المساعد الشخصي الرقمي

مشاهدة النسخة كاملة : ياشباب وش رأيكم بكفرات مارشال


أبوبسام 0104
31/01/2011, 01:30 PM
بصراحه ابي كفرات لتاهو98باب واحد مقاس 70\275\17
وحصلتهن ب430ريال نوع مارشال كوري ضمان سنه فما ادري وش رايكم ياشباب او اللي يعرف عنها شي يعطينا العلم لاهنتوا
أبوفهد-5448
31/01/2011, 01:32 PM
والله ماعندي علم لكن ان شاء الله يفيدونك الاخوان ..
أبوبسام 0104
01/02/2011, 01:09 AM
للرفع رفع الله قدركم
abd135
03/02/2011, 12:09 AM
ممتازة ماعليها كلام,
أنا ركبتها على بليزر وماشي عليها 65ألف وكأنها جديدة
أبوبسام 0104
03/02/2011, 02:53 AM
مشكور اخوي على الرد
بس حبيت استفسر عن بعض الامور
وش رايك فيها بالصحراء وكذلك الخطوط هل لها صوت وتنفع مع السرعه ع160
abd135
03/02/2011, 08:37 AM
بالنسبة للبر الكفرات حقت بر ، وسرعة الكفر عالية اكثر مما تحتاج ، اما الصوت فيها صوت
أبوبسام 0104
04/02/2011, 03:03 AM
بيض الله وجهك وماقصرت على الإفاده
.أبوعبدالرحمن
08/04/2011, 10:07 AM
أنا رحت للغرابي أمس وشفت كفر المارشال

كفر حلو وقيمته مقارنة بالكفرات الثانية حلوة وكذلك مواصفاته مثل مواصفات الميشلان لأن الحرارة AA والسرعة الى 220 كم / س والتآكل حلو ونقشته إنسيابية وجميلة

لكن عيبه لأصحاب الجيوب ما تجي فيه كتابات مع الجنب ، طبعا أنا رايح لأجل الباثفندر حقي
مسير عليهم
08/04/2011, 10:46 AM
انا ناوي على هالنوع لسيارة عندي وسعره منافس لغيره لكن اخبرهم قالو لي انه ياباني ..!!
.أبوعبدالرحمن
08/04/2011, 06:12 PM
انا ناوي على هالنوع لسيارة عندي وسعره منافس لغيره لكن اخبرهم قالو لي انه ياباني ..!!


مالك لوا يالغالي مارشال معروف إنه كوري ، وعليه ضمان سنة ووكيله الصافي


والله إنه ودي أركبه لكن خايف منه شوي لقلة استخدامه من الناس ولا فيه أحد الى الان عطانا تجربته مع الكفرات خصوصا الباثفندر الواحد 450 ريال بالغرابي
احترت
11/04/2011, 09:04 AM
بالنسبه للمارشال جربته الصراحه كفر بما تعنيه الكلمه جلس على الموتر 3سنوات ماشكيت منه
بس عيبه مافيه كتبه
أبوبسام 0104
11/04/2011, 04:23 PM
احترت
هل موترك دفرنشين واذاكان كذا كيف تقييمك للكفر بالبر
وكذلك في الخط على سرعة 160
أبو عزّيز
25/08/2011, 04:57 AM
يا أخوان بكم سعره الان بالايام هذي احد يعرف الله لا يهينكم

ووكيله وين موقعه لان اليمنيين الله يهديهم بالشرق معطيني سعر عالي للكفر

وهذا اللي خلاني ما اركبه قلت احول على ياباني دامه حول سعر الياباني .
* ابو باسل *
25/08/2011, 05:06 AM
الحين اليمنه لعبو فينا والله في كل محل في كل شارع في كل محل غيار زيوت ويرفعون الاسعار على هواهم والمشكله انهم يتفقون اتفاق جماعي لانهم كلهم يعرفون بعض ياناس الهنود الي كانو في محلات غيار الزيت وفي محلات بيع الكفارات طردوهم اليمنه وجاو محلهم والحين بعد صرت اشوفهم في مغاسل السيارات ويرفعون السعر بعد على مزاجهم والله يبي لهم لفته من الدوله وتقليل عددهم باي طريقه لانهم قربو ياصلون اكثر منا في بلدنا .
WWS
25/08/2011, 05:10 AM
يا أخوان بكم سعره الان بالايام هذي احد يعرف الله لا يهينكم

ووكيله وين موقعه لان اليمنيين الله يهديهم بالشرق معطيني سعر عالي للكفر

وهذا اللي خلاني ما اركبه قلت احول على ياباني دامه حول سعر الياباني .




