مافائدة الفرارات ؟؟؟؟؟؟؟؟؟؟؟

[كايد]

السلام عليكم ورحمة الله

كل عام والجيع بخير




بغيت استفسر يالربع


ماهي الفرارات ؟؟وما فائدتها ؟؟؟واين تركب ؟؟؟




السؤال الثاني

بالنسبة للتعديلات اللي على المواتر واللي اقصد به

تغيير البواجي واسلاك البواجي؟؟

هل فيها ضرر على الموتر ؟؟وكذلك هل تصرف بنزين


اي بمعنى ما افضل الطرق لزيادة عزم المواتر اخصوصا عند المرااقا والطردي من غير صرفيه اكثر ............

مثلا الفلتر لو غيرته يغدي موترك مثل البعير اللي فيه هيام(الهيام ضيم يصيب البعير ويشرب من الما ولا يرتوي)


شكرا لللجميع

[راع الونيت]

أخوي كايد من العايدين وكل عام وأنت بخير وبعــــــــــــــــد
الفرارات تركب على العكوس الأمامية في السيارات ذات الدفع الرباعي لفصل الحركة عند عدم الحاجة للدبل وتجي عدة أنواع وفيها مفتاح للتحكم بتشغيل الدبل أوفصله وفيه أنواع تجي تماتيك بمعنى اذا عشقت الدبل تشبك والعكس صحيح أما فائدتها 1- فهي تخفف عزم السيارة 2- وتمنع أصوات الدفرنس الأمامي 3- تخفف صرف الوقود
وكل سيارة لها ما يناسبها من هذه الفرارات
لاحظ الفرار في هذه الصورة
http://www.w6w.net/users2/03-11-2005/w6w_2005110314222146008e33b5ba5.JPG

[عاشق النفد]

طيب

ماهي الفرارات الي تنفع لليوكون؟

[راع الونيت]

هلابك أخوي عاشق النفد
آسف اليوكون ما أعرف عنه شيء

[فـــــواز]

هل هي نفس فكرة اللكات اللي تجي على البليزرات القديمة ( الدقمه اللي نافره بالجنط حق قدام اللي فيها خيارين لووك و فرّي ) ؟؟؟؟

[راعي العوجاء]

نعم نفس الفكرة

[ابو بريك]

أنا سيارتي قراند شيروكي ومن النوع الي الدبل الخفيف مشبوك على طول هل تصلح هذة الفرارت أركبها ولى لا

[راعي العوجاء]

شباب هل يصلح للدودج دورانجو 2000 ؟

[أبو يوسف]

وكذلك هل تنفع للشروكي ؟؟

اتمنى ان يفيدنا احد الإخوة


تحيتي

[الكايف2]

السلام عليكم ورحمة الله وبركاته بالنسبه للفرارات اناركبة في سيارتي باث فيندرمثل اللي في الصوره ولكن طلع عندي صوت مزعج ولاعرفت وش المشكله اللي يعرف المشكله يعلمنا وجزاكم الله خير

[راع الونيت]

أخوي الكايف 2
المشكلة تكمن بنفس الفرار اللي أنت مركب هناك عدة احتمالات
1- فيه تيله براس العكس ممكن ما ركبت
2- الفرار عند التركيب ينقسم الى قطعتين فممكن ماتم الربط بالشكل المطلوب
3- ممكن تكون مركب فرار ددسن لأن عكس الددسن أكبر من الباث فيعمل صوت
عموما مر على واحد عنده خبره وخله يشيك على طريقة التركيب بمعنى يفك واحد ويشوف هل مركب صح أو لا

[الكايف2]

حياك الله اخوي راع الونيت ومن العايدين اللي انا ركبت برازيلي مركبه عند السليماني في الغرابي ان كانك خابرن احسن من اللي انا ركبة دلني عليه وجزاك الله خير اللي عندي نفس اللي في الصوره اللي فوق 000

[راع الونيت]

أخوي الكايف 2
أنا أقصد ممكن هناك خطأ في التركيب أما النوعية فما عليها إعتراض
عموما أنا في القصيم الله محييك على الشبب وركب لك الفرارات
أما في الرياض عساني أتخارج من الزحمة
تحياتي

[الكايف2]

اخوي راع الونيت ما قصرت علي تجاوبك السريع وعلمك الطيب اللي تحري به وممكن انه مثل ماقلت لأني اشوف طلع منه زيت وان ر حت للقصيم هم والله اهل الخبره والمعرفه في هالمورولا يهونون الاخوان وانا عندي نيه للروحه لكن مدري متا الله اعلم وجزاك الله خيرا000