المساعد الشخصي الرقمي

مشاهدة النسخة كاملة : مشكله التانكي البنزين الاضافي للجيب!


abu hlal
31/01/2011, 11:09 AM
ياشباب انا فصلت تانكي بنزين اضافي لسيارتي جيب لاند كروز جي 2004 مكان التانكي الاحتياطي سعته تقريبا 170 لتر ....صراحه ريحني نسيت محطات البنزين!!!!

لكن المشكله:ان التانكي يسخن بشكل غير طبيعي مع حراره الجو والممشى في الصيف على شان كذا فكيته خايف انه ينفجر من كثر الحراره!!!طبعا التانكي صاج اسود (كاربون ستيل)
احد قد مرت عليه المشكله هاذي .....اتمنى تشاركوني الحل!

شاكر للجميع!
abu hlal
ابو99
31/01/2011, 11:28 AM
اخي اشتر من التشليح شد بلد وريح راسك وتدعيلي
abu hlal
31/01/2011, 03:06 PM
شكرأ للمرور ابو99

شد البلد طال عمرك سعته 40 لتر فقط .....وهذا 170 لتر فيه فرق واجد!!!!

مازلت ابحث عن الحل!
مواسي الطعوس
31/01/2011, 07:12 PM
طبيعي يحتر ..........ماجربت تانكي الماء اللي تحت .لكم لو تعزله راحت الحراره .وترى التانكي الاحتياطي الصحيح انه فوق 50 لتر ....اذكر يوم كان البنزين ب 90 هلله الشباب يعبونه ب 50 ريال .
نـجم الـشمال
31/01/2011, 07:19 PM
أظن ان حجم الخزانين حسب كتالوج 2007 فكسآر هو 115 لتر إذا ماني بغلطان
عموما لازم تشوف لك عازل للخزان لان البنزين مافيه لعب
تقبل ودي................
قطع عشره
31/01/2011, 10:07 PM
أخوي السلام عليكم بالنسبة للتانكي وين فصلتة وكم كلفك وياليت رقم الورشة وكيف العداد هل يعطي قراءة صحيحة؟ ولك أطيب تحياتي
تسعه وتسعين
31/01/2011, 10:22 PM
السلام عليكم ورحمة الله
اخوي انا ابي انصحك خذ من التشليح صحيح انه اقل سعه لكن لا حراره ولا غيره مصمم للبنزين واذا تبي زياده ركب الجركل اللي على الباب الخلفي منظر وينفعك وبالتوفيق
تقبل مروري,,,,
abu hlal
01/02/2011, 08:05 AM
شكرا للجميع بدون تحديد!

>اظن الحل :تركيب عازل على التانكي.....مادري احد قد سواه او لا؟

>بخصوص التانكي : كلف تفصيله مع التركيب 1300 ريال(بس فيه مشكلتين:الحراره, العوامه ماتعطي قراءه صح).
>اما بخصوص تركيب تانكي من التشليح.......القديم مازال عندي.

تحياتي للجميع!
؟؟؟شادي نجد؟؟
04/02/2011, 07:15 AM
اخوي انا اخبر واحد مثل مشكلتك وصبه بعازل من الخارج وطلع تقول وكاله واظن العازل زي القار بس والله ما ادري وش هو

سواه بالرياض بالصناعية القديمة جهة محلات التريلات تفصيل التوانك واللي سواه باكستاني شايب

بس اخذ عليه فوق الـ 1500
كديان
04/02/2011, 07:52 AM
اخوي الشي بالعقل

هل سبق انك لمست ماصورة البخاخات اللي فوق المكينة ؟؟؟؟؟؟؟\
جرب تلسمه تبي تحصل نار موقدة و ما عمره انفجرت ابد !!!!

