محله وتحدد اذا كان فيه عيب مثل الفضاوه او التاكل او ان تكون الابر الداخليه (المدحرجات طايحه من مكانها ) ارفع السياره واخذ درنفيس قوي او عتله قويه وحطها داخل الصليب وحرك جهة اليمين واليسار وتحت وفوق ولاحظ اذا كان في اي تلاعب فيه غيره بجديد وبالمره غير الاثنين لانهن يعتبرن من القطع الاستهلاكيه ولها وقت تتغير فيه اما موضوع التشحيم فصليب الوكاله يكون استندر ولا فيه منافث تشحيم اما في حالة اذا ركبة صليب جديد راح تلاقي فيه منافث تشحيم واحسن شي تفك العمود وتاخذه للمخرطه ولايس الميكانيكي لانها شغلتهم لااني انا بنفسي ما ابدله اخذه لمخرطه مع اني ضامن شغلي ميه ميه ليش علشان عندهم مكابس اخراج وتركيب وفي نفس المره يشيكلك على التوازن للعمود وتشتري صلايب جديده وتركبها عندهم وشيك على اليوكات مكان مايركب الصليب (اليو) وخلهم يشوفون اذا كان متاكل واذا كان متاكل فيعبونه بالحام ويعيدون خرطه ويضبط واذا كانت الصلايب بعد الفحص اوكي تكون المشكله عندك في رومان بلي الديفرنش (بيرنج البنيون ) وسهل التبديل من غير ما تفك الديفرنس تفك الكردان وتشيل الجبنه الخلفيه للديفرنش وله بريصه خاصه تخرجه وشغلته بسيطه
اما موضوع انه يطيح عليك الكردان فمحتمل في حالة الكسر للبيم التابع له او سقوط كل المدحرجات الابر والمشكله الثانيه اذا جيم مسك ممكن انه يكسر الجير او يفتل الديفرنشيال خاصه عند المطبات وممكن يقلب السياره اذا فلت العمود اذا ماكنت مركب سلسلة حمايه له وبسيطه وسهلات انشاء والله يحفضك من كل مكروه واخونا المسلمين امين 0


مشكووور على تواصلك وعلى الحلول اللي تعطيها لنا

وانشاء الله راح افحص عليه هالومين لان يومي عن سنه انا

والله يعين الجميع

[أبو أسماء]

مشكوووور يابو اسماء على هالجهد

المهم أنا عندي تريل بليزر 2002
فيه مشكلة إشارة إن الباب الخلفي مفتوح وهو غير مفتوح


الله يجزاك الف خير وعلى القائمين بالمنتدى



أخوكم الصقر
مرحبا اخوي الصقر تقول ان الباب الخلفي يبين انه مفتوح في المسنجر بورد ( اللوحه ) اخوي افتح الباب الخلفي ودور على كابس صغير واذا لقيته حاول انك تدفعه بيدك وشوفه اذا تحرك للداخل واذا ما طفت اللمبه يكون معلق والعطل في نفس الدقمه بس قبل كل شي افصل سللك البطاريه وانتظر شوي وركبه وشوف اذا ما طفت اللمبه فك القطعه وراح تلاقي فيها سلك واحد وصله مع البودي في مكان خلي من الصبغ واذا طفت اللمبه يكون العطل في الدقمه وممكن يكون موديل السياره الي عندك من النوع اللي يحتوي على وحده تعمل بالزئبق نفس اللي تكون بكبوت السياره وتكون راكبه على الباب نفسه افصل السلكين ووصلهم مع بعض اذا طفت اللمبه يكون العطل في الحساس اوتكون شغله في الباب الخلفي مو مضبوطه او ربله خارجه من مكانها 0

[أبو أسماء]

أخي ابو أسماء
فعلا الكوع عليه اسلاك من الخارج.
وحصلت لي مشكلة جديدة يوم الجمعة حيث انطفئ المحرك وانا اسير في البر على سرعة 40 تقريبا فحصا جميع الفيوزات وكانت سليمة وهذا اقصى مانعرفه للأسف ورزقنا الله بشباب جزاهم الله خير سحبوها الى رماح بعدين اخذنا سطحا الى الرياض و السيارة في الوكالة مابعد ردو علي
مرحبا اخوي صهيد وخطاك السو وماتشوفون شر وانشاء الله تكون خيره والله موضوعك زعلني اخوي يعني توك طالع للوكاله ورديت لهم مره ثانيه السياره لما طفت عليك هل قطعت وطفت او افصلت مره وحده وهل المكينه تدور من غير ما تشتغل نرجع لموضوع البلف تقول نفس ماذكرتلك توجد اسلاك على الكوع هذا النظام الاوربي اللي قلتلك عليه وهذا مشكله كبيره لانه يكون مبرمج مع الكنترول سستم للمحرك وفي هاذي الحاله مالك الا حلين الاول اللي قلتلك عليه تترك السياره على مهي عليه لانك شفت بعينك مشكله ممكن تكون تافه عطلتك في البر 0
والشي الثاني انك تسوي طريقه انا سويتها لواحد حداد سيارات لبناني اشترى سياره رينو وحب يسافر عليها بلده وقالي ابيك تسولي طريقه ما ترفع الحراره نفس السياره اللي معاك فتحت الكوع وشلت البلف وشبكنا المراوح دايركت وصارت السياره ميه ميه وسافر اخونا ورجع والسياره اوكي بس هاذي الطريقه مشكلتها تاكل فحمات الدينمو بس مو بسرعه يعني بدل الدينمو ما يعيش معاك سنتين يعيش سنه مع بعض المشاكل في دائرة الشحن ومشاكل التسخين في فصل الشتاء التسخين وقت اطول والراي رايك وعلى كيفك تبي اشرحلك طريقة التوصيلات انا حاضر وبلغني وش صار على الموتر وتحياتي لك 0

[أبو أسماء]

اخوي عندما اشبك الدبل بالرمل اشم ريحة مثل ريحة صحن الكلتش وخاصة عندما اسحب احد مغرز تكون الريحة قوية فما السبب وهل يعتبر خراب علما أني مركب صحن ودسك وفحمة وكالة لها حوالي سنة واستحدامي للجيب قليل والسيارة نوعها جيب ربع 89
انتظر الرد

ردد سبحان الله وبحمده سبحان ا لله العظيم
السلام وعليكم اخوي ومرحبا 0
موضوع الرائحه الي تشمها وانت تسحب موتر في غراز مثل ما تفضلت وذكرت هي رائحة صنيية الكلاتش تكون محمل القابض (صنية الكلاتش فوق طاقتها ) وتسوي ريح مثل ريح احتراق السفايف عطبه ومو بس الصنيه بل وجه الدسك ووجه الفلاي ويل وينتج عن هذا مع الوقت احتراق الصنيه او كسرها او حدوث خطوط دائريه في وجهي الدسك والفلاي ويل بسبب تاكل وجه الصنيه وخروج مسامير البرشام الي على الصنيه وحفرها لوجه الدسك بس الريحه ما تدل على عطل بل تحذير بان الصنيه في وضع ساخن جدا مثل الماده الي تغطي وجه السفايف (الاسبوستوس ) فحاول انك تتعامل مع الكلاتش براحه وعدم التحميل وما ادري انت تستعمل الوضع ل1 انتبه لانك في نفس الوقت تكون حملت المحرك اكثر من الصنيه ويرهق المحرك كثيرا وممكن يفرط الجنزير اذا كانت الصنيه قويه وتتحمل الضغوط استخدم الونش اذا كان متوفر عندك احسن ماتحمل الموتر فوق طاقته وكما تفضلت قلت انه ربع اكيد نيسان سفاري وانت عارف مشاكل دبل النيسان كثرة فرط جنزر الدبل والله يحفظك ومع السلامه 0
ملاحظه 0 اذا كنت راعي بران وطعوس وتحب مساعدة الغير جزاك الله خير ركب صنيه يسمونها صنية التنين عليها رسمت تنين وهى قويه وفيها ميزه ممتازه تحتوي على نوابض تنظيم بحيث انها ماتثر على الجير والمكينه وتعطيي اخر حد لها وتجي احجام للهدات والسبقات السريعه والراليات ويركبونها المفحطين الجياتي والزدات وقليل الي اشتكو منها وتحياتي لك ومع السلامه 0

[صيهد]

جزاك الله خير أبو أسماء
السيارة طفت على طول بدون ماتقطع وفعلا لما ادور السلف يدور معي بس المكينة ماتشتغل وكلمت الوكالة قبل شوي وقالوا مابعد فحصوها لان عندهم زحمة واي تطورات ابخليك في الصورة
اما موضوع الحرارة اقول شورك وهداية الله ابخليه زي ماهو.
وشكرا مرة اخرى

[أبو أسماء]

السلام عليكم ورحمة الله وبركاته
انا عندي جمس 96 وفيه مشكلتين :
1) اذا كان واقف له يوم او اكثر يشتغل باول نقرة واذا طفيته وشغلته على طول يشتغل باول نقرة ولكن اذا تركته لمدة حوالي نصف ساعة واكثر الى 6 ساعات مثلا ما يشتغل على طول يالله يشتغل بعد ثلاث محاولات
2) اذ اشتغل يدخن شوي ويطلع ريحة بنزين كثيره و مزعجة
ياليت تعطيني رايك وهل المشكلتين لهم علاقة ببعض علما باني مغير طربمة البنزين مرتين والموتر ما مشا واجد يعني اقل من 150 الف
السلام وعليكم اخوي مشكلتك انشاء الله بسيطه بس ما ادري يمكن ماعندك خلفيه كبيره عن الميكانيكا لاني ابي اذكرلك اسماء القطع الي تسبب هاذي المشكله بس الاسباب كلها محصوره في مجموعة الوقود الكربوريتر اذا كان كامل او نصف بخاخ نفس الشي مشكلة تشغيل المحرك وهو ساخن او قيادة السياره والانتظار 4 او5 ساعات وا اعادة التشغيل تكون في صعوبه قليله تكون محصوره في صمام الخنق عند بدء الاداره (الشوك الاتوماتكي ) يكون فيه عيب او مقفل او خلل في خلل في تحريكه او يكون هناك طفح للبنزين ويكون الموتر مشرق والي يدل على هذا انك تقول ان الموتر يدخن وتطلع منه ريحة كربون يدل على ان المخلوط غني البنزين زايد عن الحد الطبيعي ونفس المشكلتين يسببها فلتر البنزين في هاذي الحاله لازم تصفي السياره عند ميكانيكي ممتاز وتبلغه عن الشوك والمشكله الي حاصله فيه واتمنى يكون ميكانكي ماهر لان الشوك اتوماتيكي مو اي واحد يضبطه بدل البواجي وفلتر الهواء والبنزين واسلاك البواجي اذا كانت تعبانه او قديمه وطقم اصلاح للكربوريتر وكاله اذا كان كامل او نص بخاخ 0
واهم شين تبدل فلتر البنزين وتفحص الشوك وحياك الله 0

[أبو أسماء]

جزاك الله خير أبو أسماء
السيارة طفت على طول بدون ماتقطع وفعلا لما ادور السلف يدور معي بس المكينة ماتشتغل وكلمت الوكالة قبل شوي وقالوا مابعد فحصوها لان عندهم زحمة واي تطورات ابخليك في الصورة
اما موضوع الحرارة اقول شورك وهداية الله ابخليه زي ماهو.
وشكرا مرة اخرى
مرحبا صهيد كلامك تمام طفت مره وحده يعني دائرة الاشعال اكيد هي السبب الي عطل السياره بس ارجو انك تسمحلي انا ما ادري وين الخلل بالضبط لان دائرة الاشعال مصايبها كثير شوف والله العضيم وانا الحين قاعد اصلح ديلكو سيارة اخوي شفر 95 طفى الموتر عليه وجاب السياره بونش بوقت متاخر واليوم الصبح لما كشفت الكبوت او مالقيت طرمبة الماء مهربا ماء وجاي على الديلكو وحارقه والله كذا نقطه وتكلفت القطع توني شاريهن تقريبا ما يعادل 850 ريال سبحان الله كم نقطة ماء طيرت 850 ريال شي يضحك اخوي شوف الوكاله شنو يقولولك ورد قلي وانشاء الله بسيطه 0

[أبو أسماء]

الله يجزاك كل خير يا أبو أسماء على مساعدة أخوانك.

