ســــيــــارة ماتــنـطفي داخل الماء....؟

[Abo gssar]

السلام عليكم ورحمة الله وبركاته ...
كلنا يلاحظ وقت الامطار كيف ان بعض السيارات تتوقف في الشوارع بعد ماتنطفي والبعض الاخر يسير بدون مشاكل ...وسبق اني رأيت من يبحث عن مستنقع مائي ثم يغطس بسارته فيه دون ان تنطفىء وهذا مااذهلني لذلك
سؤالي ماهي التدابير او بالعامية وش ممكن يقدريعمل الواحد في سيارته عشان ماتنطفي في المياه...
علما اني سمعت البعض ينصح بتشحيم علبة الديلكو البواجي ؟؟؟
ارجو من اصحابنا اهل الخبرة خصوصا الرد والافادة ..





.

[مكشاتي 2011]

يفيدونك ان شاءلله

الديزل ماتطفي بالماء تطربك الديزل

[العاير]

سيارات الديزل ماتطفي في المويه

[راعي المجهم]

شحم الديلكو والبواجي ماتطفي أبداً

[مخاوي الليل.]

شكل معك ددسن شحم الديلكو

[رحال الجزيرة]

شحم الديلكو والبواجي ماتطفي أبداً
مثل ماقال لاخوان اللي قبلي

[يريور عيمان]

سيارت الديزل ما تطفى بالماء لانها ما فيها بواجي

[مفلت]

فلتر الهواء وظيفته يسحب الهواء وينظفه!,طيب مايسحب ماء ويطفي الموتر؟

[yazn2322]

شحم البواجي والديلكو زي ماقالوا الإخوان , + تأكد من تغطيه إصبع البطاريه الموجب عشان مايصير إلتماس
واذا بغيت تمشي بسيل خليك داعس على الدعسه عشان مايقل الضغط بلشكمان ويدخله مويه
المشكله المتبقيه هي فلتر الهواء وما ادري ولله كيف حلها , لكن إذا سيارتك مرفعه ماعليك خوف ان شاء الله

[هبــ حريملاااء ـبوب]

وعليكم السلااام ورحمة الله وبركااته

لسببين يطفي الموتر

تسرب الكهرب بسبب وصول الماء الى اي دائرة كهربائية سواء بواجي او ديلكو او بطاريه ... الخ

سبب ثاني دخول الماء ضمن الهوا عبر الفلتر ثم الثروتل ..

عموما المواتر سيارات وليست غواصات ..

اذا كان مستوى الماء اقل من ارتفاع المذكور أعلاه فلا خوف ..

بعض السيارات مرتفعه تتمكن من العبور مع ان بعضها تطفي بسبب الدخول السريع وانتشار الماء داخل الكبوت
وبعض السيارات تكون البواجي براس المكينه والديلكو مرتفع مثل الددسن

شف الصوره كيف البواجي فوق مع الديلكو
الدداسن الجديده لك مجال الى متر وربع ما تطفي يعني لشبك الموتر
وقس عليها للمواتر المماثله

http://img225.imageshack.us/img225/5143/80977086.jpg (http://img225.imageshack.us/i/80977086.jpg/)


هلااا بك ..

[HAS5SAN]

http://www.youtube.com/watch?v=5_f4oUH1KjY

[يريور عيمان]

بالنسبة لمشكلة دخول الماء عبر الفلتر و الثروتل
فهناك حل و هو تركيب السنوركل و تخلي فتحة دخول الهواء الى اعلى
هذا صورته
http://www.safarisnorkel.com/snorkel/ss13hf-hpc/ss13hf-hpc_3_4_front.jpg

بس لازم تخرم البدي

[((ابوملاك))]

^^^

هذا اللي كنت بقوله واسمه غليون

[أبا مجاهد]

الحل مثل ماتفضل الاخ اللي فوق..هو انك ترفع فلتر الهوا فوووق

مثل هالمزيون



http://www.toyota.com.au/TWR/content/static/28350.jpg

[ta3b]

طيب في صوره ومقطع لراعي شاص بصراحه غواصه مو موتر الى فوق التنده

[كاشت وحداني]

اي والله فيه راعي الجيب الربع اللي في بحيرة الكسر وموجوجه مقاطعه في اليوتيوب
يغطس به ويتمشى ويطلع
شئ عجيب مدري وش مسوي

[يريور عيمان]

بالنسبة للشاص ابوشنب الذي يغوص في البحيرة و له مقاطع في اليوتيوب
هذا مكينته مكينة ديزل و عليه غليون

[Abo gssar]

الله يعطيك العافية شباب على المرور والافادة

واللي فهمته من كلامكم ان الواحد يشحم الديلكو والبواجي هذا بالنسبه للسيارات اللي تجي كربريتر....طيب بالنسبة للسيارات الثانية مثل الجموس الجديدة والفوردات وش الحل .؟

[رفيع المقآم]

شوف
اللي اعرفه
تشحم الديلكو او تلفه بشي يمنع وصول الماء
اصابع البطارية بعد
السلف تشحم الموجب
البواجي
فلتر الهواء لازم تطلعه فوق اوتوصله وصله لفوق
وبالتوفيق

[تسعه وتسعين]

اخوي صادق خذ من واقع تجربه انا كان معي ددسن89 بانزين كنت اتضايق اذا لمحت الخيال لاني خابر البهاذيل وحبلي جاهز وكل شارع وكل تلعه طافيه ولقيت الحل غطس الديلكو تغطيس بالشحم وكذلك البواجي وفتحة الكبريتر من فوق ونسيت شي اسمه طفيه وفيه قاعده لا تجمش الماء جمش ولكن يكون دخوله بسرعه متدنيه ويدف الماء دف00 وبعده حولتها ديزل والديزل غني عن التعريف(غواصه)
والان معي سفاري 99 به عاده شينه والله مايخلى من التفتفه اذا جاء الماء مدري وش السبب وعاجز والله لا اشحم واذا جاء الصيف نفخ هواء وتكفون يالربع اللي عنده حل لمشكلتي يعلمن < قاط بالموضوع.
تقبل مروري

[الخادم]

الله يوفقك يالغالي
لكن قبلك حطيت على الهلي م 82 شحم و مع ذلك طفى علي
ما ادري هل انا ما عرفت للشغله و لكن الحمد لله و الله يدلك لما فيه الخير

[AL-RAZEEN]

طيب ما فيه حل غير خرم البدي

[yazn2322]

الجموس الجديده مافيها ديلكو يجي الكتروني ( حساس طرق ) ونص الماكينه حساسات تبغى تشحم كل السياره مع الأسف :(
الفورد ما أدري كيف وضعه ,