معلومة اخرى
احيانا اذا كنت تدق سلف بشكل متواصل و الموتر يرفض يشتغل فهل تعلم ان طرمبة البنزين تزدح شرار
بوسط التانكي و لم تنفجر !!! لانه لا يوجد تنفيس للشرارة >>> هواء اوكسجين + حرارة

معلومة اخرى
هل تعلم انه يوجد اناس يطبخون على الدافور بطلعة برية عند الكفر اللي عند غطاء التانكي و لم ينفجر التانكي
و المضحك بالطلعة يقول واحد منهم موسوس لا لا لا ترى ينفجر التانكي ههههه

فكونا من الوساويس و فكروا بعقل و الكلام لكل شخص غير مفكر اعملوا عقولكم

على فكرة لازم تلبس التانكي من الاسفل بعازل مثل الوكالة لانه عرضة لضرب الحصى او اية شي بالخط
او قد يحك بجرف حصى بوسط شعيب او شغيه همن ينشق و يهرب عليك التانكي
abu hlal
06/02/2011, 03:18 PM
اخوي انا اخبر واحد مثل مشكلتك وصبه بعازل من الخارج وطلع تقول وكاله واظن العازل زي القار بس والله ما ادري وش هو

سواه بالرياض بالصناعية القديمة جهة محلات التريلات تفصيل التوانك واللي سواه باكستاني شايب

بس اخذ عليه فوق الـ 1500

بيض الله وجهك.....هذا الحل اللي ادور عليه
abu hlal
06/02/2011, 03:25 PM
اخوي الشي بالعقل

هل سبق انك لمست ماصورة البخاخات اللي فوق المكينة ؟؟؟؟؟؟؟\
جرب تلسمه تبي تحصل نار موقدة و ما عمره انفجرت ابد !!!!

معلومة اخرى
احيانا اذا كنت تدق سلف بشكل متواصل و الموتر يرفض يشتغل فهل تعلم ان طرمبة البنزين تزدح شرار
بوسط التانكي و لم تنفجر !!! لانه لا يوجد تنفيس للشرارة >>> هواء اوكسجين + حرارة

معلومة اخرى
هل تعلم انه يوجد اناس يطبخون على الدافور بطلعة برية عند الكفر اللي عند غطاء التانكي و لم ينفجر التانكي
و المضحك بالطلعة يقول واحد منهم موسوس لا لا لا ترى ينفجر التانكي ههههه

فكونا من الوساويس و فكروا بعقل و الكلام لكل شخص غير مفكر اعملوا عقولكم

على فكرة لازم تلبس التانكي من الاسفل بعازل مثل الوكالة لانه عرضة لضرب الحصى او اية شي بالخط
او قد يحك بجرف حصى بوسط شعيب او شغيه همن ينشق و يهرب عليك التانكي

مشكور على الرد!

الموضوع ماهو وسوسه....التانكي في الصيف....يصفر مع الغطا بشكل غير طبيعي....تقول قدر ضغط!!!

للعلم:طرمبه البنزين معزوله(مثل غطاس المويه)....ولا كان صار علوم.!!!!
العجمي.11
11/08/2013, 08:45 PM
اخوى مكشاتى لوتكرمت وين فصلت التانكي او رقم الورشه ابغاء افصل وهذا جوالى ٠٥٠٥١٠٠٨١٤
الهمرH2
11/08/2013, 10:25 PM
الحل هو

1 / بع تانكيك الحديد و خذ فلوسه ...

2 / رح لمصنع الوطنية لتوانك الفيبر الجلاس ...

3 / عطهم المواصفات و المقاسات و سعة
التانكي الي تبيه ...


فصل من مادة الفيبر جلاس المقوى وريح راسك




** معلومه تانكي بانزين الجيب من شركة نيسان
من نوع إكستيراء من مادة الفيبر جلاس ...
اماراتي 10
12/08/2013, 04:30 PM
انا فصلت لسيارتي خزان المنيوم كلفني 4000 واكتشفت انه البترول يفور من الحرارة فيه واول ما فتحت غطاا البترول فار في وجهي انا مع رائ الاخوان ركب خزان الوكالة اسلم واوثق لك
التعـ King ـديل
12/08/2013, 05:10 PM
معلومه للجميع مع ان الموضوع قديم ولكن للاستفاده

الوكاله 90 اساسي + 45 احتياطي = 135 لتر

مافرق كثير عن التانكي اللي فصلته