وعندي سؤال عن سيارتي الباترول 96 وماشية فوق (300الف) وحقيقة أني اراعيها كثير والسياره ما عليها وخرابها ماهو واجد بس من تالي صار كل فتره يحصل تهريب في أحد خراطيش الماء(الليات) وخاصة اذا كنت ماسك خط طويل مع أن الحرارة ما توصل الربع عادتاً ومركبله مراوح كهرب.
سؤال هل هذا نتيجة القدم وتيبس الخراطيش أو هناك سبب أخر يمكن معالجته.

شاكر ومقدر حسن تجاوبك...............
ابو فالح مرحبا فيك ويخوك سامحني والله اني تفاجئة بموضوعك توني اشوفه لاني كنت في الصفحه 11 وامس مادخلت للمنتدى
اخوي تقول تصير معاك تهريبات يمكن نظام التبريد عندك في صدا او اوساخ تسبب زيداه في ضغط الجموعه وبتالي انفجار لااضعف نقطه تكون مصديه او تكون ضعيفه فلاسات خراطيش طرمبه راديتر جونات الماء خراطيش الدفايه الخ واذا كانت دائرة التبريد اوكي وفيها مضاد للصدا ومضاد للتجمد ( الاخضر او الاحمر ) ومحافظ على غسيل الدائره كل فتره فتكون الخراطيش عندك تعبانه او القفايص تكون مو مشدود تمام افحص الخرطوش بالضغط عليه من ناحية الليونه الزائدة او الانتفاخ او الشقوق الصغيره وكما تفضلت تكون ميبسه من الحراره وهي قطع تستبدل ولها عمر افتراضي بدل الخراطيش وافحص مكان دخول الخراطيش الاكواع لا تكون متاكله نظفها بورق سنفره ناعم وادهن الخرطوش الجديد بشويت شحم من الداخل واستعمل القفايص العاديه مو ام سلكين يسبب تلف الخرطوش والتهريب ونصيحه خل معاك دائما خراطيش احتياط حتى لو قديمه وافحص غطاء الرديتر والياي الي داخله واذا شككت بامره بدله لانه يسبب بعض المرات اذا كان مو مضبوط ارتفاع في الضغط للمجموعه حتى لو كانت سليمه وشيك على اكواع الرديتر فوق وتحت وكوع البلف ونظف المجموعه بالماء وعب ماء اخضر جديد
وانشاء الله دائرة التبريد عندك مشاء الله اوكي دام مافي حراره مجرد تهريبات ناتجه عن قطع قديمه لها عمر افتراضي تبدل بعده وابعد الخراطيش عن الاشياء المتحركه مثل الغيشات والبكرات والاشياء الحاده الي تسبب خزقها اوتلفها وان شاء الله خير وحياك الله 0

[ابو فالح]

الله يعطيك العافيةعلى هالمعلمات القيمة وان شاء الله أني بفحص الكلام الي قلت عليه وبغير ماء التبريد وانظف الراديتر.
شاكر ومقدر تجاوبك يالغالي......... :good:

[جذع رمث]

أبو أسماء مشكور على هالراي بخصوص الجمس 96 و لقد غيرت البواجي وفلتر البنزين منذ فترة ، و ودي تدلني على ميكانيكي ماهر ممكن يحل المشكلة في الرياض اذا كان عندك معلومات ، مع جزيل الشكر والسلام عليكم

[المميـز]

السلام عليكم

كيف الحال اخوي ابو اسماء

عندي سؤال الله لايهينك بخصوص صرفية البنزين ( الصرفيه عندي زاااااايده بشكل رهيب علما بأن تانكي موتري يمشين 400 كم على سرعة 140 اما الحين على سرعة 140 يمشيني 250 كم فما ادري وش الحل ؟؟؟ غيرت البواجي ولا فاد !!!!! فهل في شيء ثاني اغيره ؟؟؟ < نوع السياره فورد رينجر 2001 دفرنسين 4 سلندر> ارجو الافاده )

[ابو بريك]

أخوي ابو اسماء بعد التحية والآحترام . انا عندي قراند شيوكي وذا حطيتة بالريوس اسمع صوت دقة قوية ورحت للميكانيكي واحد قال كراسي القير وبعدين واحد قال الصليب وبعدين شيكت على الصليب وطلع مضبوط.وحيرني هذة الورش.ارجو الافادة بارك اللة فيك

[أبو أسماء]

أبو أسماء مشكور على هالراي بخصوص الجمس 96 و لقد غيرت البواجي وفلتر البنزين منذ فترة ، و ودي تدلني على ميكانيكي ماهر ممكن يحل المشكلة في الرياض اذا كان عندك معلومات ، مع جزيل الشكر والسلام عليكم
اهلا وسهلا فيك اخوي تقول بدلة البواجي وفلتر البنزين منذ فتره الحين اقدر اكدلك ان الشوك الاوتوماتيكي فيه خلل يلزمك تصفية الموتر ويمكن يكون الاشوك فيه اتربه او كربون تعيق عمله فيلزم التنظيف وانصح بتديل اسلاك البواجي اذا احتاج الامر لان في بعض الاحيان تكون في اسلاك فيها خلل يسبب عدم اشتغال بعض السلندرات وتكون الكربون والدخنه وعدم الاشتعال السليم للمخلوط ودلالة ذالك الرائحه الي قلت عليها اما موضوع ادلك على ميكانيكي اسمحلي يخوك انا مو من المملكه بس الشغله بسيطه اي ميكانيكي اشترط عليه انه يضبطلك الاشوك وتصفية الموتر وتبلغه بالمشكلتين قبل لا يشتغل في السياره وقله اذا ما ضبط الموتر مافي دراهم وسامحني على القصور يخوك ومع السلامه 0

[أبو أسماء]

السلام عليكم

كيف الحال اخوي ابو اسماء

عندي سؤال الله لايهينك بخصوص صرفية البنزين ( الصرفيه عندي زاااااايده بشكل رهيب علما بأن تانكي موتري يمشين 400 كم على سرعة 140 اما الحين على سرعة 140 يمشيني 250 كم فما ادري وش الحل ؟؟؟ غيرت البواجي ولا فاد !!!!! فهل في شيء ثاني اغيره ؟؟؟ < نوع السياره فورد رينجر 2001 دفرنسين 4 سلندر> ارجو الافاده )


السلام وعليكم يالمميز وحياك عزيزي موضوع الاستهلاك العالي للوقود عندك في السابق كان الوضع اوكي وتالي حسيت بزيادته زياده كبيره وهناك اسباب تودي الي استهلاك الوقود بشكل كبير وراح اذكرها لك والله يعينك ورجعها
1- فلتر الهواء وسخ ويسبب كتم المحرك وشفط وقود اكثر 2- لا يحدث اشعال في بعض السلندرات بسبب عطل في الكويلات او اسلاكها 0 انزلاق الكلاتش اذا كانت جير عادي (تزحيط الكلاتش ) 3- الرحلات القصيره والوقوف المتكرر بسبب الازدحام 4- ارتفاع درجة الحراره تودي الي تبخر كميات من الوقود وعدم الاستفاده منها 5- عطل في دائرة الاشعال (الشراره متاخره ) 6- عيب في طرمبة البنزين (ضغطها عالي افحصها بجهاز الساعه) 7- زيادة تبريد المحرك ( شبك المراوح او خلع بلف الحراره 8- عيب في صمام التشغيل البارد معلق او في الشوك
زيادة سرعة الحرك ضبط سئ للمخلوط مسمار الهواء والوقود كان ميكانيكي متعبث فيه 9- ارتفاع حرارة المحرك عن الحد الطبيعي بقليل تؤدي الي تبخر الوقود من الحراره قبل الدخول للثلاجه 10- انسداد في الاكزوز ولو جزئي ارتطام احد المواسير بحجر 11- تركيب اطارات اكبر مقاس من المطلوب 12- وجود فصل في احد خراطيم الخلخله عند الثلاجه او مكان اخر ( وهناك مشاكل اخرى تؤدي لزيادة استهلاك الوقود بس انشاء الله ماهي عندك بس حبيت اذكرها لك ومنها نقص الهواء بالاطارات ووجود عيب في الصبابات او خلل في غطاء خزان الوقود فتحت التهويه او وجود تهريب في خزان الوقود شعر ( شرخ صغير غير باين ممكن يكون في جلدة طرمبة البنزين او الخرطوش والبنزين يعتبر من المواد الطياره سريعة الاشتعال والتبخر ) 0

[**الصقر**]

مرحبا اخوي الصقر تقول ان الباب الخلفي يبين انه مفتوح في المسنجر بورد ( اللوحه ) اخوي افتح الباب الخلفي ودور على كابس صغير واذا لقيته حاول انك تدفعه بيدك وشوفه اذا تحرك للداخل واذا ما طفت اللمبه يكون معلق والعطل في نفس الدقمه بس قبل كل شي افصل سللك البطاريه وانتظر شوي وركبه وشوف اذا ما طفت اللمبه فك القطعه وراح تلاقي فيها سلك واحد وصله مع البودي في مكان خلي من الصبغ واذا طفت اللمبه يكون العطل في الدقمه وممكن يكون موديل السياره الي عندك من النوع اللي يحتوي على وحده تعمل بالزئبق نفس اللي تكون بكبوت السياره وتكون راكبه على الباب نفسه افصل السلكين ووصلهم مع بعض اذا طفت اللمبه يكون العطل في الحساس اوتكون شغله في الباب الخلفي مو مضبوطه او ربله خارجه من مكانها 0





أخوي أبو أسماء دورت على الكابس الصغير ما لقيته ياليت تشوف أي سيارة بليزر وتتأكد من الموضوع

لأن وديته لبالبيد قال تخلي السيارة عندنا وبعد اسبوع نشوف وش المشكلة

اخوك الصقر

[أبو أسماء]

أخوي أبو أسماء دورت على الكابس الصغير ما لقيته ياليت تشوف أي سيارة بليزر وتتأكد من الموضوع

لأن وديته لبالبيد قال تخلي السيارة عندنا وبعد اسبوع نشوف وش المشكلة

اخوك الصقر
السلام وعليكم مافي مشكله والشغله عاديه اي كهربائي يقدر يوريك اياه بس اكون صريح معاك انا ما ادري وينه بس قلتلك يا يكون على شكل طقمه تكون في النص او احد الجوانب او يكون من النوع الزئبقي السائل ويكون معلق على احدى جوانب الباب والوكاله نصابين بكره يقولولك بدل الباب كله ويطلعون لك مليون شغله والشغله بسيطه

وانا راح اشوفلك اي واحد من الشباب عنده بليزر واقولك وحاضر وتامر 0


ملاحظه شوف ممكن يكون من النوع الي يجي داخل القفل الحلقه الي في الباب اخر الباب تحت وشوف الياي الي داخل القفل يمكن معلق

[المميـز]

السلام وعليكم يالمميز وحياك عزيزي موضوع الاستهلاك العالي للوقود عندك في السابق كان الوضع اوكي وتالي حسيت بزيادته زياده كبيره وهناك اسباب تودي الي استهلاك الوقود بشكل كبير وراح اذكرها لك والله يعينك ورجعها
1- فلتر الهواء وسخ ويسبب كتم المحرك وشفط وقود اكثر 2- لا يحدث اشعال في بعض السلندرات بسبب عطل في الكويلات او اسلاكها 0 انزلاق الكلاتش اذا كانت جير عادي (تزحيط الكلاتش ) 3- الرحلات القصيره والوقوف المتكرر بسبب الازدحام 4- ارتفاع درجة الحراره تودي الي تبخر كميات من الوقود وعدم الاستفاده منها 5- عطل في دائرة الاشعال (الشراره متاخره ) 6- عيب في طرمبة البنزين (ضغطها عالي افحصها بجهاز الساعه) 7- زيادة تبريد المحرك ( شبك المراوح او خلع بلف الحراره 8- عيب في صمام التشغيل البارد معلق او في الشوك
زيادة سرعة الحرك ضبط سئ للمخلوط مسمار الهواء والوقود كان ميكانيكي متعبث فيه 9- ارتفاع حرارة المحرك عن الحد الطبيعي بقليل تؤدي الي تبخر الوقود من الحراره قبل الدخول للثلاجه 10- انسداد في الاكزوز ولو جزئي ارتطام احد المواسير بحجر 11- تركيب اطارات اكبر مقاس من المطلوب 12- وجود فصل في احد خراطيم الخلخله عند الثلاجه او مكان اخر ( وهناك مشاكل اخرى تؤدي لزيادة استهلاك الوقود بس انشاء الله ماهي عندك بس حبيت اذكرها لك ومنها نقص الهواء بالاطارات ووجود عيب في الصبابات او خلل في غطاء خزان الوقود فتحت التهويه او وجود تهريب في خزان الوقود شعر ( شرخ صغير غير باين ممكن يكون في جلدة طرمبة البنزين او الخرطوش والبنزين يعتبر من المواد الطياره سريعة الاشتعال والتبخر ) 0




مشكووووور اخوي ابو اسماء على المعلومات اللي قلتها

الحمد لله ماعندي اي مشكله من المشاكل االلي ذكرتها الا يمكن هذي
- فلتر الهواء وسخ ويسبب كتم المحرك وشفط وقود اكثر 2- لا يحدث اشعال في بعض السلندرات بسبب عطل في الكويلات او اسلاكها 0 انزلاق الكلاتش اذا كانت جير عادي (تزحيط الكلاتش )

فلتر الهواء من اشتريت السياره ولها اربع سنين ماغيرته بس انظفه كل ثلاث شهور تقريبا
وبالنسبه لأسلاك الكويلات ؟ يمكن تقصد اسلاك البواجي بالنسبه لها معمري غيرت الاسلام لانهم قالوا ماتتغير الا اذا السياره صارت تقطع!!!!!!

