بكم تغسل السيارة لمدة شهر ؟

[مرقاب الشرق]

كان هذا سؤالي للهندي اللي ينظف السيارات في شارعنا . بعدها اتفقت معه على غسيل الموتر يوم ورا يوم لاكن جاني واحد من الشباب وقال ترا غسيله (اي الهندي) يشلخ السياره وتروح لمعتها لأنه يفرك حبات الغبار على البدي !!!!
وش رايكم انتم استمر معه ولا اتركه ؟ :confused:

ارجو عدم التطنيش :no2: على الاقل اي واحد يدخل يسلم ويطلع ههههههههه امزح بس أنتظر مشاركتكم !!!!!

[شـهـاب]

الحقيقه اخوي انا متفق مع واحد وبعد شهرين حسيت ان السياره قلة لمعته وسألت بعض الشباب قل انه كثر الغسل والمسح يذهب اللون
خاصه اذا صارت السياره لون غير الابيض

فقلت للهندي ابيك تغسل السياره لي كل جمعه وبـ30
؟
اخوكـ شهآبـ

[قناص شقراء]

أنا أقول غسلها وكل 6 أشهر ودها للتلميع الساطع للتشميع (وضع طبقة شمعيه)

[حرباش]

انا اشوف ان غسيل السطول ماينفع :no2:

لازم ترش السياره كلها بماء اول بعدين تمسحها ، عشان الغبار وماشابه ذلك .

وكثير من الناس تشهب عنده البويه والسبه السطوول :D


ونا عني اغسل السياره في الأسبوع مره عند مغسله من الداخل ومن الخارج والتكلفه 15 وكل شهرين تقريبا غسله وحده بستم ، الا في حاله اني طبيت صبخ .

واللي يعجبني كبار السن بالشرقيه يرش السياره يوميا بالماء بعد صلاه الفجر بدون تمسيح ، تشوفه مطلع الهوز من الحوش ويرش تقول يرش مزرعه ، ولمن تسأله ليش :confused: يرد عليك ويقول


((( عشان الرطوبه ماتاكل السياره )))



وفي نظري ان هذه النظريه صحيحه ميه بالميه :good: .


تحياتي لكم
حرباش ;)

[مرقاب الشرق]

الاخوان :
شهاب
قناص شقراء
حرباش
الف شكر على المشاركة وانا قررت اغسل السيارة بالمغاسل افضل كل اسبوع مره علشان ماتروح لمعت الموتر.

الاخ قناص شقراء وش فوائد الشمع ؟

[KEA2003]

المشكله ياأخوان موب بعدد الغسلات 0المشكله ان العامل لو تراقب غسله تلاحظ انه يغسلها بالصابون بعدين يمسحها وخلاص انتها 00 يعني الصابون لازال موجود بقايا منه0

[al_fheed2006]

تبون الصراحه ماقدر افيدكم لاني معي سيكل

[بن نويشر]

أنتبه !!!!

لا تحط شمع ولاهم يحزنون .. تراه يعدم البوية ..

[ابو؟؟؟]

السلام عليكم ورحمة الله وبركاته.....

والله ما اقدر اقول لان السواق يغسله وانا اغسله في المغسلة اذا كان وسخ بمعني الكلمة
واكثر ما اودي المغسلة اذا كان وسخ من داخل يعني مرة كل شهرين تقربا


وشكرا.....

[دحيم_1]

السلام عليكم

المشكلة يا اخوان هي طيحة الفوطة او الاسفنجة اللي يغسل به بالارض, لما تطيح الفوطة بالارض ويلقطة مره ثانية ويكمل تمسيح السيارة : البوية راح تتأثر بفعل احتكاك الحصى و التربات اللي في الفوطة من الارض : ناهيك عن ان الفوطه تحوم التسبد.

[anas]

بالمناسبة يا اخوان من يخبرني عن افضل محل لتغسيل السيارات في جدة .... وكذلك كيف تعرف ان هذه المغسلة تغسيلها ممتاز ؟

[حاكم المقناص]

السلام عليكم0000000

انا مع اخوي السنيدي لاتحط شمع تراة يعدم البويا
وووووانصحك بغسيل المغسلة تراهة اضمن واريح

[مرقاب الشرق]

الاخ سنيدي جزاك الله خير على النصيحه .

والله ياخواني الموضوع مهم لأن اغلب الناس اشوفهم يغسلون سياراتهم بالطريقه نفسها ولايدركون مشاكلها على البويه . اشوف البنغاليه مهاوش بينهم على الشوارع هذا لي ويويلك يالي تغسل اي سياره فيه .

[عاشق الجبل]

الأخ : أبو فراس


نصيحتي لك أن تغسل سيارتك كل أسبوع مرة واحدة فقط والسبب أن الشامبو أو بالأحرى الفيري الذي يستخدم لغسيل

السيارات اليدوي يسبب خشونة في لمعة السيارة حسب أفادة أحد أصحاب محلات التلميع ( وأنا لاحظت ذلك)

وبالنسبة لأبو هنود فلا تحرص عليه وقضبه الجاده لأنه وكما تفضل بعض الأخوان ( يمخش ) البوية عن طريق قطعة القماش

التي يستخدمها لأنها تستخدم للكفرات ايضآ .

والدليل شاهد قزاز السيارة بعد ماينظفها الهندي تلاحظ أن عليها مثل الحليب الخفيف بسبب قذارة الخرقة التي يستخدمها .

[شاص]

الشباب ما قصروا كفوا ووفوا وأضيف أن الصابون المستخدم في غسيل السيارات غالباً هو غير مخصص للسيارات وإنما للصحون وإزالة الدهوووووووووووووووووووووون والأصباغ كما نعرف يدخل في تركيبها كمية لا بأس بها من الدهون واستخدام منظفات الصحون مثل الفيري وطقته يؤثر على صبغة السيارة ولونها

[ABU-AL-3eeS]

وش يعني غسيل سيارة ؟ :d

هههههههه ترى امزح

بس والله مااقدر افيدكم لاني من زمان ماغسلت موتري بغباره والله يخلي اخوي ياخذها كل ماشفها توصخت ويغسلها شكلي ابساله

اخافهم يغسلونها بكلورووكس :d

[عاشق الخلاء]

انا استفدت كثير من هذا الموضوع .... شكرا للجميع

[anas]

يا اخوان على حسب السيارة اذا كامري وطقتها خل الهندي يغسلها اما جيب او سيارة غالية فالافضل مغسلة .
لكن هناك سؤال هل يوجد مغسلة تستخدم ادوات التنظيف الخاصة بالسيارات ؟ لا اعتقد ذلك .

[سراي ليل]

انا أويد كلام اخوي Kea2003