المساعد الشخصي الرقمي

مشاهدة النسخة كاملة : محتاج بعض المعلومات والسيارة فورد م99 ماركيز عن طريق الدمام - المدينة


مستعجل
31/01/2011, 07:11 PM
السلام عليكم
إن شاء الله ناوي السفر من الدمام إلى المدينة المنورة نصائحكم لأني أول مره أسافر إلى المدينة ... وابشروا بالدعوة الطيبة من طبية الطيبة
ابو الشمقمق
01/02/2011, 01:41 AM
نصائحنا
اولا امش بعد الفجر من الدمام
تاصل الرياض الساعة 8 أفطر اوصف لك فوااااااااااااااااال ممتاز
اذا دخلت الرياض بيصير المزاد الدولي للسيارات على يمينك
بعده بتجيك محطة المدرج يمين ادخل الخدمة من عندها بتجيك اشارة لف معها يسار بيشوف فواااااااااال الافراح يسارك ديور وارجع له افطر عنده ممتاااااز
وثم ابتل للقصيم بتاصل ان شاء الله الساعة 1 وتغدا بالقصيم وريح ازين لك الى العشاء او الى اليوم الثاني اذا مانت مستعجل وتمشى بعنيزة شوي مر مهرجان الغضا
وبعدها اطلع لمدينة رسول الله صلى الله عليه وسلم وتمش فيها شوي وكمل برنامجك كما تبي
هذا اقتراحي لك ولاتنساني من دعائك
مستعجل
01/02/2011, 07:46 AM
لك الدعاء وشكرا لك
سعود بن حايل
01/02/2011, 01:42 PM
نصيحة
امش الفجر من الدمام ولا يردك الا المدينة لا توقف الا للبنزين والفطور والغدا واهم شي لاتسرع
واذا تبي توقف ولا تروح يمين ولا يسار عز الله تبي تنتهي الاجازة وانت ماوصلت
مستعجل
01/02/2011, 03:58 PM
نصيحة
امش الفجر من الدمام ولا يردك الا المدينة لا توقف الا للبنزين والفطور والغدا واهم شي لاتسرع
واذا تبي توقف ولا تروح يمين ولا يسار عز الله تبي تنتهي الاجازة وانت ماوصلت

عزالله صدقت
ابو الشمقمق
02/02/2011, 01:32 AM
اذا كنتوا شباب وفيه اكثر من سواق دعسة وحدة للمدينة
اما اذا السواق انت بس لاوالله ريح وريح لااسك 1300 كم ماهي لعب
مطنوخ قطر
03/02/2011, 03:25 PM
حياك الله يامستعجل وخل عنك العجله:) حرك من الدمام ثمان ثمان ونص وخلك على راحتك,الطريق من عندك للمدينة مسارين وواسع, من الرياض خذ طريق القصيم (ياحبي لهالطريق) ولياجاتك دحديرة الغاط صورها وانت راجع منظرها عجيب, من القصيم الى المدينة مافية ساهر, فيه رادار امن الطرق (نشاما يسامحونك على السرعة) وليا اقبلت على وادي ساحوق هد السرعة ومتع ناظرك بالمغاتير:good2: والشعل والصفر على يمين ويسار الطريق والله الله لا وصيك سلام سلاااااااااااام ليا مريت على مخرج الحناكيه قل لهلها سلام من قلب وتراك وصلت خير, المدينه ماعاد دونها شي......
naw1waf
04/03/2011, 09:45 PM
توصل بالسلامه ان شاء الله اهم شي لاتسرع
رسّام
05/03/2011, 08:33 AM
الاهم من هذا كله : اذا طلعت من القصيم ب70 كم تقريبا بتجيك محطة بانزين النبهانية لازم تعبي منها لان اقرب محطة بعدها على الطريق ب300كم تقريباً .

وبالنسبة لساهر بيكون متواجد بمدخل القصيم وانتا جاي من الرياض انتبه له خصوصا بالليل
ومدخل المدينة نفس الشيئ
هوايتي مكشات
05/03/2011, 12:45 PM
تروح وترجع بالسلامة