انزلاق الكلتش؟؟؟؟ وش معناها ؟ هل تقصد بأنه غير موزون ؟

الله يجزاك خير

[الفيافي]

الله يجزاك خير ياخوي
ردد سبحان الله وبحمده سبحان الله العظيم

[السرحال]

السلام عليكم ورحمة الله وبركاته
ان عندي زيما قلت كابريس موديل الفين
فيه تهريب في زيت المكينه وانا غيرت صوفة الجربوكس ووجه الكرتير
وعقبها هرب زيت بعد
يليت تتفضال وتقولي وشهي اماكن تهريب الزيت في المكينه

[جذع رمث]

اخوي ابو اسماء ما قصرت وبيض الله وجهك

[أبو أسماء]

مشكووووور اخوي ابو اسماء على المعلومات اللي قلتها

الحمد لله ماعندي اي مشكله من المشاكل االلي ذكرتها الا يمكن هذي
- فلتر الهواء وسخ ويسبب كتم المحرك وشفط وقود اكثر 2- لا يحدث اشعال في بعض السلندرات بسبب عطل في الكويلات او اسلاكها 0 انزلاق الكلاتش اذا كانت جير عادي (تزحيط الكلاتش )

فلتر الهواء من اشتريت السياره ولها اربع سنين ماغيرته بس انظفه كل ثلاث شهور تقريبا
وبالنسبه لأسلاك الكويلات ؟ يمكن تقصد اسلاك البواجي بالنسبه لها معمري غيرت الاسلام لانهم قالوا ماتتغير الا اذا السياره صارت تقطع!!!!!!

انزلاق الكلتش؟؟؟؟ وش معناها ؟ هل تقصد بأنه غير موزون ؟

الله يجزاك خير
اخوي تقول اربع سنين ماغيرته وهذا غلط لان التنظيف لايكفي لان الفلتر مع الوقت تلاقيه يبس وينكمش ولو قليل ويسبب دخول اتربه الي المحرك والاضرار بلسلندرات والبساتن وتحدث عملية السنفره لجدار السلندر مع تراكم الاتربه والكربون على البخاخات او الكبريتور وسدها وتلاقي الوقود الداخل للمحرك على شكل تسييل ولايس رذاذ 2- عدم اشغال سلندر او اكثر يسبب عدم حرق الشحنه وتلاقي المحرك يا يخرجها اذا لم تحترق الي حوض زيت المحرك عبر الشنابر ( رنجات البساتن ) وتعمل على عملية غسل السلندر من طبقة الزيت والاضرار بالمحرك وسحبها كذالك عن طريق نظام تهوية المحرك ( pcv ) ودخولها للمحرك مره اخرى وتصير عملية السحب دبل لازم تكون الشراره متوفره ميه ميه وموزعه على جميع السلندرات بالتساوي وبالوقت المحدد عن طريق نظام الاشعال والتقسيمه واسلاك الواجي تتغير حتى لو كانت جيده لها عمر افتراضي ارجع الي كتيب الصيانه وجهاز الاشعال المكون من (الكويلات او الدياكو والملف الكهربائي الكويل والبواجي الخ ) يعتبرن الجهاز العصبي للسياره مثل الجهاز العصبي في جسم الانسان ومجموعة الوقود والهواء تعادل في جسم الانسان الرئتين جهازين هم قلب المحرك اذا كانن سليمين كانت السياره على مايرام 3- اما موضوع تزحيط القابض (الكلاتش ) اذا كان نص عمر يسبب رداءه في العزم ويتطلب منك الامر زيادة سرعة المحرك عن الحد للتغلب على ضروف التشغيل والطريق يعني اذا الكلاتش مو قوي ويعطي قوة جر كافيه مع سرعة محدده من المحرك فالمحرك يحتاج قوه اكبر للتغلب على الدوران للكلاتش وزيادة الدعس للوقود وفي مشاكل اخرى على فكره ماذكرتها لك اخي العزيز وانشاء الله ماهي عندك مثل ( عيب في صبابات المحرك - الديلكو فيه عيب ( فضاوه ) الملف الكهربائي - البواجي مو مطابقه للمواصفات عيب في منظم الوقود والخط الراجع - سخونة المحرك - مشاكل ميكانيكيه داخل المحرك - بخاخ او اكثر فيه عطل يسبب التسييل ولايس الترذيذ - تحميل السياره بااوزان زائده -الخ وسمحنا طولنا عليك 0

[أبو أسماء]

[QUOTE=عاشق الدتسن]السلام عليكم ورحمة الله وبركاته
ان عندي زيما قلت كابريس موديل الفين
فيه تهريب في زيت المكينه وانا غيرت صوفة الجربوكس ووجه الكرتير
وعقبها هرب زيت بعد
يليت تتفضال وتقولي وشهي اماكن تهريب الزيت 0
السلام وعليكم عاشق الددسن موضوع الزيت الي يهرب عندك اكيد شي غير مضبوط حصل قبل وبعد التصليح وحاضر راح اقولك كل الاماكن الي يهرب منها الزيت بس قبل كل شي تقدر تسوي فحص بسيط يحللك المشكله ويريحك اول شي تحدد ماكان التهريب وهل هو من المحرك من الاعلى او من اسفل المحرك وهذا يتطلب منك غسل المكينه غسيل جيد بالمواد المذيبه للشحم من تحت السياره ومن الاعلى ناحية المحرك وبعدها وقف السياره على ارض مستويه سيده وحط تحتها ورق ابيض على امتداد السياره وخالها لحد الصبح ولاحظ مكان النقط او التسرب من اي مكان اخر المحرك او في المنتصف او في بدايته اما اذا كان الامر مجرد تبخير فهذا شي عادي وطبيعي اما الاماكن المحتمل حدوث فيها تسرب فهيا 0
1-
1-جبنة الكرنك الاماميه والخلفيه 2- كاسكيت الكرتير اوحدوث اعوجاج او قطع عند التركيب والشد الغير صحيح للبراغي وعدم التساوي او لكسر في البراغي 3- سيخ عيار الزيت من الاسفل اخر يكون راخي او ربلته معطوبه 4- غطاء تقسيمة المحرك ( غطاء جنزير الصدر ) الكسكيتات التابعه له تحت وفوق او وجود شعر فيه 5- سنسر ضغط الزيت يكون واشره تعبان او المسنن 6- مكان تركيب فلتر الزيت او السن الخارجي له 7- سدة الزيت واشرها والمسنن الداخلي والخارجي 8- الجوان الخلفي للكرتير والامامي على شكل هلاله يكون 9- تهريب من الديلكو واشره 10- تهريب من كسكيتات الثلاجه جميع الاتجهات 11- تهريب من نظام تهوية المحرك بلف بي سي في على غطاء الصبابات 12- تهريب من كسكيتات اغطية الصبابات او غطاء الزيت 13 - تهريب من فلسات الزيت طبات التمدد للزيت او من اغطية التنظيف للمحرك وتستخدم لعملية تنظيف مجاري الزيت في رواس المحرك والسلندرات 14- تهريب من كاسكيتات راس المحرك 15 - تهريب من صمام الامان الموجود بجانب فلتر الزيت تقريبا هاذي كل الاماكن الي يهرب منها الزيت بحسب خبرتي وفكي لكثير من مكاين شفرات كنت الاحظ كثر التهريب من هاذي الاماكن ولو اني خايف يكنون عاوجيلك وجه الكرتير ناحية الكاسكيت او تركيب الكاسكيت مو في مكانه الصحيح وطابق عليه الكرتير وطالعه اطرافه للخارج او الداخل او البراغي مو مشدوده 0

[أبو أسماء]

أخوي ابو اسماء بعد التحية والآحترام . انا عندي قراند شيوكي وذا حطيتة بالريوس اسمع صوت دقة قوية ورحت للميكانيكي واحد قال كراسي القير وبعدين واحد قال الصليب وبعدين شيكت على الصليب وطلع مضبوط.وحيرني هذة الورش.ارجو الافادة بارك اللة فيك
مرحبا فيك عزيزي عشان تريح راسك بدل الصلايب حتى لو انك تقول مافيها شي هذا شي انشاء الله سعره مو غالي وهي قطع مستهلكه ومشاكلها كثير بدلها وشوف وفي نفس الوقت دور على واحد يفهم وخله يشيك على الكراسي مع اني الي اعرفه ان الكراسي يطلع صوتها مو بس بالريوس بس ممكن تكون عندك فضاوه في الدفرنش واحسن طريقه تسويها ارفع السياره وخل احد دخلها ويفضل عند مغسله لان جيكاتهم ترفع اكثر وخل مساعدك يشغل بينما انت تحت السياره ويضع على الريوس اكيد راح تحدد مكان الصوت ممكن يكون في الجير او في الكردان وصلايبه او في الباك اكس وبلغني وين مصدر الصوت وانا حاضر ولاحظ عند النقل للريوس كراسي الجير هل الجير ينفض حيل او يتحرك الي الاعلى او الاسفل بحركه غير طبيعيه واذا كان كل شي سليم تكون المشكله الي عندك في عيار الكيب كابل وهاذي تتطلب ميكانيكي له خبره كبيره في مجال الجير الاتوماتيك واذا محد عرف العيار حاضر مستعد اشرحلك الطريقه ومع السلامه 0

[صيهد]

اخي أبو أسماء
بخصوص السورينتو
راجعت الوكاله وقالوا ان الجنزير انقطع وهو الي سبب انطفاء السيارة المفاجئ مع العلم ان حسب جدول الصياتة المعتمد لديهم يقول ان تغيير الجنزير لسيارات السورينتو كل 100 الف كم وسيارتي ماشيه بس 70الف كم.
التكلفه قالو في حدود 2500 ريال لانه لازم يغيرون طقم كامل حسب كلامهم.
وشكرا

[أبو أسماء]

