المساعد الشخصي الرقمي

مشاهدة النسخة كاملة : تركيب تانكي اكبر للباترول


المارينز77
31/01/2011, 09:10 PM
ياشباب ابي حل لتانكي البنزين حق الباترول من الموديلات القديمه 90 الى 97 . ابي احد يفيديني بطريقه تركيب تانكي اكبر للباترول ويكون مجرب ولايوجد فيه اي خطوره .
والي عنده خبره ومجرب يقولي وين اركب باي ورشه مجربه وكم الاسعار علما بان موقعي الدمام ان حصل ورشه بنفس المدينه ولى عاد ياالرياض ولى القصيم. ارجو الافاده
owwn
31/01/2011, 09:13 PM
اخوي بقولك تجربتي
انا شريت تانكي من عند الرمايه اصلي استرالي سعره 3650 وركبته عند الدفع الرباعي الي بطريق العروبه ب400 ريال
وبعد السياره وهو فيها جربته سنه ماشفت منه شر ولله الحمد
المهاجر انا
31/01/2011, 10:46 PM
والله غالي يعني ب4050 قيمة سيارة
بني عدنان
31/01/2011, 11:33 PM
فيه صناعية حرمه ورشه يركبها تانكي حديد وشغل وكاله يكلفك 600 ريال
ابو شجاع
01/02/2011, 02:53 AM
بني عدنان

الله يهديك وضحلة( حــرمـة ) وينها فية....

حرمة تابعه لمدينة المجمعه
K.S.A.A
01/02/2011, 09:45 AM
شف وأنا أخوك أكيد تلاقي بالدمام ورشه يركبون ومتخصصين بعد
لكن يعينك الله تنزل للصناعيه وتسأل وصدقني تلقى .
وأن مالقيت فهم موجودين بالرياض والخرج والقصيم بكثره .
المارينز77
03/02/2011, 07:29 PM
والله غالي ب4000 استرالي . بعدين ابسال تانكي حديد مايضره بعدين من ناحيه الصدا . بعدين ياشباب الرياض افيدون اذا احد مركب بالرياض تانكي كبير ومجربه يقولي وين بالضبط المكان
المهاجر انا
05/02/2011, 09:01 PM
وش اسم الورشه اللي في حرمه لا حرمك الله الاجر
ابو شجاع
06/02/2011, 01:24 AM
اذا مانيب غلطان اسمها (الانجاز)
abo-khalid
07/02/2011, 02:13 AM
يوجد موضع بالمنتدى قريته وحبيت انك تطلع عليه للفائدة
كاتبه ابوهلال

ياشباب انا فصلت تانكي بنزين اضافي لسيارتي جيب لاند كروز جي 2004 مكان التانكي الاحتياطي سعته تقريبا 170 لتر ....صراحه ريحني نسيت محطات البنزين!!!!

لكن المشكله:ان التانكي يسخن بشكل غير طبيعي مع حراره الجو والممشى في الصيف على شان كذا فكيته خايف انه ينفجر من كثر الحراره!!!طبعا التانكي صاج اسود (كاربون ستيل)
احد قد مرت عليه المشكله هاذي .....اتمنى تشاركوني الحل!

شاكر للجميع!
والله يوفق الجميع ودمتم سالمين
هاوي موتري96
07/02/2011, 02:33 AM
فيه ورشة بدر في صناعية العاصمه الي على الدائري في الرياض مخرج 28 يفصلون توانك وشغلهم تمام التمام

وصاحب الورشه رجل خلوق جدآ دق على جواله احسن لك واستفسر منه 0545589618
نهر العطاء
29/03/2011, 01:19 PM
هاوي موتري 96 يعطيك العافيه .