ؤيش المقاااس اللي تبيه ؟
هواي البر فهد
25/08/2011, 08:31 AM
الحين اليمنه لعبو فينا والله في كل محل في كل شارع في كل محل غيار زيوت ويرفعون الاسعار على هواهم والمشكله انهم يتفقون اتفاق جماعي لانهم كلهم يعرفون بعض ياناس الهنود الي كانو في محلات غيار الزيت وفي محلات بيع الكفارات طردوهم اليمنه وجاو محلهم والحين بعد صرت اشوفهم في مغاسل السيارات ويرفعون السعر بعد على مزاجهم والله يبي لهم لفته من الدوله وتقليل عددهم باي طريقه لانهم قربو ياصلون اكثر منا في بلدنا .





والله صدقة كلام صحيح:good::good::good:

حتي تلعب بلسعار مهو طبيعي وكلهم تفاقيه مثل ماقلت
وفوق هذا والله مخذين رحتهم اكثر من ابن البلد
eng_mkhalaf
26/08/2011, 12:19 AM
يا جماعة الخير
توى جاى من محل كفرات كبير عندنا وسألت على مقاس 265-70-17 حق الجمس كان من الأخر بالتركيب والترصيص 600 ريال للحبة وانتاج الأسبوع 11 من 2011 - أيش رأيكم فية
وبالمناسبة فى عرض على التويو اليابانى أبو كتابة أنتاج الأسبوع 41 من 2010 ب 600 ريال برضة
أحترت الصراحة مش عارف أجيب أية
أبوبسام 0104
26/08/2011, 12:56 AM
سعره عندنا في بريده 17-265-70مع التركيب والترصيص550 وهذا الكلام في اول شعبان
أبو عزّيز
27/08/2011, 09:56 AM
ؤيش المقاااس اللي تبيه ؟

والله يا الطيب شريت أثنين قلت اجرب قدام

واشوف أسبوع ولا عشر ايام ان جازن لي ركب اللي وراء

أعتقد المقاس 65 على 265

وسبحان الله طابقت ارقام الكفر الدنلوب مع المارشال نفس الرقم

لاكن يوم ركبت الكفر المارشال قرب الكفر لم الرفارف حتى شكيت انه يبي يحك

إذا مشيت ولا لفيت ما شاء الله كفر يبان حجمه كبيره

لاكن مو زي الدنلوب الدنلوب بالراحه خيالي

مع انه قديم الدنلوب معي له سنتين إلا انه تقول جلي

لين وما تدري بالمطبات ابد

وبصراحه احس الموتر ثقل شوي مع اني ما جربتهن إلا ساعه

أبشوف يمكن الهندي حاط الكفر على 40

واللي شجعني على شراءه الحراره A والتراكشن A


الدنلوب والبرجستون واليوكوهاما مافيه كله B > B

والميشلان مخلص درجة A

وترى سعره زاد 100 وشوي عن قبل شهر تقريبا !!!!

تحياتي
أبو عزّيز
28/08/2011, 10:34 AM
يا اخوان تصدقون والله كنت ما اقدر اتعدى 120 ابد

تبدأ السيارة ترقل رقل ما اقدر اسيطر عليها

رصصت ما فيه فايده

غيرت الكفرات اللي قدام وماشاء الله اليوم امشي بطريق كبير والله اني تفاجأت ان الطبلون

150 كلم وبسرعة رجعت للـ 120 كلم

ترى الكفرات لهن دور
اليسير
28/08/2011, 01:16 PM
ماشاء الله تبارك الله ربنا يبارك لك فيه ومعلومات أفادتني
يعطيك العافية

تحياتي