كــــــــــــشــــــــــــــــافـــــــــــــــــا ت الســــــــــيــــــارات -عاجل

[2500HD]

بسم الله الرحمن الرحيم
السلام عليكم ورحمة الله وبركاته
كل عام وأنتم بخير
يا اخوان انا قمت بالبحث في مواضيع المنتدى عن افضل نوع كشافات وللاسف مالقيت ولا موضوع
انا معي ونيت جمس 2005
غمارتين
ابغى منكم نصيحة لاني لازم اركب الكشافات بكره الصباح
يعلم الله ان مستحي منكم اني اضيع وقتكم لكن والله لولا اني متورط ما كتبت

ما هو افضل نوع كشافات
ما هو افضل مكان لها
هل يوجد ضرر على البطارية او كهرباء السيارة او اي شئ آخر
هل الافضل اركب 4 كشافات او 2 ؟
اين افضل محل للتركيب علما باني في الرياض
واعدكم يا اخوان ان ارد لكم الجميل بموضوع متكامل عن الكشافات مدعم بالصور

اتمنى الاجابة على الاسئلة وجزاكم الله خيرا

والله اني على احر من الجمر في انتظار ردودكم
في امان الله

[2500HD]

تكفون يالربع والله اني الى الان انتظر على احر من الجمر
:hot: :hot: :hot: :hot: :hot: :hot: :hot: :hot:

[2500HD]

تكفوووون يالربع يعلم الله اني في وضع محرج

[كشات]

http://www.geocities.com/hraaar_1/1100218787_starting_word.gif

اخوي اتوقع محد من الشباب عنده فكره عن اللي تبيه او انهم خايفين على الجرابيع من كشافاتك

وانا بقول اللي اعرفه

فيه كشافات نوع PIAAيابانيه هذي افضل شي جربته على سيارة اخوي

وان بغيت تعرف الكشاف هو زين والا لا

شف تركيز الاضاءه حقته على مسافه بعيده

يعني خذ الكشاف قبل التركيب ورح لشارع مظلم اشبك الكهرب يدوي وجرب اضاءته ان كانت اقوى واكثر تركيز من انوار السياره الاصليه فهذا هو المطلوب

وان شاء الله انك منت من اللي يستعملونها بالطرق الطويله بالليل (تراي ادعي عليهم من قلب) :no:

اتمنى اني افدتك بشي بسيط

[القماري]

عليكم السلام ورحمة الله وبركاته أخنا العزيز
بحسب ما أعرفه عن الكشافات
أقول
الأفضلية للكشافات الألمانية ماركة (هيلا - Hella) (هذه معلومات قد تكون قديمة وقد يوجد ماهو أفضل حاليا)
تأتي بعدها كشافات Ipf وبعدها كشافات Piaa
جميع تلك الماركات تأتي بموديلات مختلفة ومتنوعة وكل بحسب قوته وسعره.
وحاليا توجد في الاسواق كشافات (زينون ) القوية جدا ذات النور النهاري.
معضمها تركب في عمود خاص يركب على الصدام الأمامي أو حتى في الصدام نفسه والبعض يركبها على عمود على ظهر السيارة (بحسب رغبتك وماتراه مناسب لك)
بخصوص الأضرار (النصيحة أن يركبها فني كهربائي متخصص وأن تركب بكامل معداتها الكهربائية تأتي معها أو تباع منفصلة وبحسب القوة أيضا)
هذا ما أحببت أن أضيفه مع تمنياتي أن تفيدك

[2500HD]

الاخ كشات والاخ قماري
لله دركم ,,, وانا مدين لكم برد الجميل جزاكم الله خير

[رفيع الشان]

أخوي 2500

عندي لك اقراح


انا عندي جيب للبر


ركبت عليه كشافين وغيرت الشمعات الداخليه الماني 100 ( مدري شمعه ولا امبير :) )

لكن طلعت تنور مناطق بعيده وبقوه ممتازه جدا افضل من كشافات امريكيه قديمه راكبه على جمس قديم ...

والشغله كلها كلفت تقريبا 150 ريال فقط

100 للكشافين

50 للشمعتين ..

ونقبل تحيات


فمان الله