لمن لديه الخبره بكفرات البالون بجميع انواعها مالون ومكسس وغيره

[مقلع الرمث]

السلام عليكم


مبارك عليكم هالخير واللهم اجعلها امطار خير وبركه


ياشباب انا ودي بكفرات بالون وجربت المكسس ميزته زين مع الحصى ويتحمل


الشوك وسعره مناسب ومرتفع رفعه حلوه بس مشكلتها سخيفه



لكن المالون والهيروا ماجربتها


وشفت قبل فتره باترول مركب مالون وشكلها جميل جدا وعريض



سؤالي هل يتحمل المالون الحصى والجلد وكم سعره جديد وهل فيه افضل منه


ياليت تذكرون مميزاتها وسلبياتها



وتقبلوا تحياتي وتقديري

[التعـ King ـديل]

انا جربت الدنلوب والسيام وماشفت احلا من الماكسس وشفه على موتري الحين ولا احلا منه

[ابوصالح77]

هلا بك اخوي
وما قصر أخونا التعديل
الماكسس ميزته سعره المنافس ويقوم باللزوم
بالنسبة للعرض يأثر في ذلك الجنط بلا شك
وكل ما سخف الجنط أفضل حتى ما ينفسخ الكفر إذا نزلت الهواء بلحيل
والمالون والهيرو والسيام أسعارها مبالغ فيه
تقبل مروري

[مقلع الرمث]

مشكورين شباب على المرور وعلى الردود

وانتظر ردود اخوننا المكشاتيه

بغض النظر عن السعر

ان ااسأل بس هل يتحمل المالون والهيرو وغير مثل المكسس الحصى والشوك وشكرا

[سليل الطيبين]

با النسبة للبالون افضل نوعية بانسبة للجيوب مكساس كل الي اعرفهم مركبين ماكسس ولا احسن منه

[5200]

السلام عليكم
اهم شي بالبالون انه يكون ثمانيه غاط ولو تلقى اقل من التسعميه 900 ارتفاع خذه هج من الاندونيسي (الدنلوب) كانك بتخزن الكفر يعني بتركب الكفر بالشتاء وتفكه بالصيف

[popays]

الله يعطيك العافية

[popays]

جزاك الله خير

[على قد الحال]

السلام عليكم

أنا صاري لي مركب الملوان مقاس 17 ثلاث شهور و صراحة كل طلعاتي للبر هو حصى و صخر و لحد اللحين ما شفت فيه شق و الحمد لله، بس شوف تراني أنزله لل 20 - 25 قبل ما أدخل الحصى حتى أحافظ عليه.

و بالطعوس أحطه 25 و ما شاء الله يدخل لكن تحس ثقل.

ممشاه في الخط رجفة خفيفة الصبح و تحس ثقل شوي على السيارة.

الهيرو ما جربته و لكن في شباب يقولون إنه يمسح بسرعة.

[A U R M A N]

مجرب المالوان على فكسار

من سلبياته : ثقل الكفر مع ان المكينة v8

هذا اللي أذكره

[مقلع الرمث]

الله يعافيكم ياشباب وماقصرتوا على ابداء الرأي

[لهايب نجد]

المالون حلو جدا جدا مثل اداء السيام تاير لكن مشكلته عرييييييض اعرض من السيام يعني في الخطوط الطويلة يتعب السيارة لانه عريض مع مناطح الهواء هذا عيبة الوحيد ,
اما الماكسس (8 غاط ) العالم تتحزب له وهو اقل من العادي وثقيل ولا يصلح منه على ال 17 وسعره اكبر محفز لاقتناءه وجهة نظر انا يعجبني فيه ال 6 غاط فقط لانه خفيف على السيارة ولافيه نفضة بعد الوقوف الطويل ويتحمل الحصي عن تجربه , يتقطع صح بس ما يبنشر ( رخيص وكويس)
اما الدانلوب كفر خفيف جدا ولافيه رجه مقارنه بغيرة بس عيبه الوحيد اذا تم معك ثلاث شهور يبدا ينسم مع شفة الجنط وايضا من عيوبة انه سخيف .
اما الهيرو للاسف ما جربته.
انا بصراحه كنت ابي اركب لسيارتي بالون 17 بحثت عن الدانلوب ومالقيته وبحثت عن الماكسس و6 غاط ولا لقيته واضطريت اني اقتني (فخرا) المالون

[زحلول]

بصراحة انا جربت الماكسسزز واشوف هو افضل شيء ,,,,,,, ومره اذكر حبيت اغير لأن المالون اعجبني له خده كبيره ويطلع منظر السيارة حلو وقالو لي انه قوي ,, وشريته طبعاً اغلى من الماكسسسزز,,, والله العظيم ركبته يوم الأربعاء ,,, بعد اسبوع يوم الخميس كنت اطرد جول جرجس في ارض حصى بس حصاها صغير ودايم اجيها القاع هذي واسرع بها ,,, لفيت بالسيارة وراء الجول واسمع ذيك الضربه ماادري وش السالفة وقفت لقيت الكفر اللي بالخلف منشق وتقطع ,,, وانا ارجع للديرة واحذفهن واركب ماكسسزز

الماكسززز ,,, انسى انك تبنشر ,,,, واخف من الهيرو وسيام والمالون

ويفضل انك تخلي البالون بس وقت طلعات البر ,,,, لأن بعد فترة تحصل الصوف الأمامية حقت الدفرنس تهرب بسبة ثقل الكفر وطول الدوران ,,, والدليل على ذلك سرعة السيارة تقل بعد تركيب البالون يعني اذا كان يجيب 200 وبعدها تركب بالون مايوصل 160

[جوستن]

بأخي لا تاخذ الا ماكسس اما الباقي حبات نصبب وخياط بزران وبعدين المالون اذا نسمتوووه يطلع لوه كرشه بس الماكسس لو تحط بوه عشره تشوفه تقول به ثلاثين