اخي أبو أسماء
بخصوص السورينتو
راجعت الوكاله وقالوا ان الجنزير انقطع وهو الي سبب انطفاء السيارة المفاجئ مع العلم ان حسب جدول الصياتة المعتمد لديهم يقول ان تغيير الجنزير لسيارات السورينتو كل 100 الف كم وسيارتي ماشيه بس 70الف كم.
التكلفه قالو في حدود 2500 ريال لانه لازم يغيرون طقم كامل حسب كلامهم.
وشكرا
مرحبا صهيد والله ما ادري شقولك بجد زعلني موضوعك يوم قريته ما كنت متوقع الجنزير مقطوع حسب ما قالولك الوكاله كنت متوقع عطل بسيط كهرباء او غيرها بس طلع جنزير الصدر وانشاء الله غدا الشر وسهلات بس السعر غالي جدا بالحيل يعني مايعادل 200 دينار كويتي هذا تجفيت مكينه كامله والله سعر غالي توني قبل اسبوعين جاني واحد معاه دودج انتربيد 97 ماتشتغل ولما فحصتها طلع الجنزير مقطوع بدلت الجنزير وشغلت السياره صارت اترتر وتقطع ومفيها عزم عرفت ان الصبابات فيها شي وفعلا طلع فيها ثلاث صبابات معوجين بدلت الصبابات مع تركيب الجنزير والسياره ميه ميه اخذت منه على تركيب طقم صبابات كامل وعمل جراين مع تركيب الجنزير وكسكيتات الروس وانا الي جايب القطع وشغل ايدي 1000 ريال 80 دينار وعلى شنو 2500 ريال ترى الجنزير الربل يعتبر من القطع الخارجيه في المحرك وتركيبه ترى ماهو صعب مثله مثل اي غايش في المكينه هي شغله وحده تسويها تضبط التقسيمه علامات التوقيت على صدر المكينه وتركب الجنزير على اعمدة الكامات وعلى بكرت الكرنك وتشد الشداد مو مثل الجنزير الحديد الي في بطن المكينه هذاك هو المصيبه وحاذر اذا ركبته في الوكاله ترى ممكن يقولولك طلعت الصبابات مطعوجه دام ما طلع معاك صوت في المكينه مافيها شي وماعليك منهم كلهم نصبين جنزير انا اركبه بساعتين يقولولك 2500 ريال والله نصب انا اشور عليك اذا انه مو مشمول الكفاله الجنزير ركبه خارج الوكاله اذا كان سعر الجنزير 500 ريال وماراح يكلفك شي وشغلته سهله ترى بعض الكهربائين يركبونه والله مافيه اي مشكله ولا يعتبر قطعه داخل المحرك وبعدين ماتعدى المسافه الي يتبدل بعدها تقدر تحجهم فيها دام انك ملتزم في فترات الصيانه الدوريه وشدعوا يسون صيانه يعبون ماء المسحات ويغيرون زيت المكينه وماء البطاريه ويمسحون المكينه بفوطه ويقولولك 700 ريال بدلنا وبدلنا وهم ولا سوو اي شي واذا خربت قطعه تعال ادفع هاذي مو على الكفاله ونصب ودجل والله يعينك وما عليه وانا اخوك وسهلات انشاء الله
قارن السعر برا في الورش العاديه مع سعر الوكاله وشوف الفرق وانا اقولك تطمن تركيبه برا ما فيه اي خطوره
القطعه وكاله 0

[المميـز]

مشكوووووووووور ابو اسماء وماقصرت

راح افحص على الكلتش وراح اغير اسلاك البواجي وفلتر الهواء

واعلمك بكل شيء يصير اول باول

[عليمي2000]

اخي الكريم ابو اسماء
السلام عليكم ورحمة الله وبركاته
اشكرك على سعة صدرك واسال الله لك التوفيق والسداد
وسؤالي كالتالي :
انا شريت باترول موديل 95 خليجي نظيف بالمرة
لكن لاحظت عليه المطبات يأخذها تقول ماكن فيه مساعدات ، غيرت مساعدات بلده بنوع قالوا لي انه زين واسم شركته مونرو لونه اصفر خاص بسيارات الدفع الرباعي وركبته ولا تغير شيء ، جيت باغير اليايات قالوا لي مالها دخل بقوة المطب ،
اخي الكريم مابقى الا اليايات اللي اشك فيهم ولا غيرتهم .
وش رأيك أغير اليايات والكفرات ؟
الكفرات تراها برجستون
ارجو ان تشير علي ماذا افعل ، وشكرا

[أبو أسماء]

اخي الكريم ابو اسماء
السلام عليكم ورحمة الله وبركاته
اشكرك على سعة صدرك واسال الله لك التوفيق والسداد
وسؤالي كالتالي :
انا شريت باترول موديل 95 خليجي نظيف بالمرة
لكن لاحظت عليه المطبات يأخذها تقول ماكن فيه مساعدات ، غيرت مساعدات بلده بنوع قالوا لي انه زين واسم شركته مونرو لونه اصفر خاص بسيارات الدفع الرباعي وركبته ولا تغير شيء ، جيت باغير اليايات قالوا لي مالها دخل بقوة المطب ،
اخي الكريم مابقى الا اليايات اللي اشك فيهم ولا غيرتهم .
وش رأيك أغير اليايات والكفرات ؟
الكفرات تراها برجستون
ارجو ان تشير علي ماذا افعل ، وشكرا
السلام وعليكم اخوي ومرحبا فيك اول شي احب اذكرلك ايها عن مجموعة التعليق ان المساعد يكمل الياي اي ان المساعد لازم يكون قوي وبنفس الوقت لازم يكون الياي قوي كذالك كلن يكمل الثاني تقول يضرب المطبات كان مافيه مساعدات وهذا يدل على عيب في مجموعة التعليق مو شرط تكون من المساعدات واليايات بس تقول اليايات شاك فيها قبل ماتبدلها افحصها من ناحية الليونه او الكسر يكون غير باين بض المرات او يكون صاحبه ملين السبرنجات بالاكسجين لانه مو راعي بران وطعوس ويبي الموتر يكون لاهو مرتفع ولا نازل وغلطتك انك غيرت مساعدات من غير يايات بس بقولك على شغلات شيك عليها مره وحده دامك بتغير اليايات
1- افحص الجلب المطاطيه السميكه تكون في نهاية ذراع المساعدات بالشاصي او في اليايات اذا تاكلت هذي الجلب او طاحت من محلها او انفصلت فان المساعدات لان تعمل بكفاءة ولا اليايات وبالتالي يصبح سير السياره اقرب القفز والمطامر خاصه عند المطبات والشغله الثانيه افحص المقصات (الكنترول ارم )السفلي والعلوي وبوشتها وبوشات الهيئه الاماميه وفي بوشات لعمود التوازن الخلفي افحصها وافحص مكان ما يركب المساعد البدي ليكون متاكل وشيك على براغي ليكون رخيات وافحص بوشات الجسر الامامي شيك على الهيئه الاماميه والخلفيه اذا بدلت اليايات ومانفع وانشاء الله خير واذا بدلت اليايات ومراحت المشكله بلغني اقولك على بعض المشاكل الاخرى الي تحتاج فحص بدل اليايات اول شي وشوف وبالمره افحص ( جلب المساعدات ضروريه جدا ) وبالنسبه للكفرات اقولك ترها مالها شغل بالموضوع هذا لاتغيرها بس راجع مستوى الهواء وخله متعادل بكل الكفرات ولا يصير زايد وسهلات انشاء الله ولا تحاتي 0

[ابورشيد]

اخوي ابو اسماء
انا عندي جيب gxr موديل 97 فيه مشكلتين
الاولي هي الصرفيه الغير طبيعيه وغيرناله اصلاح كربريتر ولكن المشكله زادت
الثانيه انه جته صدمه من الخلف وانعفط الشاصي فوق الكفر الخلفي الايمن وبعد السمكره صار فيه هزه بالموتر في الجهه الخلفيه كأن احد يهزه مع الجنب من الخلف تعبني بالحيل
غيرت الكفرات وغيرت المساعدات واليايات لكن مافيه فايده حطيت مساعدات استراليه لكن كانت قويه بالمره وخفت تخرق لي البودي فكيتها وبالاخير ركبت يايات استراليه لكنها كانت قاسيه جدا وعاليه جدا لكنها مسكت الموتر
ملاحظه الشاص مازال معفوط ورحت لبن مرضاح وقال اصلحه لك بثمانية الاف

[أبو أسماء]

اخوي ابو اسماء
انا عندي جيب gxr موديل 97 فيه مشكلتين
الاولي هي الصرفيه الغير طبيعيه وغيرناله اصلاح كربريتر ولكن المشكله زادت
الثانيه انه جته صدمه من الخلف وانعفط الشاصي فوق الكفر الخلفي الايمن وبعد السمكره صار فيه هزه بالموتر في الجهه الخلفيه كأن احد يهزه مع الجنب من الخلف تعبني بالحيل
غيرت الكفرات وغيرت المساعدات واليايات لكن مافيه فايده حطيت مساعدات استراليه لكن كانت قويه بالمره وخفت تخرق لي البودي فكيتها وبالاخير ركبت يايات استراليه لكنها كانت قاسيه جدا وعاليه جدا لكنها مسكت الموتر
ملاحظه الشاص مازال معفوط ورحت لبن مرضاح وقال اصلحه لك بثمانية الاف
مرحبا ابو ارشيد وخطاك السو وماتشوف شر انشاء الله اول شي سالتني عن الصرفيه الغير طبيعيه للوقود مع انك صفيت المكربن وغيرت طقم اصلاح وما زالت المشكله موجوده هناك عدة مشاكل تسبب زيادة اسهلاك الوقود فوق المعدل ويمكن ذكرتها لاحد الاخوان قبل فتره لاكن معاك تقول انك صفيت المكربن وزادت المشكله بعطيك كذا احتمال وافحصها مع اني شاك في الي فك المكربن يكون ماضبطه بالشكل الصحيح 0
1- اتساع فتحات الرش للمكربن النافورات الداخليه تكون متاكله او تكون مسلكه بسيم او ملعوب فيها عند الفك 0
2- وجود تسربات داخل في الكربن نفسه بسبب تركيب الجونات بشكل خاطئ 0
3- ارتفاع مستوى العوامه (عوامة الوقود ) داخل الكربن وعدم ضبط عيارها او تكون ابرتها معلقه لتركيبها بشكل مو مضبوط وانا اتوقع العطل في العوامه اكثر شي 0
4- الوقود الداخل للمكربن زايد عن الحد بسبب ارتفاع ضغط طرمبة البنزين افحصها بالساعه الخاصه 0
5- مستوى الخليط البنزين والهواء في المكربن غني كثيرا جدا بسبب تعليق الشوك شغال او يكون مو مضبوط عياره او عيب في توقيت الاشعال يكون العيار الشراره متاخره بسبب ضبط الديلكو ضبط غير صحيح
6- بلف مضخة السرعه داخل المغذي معلق مما يسبب تسرب الوقود خلاله وزيادة شفط الوقود من حوليه 0
وانصحك ترجع للي فك المكربن وتخليه يفكه غصب عنه ويضبطه لك وادري تلاقيه عليمي وخله اهم شي يشيك على ضغط الطرمبه وعلى العوامه وعلى الشوك الاتوماتيكي وعيار الديلكو والنوافير الداخليه الخ 000
واذا مانفع انصحك تبدل المكربن من التشليح وتريح راسك والله يعينك
اما موضوع الهزه الي في خلف الموتر اقولك اي شي يحصل للشاصي ياثر تاثير واضح على السياره اذا ماضبط بالشكل الصحيح الكفرات ما تقعد اكثر من شهر تلاقها راحت وهذا غير الاحساس بخشونة الموتر واهتزازه من كل جانب وهذا ابو ثمان الف يبيله ثمان الف غايش يتقطعن على ظهره وراسه وين قاعد هذا والله لو بيصب شاصي جديد ما سواه بهذا السعر خله يولي واذا بغيت وانا اخوك اوديك لملك الشواصي عندنا (صلاح اللبناني ) معدل 14 ضربه في شاصي مرسيدس حوت 4100 ريال تقريبا وراجع الشاصي يمكن ضربته بسيط لان الاند فيه جيكات صدام وقضبان فولاذيه وشاصيه قوي حيل من الصلب المطروق بس ما ادري كان الضربه كانت قويه بس افحص اللي بقولك عليه بالسياره من الخلف وانشاء الله خير 0
1- افحص الجسر الخلفي ليكون مفتول او بوشاته متقطعه 2- افحص الجنوط الخلفيه وشوف اي انحراف فيهن عند مخرطه 3- افحص عمود التوازن الخلفي ليكون ماكل ضربه 4- افحص الشيالات الخلفيه 5- افحص ربلات الشاصي اللي تكون بين الشاصي والبودي 13 ربل تقريبا وتتاثر من الحوادث 6- افحص الاكس الخلفي وفلانشته ودورانهن بشكل صحيح 7- افحص المكان اللي يقعد عليه اليايات الشيال والبدي لا يكون منحرفان 8- افحص عمود الكردان اذا كانت الضربه قويه لا يكون فيه عوج عند مخرطه وراجع الربلات الخلفيه عامه وبلغني وانشاء الله خير

[غالي]

يالله ان يجزاك بالجنه ومن شاف ومن كتب اخوي ابو اسماء
ماقصرت على ردودك لي وعلى الاخوان
كثر الله خيرك ووفقك الله فيما يحب ويرضا
ولانستغني عن ردودك ومعلوماتك اخوي
وانشاء الله في سؤال اخر
<--------- راعي طويله الاخ :)

[ابوعبدالله678]

السلام عليكم ورحمه الله وبركاته

اخوي ابو اسماء

اشكرك على جهدك وآمل ان تفيدني بإذن الله تعالى

سيارتي باثفايندر 2003 At المشكله صوت طقه حول منطقة الكفرات الأمامية مع المطبات فقط

ويكون الصوت قوي جداً عندما تكون السيارة بارده اي في الصباح الباكر

وعندما يدفأ الجو يخف الصوت قليلاً .

و السلام عليكم ورحمه الله وبركاته

[أبو أسماء]

يالله ان يجزاك بالجنه ومن شاف ومن كتب اخوي ابو اسماء
ماقصرت على ردودك لي وعلى الاخوان
كثر الله خيرك ووفقك الله فيما يحب ويرضا
ولانستغني عن ردودك ومعلوماتك اخوي
وانشاء الله في سؤال اخر
<--------- راعي طويله الاخ :)
السلام وعليكم ورحمة الله وبركاته واهلا وسهلا فيك اخي العزيز احب اشكرك على اسلوبك الراقي في التخاطب مع الاخرين ورحم الله والديك ومشكور جدا على هذا الكلام العسل ويا خوك ترى والله اني افرح اذا احد كتبلي يسالني عن اي سؤال متعلق في الميكانيكا والكهرباء بس اللي الاحظه من بعض اخونا القراء اسئله عن البدي او موضوع متعلق في الكماليات والمشكله انه مو مجال تخصصي بس ما ودي ازعل احد واحاول بقدر المستطاع اني ارد عليه من بعض التجارب وانا واعوذبالله من كلمة انا متخصص في ميكانيكا وكهرباء السيارات ومجموعات التوجيه والتعليق واشتغل في جميع انواع السيارات الماني امريكي وياباني والحمد لله انا مهندس ميكانيكا كانت في البدايه هوايتي وبعدين درستها وحصلت على شهادة فيها بس ما اشغلت بالشهاده وانشاء الله عن قريب سيصدر لي كتاب عن اعطال السيارات واصلاحها يتكلم عن عدة مواضيع تهم اخونا القراء ويشتمل عن محركات السيارات واعطالها وصيانتها والجيرات الاتوماتيك والعادي واعطالها وباب خاص لااعطال الديفرنشات واصلاحها والكهرباء واعطالها ومجموعات التوجيه والتعليق واعطال التبريد والتزيت واعطال محركات الديزل ومحركات التربو واعطالها مع بعض النصائح للاخوان والصيانات اليوميه والدوريه والتعرف على الاصوات في المحرك والجيرات ولابغيت وانا اخوك تسال لاتتردد اسئل على كيفك تراني استانس ولا يسمحولي الاخوان اذا قلتلهم على شي وطلع غير صحيح انا ما شفت السياره لاكن لو يكون تحديد مثل الصوت او مكان العطل بالضبط راح انشاء الله اقوله عن نوع وشنو العطل واسبابه وصيانته وانا ما شاركت في هذا المنتدى الا عشانكم عشان افكم من جشع واستغلال المخربشيه في الصنعيات اللي ما خذين خبرتهم من التبديل بدو وبدو وبدل وشوف شنص مال انتى وبابا هذا غير مايركب وانا كلي لكم وحاضر في اي وقت للاجابه على اي سؤال 0

[صيهد]

مشكور أبو أسماء
للأسف اتفقت معهم قبل مااقرا ردك
قدر الله وماشاء فعل

[أبو أسماء]

السلام عليكم ورحمه الله وبركاته

اخوي ابو اسماء

اشكرك على جهدك وآمل ان تفيدني بإذن الله تعالى

سيارتي باثفايندر 2003 At المشكله صوت طقه حول منطقة الكفرات الأمامية مع المطبات فقط

ويكون الصوت قوي جداً عندما تكون السيارة بارده اي في الصباح الباكر

وعندما يدفأ الجو يخف الصوت قليلاً .

و السلام عليكم ورحمه الله وبركاته

السلام وعليكم اخوي موضوع صوت الطقه القويه الي تسمعها في مقدمة السياره يكون في مجموعة التعليق الاماميه وخاصه في فصل الشتاء تكون الاجزاء بارده مثل الاماكن الي تحتوي على شحم فيها فتلاقي الشحم مايودي عمله لانه يكون بحالة تجمد واذا سخن المحرك وشع حرارته حولين السياره تلاقيه ذاب شوي وقام بعمله من دون صدور اصوات احتكاك الحديد ببعض وهناك اشياء اخرى تسبب الاصوات في البرد مثل اليايات تكون بارده ومنكمشه والمسعدات كذالك تحتوي على زيت بدخلها وكذالك كراسي المحرك الربل يكون منكمش من البروده والشغله عاديه مامنها اي خوف وتطمن بس الافضل انك ترش السياره بمزيل الصدا من الاسفل بعد الغسيل وتشحم الاماكن الي تحتاج تشحيم اذا وجدت ورش اليايات وقطع التوجيه والربلات كلها بمزيل الصدا وما راح تسمع اي صوت انشاء الله وبلغني اذا ما راح الصوت ويا كثر مامرت علي هاذي المشكله لان في المساء تتكون طبقة رذاذ خاصه على الاماكن اللي تكون ساخنه شوي ومع البروده تسبب قطرات الندى على القضبان واليايات والاجزاء المتحركه وتسبب في عملية الفصل للشحم بين القطع المتحركه وعملية الانكماش للربلات فارجو التزيت بمزيل الصدا كل شهر على الاقل لحمايه القطع من التاكل وتكون المواد الكلسيه على القطع وخاصه مجموعة التعليق لانها اكثر الاجزاء المعرضه للاجهدات من الطريق فضلا عن تراكم الاتربه والطين والمياه اللي تكون على سطح الطريق وانشاء الله خير وحياك 0

[أبو أسماء]

مشكور أبو أسماء
للأسف اتفقت معهم قبل مااقرا ردك
قدر الله وماشاء فعل
السلام وعليكم صهيد ما عليه وانا اخوك وسهلات ويمكنها خيره بس اللي مزعلني انهم نصابين وهذاي ما هي سياره تعتبر باهضت الثمن اجل لو كانت فراري او ميسراتي كم كانو خذو 10 الف ريال ما اقول الا لاحول ولا قوة الا بالله وهذا اللي دايم ينخاف منه الاعطال الفجائيه وفي اماكن عسره والله المستعان واذا بغيت اي شي وانا خوك تراني حاضر وما تشوف شر ومع السلامه 0

[ابورشيد]

الله يحرم وجهك ووالديك والمسلمين علي النار
جزاك الله خير اخوي علي صبرك علينا
ولو تكرمت تدلني علي ( صلاح اللبناني)

[صيهد]

مشكور أخي وبارك الله فيك ونفعك بعلمك

[مقام البدر]

السلام عليكم

اخوي ابو اسماء انا ولله الحمد والمنه عندي سيارتين ومابعد واجهت فيهن اي مشكله
تستاهل اني اشغلك معي واخذ من وقتك ووقت الأخوان .
بس وبكل امانه لفت نظري طرحك للموضوع وسرعة تجاوبك مع الجميع
واستقطاع جزء من وقت الثمين لمساعدتهم لوجه الله

فجزاك الله الف خير اخي الكريم ونفعك ونفع بك ..

وبيض الله وجهك ووجيه كل الرجاجيل امثالك


.

[أبو أسماء]

الله يحرم وجهك ووالديك والمسلمين علي النار
جزاك الله خير اخوي علي صبرك علينا
ولو تكرمت تدلني علي ( صلاح اللبناني)
السلام وعليكم اخوي ابو رشيد المعذره ياخوك انا ماني من المملكه نسيت لا اقولك بس اذا تبي عنوان صلاح اللبناني في صناعية الشويخ الكويت بعد دوار الاكسجين ثاني لفه على ايدك اليمين كراج استون بادارة ابو عاطف صلاح وهو معروف ما يحتاج وصف اي واحد يدلك عليه وتراه رجل يخاف الله وبن حلال وشغله تمدحه الوكالات

[محمد2]

السلام عليكم أخوي أبو أسماء ومشكور على جهدك

أخوي عندي لاندكروزر 2003 اتوماتتيك توي شاريه وشك المهندس اللي فحصه بتغييرات القير وقال 99% أن المشكلة من الزيت والفلتر وغيره المالك الأول ورجع المهندس وفحصه وقال الآن سليم لكن شفت القير ثقيل شوي حسيت أن القير فيه مشكلة رحت لمهندس آخر قال لي السيارة مافيها حيل المكينة تحتاج تصفية ورحت لفلبيني قال لي القير عندك فيه مشكلة لكن ماله داعي تصلحه..

القير يغير كل السرعات لكن ماهوعند نفس الأرقام واحيانا يمشي مضبوط ولما أوقف على مدخل البيت وهو طلعة بارتفاع 50 سم تقريباً وبعدين أدعس على البنزين مايقدر الموتر يطلع!!؟؟ نبي فزعتك لحل المشكلة ومشكور..

[أبو أسماء]

السلام عليكم أخوي أبو أسماء ومشكور على جهدك

أخوي عندي لاندكروزر 2003 اتوماتتيك توي شاريه وشك المهندس اللي فحصه بتغييرات القير وقال 99% أن المشكلة من الزيت والفلتر وغيره المالك الأول ورجع المهندس وفحصه وقال الآن سليم لكن شفت القير ثقيل شوي حسيت أن القير فيه مشكلة رحت لمهندس آخر قال لي السيارة مافيها حيل المكينة تحتاج تصفية ورحت لفلبيني قال لي القير عندك فيه مشكلة لكن ماله داعي تصلحه..

القير يغير كل السرعات لكن ماهوعند نفس الأرقام واحيانا يمشي مضبوط ولما أوقف على مدخل البيت وهو طلعة بارتفاع 50 سم تقريباً وبعدين أدعس على البنزين مايقدر الموتر يطلع!!؟؟ نبي فزعتك لحل المشكلة ومشكور..
السلام وعليكم اخوي محمد
اخي العزيز تقول موترك اوكي وتغيراته تمام معناه ان الجير انشاء الله مضبوط والموتر مشاء الله جديد يعني تو الناس تطلع عليه اعراض الشيخوخه وهذا ابو تصفيه والله مخه اللي يبي تصفيه والفلبيني ابعد عنه لا يخلي جيرك يبق بق مثل كلامهم ابعد عنهم يرزقك الله سبحانه كلن يبغي يفك وياخذ دراهم خذاهم الله الجشعين اتركهم اخوي تقول المالك الاول غير الزيت والفلتر وانت تحس ثقل في الموتر وعدم التجاوب مع اقل الطلاعات مثل ماذكرت اخي الغالي ما ودي ادخلك في متهات ونحكم على الجير ونتهمه وتكون الشغله بسيطه اول شي ودي انك تسويه تشيك على الزيت مستواه وخلوه من الرغاوي البيضاء والرائحه وملاحظة خطوط سوداء مثل الكربون على سيخ العيار عند مسح السيخ خلنا بشغلات البسيطه ما ودنا لك بالخساره والموتر حرام جديد ويفك جيره مثل ما قلتلك غير الزيت والفلتر زيت وفلتر اصلي من الوكاله واضبط مستواه لان الزيت التجاري لايصلح مع المجموعه الهيدروليكه لصمامات الجير وطرمبته والسيرفو وضواغط الكلاتشات وصمامات التنظيم والحاكم الجيفرنور الخ اخوي والله اعلم ممكن يكون المالك الاول حاط زيت مو اصلي او زيت عادي مثل زيت دريكسون وفلتر تجاري وهذا الي يسبب الرغاوي في الزيت واختلال عمليت التنظيم لصمامات السرع بدل الزيت مع الفلتر اصلي من الوكاله وشوف اذا ماتغير شي قولي وانا اقولك شتسوي والاجزاء الي ترجعها والاسباب الي ممكن تسوي نفس المشكله وتطمن انشاء الله خير 0

[ناجز]

بسم الله الرحمن الرحيم
السلام عليكم ورحمة الله وبركاته
اخوي أبوأسماء
عندي باث فايندر ودي اركب مساعدات اي مساعدات تنصحني اركب وكم عمر اليايات وهل تتغير مع المساعدات وكيف تعرف ان اليايات تبغا تغير.
و بلنسبة للكفرات هل تظر الكفرات الي اعرظ من كفرات الوكلة.
وجزاك الله عني وعن من افدته خير

[محتري السيل]

شكرا لك يابو أسماء وبارك الله فيك على مجهودك الطيب

طال عمرك والسامعين

عندي Z71 ونيت حوض 4x4 كان في قديم الزمان الدبل شغال زي الحلاوة

صار فيه مشكلة الأيام الأخيرة وكثرت تغاريزة والدبل صار ضعيف مثله مثل عدم وجوده

وصف الحالة ..... يلقم ويعشق L4 لاكن التواير الأمامية ما تتحرك .... ماتفتر مع الخلفية

أما H2 / H4 وضعهم طبيعي والقير عادي

موديل السيارة 95

وديته لورشة قال الفلبيني ... فحص الدبل يحتاج تنزيل القير كامل ويكلف 1000 ريال شغل يد

وأنا أشوف ان الشغلة فيها نصب وأحتيال

وش الحل وهل المشكلة بسيطة وسعر الورش المعقول كم يكون ؟


تحياتي للجميع

[أبو أسماء]

بسم الله الرحمن الرحيم
السلام عليكم ورحمة الله وبركاته
اخوي أبوأسماء
عندي باث فايندر ودي اركب مساعدات اي مساعدات تنصحني اركب وكم عمر اليايات وهل تتغير مع المساعدات وكيف تعرف ان اليايات تبغا تغير.
و بلنسبة للكفرات هل تظر الكفرات الي اعرظ من كفرات الوكلة.
وجزاك الله عني وعن من افدته خير

السلام وعليكم ورحمة الله وبركاته 0

اخي العزيز انصحك بتبديل المساعدات مع اليايات الاصليه حقت الوكاله اذا كانت تعبانه لان انا لاحظت ان بالذات مساعدات الباثفيندر قويه وتصميمها رياضي بالنسبه للسفاري والاند مساعدات الباث فيندر ينفع للرليات والطرق الاكثر وعوره بس اذا كنت راعي مقناص او طعوس وبران وتبي الموتر قاسي حتى في الطرق المعبده المساعدات

الاستراليه اوكي بس قاسيه ومطباتها قويه ومحسوسه في السياره وانا انصح لاتغير الا مساعدات الوكاله مع اليايات والمساعدات ملها عمر افتراضي وهي قطع مستهلكه اليايات اذا حدث فيها ارتخاء او ليونه او كسر او انكماش تبدل وكيف تعرف ان اليايات تعبانه 1- خشونه في السياره تكون محسوسه 2- تكون مقدمة السياره نازله عن الحد الطبيعي 3- الارتداد اكثر من ثلاثة مرات عند ضرب المطبات او هز الموتر اما بالنسبه للكفرات العريضه مالها اي ضرر اذا ركبت لاكن الكفرات المرتفعه لها تاثير مؤكد على الجير 0

[بارووووووووود]

اخوي الغالي سلام الله عليك

انا عندي نيسان باترول 2002 المشكله وانا اخوك عندي (( منظم البخاخ )) ((etc-act)) وكل ما جيت اشغل السياره تطلع لي اللمبه برمز الماكينه وللعلم اذا طلعت ما تمشي السياره اكثر من عشرين للاسف رحت للوكاله ابي اصلحها قالو لي القطعه بــ 3400 والله سعر خيالي المهم رحت للتشليح مالقيت القطعه وقال لي بعض الشباب ان فيه كهربائيه جيدين يعرفون يصلحونها بدون ما تغيرها وابي اسالك اخوي تخبر لي مهندس ابن حلال يريحني هم هالسالفه ومشكووور اخوي على اهتماتك وفيه مشكله ثانيه القير ماله عيار هو قيرين وشلون اوزن الزيت ؟؟؟؟ والسلام عليكم

[قناص الليل]

أخوي ابو أسماء الله يطول في عمرك .
و جزاك الله الف خير .

عندي يا طويل العمر سؤال :
اذا مشيت بالسياره و وصلت الى سرعة 110 احس بأرتجاج في مقود السياره و كأنه الإطار بينفجر او فيه مشكله و يستمر هذا الأرتجاج حتى سرعة 120 و بعد تجاوزي لهذه السرعه يختفي الإهتزاز تماماَ .
عملت ترصيص للإطارات لاكن لازالت المشكله مستمره .
السياره باثفايندر 2005 قير عادي .

ارجو منك اخي العزيز افادتي قبل توجهي للورشه ...
و شكراَ .

[ذهلان 1]

أخوي الغالي /
أبو أسماء
السلام عليكم ورحمة الله وبركاته
عندي لاند كروزر Vxr موديل 2000 قير عادي
المشكلة في وجود دقة بين القير والدبل وعمود الدبل عند قيام السيارة أو عند التغيير بين السرعات أو عند التغيير للوراء أو عند زيادة السرعة بعد التهدئة أحد يقول الكارونة الأمامية وأحد يقول الدبل وأحد يقول العكوس الأمامية أحترت فيه . الله لا يهينك إذا ممكن تحل لي هذه المشكلة أكون شاكر لك
وأنا على فكرة من سكان الرياض
تحياتي لك
حريب الردى ( أبو ناصر )

[عزوز الليل]

الله يجزاك خير يابو أسماء
السياره ددسن98 المشكله بالنفود ان القير يلعب كنه بيطير
ولكم خالص الشكر

[المتليك]

اخي الكريم/ ابواسماء
عندي لاند موديل99 عند وصول السرعة الى 90 توجد جضة بالموتر علما ان صاحبها اللي شريتها من عندة يقول غير الصليبات
كما انه عندتشغيل الدبل حين يتم الفصل من الدبل تسمع دقة ارجو مساعدتي والله يرعاكم

[nahham]

هلا اخوي ابو اسماء

كرما لا امرا ارجو ان تتاح لك الفرصة للذهاب الى هذا الرابط

http://www.mekshat.com/vb/showthread.php?t=34746

واعطائي وجهة نظرك

شاكرا لك كرمك

[@الزيرسالم@]

السلام عليكم ورحمة الله وبركاته.
بسم الله الرحمن الرحيم.
انا عندي هايلوكس غماره ديزل 2005 وموسع الشكمان من بوصه ونصف (الى ثلاثه بوصه) هل له اثر على الموتر علما بأني اريد ان يكون اخف نفسا على المكينه واخف نفسا على الموتر ويخرج الهواء من داخل المكينه بسهوله ومشكور . :confused:

[@الزيرسالم@]

السلام عليكم ورحمة الله وبركاته.
بسم الله الرحمن الرحيم.
انا عندي هايلوكس غماره ديزل 2005 وموسع الشكمان من بوصه ونصف (الى ثلاثه بوصه) هل له اثر على الموتر علما بأني اريد ان يكون اخف نفسا على المكينه واخف نفسا على الموتر ويخرج الهواء من داخل المكينه بسهوله ومشكور . :confused:

[الطير المهاجر]

السلام عليكم
انا عندي سيدريك نيسان موديل 87 وعندي مشكلة فيها
انا بعد ما سويت لها شنبر للماكينة قعدت اتمشى على السيارة مثل ماقال لي راعي الورشة علشان الماكينة
وبعد فترة شهرين يمكن طلعت المشكلة
اذا قعدت امشي عليها في الليل وانا مشغل انوار السيارة اذا وصلت سرعتها 80 تكتم السيارة وتطفي واذا طفت ماتشتغل الا بعد ساعتين الى ثلاث ساعات
انا وديتها الى كذا ورشة ماعرفوا لها
في بعضهم قالي اغير غطاء الديلكو الي طالعين منه وايرات البواجي لانه مشلوخ وملحم من قبل يامن كانت عند راعيها
اذا عندك حل طال عمرك لان السيارة خسرتني كثير وانا حاليا موقفها وحاط عليها لوحة للبيع
تحياتي

[طلحة]

عندي يوكون 2001 بدأت أسمع فيه طقطقة من خلف الكفر الأيسر الأمامي إذا لفيت والدبل شغال. حقيقة خفت أنه يكون شيء كبير. نزلت تحت الموتر ولقيت الغطاء البلاستيكي للماسورة (ما ادري وش اسمها) الموصلة ما بين الدفرنس الأمامي والكفر الأيسرمكسورة إلى الداخل مما يسبب احتكاكها في الماسورة عند تشغيل الدبل.
سؤالي لو قلعت هذي البلاستيكة وتركت الموتر على هالحالة، هل في ذلك خطر؟
وهل تصليحها صعب؟ وكم يكلف؟ وما هي الورشة التي تنصح بها؟

[بوعبدالعزيز11]

السلام
عندي جيب لكسز 2002 ودي استفسر عن الهايدروليك و تغييرة المعاونات حقتة و وين ارخص مكان و اشرايك اذا لغيت الهايرويك بالكامل وش بيصير في الموتر و ثانيا عن حزام الكمينة اللي يبدلونة بعد 150000 كم ابغى كراج قريب من حفر الباطن يكون مناسب بالسعر و ما ينهب اقريشاتنا و جزاك الله خير
بو عبدالعزيز

[الطير المهاجر]

السلام عليكم
يقولون من طول الغيبات جاب الغنايم
وابو اسماء مطول علينا الظاهر
عسى المانع خير ان شاء الله

[turkiq]

ابو اسماء ..........

ابو اسماء .............. احييك من كل قلبي وانا عارف انك الوحيد ان شاء الله اللي بتجاوبني


اخوي عنده باثفيندر قير تماتيك ويعاني من مشكلة ارتفاع حرارة المحرك

اول ما بدت القصة كان ماسك خط طويل وبعد ما وصل ودخل الحي اللي ساكن فيه لاحظ ارتفاع شديد في مؤشر الحرارة (شوي ويوصل للاحمر) ارتبك وماعرف ايش يسوي وطفى المحرك وخلاه يبرد وشيك عليه ما حصل شي غريب الا اللهم حصل نقط من موية الراديتر على المحرك بشكل غريب ومحير (ودور على تهريب ما حصل)
المهم شغلها ووجد الحراره طبيعيه تماما ورجعت مثل ما كانت .

بعد حوالي الثلاثة اشهر بدات حرارة المحرك بالارتفاع وقت ماتكون السيارة شغالة وواقفة او بسرعة بطيئة والمكيف شغال ... وترجع الحرارة ادا طفيت المكيف او مشيت بسرعة...!!!!

المهم غيرت كلتش مروحة ومانفع غيرت حساس حرارة وما نفع غيرت.....
وديتها الوكالة وقالوا ان الحالة معروفة لديهم واها تحتاج فقط تنظيف رديتر :confused: الحقيقة ما صدقت
لان السيارة ماكملت معي 80000 المهم نظفوه وما نفع ومرة ثانية نظفوه ومانفع
بعدين قالوا مالك الا تغيرة ......

غيرته ورجع كل شي تمام لكن بعد اسبوعيييين .....


ارتفعت الحرارة !! :confused:


والكورة عندك يابو اسماء الله يجزاك خير

[عزوز الليل]

السلام عليكم
السياره ددسن98 الله يخليه لي
المشكله القير في النفود يلعب كنه بيطير مع اني مغير له كرسي قريب
مع العلم ان الكلتش عندي مقبل هل المشكله منه
ولكم خالص الشكر والتقدير

[مبارك بن لندن]

الأخ الكريم أبو أسماء

السلام عليكم ورحمة الله وبركاته

أعاني في سيارتي من مشكلتين


المشكلة الأولى

عندي باترول موديل 86 مكينة كبيرة (زرقاء) وصرفيته في البنزين عالية جداً، تفرق كثيراً عن مثيلاته في نفس الموديل، أعبي التانكي كامل بـحوالي 100 ريال ويمشيني حوالي 300 كلم وهذا يدل على وجود خلل الله أعلم به ، علماً أن الكلبليتر جديد ماله غير سنتين من يوم أشتريته.

المشكلة الثانية

السيارة عندي تحذف جهة اليمين ولا بد من تثبيت الطارة بقوة وعندما أفك يدي منها تحذف، والطارة غير مستوية تميل جهة اليمين عندما أمشي في خط مستقيم، علماً أن السيارة سليمة ولم تتعرض لحوادث ولله الحمد.

أرجو الإفادة

وجزاك الله خير الجزاء

[turkiq]

لو سمحت اخوي مبارك....

قرات مشاركتك وسؤالك حول مشكلة تخص سيارتك واللي هي باترول موديل 86

مثل ما كتبت بسؤالك

وانا فقط حبيت اسألك عن قوة المكينة (الزرقاء) بالحصان ان كان عندك فكرة
والمكينة هدي اشتهرت بين الناس وانا اتدكر واحد 86 كان مع الوالد يومها كنت
صغير لكن اتدكر ان الوالد كان يمدح قوتها

يعني سؤالي :

كم حصان قوة المكينه؟
كيف تشوف الموتر ( يعني يجمل في البر ) ؟
المكينة الزرقاء بدات من اي موديل ادا كان عندك خبر؟
ورايك الواحد ممكن يحصل 86 او 87 نظيف هالايام وبكم تقريب؟




وتحملني على كثرة استلتي



اخوك تركي

turkiq@hotmail.com
turkiq@gawab.com

ياليت ترد على المنتدى قسم السيارات عشان يستفيد غيري وممكن ترد على ايميلاتي
المكتوبة اعلاه


وشكرا :good:

[مبارك بن لندن]

أخي turkiq

حياك الله

بالنسبة لقوة السيارة بالحصان ما أعرفها لكن حجم المكينة 4000 CC

والسيارة قوية جداً وخصوصاً في السحب، ولاحظ أن أكثر سيارات السحب في الطرق السريعة هي من نفس النوعية وذلك لقوتها.

أما في البر فحدث ولا حرج، السيارة في نظري تضاهي اللاند كروزر الربع والشاص، وهذا ما جربته بنفسي، حيث كنا في منطقة يقال لها الحشر، وهي جبال شديدة الوعورة، وسيارات أهلها جميعها شاصات وجيوب ربع، وفي أحد الطرق الوعرة في وقت مطر لم تستطع الجيوب الربع صعود هذا الطريق إلا بصعوبة في الأول، أما الباترول فقد صعدها بكل سهولة وهو في الثاني.

لكن عيوبه صرفيته في البانزين، إضافة إلى صوته المزعج خاصة في الطرق الطويلة.

أما بالنسبة للموديل الذي بدأت فيه المكينة الزرقاء، أظن أنه من موديل 82

أظن يا أخي أنك تستطيع أن تجد موديل 85 أو 86 ولكن النظيف نادر، وأسعارها رخيصة فلا تتجاوز بحال من الأحوال الــ 10000 آلاف ريال.

[حنفي2]

الأخ الكريم أبو أسماء
السلام عليكم ورحمة الله وبركاته
عندي سؤال؟
عندي ددسن قوة المكينة 2000 الديلكو عادي وأبي أغير إلى ديلكو الكتروني هل يزيد العزم وهل فيه أضرار على المكينة مستقبلاً0 أرجو الإجابة مشكوراً

[nahham]

اخوي ابو اسماء

طولت الغيبه

ارجو ان تكون بخير

نحن في الانتظار

[تيتشر]

السلام عليكم .. اولا يعطيك العافيه يبو اسماء
انا عندي بليزر موديل 90 توني مضبطه وموظب قيره (تماتيك) ...
1- الونش اللي مركبه صار يهرب زيت .. ابيك تعلمني من هم المختصين في اصلاحه واين اجدهم.
2- ناوي اغير جنوطه .. مع العلم اني منيب راعي قنص .. يعني حدي الثمامه والطعوووس واحيانا امس خط .. وناوي اركب جنوط حلوه .. ماهي نصيحتك
3- هل تؤيد اني اركب بطاريه ثانيه عشان اركب بالسياره فيش كهرب ؟؟
4- ابي اركب كبوس .. وش النوع الزين والقوي .
5- عندي الصدام الامامي حق .. ونش .. ورايحه لمعته ... وسيارتي توني راشها بويه فرن .. ابيك تنصحني هل ارش الصدام كروم والا نيكل ... ووين .. يعني وين اللي يرشون (مواقعهم)
6- ما هي نصيحتك لي لتقوية عزم الموتر
مع شكري وتقديري لك ولسعة صدرك

[موبايلي]

السلام عليكم ورحمة الله وبركاته
بعد التحية .. شريت جراند شروكي 97 ( 6 سلندر ) حالته ممتازة ولله الحمد ما أطول عليكم قرأت في كثير من المواضيع عن حلول حرارة الجراند شيروكي ولقيتها متنوعة وغريبة ! المهم قرأت عن بلف الحرارة اللي يقولون حق كابرس بس فيه مواضيع تشجع البلف اللي يفتح عند الـ 165
وناس تشجع على اللي يفتح عند الـ 180
وناس تشجع على اللي يفتح عند الـ 195

فأيها افضل ؟
وما نوعه ؟
والمهم اذا تكرمت ابي رقم القطعة !

وجزاكم الله كل خير
:d

[السنافي 666]

سسسسسسسسسسوال انا برك انوار زنن بس قالو لي لازم تركب مثبت للكهرباء مدري شنو ابيك توضح هذا الشيء يابو اسماء
ولك جزيل الشكر يامهندس

[موبايلي]

يابو اسماااااااااااااااااااااااااااااااااااء
السلام عليكم ورحمة الله وبركاته
موضوعي للمرة الثانية اكتبه ( ابي حل )
معي جراند شروكي 97 ( 6 سلندر ) حالته ممتازة ولله الحمد ما أطول عليكم قرأت في كثير من المواضيع عن حلول حرارة الجراند شيروكي ولقيتها متنوعة وغريبة ! المهم قرأت عن بلف الحرارة اللي يقولون حق كابرس بس فيه مواضيع تشجع البلف اللي يفتح عند الـ 165
وناس تشجع على اللي يفتح عند الـ 180
وناس تشجع على اللي يفتح عند الـ 195

فأيها افضل ؟
وما نوعه ؟
والمهم اذا تكرمت ابي رقم القطعة !

[العودالازرقhk]

الله يجزيك خير يا ابو اسماء ويجعل هذا العمل في موازين
نبي نكلف عليك لاكن تحملنا
شريت جيب شاص موديل 96 المهم طلعتلي فيه مشاكل منها
1)القير الول والثاني مايعشق الاوهو واقف وديته لميكانيكي قال النحاسات بس مانيب متأكد مع العلم ان علبة الكلتش تهرب
2)عندي الدركسون مع الفات يطلع صوت قالو يحتاج كهربائي
3)عندي صوفت دبلو قير
4)عندي تلقيطات اخرى
لله لايهينك ويجعله في موازين حسناتك ويرحم والديك وجميع المسلمين اذا عند ك ورشه مضبوطه وثقه دلني عليها

[محمد2]

اقتباس:
المشاركة الأصلية بواسطة محمد2
السلام عليكم أخوي أبو أسماء ومشكور على جهدك

أخوي عندي لاندكروزر 2003 اتوماتتيك توي شاريه وشك المهندس اللي فحصه بتغييرات القير وقال 99% أن المشكلة من الزيت والفلتر وغيره المالك الأول ورجع المهندس وفحصه وقال الآن سليم لكن شفت القير ثقيل شوي حسيت أن القير فيه مشكلة رحت لمهندس آخر قال لي السيارة مافيها حيل المكينة تحتاج تصفية ورحت لفلبيني قال لي القير عندك فيه مشكلة لكن ماله داعي تصلحه..

القير يغير كل السرعات لكن ماهوعند نفس الأرقام واحيانا يمشي مضبوط ولما أوقف على مدخل البيت وهو طلعة بارتفاع 50 سم تقريباً وبعدين أدعس على البنزين مايقدر الموتر يطلع!!؟؟ نبي فزعتك لحل المشكلة ومشكور..


السلام وعليكم اخوي محمد
اخي العزيز تقول موترك اوكي وتغيراته تمام معناه ان الجير انشاء الله مضبوط والموتر مشاء الله جديد يعني تو الناس تطلع عليه اعراض الشيخوخه وهذا ابو تصفيه والله مخه اللي يبي تصفيه والفلبيني ابعد عنه لا يخلي جيرك يبق بق مثل كلامهم ابعد عنهم يرزقك الله سبحانه كلن يبغي يفك وياخذ دراهم خذاهم الله الجشعين اتركهم اخوي تقول المالك الاول غير الزيت والفلتر وانت تحس ثقل في الموتر وعدم التجاوب مع اقل الطلاعات مثل ماذكرت اخي الغالي ما ودي ادخلك في متهات ونحكم على الجير ونتهمه وتكون الشغله بسيطه اول شي ودي انك تسويه تشيك على الزيت مستواه وخلوه من الرغاوي البيضاء والرائحه وملاحظة خطوط سوداء مثل الكربون على سيخ العيار عند مسح السيخ خلنا بشغلات البسيطه ما ودنا لك بالخساره والموتر حرام جديد ويفك جيره مثل ما قلتلك غير الزيت والفلتر زيت وفلتر اصلي من الوكاله واضبط مستواه لان الزيت التجاري لايصلح مع المجموعه الهيدروليكه لصمامات الجير وطرمبته والسيرفو وضواغط الكلاتشات وصمامات التنظيم والحاكم الجيفرنور الخ اخوي والله اعلم ممكن يكون المالك الاول حاط زيت مو اصلي او زيت عادي مثل زيت دريكسون وفلتر تجاري وهذا الي يسبب الرغاوي في الزيت واختلال عمليت التنظيم لصمامات السرع بدل الزيت مع الفلتر اصلي من الوكاله وشوف اذا ماتغير شي قولي وانا اقولك شتسوي والاجزاء الي ترجعها والاسباب الي ممكن تسوي نفس المشكله وتطمن انشاء الله خير 0

ما أوردته فوق هو سؤالي لك و ردك قبل مدة ..وبعد سؤالي لك قمت بتغيير البواجي وفلتر الهواء في الوكالة وقال مهندس الوكالة بأن الأسلاك الكهربائية محيوسة نتيجة لصدمة سابقة وتحتاج ترتيب وقد يكون هذ سبب ثقل القير وفحصت القير ووجدت الزيت فيه ممتاز وقال لي مهندس في أحد الورش بأن المشكلة كهربائية وطلب تغيير المؤقت وحساسات البخاخات ولم أفعل لا أنه لم يضمن ذلك ..وذهبت لآخر وفحص الكهرباء وقال لايوجد مشكلة في كهرباء القير والمشكلة ميكانيكية.. والآن لا أدري مالعمل؟ علماً بأن القير يغير تمام مادمت ماشي بسرعة عادية ول أضغط دواسة البنزين، مشكلتي في ثقله في أول ما يتحرك

[طلحة]

--------------------------------------------------------------------------------

عندي يوكون 2001 بدأت أسمع فيه طقطقة من خلف الكفر الأيسر الأمامي إذا لفيت والدبل شغال. حقيقة خفت أنه يكون شيء كبير. نزلت تحت الموتر ولقيت الغطاء البلاستيكي للماسورة (ما ادري وش اسمها) الموصلة ما بين الدفرنس الأمامي والكفر الأيسرمكسورة إلى الداخل مما يسبب احتكاكها في الماسورة عند تشغيل الدبل.
سؤالي لو قلعت هذي البلاستيكة وتركت الموتر على هالحالة، هل في ذلك خطر؟
وهل تصليحها صعب؟ وكم يكلف؟ وما هي الورشة التي تنصح بها؟

[gazyf]

السلام عليكم ورحمة الله وبركاته

عندي عدد من الاسئلة ممكن ردود سيارتي جيب باترول 98

1ـ مثبت السرعة لا يعمل اريد ان اصلحة ممكن

2ـ هل طرمبت البنزين تسبب فرقعة اذا غير القير من نمرة الى نمرة بسرعة ، وكذلك احس بضعف عزم السيارة انا امشي 100 وما فوق يحس بها انا صاحب السيارة ولكن غير لا . تراء الاحساس بها بسيط .

[gazyf]

<!-- / icon and title --><!-- message -->
السلام عليكم ورحمة الله وبركاته

عندي عدد من الاسئلة ممكن ردود سيارتي جيب باترول 98

1ـ مثبت السرعة لا يعمل اريد ان اصلحة ممكن

2ـ هل طرمبت البنزين تسبب فرقعة اذا غير القير من نمرة الى نمرة بسرعة ، وكذلك احس بضعف عزم السيارة انا امشي 100 وما فوق يحس بها انا صاحب السيارة ولكن غير لا . تراء الاحساس بها بسيط .

اخي ابو اسماء

اذا تكرمت ورد علينا .

لكم تحياتي ،،،

[باترول 4×4]

أخوي أبو أسماء
السلام عليكم ورحمة الله وبركاته
سؤالي الله يحفظك : مافيه فيوز إذا شلته ماتشتغل السيارة لأني أخشى عليها من السرقة فقد سرقت لنا سيارتين من قبل وجهاز الانذار اللي ركبته تعطل ، سيارتي 99 باترول .( مليت من سلك الديلكو الي أشيله كل يوم )

[gazyf]

2ـ هل طرمبت البنزين تسبب فرقعة اذا غير القير من نمرة الى نمرة بسرعة

:no2:

[abo fasil]

السلام عليكم

عندي سوال محيرني معي باترول 93 كربريتر وكل الناس يعرف مشاكل الكربريتر الباترول.

هل اقدر اغير الكربريتر الي بخاخ؟؟؟؟؟؟؟؟؟؟؟؟؟؟؟؟؟؟

وهل هناك ورشه معروفه وينصح بها:D ؟

وكم تكلفت شغل اليد مع القطع كامل:rolleyes: ؟


وشكراااا

[محب الشمال]

<HR style="COLOR: #cccc99" SIZE=1> <!-- / icon and title --><!-- message -->

اخواني اعضاء مكشات حفظكم الله جميعاً أنتم ومن تحبون
السلام علكيم ورحمة الله وبركاته
اخواني لي صديق معه باترول موديل 88 ويقول له صوت تحت دعاسة البنزين والفرامل تحت القدم مباشرة
الله يكرمكم وذلك عند المطبات وفي البر طبعأً
راح للمكانيكي وقال له عامود المحور وبالاخير طلع غلط وكلاً يعطيك راي
حتى الورشة رجع له فلوسة وقال صراحه ما ادري وش المشكلة في السيارة
الي يقدر يساعدنا او ينصحنا بورشة ممتازه

والله يحفظك ويرعاك

[Allbdr1000]

ابو اسامه
انا ما قد احتجتك وانشاء الله ما احتاجك
واللي احب اقولك وانا صادق (انت رجال نشمي وحمر عين الله يجزاك خير ويكتب لك الاجر والثواب ويضاعفه في ميزان حسناتك ويزيدك علمآ ومعرفة لتنفع به نفسك واخوانك المحتاجين ) اتمنى لك النجاح واتوفيق وتقبل خالص تحيــــــــــــــــــــــــــــــــاتي ،،،،،

[كايد]

هلا اخوي ابو اسامة الله يرحم والديك والسامع

عندي باترول 96بخاخ نوعه غريب لاهو سوبر ولا سفاري اسمه KINGSROAD
عذبني بالاتي :
1- بالرجة من 80-100
علما ان كفراته شاهين عريض بالون ,,,
2-وبعد فيه قرقعه "كأني اسحب كرتون تحت الموتر مزعج جدا"
توقعت الدبل والحمد لله سليم "اذا شغلت الدبل راح الصوت"
البعض قال الدفرنس والبعض فال الكرونه
3-اللوكات "الفرارات" وحدة خربانه ابي محلات اللي يسنعونها كل ما رحت ورشة قال ما عندي .
4- فيه مروحة اضافيه وحده خلف الشبك "تشتغل علطول مع المكيف وبدون المكيف "هل هي كهرب .لاني ودي اركب مراوح كهرب .

5-الله يحرم وجهك عن النار ويفتح لك ابواب رزقه افدنا ,,,,,,,,,,,,,,

[راعي النفود]

عزيزي ابواسماء هل بالامكان تركيب دفلوك على الشاص

[sapoon]

رحم الله والديك .....
عندي كامري لما افك غطا التانكي واعبي بنزين تصير السيارة تنتفض ومؤشر Rpm ينخفض واعتقد ان التانكي مليان هواء .... ايش تتوقع المشكلة ؟

[نجم الصحراء]

السلام عليكم و رحمة الله و بركاته
عندي 7 اسئلة

1- هل الزيت الثقيل يأثر على المكينة ؟
2_هل المشي بالزيت فوق5000 يضر , مع العلم ان كثير من الدول تمشي على الزيت فوق 10000
3- ايهم افضل زيت السانتاتك ام الزيت العادي ؟
4- انا ناوي اشتري ونيت ديزل , فهل هو عملي من ناحية الصيانة و قطع الغيار ؟ يعني اخاف بكره اللي اوفره من الديزل ادفعه بالصيانة و القطع
5- غسيل المكينة بستم ورشها مع الشاصي بالزيت يضرها ؟
6- السير بالسيارة مسافة طويلة على بطارية ضعيفة هل يضر الدينمو ؟
7- هل هناك طريقة اتعلم بها المكانيكا واصبح محترف بها ؟

جزاك الله خيرا

[مطلق السلمان]

الله يعطيك العافية ويقويك أنا ما عندي أسئلة بس حبيت اسلم عليك وأحي روحك الطيبة على مساعدة أخوانك.

[بو جريس 73]

الله يجزاك خير

وكثر الله من امثالك

[عبدالمجيد2003]

مرحبا اخوي ابو أسماء الله يعطيك العافيه على ذا المجهود الجبار
حبيت استفسر عن حاجه وهي انا معي جمس حوض عادي القير موديل 2003 لما اعشق بالثالث يطلع صوت ولما اعشق بالخامس يرجع على الفاضي .
يليت تفيدني يبو اسماء وشي المشكله وكم تقريبا تكلفتها

[111112]

السلام عليكم أخي ابواسماء.
عند استفسار الرجاء الرد عليه لو سمحت .
أنا عندي سيارة كيا كلارس موديل 2000 وفيها المشاكل التالية :
اهتزار في السيارة والسيارة واقفة وتحس فيه اكثر وانت داخل السيارة وكأن السيارة تبي تطفي الهزه ماهي شديدة لكنها مزعجة ويوم اروح عليها مشوار وارجع احس جسمي منمل كأنه ماسكه كهرب ( تشبيه فقط ) ودي اغير منظم البخاخ بس اخاف ما يطلع السبب .
المشكلة الثانية السيارة لما أكون واقف عند الإشارة أو عند البيت واقوم السيارة تصير لها نفظة قوية حتى إني ارفع رجلي عن البنزين ثم اقومها مره ثانية وتمشي عادي هذه المشكلة ماهي كل مرة تصير .
ملاحظة /1- السيارة من يوم طلعتا من الوكلة جديدة فيها تقطيع يجي يومين او اسبوع ويختفي شهور خصوصاً إذا شغلت المكيف تزود وتربط فيني فجأة .راجعت الوكالة ألف مرة وكل مرة يقولون صلحناه لين طفشت منهم وتركت مراجعتهم .
2- السيارة موضبه مرتين في خلال ثلاث سنوات آخر مرة قبل اربع شهور .:(:confused:


آسف على الإطالة .

[بو وليد]

السلام عليكم ورحمة الله وبركاته

أسعد الله جميع اوقاتكم بكل خير

سؤال لو تكرمتم

عند واحد من الزملاء شاص 2006 ولما ركب عليه فرارات ما اشتغل الدبل، سأل مهندس قال الشاص 2006 ما تركب عليه فرارات؟!! هل من حل لهذه المشكله؟ وهل فيه احد ركب فرارات على شاص 2006 بدون مشاكل؟؟

مع الشكر الجزيل مقدما

[1ملسون]

السلام عليكم اخوي ابو اسماء
والله ونعم وبيض الله وجهك على سعة صدرك وتحملك لنا
تراني ندور الثقه الفاهم ماهو الهنود اللي جنننونا والله

يالغالي انا عندي مشكلتين رئيسيات
انا عندي يوكون موديل 2000 دبل
ماشي تقريبا 390 الف كيلو ( اذكرو الله )
وظبت القير 3 مرات وكل مره اروح للورشه واتهاوش معه لان ما بينهم الا 3 او 4 شهور واخر مره من تقريبا 6 شهور او 7 وظبته واشوفه الحين اذا دعست بقوه يحن واذا جا يعشق ياخذ وقت مع حنه وش رايك؟؟ وش الاسبااب ؟؟
المشكله الثانيه اذا مشيت بالسياره لمده طويله داخل المدينه يعني ساعه تقريبا تبد المكينه تحن تقول راكب قلابي ديزل ولما اطفيها واخليها شوي ترجع احسن من اول وش تتوقع السبب؟؟

الشي الثالث مساعداتي متفقعه وش تنصح اركب؟؟؟ علما اني مركب جبريل وما جلست الا 3 شهور بالكثير وانا استخدامي عاااادي بسيط بدون اي وزن ولا تطعيس

الف الف شكر واسف على الاطاله

[ABUSALMAN_O]

أخوي أبو أسماء أدخلني و أدخلك الله الجنة إن شاء الله والمسلمين أجمعين بارك الله فيك على إخلاصك هذا عندي سؤال الله يحييك عندي يوكون دينالي 2003 وعندي مشكلة إني كنت مسافر وتارك السيارة واقفة حول 18 يوم جيت فتحت السيارة وشغلت طبعآ مافي كهرباء مرررررة جبنا كهربائي شحنها بسيارته بخمسين ريال غشتغلت زي الحلاوة ولاكن عندي مشكلة وهي إنه السيارة لما أشغلها ترجف شوي كذا ولما أشغل المكيف وشيل رجلي عن البنزين تضعف الكهرباء شوي وتروح البرودة شوي من المكيف ويضعف شوي الدفع فحصت البطارية قوتها على النصف بالعداد قالولي وأنا شايفها كذا يمكن عاطيني العداد رقم 14 في النصف قوة البطارية والدينمو شكيت فيه فحصوه قالولي زين ولما ألف الدركسيون بعد أحيانآ من دون ما أضغط بنزين تضعف شوي الكهرباء مع رجفة بالسيارة بسيطة وكنها ودها تطفي بس هذه هي المشكلة لعندي وبعد سؤال آخر وين ألقى ورشة زينة بجدة أبي أشحم السيارة وأربطها تربيط كامل وسؤال كبير الله لا يهينك يارب ويخليك أتعبتك والسموحة منك إذا واحد بيسافر بسيارة سفر طويل مثلآ على إيش يشيك أول شي بالسيارة ناس يقولون الطرمبة الزيت وتغيير صفاية البنزين صحيح هذا الكلام يا أخوي ؟؟؟

[نواف نجد]

بسم الله الرحم الرحيم
وكل عام ونتم بخير
عندي داتسن 99
وفيه مشكله في السلف كل شوي يخرب علما اني ركبت اصل ووغيرت الحذاف والمشكله خلال اسبوع او اقل يخرب ولك الشكر
ابو رشا المسجل يشتغل والا ما يشتغل

[mtc_959]

الرجال سحب عليكم:d :d :d

[ABUSALMAN_O]

الرجال سحب عليكم:d :d :d



والله صدقت شكله فعلآ سحب عليك

[mtc_959]

والله صدقت شكله فعلآ سحب عليك

طالع منها يعني الرجال له اكثر من شهر مارد على خلق الله

[العتل]

أخوي ابو سماء
مبروك عليك الشهر الكريم والله يجعلك من صوامه وقوامه وتقبل الله منا ومنكم صالح الاعمال آمين
لا أحب ان اطول عليكم وبدخل في الموضوع مباشره
موتري لاندكروزر 2005 في اكس آر

العطل المكيف لمبة الكمروشر تأشر ويطلع هواء ساخن
العطل مفاجي كنت مسافر مسافة 150 كلم وبعد نصف المسافه طلعت المشكله وطفيت المكيف وتركته

[ABUSALMAN_O]

هههههههههههههههههههههههههههههههههههههههههههههههههه هههههههههههههه الله يرجكم ياشباب والله منتدى رايح فيها تقبل الله منا ومنكم والمشكلة الشباب بعد رايحيين فيها

[mtc_959]

هههههههههههههههههههههههههههههههههههههههههههههههههه هههههههههههههه الله يرجكم ياشباب والله منتدى رايح فيها تقبل الله منا ومنكم والمشكلة الشباب بعد رايحيين فيها


مبروك عليك الشهر وانا اول اللي رايحين فيها


هههههههههههه